cksiris's Profile

健康控出沒😈 Build your own bowlRating: 8/10HK$ 68Soba (+$5), poached egg (+$5), Chicken Patty, Chickpeas, Brandy Onion sauce, Beetroot, Kale, Pumpkin, Cherry Tomato, Jicama, topped with flax & pumpkin seed.蕎麥麵（+$5），荷包蛋（+$5），雞肉餅，鷹嘴豆，白蘭地洋蔥醬，甜菜根，羽衣甘藍，南瓜，櫻桃番茄，豆薯，配上亞麻和南瓜籽。呢度嘅食材蔬菜🥗都好新鮮, 最鍾意食佢甜甜嘅南瓜, 第一次食雞肉餅覺得好特別又好食, 總之成日都覺得成個人都健康左🤣近排開始注重健康，越嚟越鍾意食健康飯盒。👵🏻發現咗呢間fusion菜，多菜多肉，維持人每日需要嘅營養。重點係佢哋係好食嘅健康野, 仲要好大份, 次次未食晒就好飽🤩減肥餐通常都唔好食😇我發現上佢哋嘅網站可以計到卡路里、碳水化合物、蛋白質同脂肪嘅比例添! 🤓 btw 呢個唔係一個廣告, 雖然我極力推介…Read More

千層蛋糕控出沒😈 抹茶流心Rating: 8.5/10HK$ 38濃濃的抹茶味，仲有流心🤪又香又濃又滑☺️抺茶控必食之選香芋mix牛乳Rating: 8/10HK$ 34第一啖食落去比抹茶味更幼滑,估計因為有大量牛奶. 🐮不過一開始覺得牛奶味比較重, 要食到差不多最尾先感覺多D芋頭味.🍠之前聽聞呢間蛋糕舖好出名, 今次真係好好彩, 咁啱喺佢12:00開舖嘅時候去到, 都已經排第三個😇大家食嘅話要盡早去排隊囉…Read More

雞蛋控出沒😈終極TKG生雞蛋拌飯 +三文魚Rating: 9/10HK$ 39+28從來冇諗過生雞蛋撈飯可以咁好食，蛋白就好似一朵雲咁，輕飄飄軟淋淋☁️加上日本豉油同調味料、日本珍珠米，撈埋一齊，原來係人間美味。另外加咗三文魚做配料，下次可以試吓其他，我相信如果加吞拿魚茸可能會更加好食😋😈五款玉子串燒Rating: 9/10HK$ 68五款玉子燒上面加咗唔同嘅配料：蕃茄仔、海藻醬、親子三文魚、鱈魚子沙律同蟹肉。呢度嘅玉子燒都非常嫩滑，細細件可以一啖擺落口😚趁熱食甜甜暖暖的，溶化喺口入邊。食得出呢度啲蛋真係靚蛋🥚😈芝士明太子筷子卷Rating: 7/10HK$ 38個筷子燒其實有少少失望，好難擺入口食。味道似大阪燒，冇咩大驚喜。😈宮崎和牛漢堡配太陽蛋Rating: 6/10HK$ 128男朋友睇中佢和牛🐂就叫咗嚟食，唔知係咪因為整成漢堡扒所以好淋。總之我就係覺得好一般。嚟呢度應該都係食返蛋會好啲🍳總括嚟講下次都想來多次，因為今次食得太飽食唔到個pancake🥞仲有佢個TKG真係值得再嚟…Read More

雪糕控出沒😈69% 黑朱古力雪糕Rating: 9/10HK$ 31見到Via Tokyo竟然出咗綠茶以外嘅味道，當然要即刻試吓啦！拎上手已經好重手🤩估唔到佢嘅朱古力味又真係好濃郁，好似食緊朱古力醬咁，🍫但黑朱古力味所以唔會太甜。不過比起綠茶雪糕就熔得好快啦。 😈白玉抹茶焙茶雪糕Rating: 10/10HK$ 49呢度所有雪糕都可以轉做Mix，當想食多一種口味都可以咁做！😃 我個人來講就最鍾意呢度嘅焙茶味，茶味夠香濃，比綠茶味多咗一份韻味、餘香。白玉口感煙韌，配雪糕非常好食😋雪糕質感熔得慢，結實又滑嘅口感，真材實料。呢間雪糕舖真係差唔多每次經過都會買來食，不斷覆桌覆桌再覆桌😇 大概係我食過最好食嘅綠茶雪糕🍦…Read More

男朋友生日嚟到呢一間墨西哥菜餐廳食飯,其實好早之前見到佢新開都已經有啲想試。餐廳處於希慎入邊一個幾隱蔽嘅地方，外面無人招待，唔行入去都唔會發現原來餐廳嘅入面環境係咁好。佢係真係好似外國嗰種係天台嘅露天酒吧，好適合同一大班朋友嚟飲酒吹水食飯。墨西哥控出沒😈 Quesadilla (chicken)Rating: 9/10HK$ 125我哋三個人叫咗四個菜式，其中我最鍾意嘅係呢個墨西哥雞肉餡餅。佢有埋sour cream同埋牛油果醬，搽晒牛油果同sour cream上個餡餅，加啲tabasco辣椒醬，再一啖放落口。正！咬落去完全食到滿滿嘅芝士同埋厚厚嘅雞肉🍗，仲有洋蔥同埋煙肉，口感配合得天衣無縫，係滿足嘅味道！USDA Chilled Prime Grade Rib Eye 14 ozRating: 9/10HK$ 290牛扒叫咗五成熟，係我食過咁多間牛扒之中算係數一數二好食。食落去係好軟熟嘅，保留到牛扒嘅原汁，味道好有牛味，調味啱啱好，唔點Mustard都好好食。配菜有西式蒜蓉豆，薯條🍟Nachos (regular)Rating: 7.5/10HK$ 118我自己本身超級鍾意食nachos，但呢個反而令我有啲失望。可能係佢上面鋪得太多芝士，食咗一塊之後已經覺得有少少膩。不過點左sour cream都可以解膩。Fish & Chips 🐟Rating: 7/10HK$ 108呢個係店員推介我哋食嘅，但我就覺得佢相比起我哋叫嘅另外三個菜略遜色。不過其實佢個魚都炸得好鬆化，反而薯條就吸晒炸魚啲油，變得好油膩。如果醬換成炸魚專食嘅他他醬，可能會提升整個菜嘅競爭力。🤩整體來講我覺得呢間餐廳性價比非常之高，其實本身我哋冇諗住每碟菜咁大碟，所以先叫咗四個。結果我哋三個人都係食唔晒要打包返屋企。食到飽一飽，每人平均都係用咗港幣二百幾蚊，非常之抵食。下次如果冇咁大風，我一定會坐出啲，叫杯cocktail飲下。🍸…Read More

素食控出沒😈未來漢堡Deluxe (期間限定)Rating: 8/10HK$98新豬肉擔擔麵Rating: 7.5/10HK$79為咗健康,其實而家間唔中都會同朋友去食素菜。你一間素食餐廳係香港數一數二，都有好多間分店，而且食物種類好多：有西餐去到中式、東南亞菜都有。今次佢叫咗個素肉漢堡包同擔擔麵。未來漢堡扒配火箭菜、蕃茄、蘑菇及秘製黑松露醬。佢嘅肉質唔會硬,不過稍嫌少咗啲汁,可以再Juicy D。植物肉豆乳擔擔面，雖然食落去唔係好辣，但都有擔擔面嘅配料,有豆乳的順滑感同豆奶味。整體來講,素食落去其實好似真嘅肉一樣,係唔會食得出係用豆做嘅。對於第一次食素嘅人來講係好好嘅選擇。…Read More

菠蘿油控出沒😈 日式菠蘿油 (芝士）+ 牛油果奶套餐Rating: 7/10HK$ 36日式菠蘿油 (抹茶）Rating: 8/10HK$ 22今日出去買lunch嘅時候發現公司附近有間賣日式菠蘿油, 好吸引就同同事一齊買咗嚟食。首先講吓牛油果奶，老實講呢個一般般因為係屋企都可以自己做到：將牛油果蓉加入鮮奶就已經係，唔同一般係街度飲嘅牛油果Smoothie，唔太建議買來飲。菠蘿油係新鮮整出嚟，雖然我哋食嗰時已經凍咗少少，但都feel到佢冰火嘅效果。菠蘿包好鬆脆，質感非常唔錯。芝士味我個人覺得第一啖食落去芝士味唔出，但同事就話食到cream cheese味。相反抹茶味就係我哋兩個一致覺得非常唔錯嘅，佢連個菠蘿包都係抹茶皮，濃濃嘅抹茶cream，入口即溶正！…Read More

海南雞控出沒😈 天天海南雞飯Rating: 6/10HK$ 80 (lunch)因工作到了圓方，同事說這間海南雞飯在新加坡非常出名，所以就進去嘗一嘗。當天其實很想吃麵,但來到專門食海南雞飯嘅餐廳,怎可以不吃海南雞飯?海南雞係冇骨嘅，肉質尚算嫩滑，雞油飯亦非常香。竟然仲附上我最鍾意食嘅溏心蛋，可是蛋就不及日本餐廳所做嘅糖心蛋入味。飯上面本來已淋上一個醬汁，我自己口味就覺得醬汁有點咸，有點奇怪。唔知道呢個係咪新加坡風味🤔性價比有啲低,$80我expect食到更高質素嘅海南雞飯。…Read More

健康控出沒😈 香菇豆腐素大碗 (蛋奶素)Rating: 8/10HK$ 66 + 10 (溫泉蛋)同朋友喺情人節嚟到呢一間黃店食飯。呢間餐廳主打食魚生飯，但我又唔想食魚生飯，所以揀咗呢個素飯。😂 見佢咁素我就加咗隻溫泉蛋，我揀咗跟壽司飯加沙律菜。上菜之後見到咁大碗真係呆左一呆😦同埋感覺真係好健康，成碗都係綠色嘅😂佢嘅配料有：豆腐、雜錦香菇、海帶芽、枝豆仁、青蔥同埋香菇醬油。佢個醬油真係好好味酸酸甜甜，😍加埋溫泉蛋，搞到我食飽之後都仲繼續食，差唔多食晒成碗。😋😋啲香菇炒得好香上面仲有芝麻，豆腐好有豆味，海帶都好入味。係配沙律嗰邊，稍為有啲乾。另外叫咗杯牛油果奶昔，一飲落去好重香蕉味，真材實料好飲！總括來講係好值得去食嘅，抵要排隊入場食嘅。…Read More

Burger控出沒😈 Ruby’s Classic BurgerRating: 8/10HK$ 108 (Lunch)老闆請食飯, 其實今次第二次食Ruby Tuesday. 上次食左七成熟的New York steak，真係唔是太好食，搞到對呢間野印象好差。今次試吓佢哋個burger，點知有幾好食。個burger好明顯feel到佢夠牛肉好有重量，厚身好足料，juicy肉質唔會硬。值得一提嘅係佢個面包，兩邊都有落牛油烤過，香口好似多士咁正。配料方面特別有炸過嘅洋蔥同埋生洋蔥，煙肉同車打芝士等basic配料。係生洋蔥食到會口臭，其他都好好。薯條都係好食嘅。…Read More

意粉控出沒😈 菠菜汁雞肉野菌扁意粉Rating: 9/10HK$ 98 +1 (Set dinner)意粉好有驚喜，超出預期好食。首先一上菜就聞到燒窿的氣味，意粉上面灑了芝士粉並稍燒了一下，令食入口整個面變得更香。菠菜汁的比例剛好，每口都食到醬汁。雞肉同菌比較細粒，卻可以與意粉一同放進口中品嚐十分細心。Set Dinner 包一個餐湯同一杯飲品(套餐價)餐湯係南瓜湯，唔會太濃太淡，味道不錯。飲品唯一唔洗加錢的得lemonade同Espresso，所以叫左lemonade，本身驚會唔好飲，好彩還好。性價比一般，但食物是好食的，然後還是黃店，當然要支持…Read More

大推小店❗😋 香煎西班牙白豚護心肉伴檸檬柚子汁Rating: 9.5/10HK$ 53 (2點後8折)🍖護心肉一食下去非常軟熟，好有肉的香味。加上酸甜的柚子醬🍋，食到停唔到口。伴的雜菜🥕🥬似係白烚，但又好鮮甜。俾我的感覺係係食材上真係好足料，用靚料。價錢真係抵食到一個點，水準有出邊d好貴嘅高級餐廳。🤩在公司附近的一間良心小店，聽老闆同食客的對話，得知他們竟然是全年無休，只因一休息就可能做不下去，真的很心酸。大家多多支持佢地啦!👍…Read More

滑蛋控出沒😈 滑蛋豬扒飯Rating: 8.5/10HK$ 55 + 2 凍奶茶大排檔呀～ 食過我先知原來豬扒炒蛋都可以整到成個奄列飯咁😮 一定要加甜豉油! 因為我覺得豬扒都係咸左少少，不過勝在煎得夠香😋 總括最好味係杯絲襪奶茶 🍵😍…Read More

吉列控出沒😈 吉列豬扒拉麵Rating: 8/10HK$ 92吉列豬扒外層的炸粉好薄🐖豬扒炸得都幾鬆軟， 可點日式醬或檸檬汁(個人較鐘意檸檬汁,非常開胃) 拉麵湯底有好濃郁嘅豬骨味，加上炒過的蒜頭同芝麻😋超級香🍲比較似在日本吃到好多油的拉麵🤤…Read More

牛扒控出沒😈 炭燒美國頂級肉眼扒Rating: 8.5/10HK$ 308牛扒有驚喜，鮮嫩多汁，脂肪位入口即溶☺️ 唔使點醬已經好好食🥩配菜嘅薯蓉撻都好有創意，有誠意之作！性價比唔錯••Pizza控出沒🍕 Margherita PizzaRating: 7.5/10HK$ 158芝士味好重，但亦因為咁冇番茄的個幾塊pizza就變得好膩。 餅底薄身，唔會太heavy仲有食左個泰式柚子沙津，酸甜辣幾好食唔記得左影相😫…Read More