wingc232's Profile

之前其實幫襯過一次，今次再同屋企人去食晚餐，味道又比之前更好喎！我叫咗豚肉生薑燒定食，份量好足（雖然叫咗少飯🤣），飯菜湯都好夠熱（出去食嘢好重要的一點），坊間應該多數用洋蔥配豚肉，呢度用咗好多椰菜，感覺食起來更健康～ 食了幾口才影🤣佢哋都有咖喱蛋包飯，屋企人叫咗雜菜蛋包，試了幾口都好足料好惹味，同場聽到好多人都叫，另外仲有炸豬扒，天婦羅等等嘅蛋包飯，下次會再去試～員工嬸嬸、叔叔們都好好人，問佢哋野都好好態度～ 已打算每個星期都去幫襯吓～…Read More

本身諗住去家後2.0，但撞正定休日，唯有行多幾步去本店。離遠見到已有十幾人等緊，我哋最後排咗大約35分鐘～因為人太多入去前店員叔叔已幫我哋落定單，我哋叫咗芫茜湯餃，菠菜芹菜煎餃，咖喱牛腩飯同兩件芝士蛋糕🍰 芫茜餃食第一啖已覺得係世界上最正嘅芫茜餃，煎餃我平時唔多食，今次竟然顛覆咗我印象，煎得好鬆軟易入口，又唔會𠝹損個咀，總之十分好味🤤咖喱飯老公話普通，沒太大驚喜⋯我哋又叫咗一件原味同一件開心果味芝士蛋糕，size比較細件，食完都唔會好滯⋯可惜我係路痴，無人帶住係唔會識自己去🤣…Read More

之前已同屋企人食過兩三次，覺得菜式好新穎同味道唔錯，今次就同老公撐枱腳。 我哋叫咗豬頸肉，茶葉沙律，咖喱軟殼蟹同埋班蘭飯，樣樣都幾好味，係咖喱蟹同豬頸肉份量比較少，我哋仲叫咗班蘭咖啡，老公突然傷風感冒，我叫咗香茅檸檬俾佢～豬頸肉，店員會點火烤一秒，份量唔算多，墊底的菠蘿都幾好味茶葉沙律好大份，味道幾清新咖喱軟殼蟹好惹味，最啱配蒜蓉包或白飯班蘭飯顏色好翠綠好靚，好好味，每次都必叫班蘭咖啡略嫌唔夠班蘭味，稍為失望香茅檸檬好大杯～埋單後有優惠挖挖卡，挖中咩優惠下次幫襯時可使用，估計而家好少餐廳有呢啲野玩了⋯ 希望餐廳繼續有新穎又好味嘅菜式，下次再幫襯～…Read More

聽聞呢間烏冬餐廳要排隊，所以一放工就衝去食😅可能真係太早啦完全唔駛等位～ 我哋叫咗明太子烏冬加天婦羅盛合，仲有咖喱薯仔烏冬加炸雞，可惜咖喱烏冬有牛肉所以我食唔到⋯ 賣相同日本嘅相差唔遠，可改善嘅係烏冬汁可以再俾多啲～ 烏冬都算係好彈牙好好味～天婦羅方面，估唔到都炸得好脆口乾身，炸紙菜都好味，炸雞都唔錯，只係雞肉味道較淡無咩雞味可改善地方係，要顧客用qr code落單之餘，亦希望有實體menu參考，唔係全部人都知有咩菜式可以揀，亦唔清楚道菜有啲咩喺入面，手機圖片太細完全參考唔到🧐🧐…Read More

之前幫襯過一次，都係求其叫咗個味，今次叫咗抹茶園，乳酪唔夠酸味⋯ menu一望未係好知點樣叫，所以都係揀preset咗嘅味道⋯ 抹茶園抹茶味唔夠，食到底底有幾粒我完全唔鍾意嘅藍莓，配搭好奇怪，應該會係紅豆吧😥⋯最大打折扣嘅一點係⋯ 店鋪幾乎無位可以食⋯ 出面車來車往沙塵滾滾根本唔會想係出面食⋯ 想影張相打卡都難⋯ 趁人唔多，又驚之後有人⋯ 好趕地在店入面食⋯ 下次想再幫襯都真係要再諗諗⋯ 😶‍🌫️😶‍🌫️…Read More

今晚平日夜晚較為少人，坐得比較星期六日鬆動舒服～我哋叫咗卡邦尼意粉，細沙律，蕃茄芝士pizza ，黑松露醬薯條（熱辣辣好正！），仲有香蕉鬆餅甜品，全部都好好味，賣相擺盤亦佳！意粉同薄餅包兩杯凍熱咖啡或檸蜜～佢哋本新menu好別出心裁，同香港鬼怪合作，都算係推動本地另類藝術文化。最近又搵緊屋企附近有咩早餐好食，我就問店員會唔會有早餐menu可以睇吓，店員亦很幫手拎俾我睇，之後會搵日去幫襯～～…Read More

同屋企人做節，經過就買咗個乳酪食，本身見裡面有張灰色枱諗住可以立食，點知食咗兩吓俾店員請走⋯ 買嗰陣又唔講⋯其實明知係賣乳酪雪糕唔通諗住個客買返屋企食？ 出面商場張櫈又一早坐滿，唔通出去巴士站連廢氣一齊食？ 唔該一杯已經成$50-$70，提供個空間俾消費者食5-10分鐘都唔係好過份吧？講返食物本身係好食，但都要有環境配合先食得開心同埋回頭幫襯…Read More

話說呢排每個星期都搵一日去幫襯，開首份量真係好滿足，見到個賣相就想哇一聲尖叫⋯ 琴日一心放工開開心心衝去食，換來係極度失望，份量比之前少咗起碼一半，尤其係yogurt份量⋯ 平時可以食到好飽，琴日食完完全無飽肚嘅感覺⋯ $70一杯真係一啲都唔平呀，點解換來嘅係唔相應嘅份量⋯本來忍唔住想即時反映，但剛巧聽到有媒體邀請佢哋做訪問所以算⋯ 琴日都有留意到黃昏時間人手轉左，唔係平日見到嗰啲姐姐⋯ 希望相關人士見到可以盡快改善，提升返啲質素⋯…Read More