ttiger's Profile

難得約咗好耐冇見嘅朋友 諗住搵間可以坐耐啲嘅Cafe試吓咁啱喺網上面見到有人推介 就揀咗呢間2soon café 不過一開頭我哋冇睇到佢哋嘅社交平台 淨係睇咗Google見到寫住11:30開門 諗住唔想等位 所以就諗住一開門就去去到見到已經有兩個員工準備緊 以為開咗鋪就推門入去 點知道門鎖咗啲員工見到我哋想入去 都冇同我哋講係12點開門口亦都冇寫望咗我哋兩眼 繼續低頭做嘢 我哋以為佢哋未準備好，所以過咗10分鐘見佢未開門先隔住個玻璃問佢哋幾點開先發現原來12點先開門唔緊要啦 就周圍行吓 反正附近都有好多小店行到12點左右返返去 都仍然係未開門 旁邊有其他客人已經等到有少少唔耐煩 畢竟網上面都係寫12點開過咗一陣有其他員工陸續返嚟 道門都開咗所以我哋就入去結果個員工就話佢哋未準備好叫我哋喺出面等最終等到12:15-12:20 先開 成個過程其實係有少少無奈 尤其是係我大住肚 附近又冇凳可以坐 啲員工見到亦都唔會主動Offer大家入去坐住等 而且今日嘅天氣都有啲凍同大風 食物方面 主菜味道還好 價錢唔算貴但係同樣價錢已經可以喺中環區食到手工嘅意粉所以唔會太有衝動想二訪 嘢飲方面，我哋叫咗一杯熱朱古力一杯熱americano 不過不失 價錢亦都ok甜品方面，我哋嗌咗個cream brûlée french toast 除咗上面嗰層焦糖之外 成個cream嘅部份完全清唔上係cream brûlée 加上French toast 嘅中間完全冇浸到蛋汁 入面係乾爭爭的與其話係French Toast感覺，上次係一塊煎咗嘅多士稱唔上好食，亦都唔算難食 而且整體比較甜種種因素下 我同朋友都一致認為係唔會再二訪嘅餐廳…Read More

What's better than having shaved ice to stay cool in hot weather? Unfortunately, after queuing for almost an hour, the staff notified us that the mango shaved ice was sold out🥲so I ordered another must-try item - Thai Tea Shaved Ice. The shaved ice has a strong Thai tea flavor with the salty creama on top, and there're bread crumbs and grass jelly stuffed in the middle, adding some surprises to the ice. In addition, it comes with a small jar of condensed Thai tea for extra flavor and sweetness. I think the wait time is too long and the price is not cheap, but I guess it is nice to try out a new dessert!😆…Read More

The best way to end a day trip in Lamma! We got there around 6:30 pm and caught the amazing sunset. Highly recommend to grab a seat outside and enjoy the view. Great food, music and friendly staffs. Lamb burger was delicious! We also had the fired jalapeño with cheese and buffalo wings👍🏻…Read More

一直想試呢間茶餐廳好耐，因為星期一到五淨係開7:15- 15:30，星期日又唔開所以今日星期六終於都趕到係2點關門之前去到😆好彩排隊都唔洗等好耐就有得入炸豬扒煎蛋沙嗲牛汁撈丁真係好好味！！啲蛋汁撈埋啲沙嗲牛汁到真係好夾👍🏻 佢仲會俾包出前一丁麻油俾你自己落😆但個炸豬扒就有少少乾$42 都幾抵食成日係IG見到啲人食，搞到我都好想試佢個阿華田醬西多士，但咁啱賣哂🥲只好食翻最傳統嘅花生醬西多士$26 下次要早啲再黎…Read More

實在太耐冇去旅行！！最近好想食新加坡菜所以就去咗灣仔食呢間🌟呢個蝦麵啲湯味道不錯，飲完啲湯都唔會覺得好味精亦都唔會口乾👌🏻不自覺咁飲咗好多啖湯😂好鍾意佢係米粉混油麵，口味好好仲試埋呢個烏達，係用魚肉同椰漿混合整成魚糜，有香蕉葉嘅香，味道有少少辣，都幾好食😋最後試埋甜品Chendol, 個冰嘅味道好似黑糖，個人嚟講啲綠色斑斕綠豆粉條係最好食。但下次應該唔會再叫呢個🫠因爲同想像中有少少唔一樣，同埋有少少太甜…Read More

今次係呢間大圍嘅越南餐廳試咗set for 2 💕Clams with Pandan & Lemongrass，豬頸肉春卷撈檬 ，牛河粉同埋包左兩杯飲品🥤嘢食味道唔錯，個人比較喜歡個撈檬，啲豬頸肉整得好香，配料亦都啱啱好。套餐滿足到二人份量，而且服務員十分有禮貌同熱心，上嘢食時間唔算太耐，唯一不足之處係冷氣唔係好足夠夏天去嘅時候都真係有啲熱🥲值得一提嘅係，呢間餐廳係pet friendly, 所以有寵物嘅朋友就可以帶埋寵物嚟呢度試下😀…Read More

和牛丼✨意外地好食，和牛有味而且同蛋黃好夾。本來嚟係諗住食沾麵，但係點知個飯比個面更加出色❤️鋪頭唔係好大，只有大約12個位。星期六大概12:30去到，好好彩咁唔洗等位就有得入座。一入到去只需要係售賣機落單，再俾飛個職員就可以座第，十足十日本啲拉麵店咁😆入面嘅氣氛都幾好，客人係圍住open kitchen 咁坐。可以睇到哂全個煮嘢食嘅過程，廚師準備好嘢食之後，會拎起食物俾你望下然後再遞上俾你，呢種互動都幾得意😚…Read More

好耐無食過beans 又諗唔到食咩 所以就去左食brunch.今次叫左黃金蟹蓋意粉千島海鮮pizzaLobster roll 同埋雲呢拿紅桑子拿破崙.黃金蟹個意粉一如以往咁好食😇最鐘意係佢個汁有少少鹹蛋味 但又同個意粉好夾 味道唔會太重不過如果叫呢個意粉嘅話建議另一道菜要嗌啲比較light 既野因為佢食食吓都幾漏.千島海鮮pizza 今次係我地第一次叫賣相好唔錯啲料都好足 而且配埋千島醬 一啲都唔漏正！.佢地既lobster roll 包一杯仔龍蝦湯個龍蝦湯不過不失 但係有少少唔夠熱 面個lobster roll 係幾好食 算多肉 啲薯條都好食🥰.至於個拿破崙就有少少失望賣相係唔錯因為係話雲呢拿紅桑子拿破崙但入面剩係得啲紅桑子醬 亦都冇雲呢拿籽拿破崙嘅酥皮比較硬食落無咩層次呢個甜品本身係要加錢換購 所以下次都唔會再加🤣…Read More

因為咁岩喺公司附近有sensory zero 所以間唔中都會去食lunch.今次就叫咗呢個和牛溫泉蛋飯再加一杯latte . 餐廳既環境都唔錯位置都幾多但唯一唔好嘅就係比較似canteen要自己搵位 自己落單 攞餐同埋收野所以有時啲枱面清走晒啲野但其實仲未抹會有少少唔衛生😐.和牛飯睇落份量唔算好大但係因為有蛋又有和牛 食晒成碗其實都幾漏不過都係好食既 賣相一睇就知好吸引啲和牛生熟度啱啱好入口即溶再配埋溫泉蛋 perfect! 一片牛再加少少蛋飯 一個字 正! 配埋杯Ice latte 令到成件事更圓滿不過就好飽😂.而且對於打工仔來講 一餐午餐都要接近$180 都算幾貴 真係一個月食一次好啦🌚🌝…Read More

係社交媒體 見到有人介紹一直都save低左地址但又好少經過大埔嗰邊今次終於有機會試到🥰🥰😍😍😍.今次叫咗一個涼皮加左豬耳一個麻辣金錢肚同埋一碗酸辣米線. 平時一食呢啲菜好多時都係去譚仔今次就試下呢間小店睇吓同譚仔有冇得比😆😆😆. 個涼皮既賣相勁吸引味道都好好 佢唔算好辣 恰到好處少少辣得來又夠香入面有花生去提香同埋令到成個涼皮更有口感配埋啲豬耳 真係一流到而家都仲回味緊呢道菜😭有機會都會再去食過豬耳涼皮$38.麻辣金錢肚 都好好食好香$35.酸辣米線 唔記得咗影相不過我哋都覺得好食過譚仔佢啲湯底感覺上少啲味精但都夠味.總括嚟講覺得佢嘅價錢都算幾實惠份量亦都足夠 對女仔來講甚至乎算多😂我一碗涼皮都食唔曬可惜佢既地點唔係話好就腳唔會成日都去食到不過如果再經過都會去幫襯👍🏻👍🏻大埔嘅街坊都可以去幫襯下啦😆…Read More

因為係網上面見到呢間最近人氣好勁嘅café 所以經過大館就諗住去試下. 一去到 已經勁多人 店員話如果想堂食 要等幾個鐘😢唯有take away . 呢到既好處係有室外既坐位 好啱打卡可惜我地今次等唔到如果想堂食 建議要預早少少去.服務方面某啲店員都幾nice 見我都睇緊禮品櫃 都會過嚟問吓我哋有冇嘢要幫手但係bar 既店務員俾人感覺上唔係好和藹可親叫飲品嘅時候 啲態度都唔係太好令到我哋對呢間café大打折扣.今次就淨係叫咗杯ice mocha $48唔算太貴賣相都唔錯 但由order到拎既時間 都算幾耐🤨而且杯野飲拎既時候得8成滿雖然佢menu 有寫係8oz (唔知係咪take away 杯多過8oz)但拎到個時個感覺都好奇怪味道唔算差但唯一唔好嘅係啲朱古力醬掛晒喺杯邊靚就係靚但係完全搞唔溶😥😥😥. 但好想讚下佢地既就係佢地花左好多心思係餐具 杯 碟 上面 全部都係同loveramics 合作啲刀刀叉叉都好靚. 總括嚟講地理位置各方面因素我諗我去咗一次都未必會再去🤣…Read More

因為有海港城嘅dining coupon 所以就揀咗去cova 到食午餐 . 午餐加埋一之後$400左右一個人今次我哋點左兩個午餐同埋一個a la carte午餐包一個頭盤 ( 有沙律同凍火腿)一個餐湯 蘑菇湯或龍蝦湯(加$38) 一個主菜 一個甜品 雪糕 或蛋糕(加$38) .頭盤都幾好食 而且份量十足 好豐富. 餐湯我哋叫咗一個蘑菇湯一個龍蝦湯佢哋嘅湯好就好在夠熱 咁先好飲蘑菇湯入邊有好多細嘅蘑菇粒 味道都幾唔錯 龍蝦湯嘅蕃茄味偏重而且對我來講有少少咸 但佢唔係重口味嘅鹹 而且我嫌佢嘅龍蝦味唔夠濃郁但仲要加咗$38🥲. 到主菜叫咗一個燈籠椒嘅意粉呢個意粉同無味既意粉冇分別🤣反而令一個三文魚就整得幾唔錯唔會太熟所以啲魚肉都幾嫩滑. 而a la carte 就叫左千層麵 成個千層麵都勁乾冇乜汁而且又冇乜味而且賣相都好麻麻 一見到就唔想食....仲要二百幾蚊 聲稱啲肉醬用咗和牛做 但完全食唔出🥲. 到左甜品我哋要咗一個雪糕同埋加咗一個蛋糕以為雪糕一定唔會難食 但佢呢個雪糕超級甜 淨係食到甜味食唔到水果味而蛋糕我哋就叫咗一個tiramisu 個sponge 好乾 唔夠咖啡味Cream 好甜亦唔夠滑😅以前成日聽人講cova 啲蛋糕好好食 好彩今次係加左38蚊試 唔係成個四百幾蚊既買 唔係就真係扔心口😂. 總括而言我覺得佢哋嘅野食 味道 環境都好old school 好似比較適合啲老人家嘅口味😅不會再去完。…Read More

係社交平台 見到D2 place 新開左間專賣單品朱古力嘅concept store 即刻帶埋後愛吃甜品的媽媽去試下🥰店舖環境都幾舒服但係店舖座位唔多 建議早少少去咗搵位/留位先店員好有禮貌 又會介紹吓舖頭啲特色產品. 今次點左兩杯飲品一杯S.O.C mocha 一杯S.O.C Soc mocha 拉花好靚😍味道亦都幾好SOC mocha $52.SOC 賣相幾靚 好啱打卡 朱古力味超濃郁 同上面嗰層忌廉撈埋一齊飲 好正😍😍S.O.C $55 之後我哋亦都有點到一個single origin flight 同酒店牛角窩夫 牛角窩夫好香好有特色 再配埋個朱古力醬 同間舖頭嘅主題好夾Croissant waffle $88 .Single origin flight 四個小甜品好啱做下午茶餐每款甜品都各有特色我自己最鍾意嘅就係杯panna cotta 勁滑 媽媽反而最鍾意棉花糖 因為甜而不漏🥰🥰 Single origin flight $118 .呢個flight 最貼心嘅係佢哋喺每一個甜品下面都寫咗用咗邊一隻朱古力 同埋呢一隻朱古力嘅特性 咁食嘅時候就可以比較下每一款甜品😍.總括來講性價比都算幾高平時呢一類型嘅體驗好多時係酒店先會食到但竟然喺café都試到 真係好正大家都值得一試😇佢地間舖頭仲有一啲其他特色嘅單品朱古力甜品 同埋 牛角包之類嘅包類下次經過順便可以買來試吓😍…Read More

Single-origin coffee ☕️ 試咗個single orgin, 今次就有4種豆揀，我就揀咗隻花味濃啲嘅豆，味道唔太酸，都幾鍾意❤️店員都幾有耐性咁講翻呢幾隻豆有咩分別，下次嚟再試其他味。食到少少飽再加翻杯咖啡真係好正💛💛Bagel with avocado scrambled egg portobello🥚 🥯🥑 個bagel 幾chewy，牛油果新鮮，個菇好juicy，咬落去好多汁。調味啱啱好，唔會太鹹，將啲嘢食鮮味帶到出嚟，仲有所有餡都好夾 🥰…Read More

今晚經過大圍 想食甜品 就喺度買咗兩碗外賣叫咗一碗椰汁紫米芋圓露同埋一碗珍珠紫薯芋圓配一球雪糕兩碗加埋$88即係差唔多一碗係$43 再加1蚊個外賣碗一攞到上手 兩碗嘢都勁輕 驟眼睇得半碗滿🥲返到屋企一打開 碗椰汁紫米露嘅顏色已經好白再撩下碗野 啲紫米好似泰式芒果糯米飯啲糯米咁黐埋一舊🙃🙃真開心 所謂嘅椰汁紫米芋圓露 入面係冇芋圓所以其實真係普通嘅椰汁紫米露 成為$43滿記呢啲連鎖店 先係賣緊$37一碗 入面仲有埋小丸子🥲🥲🥲🥲再到另一碗珍珠紫薯芋圓 呢碗入邊總共有3粒芋圓🙄3粒紫薯🙄剩低嗰啲全部都係爆珠 但重點係我嗌左珍珠😬得個三粒芋圓 仲要唔係大粒 牙la都唔夠攝不如唔好比😓 仲要芋圓好淋 整體又貴又難食一個字 伏！ 呀唔係 係兩個字 大伏!試過一次 以後都唔會再去🤗🤗🤗🤗我平時係Uber eats 叫 有人送埋上來 仲好食過佢100倍 都係呢個價錢🤫…Read More