jolataxii's Profile

這店吃過兩次,一午一晚,晚餐多街坊,卻令人感到刮目相看... 做到新舊客兼顧,好唔簡單。先講食物，湯飯嘅湯好飲，喝後唔算口乾，即少味精；餸量算多，亦感覺物有所值，唔會鏡住鏡住，會感到廚房用心選料，有令人感到有心要你食得滿足嘅感覺！試下？看看你同意與否？另外，更重要是招呼。店員聲音甜美，會對不同類客人施以相應的應對；對怪人、惡人、長者、熟客也保持禮貌，亦會應時作出平衡，甚是難得，突顯店員都是multi tasking。深水埗店是世界仔店，熟客與新客比例可能達6比4，而熟客中，由於區域問題，不少都不易相處，能做到適時平衡，乃成為站得住腳的起點。最後，食物大致好味，也算新鮮，會讚！…Read More

食物正常飲品正常裝修正常客人正常人 就不予置評唔明點解要無那那得罪客地點也方便但行過對面 (老廟東姑亭/老麥皆可)選擇更多價錢也不差點解要辛苦自己如有半句謊言不得好s …Read More

每次係北角鰂魚涌食lunch都會嚟，每次都有驚喜！平民價唔在講，佢d餐選擇多，快餐6款，客飯22款，價格都係48 - 53. 菜色特色又惹味，廁所衛生﹑大堂正常冷氣夠，睇出老闆好有誠意！十級推介！今日仲要忘了帶cash同服務員講，佢好有禮貌話食完先，出面又大雨，真係好窩心！今次食嘅，係午餐沙拉蝦球配涼瓜蛋角，味道適中，蝦球小脆，完全唔覺肥膩，好少有地方食到幸福嘅感覺，呢間小店真係做到。有機會晚上來試試，支持良心小店！ …Read More

我一人入去，waitress就話，仲有一張4人卡位，心諗，都幾尊重客人。加一，完全值得。中學嚟過，一轉眼就由廿一蚊個午餐，到呢家50 ... 但事實是，50蚊食個lunch, 有餐湯餐包，連甜品凍飲唔加錢，連加一，個牌面算贏。食個雞扒飯，雖唔係一級嫩雞，但質素唔差，夠味有肉汁，配菜都算豐富，西芹栗米蕃茄。飯軟硬適中，最緊要。湯，覺得飲返n年前果種味，好唔好飲已經是其次 (事實都ok嘅). 祝同附近森美一樣，長命百歲，長做長有。…Read More

行開雷生春果頭，搵嘢食，無期望下入咗呢間。點知飯好食，例湯好飲， 奶茶濃郁。裝修仲好懷舊，啱晒70' ... 椅子睇落唔好坐，點知有扶手，坐到尾都唔拮pat!咁嘅價錢，同服務ok下，如附近做嘢，可以做飯堂。…Read More

大家去到餐廳，可以留意，有位四眼哥，留意下他對客態度。找錢時佢會叫你："伸隻手出嚟"；叫佢抹下張枱，佢回應："睇唔睇到我入緊單？" 唔靜止對我，對枱枱客都係咁，大家點睇？我一向耐耐有食呢間，但面對呢位新掌櫃，真係覺得無必要食餐飯要受氣，我就可一不可再了。。食茶記，正正常常，好難想像會有d伙記，會出現咁嘅態度，全佐敦得一間食店嗎？…Read More