HungryRightStomach's Profile

呢間嘅店員都好有禮貌，無論係落order嘅時候、同你講要等耐少少因為個蛋蒸緊、上菜嘅時候、甚至係問你last order仲有冇嘢加嘅時候都勁有禮貌，會講多謝、唔該。其中要特別讚一讚叫Maggie嘅店員，feel到佢好有心對待食客而員工甚至會喺賣單後問我哋覺得食物質素點、有冇可以改善的地方，甚至問完後會遞上卡片希望我地再次來臨我覺得佢哋好humble而且好認真聆聽食客嘅意見，我會覺得依家香港哋搵到呢啲咁有禮貌嘅staff係比較少見（除咗高級餐廳之外）。服務態度會令我想再次光顧並且帶家人嘗試 👍🏻至於食物質素其實大致都唔錯，個滑蛋豬扒飯係幾好食🤤，不過個沙律醬我就唔中意，因為有花生哈哈最後題外話，偶然聽到有一對情侶投訴餐廳話有個staff要迫佢哋scan疫苗通行症好冇禮貌，好心啦而家第一次出街食咩？你唔scan人哋比人捉到仲要被罰停業，叫你scan左先比入有咩問題？咁都要投訴，啲西客邏輯真係好恐怖😱…Read More

本身呢間係養生茶飲嘅鋪頭嚟講係好正，因為有桃膠，又健康仲養生，又有熱，我基本上一年四季都係會去呢到飲，每次都飲到好滿足，其實都飲咗幾年嫁喇！平時飲開尖沙咀店，今日去銅鑼灣店，想講真係差强人意，個體驗令我好失望！1）首先幾乎所有茶飲店係排隊同多人，但呢間係完全無人咁滯，我諗緊會唔會係因為啲人唔係特別鍾意飲呢一類型，但我發現可能係啲人覺得呢一間冇其他舖頭咁好飲所以先冇人去排2）我叫左少甜同暖，結果係凍，同埋好甜，姐係我想飲暖先呢間姐，比杯凍嘅係想點 3）啲桃膠好溶嘅感覺，唔識講想講真係好失望，銅鑼灣店，no end call :(…Read More

我用左接近四百蚊既價錢買左個蛋糕，結果無圖文完全不符🤬🤬根本就貨不對辦 我訂既係小王子月球蛋糕1）一早講好左要中午拿，去到要等多廿幾分鐘先有得拿 2）奶蓋整到一pat pat咁，又落太多，同原本display個小王子完全唔一樣 3）生日牌啲字整到好化勁核突4）display馬卡龍張相明明有花紋，但事實無,佢仲話一直都無5）係咁搵佢又唔覆機，去到我要瘋狂打佢電話先聽，之後問佢以上問題佢whatsapp覆既係無問題，仲話奶蓋之後會流到好似圖咁，但明眼人睇都知無可能流到好似圖咁6）用紙皮托底既結果係我拿返屋企已經移左位，而個蛋糕都溶溶地搞到一放小王子係成個奶蓋塌左我原本係想送比男朋友，而家佢收到都唔會開心啦！ 我已經唔知可以用咩表達我既憤怒🤯😤😤各位真係唔好上當再訂佢啲蛋糕！😡…Read More

聽同事講HKTB 搞左個香港盛宴，除咗有唔同discount 之外，某app 亦都有同唔同餐廳搞Tasting Menu，分左五款食材有相應嘅Menu (松露、牛、海膽、蟹、生蠔) 因為BB就生日，都要稔帶佢食乜，所以我就去個網搵下有咩餐廳同野食（因為個人有選擇困難症，到時再稔食咩通知都中伏，所以偏向睇定食咩先） 睇睇下見到海膽Menu 覺得呢間無論係菜式、價錢同環境上都唔錯，於是選咗呢間，結果都無失望到： 當日叫左兩個set1) 個湯勁濃，好夠味；Salad亦都好新鮮2）海膽鴨肝多士整得勁好食，舊鴨肝入口即溶3）主菜係海膽意粉，其中有個加$100轉左Prime rip，我想講個Main dish真係超好食，尤其係舊Rip，肉質鮮嫩，平時個人比較細食，食扒通常食一半就唔想再食，但呢次我去到飽既時候都繼續食落肚，因為真係勁好食，扒個質素吊打出面幾條街4）去到甜品果part，我request jor 想畫碟，所以個Dessert就寫左Happy birthday ！仲有埋蠟燭，so good! 個Coconut Sorbet都好好食而男朋友當日亦都食得好滿意！有機會都會想再嚟試下其他嘢食…Read More

睇左黃店地圖而來 但給我一種伏既感覺1）環境一般，尤其卡位啲座位同公仔都勁污糟，好似幾年無洗咁2）menu既質素唔多符合價錢，一個餐加埋一大概百五人一個，但個水準係中等偏下，都無正常cafe水準，我地食既係雞扒飯同肉醬意粉 3）當店舖既人多左之後，明明間cafe仲有其他位，但個店主？職員叫我地坐入去，之後仲無問我收埋我啲嘢食，但我杯野飲其實未飲到一半，我覺得好唔尊重我哋有趕走我哋嘅意圖，佢咁做我以為自己係食緊茶記，但呢間係cafe 簡單黎講，都係果句，我支持黃店，但唔代表會盲撐黃店，因為的確試過幾間唔同黃店無論係質素環境同埋接待方面都係強差人意！結果變左貼錢買難受！:(…Read More