Fatiguer's Profile

今次有朋友帶路，去咗旺角嘅女僕Cafe。平時好少嚟，估唔到體驗都幾好喎！一入到嚟就有女僕同我哋打招呼，仲會細心介紹餐廳嘅食物。佢哋會同顧客傾偈，如果你買表演券仲會有跳舞唱歌表演。今次同場有其他人課金，所以免費都睇到唔少表演㗎！佢哋跳得好落力，出力到個台震吓震吓，不過好安全的大家放心！雖然主打女僕，但係食物都有好多種類嘅選擇㗎。我哋叫咗兩個套餐，有沙律小食x2主食同埋飲品，分別係$168同$188都幾抵食。一開始嘅沙律有蕃茄仔同埋柚子酸汁，好開胃。小食我哋試咗花枝丸、蝦餅、鹽酥雞同炸魚。花枝丸就炸得好香口，鹽酥雞翼好脆，蝦餅就夠彈牙爽口。炸魚好大份，女僕極力推介，多到食唔曬，有啲檸檬味幾特別，洗得乾淨食得安心。主食方面第一個叫咗檸檬大蝦意粉，個汁酸酸甜甜，平時好少食到呢隻味，朋友中意到連小食都點呢個汁，佢仲講笑話想舐晒佢。意粉偏硬身啱啱好。仲有幾隻大蝦添，好彈牙！第二個我哋挑戰咗冬陰功意大利飯，聽個名兩樣嘢大纜都扯唔埋好似好伏咁，最後竟然食晒！啲飯粒粒粒分明，夠曬有意式風味；個汁鹹鹹辣辣，真係同冬陰功一樣，好有泰國風味。不過要注意嘅就係佢比較辣，食唔到辣就唔好挑戰啦，會胃痛㗎。飲品朋友叫咗朱古力，好多泡夠滑唔會太甜，而我叫嘅芒果乳酸就幾開胃解膩。今次嘅體驗唔錯，下次有機會再嚟，或者試下其他女僕Cafe。…Read More

好耐冇同朋友去cafe，今次佢介紹我地嚟到呢間打卡嘅cafe，睇睇menu原來除咗飲咖啡，其實仲有得飲cocktail㗎，下次再嚟飲酒！2 Soon Shakshuka 牛肋條芝士鍋貼腸粉 $138試咗呢度好出名嘅腸粉，牛肋條煮得好軟腍，腸粉都好軟滑。芝士好香好芝味，有少少燶邊更香口。撈埋一齊好豐富！Spaghetti Agilio e Olio $118香蒜欖油意粉（鳳尾蝦/ 香煎雞胸)我哋揀咗鳳尾蝦，啲蝦煎得好香夠曬鹹味，完全冇嗰啲雪櫃味。意粉份量適中，落咗橄欖油好滑好香，仲有啲椒添！除咗可以揀蝦，仲可以揀雞。Croissant Hill $88牛角包 •仙人掌忌廉•新鮮水果•雪糕最後梗係食返個甜品，造型分滿分！牛角包好大塊，咬落去好有口感，加上又香又滑嘅忌廉同雪糕好有層次，仲有啲士多啤梨添！…Read More

約咗個好耐冇見嘅朋友，一於啤一啤佢！我地去到中環嘅craft blaze飲下酒傾下計。一入去就多到save water drink beer嘅海報，好好笑。呢到有小食又有主食，任君選擇！Craft beer 我今次試咗St. Bernardus嘅Extra 4 ($78)，呢杯麥味好香濃。Any 4 on tap list 只係$188，下次人要嚟試下一次過飲四杯！ Sangria $88 朋友本身以為係經典嘅西班牙水果紅酒，完來呢到係用啤酒做個底。味道好新鮮同特別，有埋水果更清新可口，好甜。BUFFALO WINGS $88水牛城雞翼fried chicken wings coated with a hot and tangy sauce雞翼好香脆，雞汁又滑又多汁。呢個水牛汁酸酸辣辣好開胃，比我想像中辣，好惹味。HUEVOS ROTOS CON JAMÓN西班牙流心蛋火腿片配薯絲 $88deen fried notato and eggs with serrano nam火腿嘅咸味同香脆嘅薯絲好夾，撈埋蛋就唔會太乾，好適合送酒。有流心蛋打卡一流呀，一打爛佢就流曬啲蛋汁出嚟好靚！CROQUETAS DE JAMÓNSERRANO Y TRUFA NEGRO炸西班牙黑松露火腿忌廉波 $88croquettes with a creamy filling of serrano ham and black truffle忌廉好滑，仲有香濃嘅黑松露香氣，同第一個辣雞翼中和返，解一解辣。Chill Friday ni…Read More

鮨真喺尖沙咀嘅頂樓，可以飽覽維港景色。由六點幾開始食，可以由天光睇到天黑，夜景好有感覺。我同朋友叫咗「鮨」呢個餐，$1880+10%。Appetitzer 前菜係櫻花蝦慕絲，打完嘅蝦好有空氣感疏乎厘咁樣。個面仲有清湯啫喱、紫蘇花同埋魚子，好特別開咗個靚頭。Seasonal Sashimi跟住係刺身，有wasabi淮山同埋秋葵作為漬物。一開始有右口魚加上海膽，仲有燒過魚邊，迫曬啲油份出嚟，加埋岩鹽食一流。北海道水八爪魚好脆，魚纖維未完全死晒爽口，大吸盤個位最脆，用咗柚子皮同青檸汁調味。鰤魚係大油甘魚，可以睇到網燒嘅紋，加柚子胡椒夠香口。粒貝即係螺肉，有好重嘅海水味，同竹炭鹽好夾，好爽同脆。青魚好肥美，見到佢白色皮下脂肪。呢條冇醃醋好滑，配上木魚絲醃蒜，冇生蒜頭搶味。跟住係青森大間野生拖羅，顏色暗啲肌肉實淨啲。中拖羅半肥瘦少筋，中拖羅肥肚腩肉肥美，味道更濃郁。燒完嘅赤鯥比拖羅增加多油香，完美作結。岩手縣嘅赤埼真蠔配上紫洋蔥醬，鹹鹹地比法國蠔有更重嘅海水味。Featured dish第一次試芝麻河豚白子，好似豆腐咁滑。表面有衣，煙煙韌韌好特別。加上日本烏魚子粉，燒完再磨更香口。Sushi跟住就係壽司，配上佢地自家製嘅甜薑。深海池魚，口感好爽，入口甘香。金目鯛用梅醬作為點綴恰到好處。赤貝新鮮清甜；帶子夠厚好爽。加咗昆布漬嘅小白蝦比較黏身少少，口感正。梳子魚用咗三星漬，係日本青椒子白瓜，有少少辣，肉質夠肥美。最後係細條嘅池魚，魚味濃郁。仲有啲蔥整嘅醬。Soup群翅清湯好暖胃，可以清一清味蕾，仲有大大條翅。Fruit赤玉蜜瓜好甜，估唔到食完仲有雪糕食，我同朋友試咗朱古力味同埋開心果味，滿足。…Read More

I visited my friend at Sai Ying Pun again and we are trying this Indian cuisine ‘Tandoori Bites’ yesterday. The atmosphere is nice and there’s nice staff who would introduce the menu and food clearly, I really appreciate it!Set lunch menuMixed salad (or soup of the day)Healthy veggies, refreshing!Butter chicken (with naan) $98I always order butter chicken when I visit an Indian cuisine. The chicken is quite smooth and the sauce is thick enough. The sauce is sweet with a little sour (tomato flavour), which matches the naan perfectly. Naan is chewy too, great texture!Apple juice (+$10)I tried one sip from my friends’ drink. It tastes like candies!Carbon brew: Earth People Lager $48I like this draught beer from carbon brew. The floral fragrance stays in my mouth for some time. the staff told me that CB has their shops in Central. (You can try another CB ipa beer: staying alive here too!)Black Truffle Naanza (or pizza) $198Truffle smells SO GOOD! This is my first time eating naanza! I like this texture more than a regular pizza. More chewy and no burnt crust. The portion is big and it is super cheesy, fat but yummy! The chef is so generous with the truffle, great!Papat (FREE!)Free snack was offered when we were waiting for the food. I haven’t tried papas before, it tasted super crispy and a little spicy. Like a thin biscuit. Super refreshing along with the peppermint spice. (I always think peppermint sauce tastes like toothpaste, but not this one!)…Read More

Visiting a friend living and Sai Ying Pun and we went to to this restaurant for lunch. Their lunch sets are great deals! All set lunch are served with main, grill chicken salad/ soup of the day and drink.SaladI didn’t expect such a big bowl with a a big piece of grilled chicken. The chicken is quite tender. There are other ingredients like cucumber, pepper and cherry tomatoes. SoupThe soup is very rich in tomato flavour. I like the little piece of garlic bread too, it is so crispy and delicious. Set 10 $125Chicken tagine served with couscousThis one is LIT (literally)! The chef lit up the pot and it looked amazing. The pot contained chicken and veggies with nice sauce. I have never tried couscous before and I think it tasted quite special. It is different from usual white rice.Set 15 $125Meat lover's pizza (Chicken cubes, Lamb sausages, Minced beef)Meat lover should not miss this pizza! Loads of meat and it is so cheesy. I also like the herbs on it. Fried calamari rings with tartare sauce $108We also ordered a snack. The calamari rings are chewy and not oily. Nice food. We also ordered lemon tea!…Read More

前幾日同事去咗「軒尼詩冰廳」食個快餐，價錢平味道都唔錯，而且仲好快上菜添。瑞士雞翼撈公仔麵 $54（配3.6牛乳炒滑蛋+鮮牛油方包+飲品）呢個超抵食，有包有蛋。雞蛋炒得幾滑，麵包都夠軟。瑞士雞翼三隻都好大，瑞士汁香濃撈公仔麵好夾。招牌芝士腸仔肉醬撈公仔麵 $50（配飲品）滿滿嘅芝士同肉醬，肉醬仲多過公仔麵，抵食！濃濃嘅芝士味，啲麵條好有咬口。飲品我哋都係揀中湯，今日係紅蘿蔔湯，好有媽媽嘅味道。公司三文治 $56食完要返工，梗係食飽啲啦！公司三文治好足料，有炒蛋餐肉火腿芝士蕃茄，一口咬入去好飽滿。…Read More

難得返半日，下午同朋友去咗呢間西班牙餐廳「Sabrosa」食午餐。位置都幾方便，一入到嚟就覺得呢到嘅裝修好高級好靚，如果有得食晚餐就更加有氣氛。佢地每一碟食物嘅擺盤都經過精心設計，絕不馬虎。煙壎水牛芝士紅菜頭沙律 $108首先食咗呢個沙律，色彩好繽紛。酸酸地好開胃，紅菜頭有爽口。最正係啲芝士，估唔到份量都唔少，唔係淨係得菜。日式炸豬扒三文治 $148聽落好似平平無奇嘅食物，竟然令人嘆為觀止。佢地採用咗竹炭嘅包，加上獨有嘅沙律醬，令到成個層次都提升咗。豬扒又脆又多汁，同埋都幾大塊。GoodMorning Sabrosa $188呢個係一個All day breakfast，材料好豐富，有：自選蛋，幼豬肉香腸，炒野菌牛油酥，扒長柄西蘭花，燒三色薯仔，Baby甘荀，酸麵包。蛋係流心嘅，超正一定要趁熱食。牛油酥都好香脆，同啲菇一齊食唔會覺膩。其他蔬果都好新鮮。巴斯克焦香芝士蛋糕 $68朋友叫咗一個甜品，平平地都幾有驚喜。芝士味香濃，又唔會太甜。中間仲好細滑，有種入口即溶嘅感覺。Sangria $98冇食西班牙嘢但係叫咗Sangria，清新嘅味道味令我好掛住去旅行嘅生活。Lemonade $68呢杯好大路，正常好飲～…Read More

Today my friend and I decided to eat something more healthy for lunch! We walked pass this new restaurant in Sai Wan, so wanted to give it a try😋 We ordered Ono bowl and make your own bowl. Ono bowl is very colourful!It has tuna with salmon poke on top, very fresh!The base is half brown rice and half salad, so it is more healthy! For the toppings, therr are shredded egg, purple cabbage and avocado! Many pieces of avocado  🥑 so lovely 😍 The sauce is avo dressing again because my friend is a big fan of avocado 😂The bowl mixed with sesame seeds to add crunchines! Make your own bowlLarge 160g protein, shrimp was chosen 😋For the base, we chose shushi rice and brown rice!There are many different toppings to choose, but I chose 4 toppings, which are cucumber, corn, shredded egg, mxied seaweed 😋😋😋Then I want pineapple to add some sweetness to my bowl!The sauce is oyster shoyu which is very savoury!I chose mixed nuts for sprinkle because it is my favourite!…Read More

@旺角 流淚行勝利道就聽得多，上星期我就去咗勝利道嘅「千府居酒屋」，不過有好嘢食就冇流淚。我夜晚嚟，發現午市免加一仲抵。晚市餐前小食及茶芥 每人$30居酒屋通常都有餐前小食，今次係西班牙緹魚醬，可以用青瓜蘿蔔去點。醬鹹鹹地，配搭清新嘅錯蔬菜好開胃。千府特上壽司盛盒（九件） $298九件都咁正，有曬我最中意嘅拖羅、帆立貝、左口魚同埋海膽。魚生食落新單，而且份量都唔吝嗇，有勁多海膽！日式蕃茄豆腐沙律 $98同朋友都想食個沙律，估唔到份量咁大！有成七八舊豆腐，蕃茄蔬菜都新鮮！煎爆蟹餅 $68呢個係你嘅香，十分之足料！我鍾意點埋佢地個醬食。西班牙伊比利亞黑毛豬叉燒配溫泉玉子 $148係高級嘅叉燒！首先肉質鮮嫩，充滿肉汁。嗰邊仲要燶燶地，食落幾脆口。仲可以點落個溫泉蛋度添，同單獨食嘅口感又有啲唔同。白桃汽水 $32 呢度有好多日本嘅嘢飲，我就叫咗支梳打。白桃味淡淡地，感覺唔會太甜，適合我。…Read More

之前去過中環嘅雲壽司覺得唔錯，所以前幾日想食壽司去咗太子嘅「雲壽司」。食物大同小異，我叫咗一個飯同一碟十件嘅壽司。蔥吞拿魚腩井 $138朋友鍾意食吞拿魚，所以叫咗呢碗試下。分量超多，吞拿魚茸仲多個飯添！加上蔥花，味道更加香口。特上壽司拼盤 $250(吞拿魚腩 深海池魚 牡丹蝦 赤貝 海膽 三文魚籽 火炙左口魚 鯖魚 魴鯖 蔥吞拿魚腩壽司）Deluxe Sushi Platter(Toro, Striped Jack, Botan bi, Akagai, Sea Urchin, Salmon Roe,Seared Flounder Fin, Mackerel, Grey Gurnard, Chopped Tuna with Spring Onion)至於我想食壽司，所以我就叫咗一碟十件嘅特上壽司拼盤。十件擺得好靚，又有吞拿魚茸笑咗。魚都好新鮮同埋肥美，我最鍾意係海膽因為夠鮮甜。另外火炙左口魚都正，燒熟左係另一種風味。…Read More

一拎起個盒已經俾佢靚到嚇親，黑色嘅鐵盒好高貴，仲有金句添，之後個盒仲可唔可以用做首飾箱。月餅細細個，所以食落唔會覺得好肥膩。但係奶黃味十分充足，真係未食過咁好味嘅奶黃月餅。如果用焗爐整熱中間仲有少少流心添。下年想試埋抹茶味！…Read More

最近我食咗呢個軟殼蟹手卷，想推介一下！佢哋嘅軟殼蟹手卷炸得好香，配搭埋沙律醬味道豐富。另外想讚佢哋呢度嘅選擇好多，除咗有唔同嘅手卷仲有壽司添。之前我都食過玉子壽司同埋燒墨魚丸，好有日本風味。小店一定要支持下啦！…Read More

有冇人都唔鍾意飲咖啡加鮮奶/ 糖？不過我又覺得抹茶加鮮奶幾好飲！我就叫咗店員走糖，抹茶嘅味香濃，又唔會俾個甜味搶咗個茶味。除咗有個好靚嘅拉花，第一啖飲落去有啲泡添！呢度嘅選擇都好多，除咗咖啡、茶之外仲有沙冰。…Read More

係呢間舖頭最鍾意食就係佢哋好好味嘅千層蛋糕！層次分明，中間嘅cream甜而不膩，個底仲有個海綿蛋糕添，軟綿綿中和返啲cream。表面嘅焦糖令過佢嘅味道升華咗。我見到佢哋仲有好多產品，下次要再試。…Read More