micho0808's Profile

平時打邊爐好少會揀日式, 多數食港式, 今次見到6月生日免費(當然只係生日嗰個), 有個朋友咁岩係6月生日, 即刻去試試! 既然有個免費, 梗係揀最貴嘅特選黑毛和牛set, 叫完之後侍應自動波拎咗兩碟牛肉，一碟豬，一個海鮮拼盤，另外仲可以出去拎吓其他配料，配料同豬唔洗點講，正正常常. 牛肉好食，雖然肉味唔重，但夠肥肉稔，唔好睇海鮮拼盤其貌不揚，原來都幾甜！之後牛肉同海鮮都要加碼限時90分鐘嘅任食，仲有15分鐘完既時候會黎提提last order, 最後仲食埋哈根大師雪糕, 埋單兩個人4百蚊都唔洗，超抵!!不過講真，唔係有呢個優惠平時真係唔會黎，始終覺得港式打邊爐正d…Read More

黎到大圍就搵吓雞粥食啦, 見呢間門面幾好就入去試吓啦! 叫左雞粥/燒鵝/炒蜆/椒鹽白飯魚, 燒鵝黎到見到好似幾靚咁, 即刻加碗瀨粉, 點知食落燒鵝麻麻地, 皮幾脆不過肉就好鞋...黎到主角雞粥, 味道係雞還雞, 粥還粥, 即係d粥係冇味既, 完全唔係想像中粥底會有雞味, 唔掂既然係咁, 都預咗另外兩樣配角都會係麻麻地, 果然冇令大家失望, 認真麻麻地...其實之前都有諗住入大圍食雞粥(未揀食邊間), 好彩今次係嚟搵朋友拎野順便試吓, 如果特登入黎真係浪費時間, 如果有朋友知邊間真係好食希望可以話我知…Read More

之前都有嚟水肥牛打邊爐, 平時已經覺得好食. 今次嚟到見到$98/位優惠嘅沙灘珍珠鍋(唔知幾時完), 有飽魚/龍蝦/元貝/沙蜆/海螺/八爪魚等等, 仲包埋湯底, 似泡菜味, 全部海鮮都好鮮甜, 最正係八爪魚夠晒爽口, 仲包埋一份烏冬, 如果細食嘅人基本上已經夠晒飽, 抵食!! 如果硬係要講缺點就係辣嘅湯底遮蓋咗少少海鮮嘅原味當然我地一行人就梗係唔夠飽啦, 仲叫咗其他火鍋料, 到咗火鍋料, 反而辣嘅湯底就襯到絕喇!! 加上侍應們都好有禮貌, 會繼續幫襯…Read More

睇完蘋果動秋生哥介紹，第二日即刻去，果然介紹完係勁多人，要排隊等位大半個鐘，可能老闆都估唔到，所以安排上略嫌麻麻，但唔緊要，最緊要有得食叫咗鱸魚柳拼虎蝦/紐西蘭肉眼/豬手/忌廉汁意粉，樣樣賣相都唔錯架首先有紅湯同蒜蓉包，包夠香夠脆好食， 湯淡咗少少，估計老闆估唔到咁多人所以可能唔夠賣要本稀d，同埋想叫小食都賣晒鱸魚柳拼虎蝦好味，配埋黑松露薯蓉，正！忌廉汁意粉個樣一般但不來都好好味，豬手正常夠脆，肉眼麻麻地，睇介紹會淹1日同大塊d，估計都係因應預唔到有咁多人所以冇準備好老闆做到太忙都好似好攰唔知自己做緊咩咁，但整體都幾好，下次會再去試招牌肉眼，希望會回復正常…Read More

復活節後好幫, 拖到而家先寫, 復活節去旅行, 本身一心想去到機場食popeye炸雞, 但唔記得咗泰航係T2 check-in, 結果唔夠時間去返另一邊食, 就去咗T2個food court本身唔識梅光軒呢間拉麵, 只係見到有拉麵食就一於試吓啦, 後尾先發現原來幾出名, 當日叫咗個醬油豬腩拉麵(唔記得影碗麵, 唯有影張單), 個人認為麵煮得淋咗d, 豬腩肉都係不過不失, 加上位收銀姐姐態度麻麻地, 下次就算T2都應該唔會再食呢間, 不過可能係機場店嘅關係, 如果有朋友約約市區分店, 都可以再試一次嘅:)…Read More

開始熱就成日都想食雪糕, 咁岩有幾張現金卷都入去食啦, 平時好少坐底食, 入到去就要揀返個特別少少架啦!! 揀咗個和風紙火鍋set, 有32球迷你雪糕球, 8隻味分別係(會以個人鐘意食嘅程度排, 第一個就最鐘意): 士多啤梨, 芒果紅桑子, 曲奇, 雲呢嗱, 抹茶, 焦糖脆餅、比利時朱古力同藍莓~ 仲有其他小食, 不過對我嚟講都係d雪糕緊要d個朱古力漿好味, 小食同雪糕球都要貼吓！另外仲加咗$30換兩杯熱檸茶, 食咗咁多甜野飲返杯就岩晒…Read More

同朋友嚟到呢間米芝蓮一星嘅法國菜, 試試個5 course lunch！第一道頭盤係海鮮拼盤, 有龍蝦/八爪魚/生蠔/青口等等, 生蠔夠鮮甜, 正!! 但最驚喜係青口, 我同朋有平時都唔鐘意食青口, 但呢個青口真係好食, 同以往食到嘅完全唔同, 令我地對青口有個全新嘅感覺~ 跟住就係幾樣輕食, 唔洗講我都係至愛鵝肝哈哈接住就有個意份, 個人覺得麻麻地, 好彩份量唔多main揀咗牛, 雖然見到其他人推介魚同鵪鶉, 但鐘意食牛嘅我都係抗拒唔到, 結果真係一般, 早知聽人介紹最後就係甜品, 六百幾蚊加一, 物有所值果日天氣麻麻, 如果好天, 食埋個境就更正！…Read More

星期一晚唔洗等位, 第一次嚟, 點野食張紙個單位係”件”, 以為點一件會係一碟, 原來點一件牛, 只係嚟一塊牛, 要留意番食物質素麻麻地, 同其他任食燒烤差唔多, 不過二百幾蚊就算係咁, 一分錢一分貨, 選擇都算多, 豬/牛/羊/雞/飯/麵/壽司/刺身/炸物, 最好食就係最尾杯維x芝麻味雪糕同牛奶樂P.S.星期一冇人等位, 但限時兩個鐘都好嚴格, 最後其實食緊雪糕都被催咗兩次, 如果人多, 最好等齊人先入座, 費事遲到嘅朋友冇得食啦…Read More