天使藍's Profile

行過見到下午茶款式幾多選擇，所以就試吓，見到有啲無跟澱粉質嘅下午茶 就叫咗炸鯪魚球雙拼埋雞翼，跟餐加3蚊仲可以揀涼茶添，感覺健康啲又可以清熱氣。鯪魚球好好食，無乜溝粉唔係透明色，仲有鯪魚味，好大粒又彈牙，仲要跟埋蜆芥，隻蜆都好大隻，雞翼既脆入味又有肉汁，另外再跟咗醬，下午茶都咁有誠意，仲發現有2種辣椒油，一種係普通辣椒油，另一種係麻辣，試咗少少，辣度唔夠，2種都唔多辣，不過都算有誠意。下次同朋友嚟試吓花膠2人餐都幾抵咁。…Read More

當日要到天水圍做嘢，做完嘢肚餓，見到有魚湯米線，寫住堅持新鮮，唔加味精，咁我就試吓，見佢用新鮮魚，所以揀咗魚片米粉，碗米粉嚟到啲蔥好細心分開一個小兜放，試啖魚湯先，真係有魚味，仲要唔係好大陣薑味，因為好多魚湯薑味濃，魚味就無，呢度反而少薑味，所以好鍾意飲，最後成碗飲晒，魚片新鮮唔腥仲好滑，魚腐唔係平貨，好香又有口感，成碗米粉好大碗，食唔晒，不過見其實檯都叫醉雞翼，所以加咗一份外賣拎返公司做下午茶，個袋同外賣盒包裝好特別，好彩叫咗份雞翼外賣，都好好味，有酒味之餘調味啱啱好，如果我住附近一定成日過去食，好想試埋其他小食。…Read More

入門前喺門口已經覺得環境麻麻，普通酒家都唔似，真係一間茶餐廳咁，不過已經訂咗檯，就照舊入座，之後安排坐最入，電話都收得好弱，先叫芝麻雞，芝麻係痴得幾均勻，不過鹽就唔係，大半隻無味，一係就好咸。之後畀多次機會，叫咗風沙鱔，呢味就鱔無鱔味，炸咗咩魚都無乜分別，之後就走，唔想再試，，味道普通，咁嘅環境，好多選擇。最終都無畀過9折，原來好多嘢食都係無折，仲有網上訂座係要早一日再打去先計，否則會當你自己取消訂座…Read More

推廣優惠見到有買一送一優惠，所以嚟試吓。本身個餐係120分鐘Shabu Shabu放題前菜季節前菜日本時令生蠔廚師發板備長炭串燒(3款)放題任點鍋物湯底(昆布/醬油)日本產特選A5黑毛和牛 & 日本產黑毛豚野菜盛合稻庭烏冬或雜炊前菜只得一件“蟹膏豆腐”，幾好食，之後上咗一隻生蠔，隻蠔本身唔錯，可惜個汁唔好味，之後到雞胸軟骨串燒，夠爽同香口，第二款串燒係味噌豬腸，又韌又有味，第三款串燒係牛油粟米，正常水準。入座後半個鐘左右就可以shabu shabu, 一次過上晒和牛，豚肉同野菜盛合，食晒2碟肉先可以再叫，和牛份量比豚肉少同薄好多，和牛無乜牛味，昆布湯底味道蓋過肉味，之後再追加嘅和牛比第一碟樣貌及味道更差，豚肉就差唔多。呢個價錢同食物質素，唔會再試。…Read More

鍾意食海鮮所以試吓呢間，懶得揀所以揀食二人餐，首先揀咗花雕蛋白蒸蛋，枝竹斑腩煲同埋薑蔥火腩煲。等咗一輪，話火腩賣晒，但係個餐無乜肉揀，職員推薦揀涼瓜炒牛肉，但係我唔鍾意食涼瓜，佢話轉薑蔥，我提議轉菜，佢話可以轉白菜，即刻應承，幾好有彈性。先上鳳爪，可惜淡唔夠味，之前睇過食評話呢度食物比較淡，所以同職員反映，希望之後嘅嘢食濃味啲，希望仲救得切之後嘅餸，職員話雞腳淡，不如比啲沙薑我，我話好，點知出嚟係浸雞腳嘅沙薑湯，都係唔夠味。芝士焗龍蝦，幾好，夠味又新鮮，雖然得半隻，都算多肉食。枝竹斑腩煲本來係幾好，粉都夠薄，魚身都唔錯，可惜唔夠咪。白菜炒牛肉，正常中式牛肉，無乜特別，不過又係唔夠味。一品海鮮湯，呢個好可惜，奶味蓋過晒海鮮味，本身佢都有唔少料，其實唔需要落奶，嘥咗。期待嘅花雕蛋白蒸蟹，最令我失望，細隻預咗，仲要水蟹，花雕都無乜味，調味又唔夠，差得過份。整體份量真係唔夠飽，廚師9點收工，想加餸都唔得，調味真係要濃返同埋留意海鮮質素，希望將來有改善先再試。另外，由坐低到走都有昆蟲飛來飛去，至少2隻，成日都要掃開，影響食慾及心情。…Read More

行過睇吓啲食品，老板就介紹我地有咩出名，仲畀我地試食，咁我地同佢講行完山先買，佢都好無所謂，仲話轉頭畀多啲嘢我地試。回程見到另一間，佢介紹自己嘅白飯魚大條啲，新鮮啲，不過無得試食，我買咗一盒白飯魚同香辣焗蝦乾，諗住同金卷比較吓。去到金卷買嘢，試吓試吓又買多咗，佢有個香蒜勁辣椒油好香，可惜我啱啱買咗其他牌子無耐，所以唔買住，下次先啦。最後試晒2間嘅出品，份量差唔多，不過金卷白飯魚同蝦干都係比較好食，白飯魚大細差唔多，金卷就香啲，份量金卷仲好似多少少，蝦乾就金卷蝦味濃啲，李寶記就無乜蝦味。下次再去我淨係買金卷，唔使再買晒2間試…Read More

過嚟食大閘蟹放題，大閘蟹係自己面前個蒸爐度蒸，一次蒸十幾分鐘，每次每人2隻，不過佢蒸完一次蟹之後，會拖至少十幾分鐘先俾第2次蟹你，之後再蒸蟹十幾分鐘，再叫蟹，又係等十幾分鐘先上蟹，如是者，1個鐘頭只係每人最多食到4隻，中間我地蒸住個餐嘅海鮮先，叫佢拎大閘蟹俾我地，佢地都係咁拖。我地知食蟹需時，所以已經揀咗3個鐘套餐，店方突然埋單前1個鐘話last order, 我地都未開始打邊爐，啲蟹又上得咁慢，唯有放棄大閘蟹，轉打邊爐啦，啲和牛質素真係好麻麻，未見過咁瘦都可以叫和牛，其他料都係一般貨色啦。最後埋單嘞，點知唔俾我用openricepay同現金劵，話大閘蟹餐唔用得，咁我仲有4個朋友食蒸海鮮餐，佢話嗰張單就用得，不過用咗仲貴過唔用，用就畀1139蚊，唔用畀現金就1403蚊，佢地咁樣做生意都得？！任食已經係咁拖時間，蒸完一轉蟹要等十幾分鐘先再俾一轉蟹你蒸，催極單都係咁慢，咁孤寒就唔好做任食啦，間鋪冷氣又差，態度又差，平嘢就好快上，貴嘢就拖好耐先上，拖到你都唔夠時間食，black list!…Read More

由於枱細，叫咗3樣嘢食住先，原來係好事，我地首先叫咗咖哩牛根腩同蒜蓉包，咖哩牛根腩得6件牛腩，大約半隻麻雀咁大件，夠晒淋，但係無牛味，咖哩汁亦唔好味，薯仔都夠淋，有3，4舊仔。蒜蓉包有5件，面好香脆，但係個底好淋，仲有啲un, 咖哩汁又唔好味，點嚟都無謂。後來仲叫咗個煎流心芝士肉餅，嘩！咁細塊嘅，仲細過我手拳，仲有好多油，個肉餅似煎咗一邊，另一邊無煎過，芝士都無乜，所以唔多覺有芝士味，肉餅正常味道，食完呢3樣嘢唔敢再叫，走人去第2間再食過。…Read More

今日去重慶唱錢，唱完就食飯，當時五點幾，行過見到老鍋嘅易拉架，諗起馬家介紹過，八點半前仲有七折，不過轉試呢間啦。入座睇吓點菜紙，一睇以後自己老花，咁矇嘅，款式唔算多，我地兩個人點咗，安格斯肥牛同肉眼，牛肚，蟶子，鵝肝墨魚丸，黑松露蝦丸，魚皮餃。湯底叫咗麻辣大辣狗酸菜白肉，麻辣湯底好台灣風味，不過得bb辣咁，同侍應講完即刻幫我加辣。而酸菜鍋就酸得幾開胃，食咗幾個字先知有水晶粉，好入味，不過太淋，如果一早知就會好食得多。之後嚟咗肥牛，味道ok，不過一淥就散開兩件。過咗幾個字再嚟咗肉眼，牛味濃啲。叫咗佢地西柚味生啤，幾好味，女仔特別啱，食食吓發覺已經入座咗成粒鐘，點解都無其他嘢食到嘅，追一追單，原來廚房有問題，話未出到嘢食住，再等陣就有個經理話廚房漏煤氣，所有order要取消，吓！！！食得兩碟又唔飽，點算呀！後來經理話全單免費，仲請我地飲多兩杯生啤添，佢地仲不停致歉。雖然食唔飽，不過食物味道唔錯，餐廳仲願意自動請客，好欣賞佢地嘅態度，下次一定再嚟幫襯。最後梗係唔飽，去咗食串燒。…Read More

d野食款唔多，有好多仲係平野，d龍蝦出過一盤咋，之後就得返d龍蝦仔，仲要係neway都有得食0個隻，生蠔又唔算正，又細隻，又唔好食，d魚生以至到煙三文魚都係腥既，串燒又麻麻地，得羊扒好食，但係就係出過一盤咋，d甜品又差，唔好味，得h.d.雪糕算係抵返，每位盛為375...…Read More

呢度d知客真係態度奇差!簡直好似同佢乞食咁,明知呢間野等得耐架喇,所以我都book左先o黎.但係呢,佢好多時book左都唔俾檯我o地,成日要等好耐,問極佢都話等陣先,等陣先,等幾耐又唔答,跟住我話我book左檯o架喎,唔係應該有o既咩,又要set最低消費,仲要人等多幾個字,問佢點解,佢仲話book 左檯唔等於一定有檯喎,仲要態度又串又差.如果你想"貼錢買難受",就去食喇.…Read More