elbie102's Profile

去文記食碗麪要先俾人惡斥，就算好食都唔再去。我係文記多年捧場客，平均每月去一次，佢的確好食，態度麻麻都唔緊要。早兩日見咁啱無咩人排隊，就去叫麪，當時煮麪，夾餸同埋收錢三個阿姐正正喺度互相指駡緊，所以點麪嘅我就成為炮灰。😈瞪眼兇狠比平日再惡嘅鬧人態度問：要咩麪啊？😞剩菜底，西洋菜（其實我之前已經講咗要咩，只係佢聽完就俾人鬧，鬧完就唔記得。）😈到夾餸阿姐，勁惡嘅鬧人tone：講啦！😞韮菜餃，魚肉。😈（佢企定定望著我，但無任何動作），正常佢地都係一邊聽一邊夾😞我停一停，諗著等佢夾咗，或者示意先再講，我停左只係一吓😈佢惡狠狠喝斥：仲要咩啊？講啦！😞豬腸，牛膀😈（鬧仔tone)你要講要咩架嘛！呢幾樣都要等入面拎出嚟，我無得夾著，你唔講我點比你啊？（佢鬧完發現面前已有韮菜餃，於是邊煮邊圓其說：啊！原來有。。。）食慣佢地都知道點餐要快，所以已經諗定晒要講咩，根本就係佢哋俾人鬧完搵客發洩。佢性價比高，所以平時態度唔太好都依然庭門若市，包括我都經常幫襯，但如果因為大家嘅支持所以變本加厲，食碗麪要做出氣袋，咁我情願唔食。…Read More