ckwcherryckwcherry's Profile

之前同男朋友預祝情人節, 第一次黎呢間餐廳食晚飯, 我好鐘意入面浪漫的氣氛!叫左個signature dishes 的 Zuppetta di Pesce, 仲有 Pizza Pepperoni, 同埋有個pasta 唔記得左叫咩名。麵包是送的, 鬆軟好吃!Zuppetta di Pesce 呢個湯入面有蝦、帶子、魷魚等海鮮, 味道濃郁, 非常美味! 全晚最喜歡呢個湯!至於 Pizza Pepperoni, 其實味道不俗, 不過我略嫌佢"水"得滯, 唔夠乾身。同埋兩個人食一個 pizza 真係有 d 膩, 如果三、四個人 share 呢個pizza 會好 d。…Read More

呢間野係我公司隔離, 早排新開張, 放 LUNCH 果陣都好多人排隊, 好明顯大家都俾佢個裝修吸引。終於前兩日LUNCH冇人排隊, 可以與同事去試下。食米線好自然就會同譚仔比較, 呢間野配料得好少選擇, 我揀了譚仔冇的花枝丸同煙鴨胸。反而湯底佢有 4 款, 其中一個係蕃茄湯底, 不過果日我想食辣, 所以都係叫左麻辣湯底。我忘記個侍應有冇問我麻辣要幾辣, 總之食落我覺得好辣, 大約等如譚仔的小辣與中辣之間。米線我覺得幾滑幾好食。個花枝丸冇咩得別, 得兩粒咁。最難食係個煙鴨胸, 一黎好乾, 二黎煙鴨胸陣味同麻辣湯底完全唔夾, 所以食落味道好怪。總括黎講, 我都係覺得譚仔好食D。…Read More

旺角呢間分店新開左一排, 前幾日就同 d 同事一齊去食 lunch。裝修唔錯, lunch 時間都唔多人, 仲有好多位剩。我叫左個牛肉飯套餐, 初頭以為係類似吉野家的牛肉飯, 原來唔係, 佢係用牛腩+牛肚碎整的, 完全估佢唔到。不過個飯都幾好食, d 牛腩好林, 好多肉汁, 而且 d 肉仲多過飯, 所以我最後食唔哂 d 肉, 因為有少少膩。成個 lunch set 好似大約 $60-70, 都 ok 啦, 我會再黎的。…Read More

第一次寫食評...尋晚同男朋友去 element 睇戲, 所以 6:30pm 去左果度食晚飯先。見呢間夏麵館唔洗等位, 而且男朋友都話以前食過呢間野幾次, 咁 ok 啦, 就入去食。食物種類都算多, 最後我地叫左:四喜烤麩、孜然牛肉包、四川辣蝦炒飯、紅油抄手、炒豆苗我對個四喜烤麩好失望, 就咁放幾舊烤麩同木耳香菇一齊就叫四喜烤麩?!而且望住 d 冇乜顏色的烤麩就知佢不夠入味, 果然入口都係冇咩味。老實講, 好多其他上海菜館的四喜烤麩做得更加好。至於紅油抄手、炒豆苗就 ok 啦, 冇乜特別。四川辣蝦炒飯就得個辣字, 而且唔夠熱。反而最令我喜出望外的係個孜然牛肉包。個包新鮮出爐熱辣辣、夠軟熟、夠肉汁, 成個牛肉包都幾有新彊風味, 唔錯唔錯。呢餐晚飯大約$400。不過男朋友都話 d 野食的確冇以前咁好食, 所以之後都未必再黎了。…Read More