killer M's Profile

食左好多次，都冇寫食好感。今日經過又嚟一碗。兩點幾，星期五，爆滿，等左一陣。點左油麵加辣汁。咖哩魚蛋彈牙，豬腸爽口，魚皮餃濃味，魷魚一樣爽囗，豬皮今日差左D，油麵加辣汁，必食。加枝可樂。滿足。讚$72，貴左D！…Read More

Lunch time 專門去試試出名竹竿手打麵。去到排隊，都好快，十分鐘有位，即叫雲吞麵，油菜，加枝可樂。好！試試。湯頭冇乜特別。ok麵，爽，彈牙，好食。雲吞，咦........，料足，好濃大地鱼味，but 食完口腔一陣咸味！好咸！:(蠔油菜，唔夠蠔油，浸老左。基本有D失望。可能太忙。细節冇留意。有少少意見，麵份量比一般雲吞麵大，影响左食後感。份量减少D，可能更好。小食多滋味！:)讚個麵hea 個雲吞…Read More

叫左個蠔豉瘦肉粥，味有以前大排檔風味，用料充足，蠔豉都幾大隻。豉油皇炒面，唔太油，味道唔錯，份量充足。炸兩，見到即叫即拉，讚！腸粉好味，不過油炸鬼唔夠脆。總體唔錯。…Read More

:(:(:(:(個hea! 同朋友lunch，企响門口，冇人招待，等了又等，最後好彩有個阿姨發現，叫左个咖哩炸魚飯，海鮮焗飯加餐湯，同餐廳再三強調即磨咖啡。餐湯，應該係羅宋湯，冇味。海鮮焗飯，十分失望，冇味，快餐式焗法，食到一囗豆粉漿。紅咖哩炸魚飯，又是失望，又一個快餐式咖哩！最後即磨咖啡，飲左一口，放低。跟餐甜點，應該係tiramisu, 但係又唔似，同一風格，冇味。價錢唔平，噤嘅出品，真係好hea ，覺得浪費左個肚。附近都係街方，學生，希望出品認真D，服務認真D。…Read More