Elaineling Chu's Profile

今個月男朋友生日帶佢去食餐好既，日本嘢？西餐？韓國嘢？日本嘅鐵板燒好似未試過，今次就去一間有景有鐵板食好西。經OpenRice直接 訂位都幾方便。到餐廳門口黑黑的好有神秘和高級的感覺，經過門口就係壽司吧位置，啡金黃色，好似好高級喔。我地被安排鐵板枱位置，可以望到維港景，食食吓仲睇到幻彩詠香江tim 。我地叫咗一個二人餐，食豪D，有魚有肉有海鮮。前菜首先係帶子拌蜜柑，有個酸酸甜甜嘅汁好醒胃。刺身係深海池魚加海膽，海膽好鮮甜。主菜出場，本身怕油嘅我今次對鵝肝改觀了，配咗個紅紅好清新嘅紅菜頭汁，油膩感一掃而空。金目鯛配牛油汁，出奇地夾，仲有我至愛大蜆。龍蝦上場，師傅叫我哋用法包點龍蝦汁一齊食，奇怪點解我覺得有D酸酸地呢，原來有落檸檬汁，可能重手咗D，有D失手了。鮑魚～好香嘅黑松露香味，鮑魚配黑松露牛油汁。再嚟就係A5和牛,粒粒都非常juice。炒飯再配龍蝦頭煲汁。到甜品喇，有我至愛嘅抺茶豆腐仲有小甜點做結尾，好滿足呀。今次真係味覺和視覺的享受。最後都要講吓毎一道菜侍應們都好勤快換餐具👍🏻…Read More

今日約咗個舊朋友聚一聚，選擇咗好耐冇嚟過嘅日本餐廳食個晏。午市套餐選擇多咗好多有12款咁多，搞到我又選擇困難証我今日食刺身定食，朋友食壽司配烏冬定食套餐包括沙律，前菜，麵頭湯都屬於一般啦。刺身不錯，三文魚、甜蝦和油甘魚係我至愛，新鮮肥美，同我一樣壽司每一件都唔同款，睇得出師傅有用心去做最後有包埋餐飲雖然係普通嘢，但係一百蚊鬆D又沙律又湯又餐飲，真係好抵囉最後整個打咭位先，門口兩邊嘅卡位真係好沖縄呀…Read More

好久沒見舊同學了,每次見面總有説不完的話。每次聚餐都一定要搵一間可以慢慢傾,慢慢食嘅地方,近日天氣凍凍地就有同學提議打邊爐,另一個就提議食老鴨鍋補一補。以前曾經在深圳食過一次,湯底超正超甜,可惜其他配料就超爛。今次同學就介紹老三火鍋，佢哋主打老鴨鍋，今次我哋就去總店試試火鍋嚟到,當老鴨湯滾起,店員就幫我哋每人分一碗湯先半隻鴨,尚算足料味道濃郁鮮甜脆肉鯇,牛肉都好新鮮，如果下次再想食老鴨鍋，其實都唔駛返到咁遠，長沙灣老三都好好味道…Read More

尖沙咀食午餐的地方選擇實在太多,如果想搵間又好食又要飽又要平都原來幾難。見到剛剛新開張嘅目利銀次就試—試吧。午市餐牌所有內容不到一百蚊,就一餐半餐去試一試，以我為人當然試最平嘅雞扒飯，而朋友就試香味牛肉餐。如果話不到$50，雞扒咁大件,都幾難相信。朋友香味牛肉真係送飯一流呀。另外加咗個燒南瓜，都幾香口麵豉湯味道濃郁，可惜配料太小,本人比較喜愛豆腐粒。如果keep住質素，銀次將會成為我嘅飯堂…Read More