滋味007的個人專頁

Arome Bakery Room 東海堂 ~ 究竟一間主打西餅的 DRINK 會是怎樣呢 ?一直都是去「貢茶」、「仙棕林」...呢一種專賣茶的茶店...店內放滿了一排排的北海道3.6牛乳 , 開放式的製作空間 ,讓我一直目睹這個製作過程，真正地用著這有品質的牛乳。(不是我小人啊, 很多茶店話就話用3.6牛乳, 其實只是用普通的貨色啊)當我點好飲品和用八達通付款後, 店員便隨即沖調我的飲品了。約三分鐘後,我的飲品便完成了。急不及待地試試，噢! 乖乖不得了，比一般坊間的「茶店」更有茶香味，非常滿足，鮮奶的香滑更在口中久久不散，令我實在要細意享受呢。 …查看更多

響一個唔肚餓嘅下午，忍唔住又去左食咖哩飯:)點了什菜咖哩飯，作為辣魔嘅我，選了４分辣。咖哩好有水準，香，濃，滑，讚。成碟飯食哂，註：我當時係唔肚餓嘅。【唔食飽，又邊有力氣減肥呢】呵呵呢種咖哩，無論幾辣，你都係會忍唔住一直食落去，一滴汁都唔會放過。加＄１５有飲品和雪糕凍檸檬茶，就好一般，無茶香味，可能係日式呱。雪糕，指定的味道，以＄１５追加兩樣野的價錢，的確物有所值，仲配上小小什果，即時解哂辣。總結，質素好，環境好，水準一直都保持到，good good .題外話：大部份茶餐廳，你叫佢小飯，佢真係唔埋你架，我知茶餐廳好忙好忙。而呢度可以選擇飯量，希望有多些餐廳日後都可以甘做啦。…查看更多

一直以來都好喜歡飲義順嘅香蕉奶由於，都成$30一杯，早排就買左好多香蕉同鮮奶想自家制。 心想應該係好簡單啦。但試過不同份量，落奶和香蕉嘅次序，都係失敗，唔係大多泡就係太杰，完全唔係果回事。唉，我都係正正經經去返義順度飲返杯香蕉奶同牛肉通粉啦 好滿足，由於太飽了，食唔落雙皮奶，但又心絲絲，聽日一於再去過。yeah…查看更多

九龍城有好多間泰菜館，我對【同心】情有獨鍾。細細的店內，充滿著人情味，一邊享用午餐，一邊聽著侍應們和客人的閒話家常，雖然佢地多數講泰文點了至愛嘅牛肉湯河配椰青。牛肉湯河－湯底味濃，配菜新鮮充足。個人食法~~加一匙沙糖，半匙辣粉，兩匙辣椒魚露……頓時更香更濃更野味:)椰青－由於椰青變壞了不易察覺，我試過無數次飲完後要與馬桶做朋友，但響【同心】飲未試過出事…查看更多

尚廚~閙市中的一間五星級酒店， 好少自助午餐有即開生蠔，只吃生蠔都能回本。餐廳中單邊全部是落地玻璃，日光在外面照進來，的確令人感到悠閒自在。為左回本，當然先來生蠔，每次只限拿三隻，生蠔即開確保新鮮。可能沖洗得唔夠徹底，味道太咸，而且太細隻了。有賣相可愛嘅復活蛋，烚蛋上加上一些配料，就能製造出別致號感覺，但始終係一隻烚蛋，味道唔特別，如果把蛋黃拿出來加入調味，如沙律醬、什果、果仁、啫喱等等，再放回蛋中，相信味道會截然不同。凍嘅什菜湯:(，有些餐廳仲飲到太杰嘅，太淡嘅…唔緊要，我有令佢起死回生的小貼士，一杯熱水，一支辣椒仔，一件牛油，只要你將呢幾樣野加入去，包保能令佢面目全非。值得一讚嘅係服務員，個個都親切有禮，充滿笑容。有遊戲卡仔，食飽後可到旁邊敞大的會場中玩遊戲，有大電視，梳化，地面玩具，彈床，滑梯，扭波波，做小手工，綿花糖，爆谷，仲有無限嘅糖果。但人扮的兔先生就嚇喊不少小朋友。…查看更多

雪糕火鍋~~唔係什麼新穎食品 簡單的雪糕球沾上朱古力醬，這樣就三百幾個大洋，仲有加一服務費。都市人生活忙碌，為口奔馳，間中享受一點甜都係應該，《苦中一點甜》我們點了大size的，雪糕的味道是設定左的，不可選擇。火鍋賣相真係一流，香滑嘅雪糕配上甜度適中嘅朱古力醬，看著朱古力醬在雪糕球上變硬，然後一啖鯨吞落肚，正！冇得選擇雪糕的味道也有好處，這樣我可以試到平時唔會選的味道。如果生果都可以雪凍，就更加好。【繼續努力工作，繼續寵愛自己】…查看更多

下個月要同娘親慶生，家人話食酒樓食到悶要攪攪新意思喎，真煩。雖然，我見御膳d相都好似幾靚，但始終係工廠地方，如果唔掂的話，實比人閙。所以，我就約同事去食妟試下先，午餐比晚餐平好多架麻。我地一行十八人，坐一張超大枱，菜單已經預先溝通好，店主仲好細心甘問我地食妟時間由幾點至幾點，話預返個上菜速度。開餐啦~~麻辣鹵水拼盆金錢肚~夠林，豬大腸~洗得好干淨，手撕雞~夠滑，可惜我覺得唔夠辣。胡椒白果咸菜豬肚湯~~本來店主推介魚頭湯，但有同事唔鍾意魚湯，所以選了這款。味道啱啱好，有d胡椒香味，辣辣地，豬肚又夠林，食哂。胡椒炒蟹~~夠哂鑊氣，白胡椒嘅味入哂隻蟹度，正! 隻蟹仲啖啖肉:)蒜蓉粉絲蒸特大蟶子皇~~哇!又真係幾大隻喎，最正係d粉絲，有同事忍唔住叫在個。當時，我已想像到佢會食唔落個炒飯流沙黃金大海蝦~~咸蛋王舖滿隻蝦，但又唔會太咸同冇多餘嘅汁在碟底，隻蝦都食得出係新鮮，good.士多啤梨骨~~有士多啤梨味嘅醬汁，不過對於牛魔王嘅我，都係鍾意食牛多d金華玉樹雞~~個賣相係靚，味道都幾鮮，隻雞又起哂骨，但我個人覺得塊金華火腿如果薄d會仲夾。蟹油銀芽炒麵~~唔覺好特出嘅蟹油味，但炒得好乾身，有鑊氣，唔油。招牌御膳炒飯~~有蝦粒，帶子粒，冬菇等等，叫得招牌果然有返兩度，又確係幾香，應該係用左珍珠米。蒜蓉炒菜~~簡簡單單一碟菜，冇咩特別。西瓜盅~~夏天最啱，有什果同布甸響裡面，都幾好，好過成日出街都係紅豆沙啦。我地比現金，仲有小食送探路完畢，合格。免開瓶費,切餅費，啱哂慶生，同娘親賀完壽再上黎報告下。…查看更多

譚仔係好好食，但真係有小小悶了。今日工作關係經過旺角，見呢間好多人就試下啦。我一個人所以唔洗等位，即刻搭枱有得坐點了酸麻辣米線，中辣，凍檸茶。熱辣辣地上菜了。可能我係辣魔嘅關係啦，我覺得似小辣多d,同埋唔夠麻。木耳都夠爽同新鮮，蟹柳ok啦，唔會太林。整體都ok,可以一試。點了涷檸茶先見到隔離枱叫珍珠奶茶，早知叫啦，後悔，怪自己太心急。學生有飲品送，我正想攞張進修學生證出黎時，聽到要著校服先得，好彩啫，唔係就失禮街坊啦。…查看更多