kakakakakaka's Profile

間唔中星期六放工嚟沙爹王食白咖哩豬扒飯。今日13:03落單，5分鐘後雞翼上菜，等多15分鐘個飯都未到，問了店員，再三催四請，我隔離枱遲過我入座已經食飽走人，見到一車8個飯出車，但無一個係我嘅，因為我要碎上，但最後25分鐘後我個飯先上枱無無碎上，仲要唔熱，等了25分鐘！勁嬲三番四次漏我單，睇嚟同呢間店八字唔夾。已經唔係第一次喺沙爹王經歷呢種事，上次等30分鐘，又係要三催四請，搞到屋企人差啲遲到返工。…Read More

亞女等上堂又唔知apm有咩食，food court應該安全啦，又方便又多選擇，好鐘意食日式咖喱，平時食嘅都正正常常，於是大家分別叫了咖喱吉列豬扒飯和芝士咖喱蛋吉列豬扒飯。亞女拎飯先，見到啲紅蘿蔔碎晒喺咖喱入面，以為好細心好特別，一食就知係包裝咖喱，咖喱又有牛，cashier無講過咖喱有牛，對於我唔食牛真係覺得好難食。飯明顯煮嘅時候水太多，好濕好爛，未致於似糊仔，配咖喱真係唔適合，雖然係food court，但質素真係要檢討下。如果想挑戰難食咖喱即管去試。…Read More

8年前已經嚟呢度食嘢，見佢生意越來越好，次次都要等30-60分鐘，我唔介意，想食就要等。今晚7:45嚟到，我兩個人拎咗飛要等30分鐘，無問題，我咪等囉！一早預咗要等1個鐘，我買埋香香雞俾個女打定底。到佢叫1號，我跌咗張飛，我重覆問3次，係重覆咗3次問，重覆咗3次問係咪叫1號，佢話你係咪1號，我話係呀但跌咗張飛，佢話係你就入嚟啦。入到去，上咗湯，佢問我咩no.，我話1號，佢話無叫我個號碼，而家叫緊196，你打尖頭先係叫1位。叫1位？你見我兩個人行入嚟唔叫我出返去，仲叫我坐低？你咁講合唔合理呀？叫1位不過兩位入嚟照坐照招呼？我重覆問咗3次係咪叫1號，你話係我先入坐，自問從來唔會做打尖嘅賤人，你屈我，從今以後唔會再幫襯仲會講事實俾人知態度奇差。…Read More

之前食過兩次外賣都ok，做運動之前諗住食碗粉打個底 。入到去仲係下午茶時段，但只有小食，我就叫咗碗蕃茄爐魚粉+熱檸水。點知由5:30落單到5:50都無影，咁就問下啦，佢覆我漏單要即整檸水上咗枱，麵又唔知幾時有。即整？你估我好多時間？我個人有品，俾返$20買杯檸水走，但呢間嘢我永遠black list…Read More

難得放假的星期一，送完女返學就揾地方歎早餐。本來昨日target另一間cafe，去到發現原來地方好細，唔係我想要的氣氛。唯有周圍行去另覓其他食店，行下行下經過Coffee Roastery Lab，門面合我心意，望入去有一個bar，有bar枱位置，有一般座位，我選擇bar位。三文魚沙律放在牛角包上，牛角包上放上新鮮沙律菜，本來係太陽蛋，但我改為炒蛋，感謝餐廳的貼心。沙律菜好新鮮三文魚沙律配上香脆牛角包，令人食指大動炒蛋就一般，個人較喜歡半熟的質地，與牛角包都能互相配合。唔飲咖啡的我，挑選了熱朱古力，上枱見到熱朱古力的拉花真是賞心悦目😊感到悠然自得。一日之計在於晨🌸…Read More

適逢個女生日又想去澳門玩天浪淘園，我就四出揾自助餐資料作為慶祝生日晚餐，和比較香港，澳門的自助餐抵食好多。在網路搜尋資料見到Mezza9 自助餐有即煮海鮮，咁新穎當然要試下。幸運地訂到位，餐廳仲安排唱生日歌和送咗生日蛋糕俾兩位壽星甫進門就係海鮮區，目光投向都放在新鮮的海鮮上。隔離係麵檔，燒味檔，為了海鮮都未有品嚐。點海鮮的時候，服務員都會耐心介紹和推介烹調方式，下單後等服務員拿到枱就可以享用。水吧有一個大雪櫃，裏面放滿汽水，水味冰水，通通都是自取，比起一般自助餐感覺更顯大方。有兩部自動榨橙汁機，新鮮又健康。即席烹調有龍蝦區，海鮮區，牛扒和鮮魚區，意粉區。當晚最愛清蒸龍蝦蒜茸粉絲蒸扇貝爸爸對煎牛扒亦讚不絕口今次生日飯真係好開心，食味美味加上周到的服務，令我有理由短期內再踏足澳門。…Read More

睇完櫻桃小丸子7點幾，我哋3口子去揾食，本來想去food court 大家都可以食唔同菜式，但估唔到咁多人，於是上南小館博下有無位，結果等5分鐘就有位喇:)1. 生煎包。。上枱唔係即食，因為爸爸去了洗手間，等了一會兒開始食，包底好脆，包內的湯依然係熱，並無因為等侯而變得淋。2.四小併。。有6/7個款可以選擇，本來以為碟頭會唔大，因為1款小食都40幾，呢個4併70幾。上枱見樣樣都足份量涼伴木耳。。入口爽，慢慢會在口中滲出wasabi的微辣味，好開胃。花雕醉雞。。有酒味，雞肉嫩滑。糖醋排骨。。太酸，我覺得一般，淺嘗是可以的。四喜烤伕。。味道小小甜，作為前菜也開胃。3.蝦雲呑湯麵。。雲呑皮薄，饀不過不失。為咗有米氣落肚而叫。4.招牌鮮肉小籠包。。皮薄有湯汁無可挑剔5.炸銀絲卷。。條包唔夠飽滿，太瘦，我家附近的比較好。6.五穀薏米水。。我一向鐘意穀物飲品，對我嚟講係好好飲，仲有飽肚感總括，環境舒適，服務和食物也不錯，晚餐時間平均$100左右一個人，銅鑼灣算抵食幾好。…Read More