little candy's Profile

行主教山水庫，經過運動場得閒飲茶，之前食過，覺得點心可以，小店預咗快餐食點心，環境比較擠，差不多滿座，入到去一位男侍應招呼我哋坐7號二人枱，斜對正開門位，心諗好快完成午餐，但人出人入，食正風口位，落完單見到裏便剛有人離坐，同侍應講想轉枱被拒絕，算啦，都好快食完！但真係每分鐘都有人開門一次， 食風位，分分鐘都被風兜口兜面吹到正，當有人起身埋單經過要走，就要褪一次位，真係食到由背脊骨落！食完埋單，我覺得這個三剎位不應該讓顧客坐，同侍應反映，卻被搶白一番！之前一次坐了角落卡位，坐了一會，佢哋話員工準備開飯，要我們轉枱，還可以接受！這次員工的態度好差，貼錢買難受，附近仲有得揀，得閒也不會再嚟！😤…Read More

之前久不久會去馬鞍山海港飲茶，因為他們的點心有點特色，多點花式，例如蘿蔔糕拼芋頭糕，桂花糖麻花抵食夾大件，所以間中山長水遠由港島與馬鞍山朋友見面，一定約喺海港飲茶！今次係裝修之後去，時間中午12點多，七、八成客左右，前枱給我們搭枱，眼見還有幾張小枱，我們兩個人想要求未有人客的一張角落四人枱，前台搶白一輪，他們酒樓方面是搭枱的，另一位前台暗示同事安排我們要的枱！剛坐下開茶，一位女士隨後也來到拼枱！很多枱都是兩個人坐可拼枱，但侍應偏偏即時將一位太太拼過來，心想分明是鬥氣啦！太太是街坊熟客，他說酒樓就是這個作風，服務很差，裝修後少了很多點心選擇，但係有些特價，燒味比以前有進步，所以她多數中午來點一款飯！她說以前酒樓好生意，識做的客人有位，而家經濟不景，酒樓繁忙時間都有枱！他是單丁，不想勞氣，每天走不同的酒樓食飯！我們點了一碗燒鵝拼叉燒飯，味道可以，不過燒鵝都是骨！一碟豬腳仔，很長沒斬多一刀，吃得有點論盡！一碟雞扎等了很久，即蒸的，但有點偷工，腐皮沒有炸！燒味飯與豬腳仔特價，埋單$134 ，價錢合理！大部份人都北上消費，本土經濟蕭條，酒樓食肆還要維持這種服務態度，客人覺得受氣，附近商場仲有其他選擇，下次如何幫襯海港呀！…Read More

發現觀塘有間樓上舖，網評食法國菜食物不錯，於是預約生日飯，結果敗慶而回！網上最近餐單$520有五道菜，晚餐價錢算係理想，但我們當日所看到的相同餐單已經提升至$650五道菜，其中主菜豬柳更要另加$100！餐廳佔地廣闊，如果Fine Dining，環境算係好一般，比較嘈吵！如果食物質素可以，這個環境還可以接受，但係整頓晚餐由頭到尾，覺得不是享受，無論食物質素、上餐安排和食物份量，整體都未達水平，這一頓晚飯是吃不飽的，也吃不愉快，真是貼錢買難受！食物不太新鮮，海膽苦，汁料配搭也不討好，龍蝦汁配蝦苦，柚子汁配鱸魚又苦苦哋！兩個人用餐都不能同時上菜，前菜主菜都是一先一後上，除非兩個人選擇同一樣食物，但係份量都可以有偏差！另外又有錯單，Amuse Bouche餐前小食一般不列入一道菜，這裡卻要算進一道，用餐連基本麵包都沒有供應， 也不要說有小甜品 Petit four，原餐單甜品要另外加錢，咖啡茶亦欠奉！主菜前不是有個雪葩嗎？侍應説改了！我們反映今晚的餐很甩漏，之後另一位侍應送來兩個免費甜品！環顧其他顧客都沒有選這個餐，都是食Pizza意粉或燒烤之類，可能我們選錯了餐單！既然這樣的餐做得不到位，店方不如取消這類餐單，免得吃力不討好，送兩個甜品補償不了，再便宜也不值！…Read More

從雜誌的廣告揾食, 雖然有點風險, 食評好劣又懸殊, 但食物菜單吸引, 拚着一試真偽未嘗不可, 結果是貨真價實, 物有所值, 食得開懷又 回味無窮!装璜未算吸引, 普通裝修, 食具一般, 竹筷子顯得粗糙, 招待的女侍應都是中年以上, 似家庭主婦; bar 枱子都是年青小伙子, 看似不夠經驗......入座時天尚未黑齊, 無甚特別, 及後燈火通明, 觀感便不一樣。由第一道菜開始, 愈食愈有驚喜, 都很精緻, 做得幼細, 雖然是套餐形式, 看得出有大師級作品風範。 刺身選料上乘, 非平常品種。 當日有深海劍魚, 鮮甜大隻牡丹蝦, 立魚海膽卷等。天婦羅更不負虛名, 比平常吃到的, 選材和手工都做得出色, 果然沒有欺客。 鐵板豚肉燒和6A和牛燒更添色彩; 最後甜品選了自家製雪糕, 味道真寫實, 為完美的晚餐畫上了句號!女侍欣勤招待, 後段還細心換上燙熱綠苶.......…Read More