珍寶's Profile

其實一路都有幫襯呢間小店但都唔知道呢間小店有賣盆菜🧐做節嘅時候就膽粗粗試吓打開嘅時候屋企人都嚇親咁多料既！😍😍😍😍堅係有鮑魚（數量仲要唔少😛😛😛）啲冬菇好大隻！呢樣我覺得真係要加分因為大時大節大器啲屋企人都開心啲嘛😉講味道啦今次我叫既喺美人鍋再加左個刈包美人鍋個味好特別架唔似街果啲一味南乳/死咸好似好滋陰咁🤣🤣刈包係我私心叫既因為好鍾意夾住腩肉食😛😛但真係要蒸返熱個包先得啲腩肉又腍又香好幸～福～佢會跟埋啲配料可以跟返自己嘅口味去整一家人咁整下食下好完滿既感覺…Read More

九龍灣呢頭午餐外賣店眾多，但素食好似得呢間。簡簡單單炒米粉加餸、紫菜卷同湯，米粉炒得夠乾身唔會一舊舊，紫菜卷入面滿滿既爽口鮮甜椰菜，湯係少有既足料西洋菜湯，好滿足！絕對會encore☺️☺️☺️…Read More

抱住怕有伏既心情黎試下，結果係正面既。晚餐時間食左西冷（雖然有些許overcooked）、carbonara（濃濃芝士味，建議要share食）、沙津（ham大大塊）、豬軟骨飯（啱哂小朋友，但大人可能會嫌太淋），最後似蘋果批作結。全部都正常水準或以上，價錢亦合理，蘋果批有驚喜。侍應們態度好好，香港餐廳難得一見🥹以果頭既餐廳來講，呢間絕對係食得過既一間。留意返，訂枱要落訂，我覺得都合理既，畢竟座位有限。…Read More

午飯時間經常幫襯，各樣食物都係正常發揮，呢個價錢有湯、主食、飲品、甜品真係抵。最鍾意食佢既雞排，煎到脆皮但又唔太咸（雖然可能有人嫌少許淡），同事就最鍾意食米蘭豬扒。甜品吉士蛋真係食得出係自家製，唔係太甜啱我口味。最鍾意間餐廳細細老闆二人處理哂，手腳唔係最快、落單可能會有錯，但食餐飯有人同你真心微笑多謝係無價。試過中午時間同同事黎仲可以whtsapp餐牌落單先，係方面客人既貼心服務。一定會繼續支持呢間小店💪…Read More

係火炭試過佢既總店㗎啦，當時已經好鍾意飲佢既果茶今日經過觀塘又見到佢原來開左分店即刻入去試試分店有堂食位置好文青feel呀又光猛又舒服好似去咗台灣既餐廳咁疫情期間好怕去好迫既餐廳但呢度位與位之間好闊落都好乾淨令人食得安心因為午飯未落格只係叫左黑糖珍珠奶茶飲（超微糖）呢度既珍奶既味道同出面有啲唔同㗎好好獨特既茶香味第二度真係飲唔到啲珍珠軟硬啱啱好唔會好似彈彈波咁硬膠feel可惜真係食唔落野餐牌啲野都好吸引希望下次再試其他野食…Read More

一早入大澳做遊客行完個山十二點左右衝落大街趕喺人潮湧入前做Solo第一個客坐左係最chill既角落位因為疫情關係，一張枱喺坐一個人既，但二人同行就坐隔離枱每個人要消費$125（飲品加食品加蛋糕）睇返食評好似加左價但我都仲覺得係抵食牛肉麵啲牛肉食得出喺新鮮牛，好濃牛肉味杯咸檸檬加左話梅我覺得好好飲呀咖啡正常，多士就一般（可能其他味會好啲）最後既甜品揀左木糠布甸我覺得超。好。食！係我食過最好食既木糠布甸…Read More

期待左試呢間餐廳好耐啦！就係周年紀念日落order要男朋友book呢度揮霍下😛😛上黎刨一刨文叫左：蟹餅、鴨肝、牛小排蟹餅10分鴨肝8分牛小排7分侍應好親切，服務一百分，令人無去半島既緊張感🤟🏻🤟🏻，加分！但因為樓底唔高，所以要有心理準備唔係靜架最加分既係，有周年complimentary 甜品，勁意外同開心🥳🥳🥳 侍應仲一路祝我地周年快樂(有啲啲唔好意思hehe)滙豐Signature仲有九折呀🤗…Read More

我係常客一星期黎一次左右魚蛋粉買少見少呢檔算好味又抵食$33一碗連飲品去邊搵？魚皮唔係薄到紙果啲好脆好香口魚蛋彈牙湯底出色地方夠大又算乾淨唔太明點解仲有人俾負評推薦…Read More

其實野食比一般放題算好食雖然之後極口乾但都ok 啦員工態度幾好上菜執嘢都唔慢少漏單只係優惠安排令人覺得餐廳老闆有點小家。。。長者優惠點解一定要出示長者咭呢。。。其實身份證都足夠？（但價錢牌有寫既）而同行小童係生日月份諗住可以有88折但佢話身份證無相。。。要有護照先得😅我就覺得。。。有點兒。。。驚訝既當然啦俾你係人情結果當然係無俾人情我唔。。。道理上餐廳當然絕對無錯但我就有點兒失望了但再戴返頭盔先味道係ok既…Read More

第一次去呢個food court, 裝修座位都令人覺得好舒服。行左一轉，幾間都好吸引，但當然要支持下素食店啦啲員工都幾有堅持架，開舖前5分鐘都唔take order，但佢出餐速度超快，所以趕時間既都無問題食物賣相係超靚，好精緻。味道真係好好！唔知日本住家餸係點啦，但真係樣樣都好味，又俾到人好健康既感覺。我食係茶碗蒸、南瓜薯餅同味噌豆腐，全部都超好食喎。三項既份量望落少，但食哂原來都好飽。價錢係小小貴既，但值呀。…Read More

由13蚊食到22蚊, 貴係貴左啲, 但依然咁好味。皮薄又夠脆, 入面一定有章魚唔係得一pat粉, 椰菜又夠甜, 蛋黃醬加木魚絲正到痺。其實我鍾意呢種港式改良版多過關西正版hahahaha。…Read More

由細係置樂食粉仔食到大, 去到宜家仲會周圍搵粉仔食。以前置樂粉仔有兩間成日鬥到你食我活, 我自己其實一向都幫襯宜家已經執左果間, 因為真係好味啲 (生意都好好多), 但至於點解好味啲生意好啲都要執? 咁就唔知啦。 講返宜家呢間“粉仔檔”, 星期日下午超好生意。其實除左粉仔($15)貴啲外, 其他野食都好抵食(例如$8有8粒燒賣)。講返碗粉仔。首先, 置樂粉仔係俾出面食到既幼身, 就好似上海麵咁, 而且湯底只會有蝦米, 你唔會食到其他配料。我個人覺得佢啲粉仔太硬, 因為應該要煲到淋淋地先索到湯汁, 宜家基本上湯同粉係分開。加上粉仔未煲到淋, 個湯都仲太清, 無以前(其實係以前隔離舖)果種咸香惹味。可幸係佢地既辣菜甫幾好味既。總括來說, 雖然呢度有好多回憶, 但不是我回憶的味道。…Read More

初時對食麻辣刀削麵好有保留, 因為自己雖然鍾意食辣, 但對“麻”就唔太接受到, 但見咁多好食評, 就即管試試。星期六中午黎到, lunch時間排左十個人左右, 但好好彩好快有二人枱。坐低叫左一碗紅油牛肚麵, 同一碗麻辣手撕雞併大腸麵。 份量足, 湯底甜, 麵in un。 麻辣比紅油辣, 好香好正, 絕對會再黎。…Read More

陪媽咪自殺式食大閘蟹, 結果好失望  總共叫左22隻, 但我覺得自己無咩真正食過, 因為大部份都唔新鮮, 有陣怪味之餘仲淋batbat 。講真我未試過食蟹食到咁唔高興, 連隔離枱其他食客都話好失望... 係洗手間同另一食客吹水, 佢話之前食過一次好正, 但今次食一隻都食唔落口, 而經理都話呢兩日好多客反映啲蟹唔新鮮... :(  結論可能係我唔好彩卦...補充一句, 食蟹既野人人要求唔同, 我唔排除有人覺得好好食架下。…Read More

其實上食呢篇食評好耐, 但一直懶, 哈哈月頭朋友請食飯, 去到呢間新餐廳, 初頭都有少少懷疑但食落就完全無失望, 仲幾有驚喜TIM! 同朋友SHARE食和牛同海鮮shabu shabu再加雞肉丸串和牛、烏冬同雞肉丸串都非常之好味!尤其係個和牛, 呢個價錢黎講係好超值海鮮同湯底都OK唯一要講既係呢度得好少位, 同埋係吧檯式設計一大班朋友食飯傾計會難D但OVERALL我都好鍾意呢間餐廳:)…Read More