LaiHinChow的個人專頁

今日同朋友去北角食lunch行過見到呢間西餐好吸引裝修又靚，望下個餐牌啲價錢午餐好似都幾抵。就決定入去試下！一個餐有頭盆有嘢飲有主菜都係唔使$100！首先我哋叫咗個蒜香銀魚蜆肉扁意粉、雙重芝士薄餅、意式肉丸蕃茄意大利飯同埋美國牛肉漢堡四個餐先來個前菜沙律賣相好似唔算好吸引但係啲菜都算新鮮！意式肉丸蕃茄意大利飯$83蕃茄味好夠濃，意大利飯就夠咬口。食落又唔會太硬。最好食晒啲肉丸粒粒都有肉汁而且唔會太過老。食得出應該係新鮮嘅肉丸唔係冰鮮硬骨骨嘅肉丸！好吃！美國牛肉漢堡$98漢堡兩塊包都有烘過，牛肉似係用手打嘅，夠結實。上面嘅嗰塊太陽蛋生熟程度啱啱好一咬落去爆曬啲蛋黃汁出嚟！而且份牛肉每個太熟所以食落好有肉汁。果報份量都唔少一個男人食都啱啱好。薯條又夠熱夠趣，好食過麥當當。蒜香銀魚蜆肉扁意粉$73咁多個菜式呢一個嘅性價比最高，蜆肉分量多，食落有粒粒嘅銀魚。意粉係用橄欖油黎煮。條條分明夠彈牙。仲有好香嘅香草同埋蒜頭味。亦都將所有蜆肉嘅鮮味帶到去每條意粉上邊！好正！雙重芝士薄餅$98依個薄餅真係冇得頂。佢用咗兩種唔同嘅自私食落去好有層次，頂底用咗黑色嘅麵粉去做食落去有淡淡然嘅麵包香，亦都有好濃烈嘅視覺衝擊。雖然呢個薄餅肉嘅份量唔多但係完全唔會覺得味道唔夠。真正嘅薄餅係唔需要好多肉呢個薄餅我比90分！食完因為大家唔係好飽所以就食多個炸雞。本地炸雞$45炸雞不外乎三樣嘢香趣多汁。衣蝶炸雞三樣都齊晒仲加多左一樣就係份量好夠多$45有咁多舊真係好抵！又好食！佢有秘製嘅醬汁食落感覺好高級！…查看更多

有日同朋友傾開想食法國野 朋友就介紹咗Odelice俾我 呢間好似係法國fusion 菜嚟 朋友食過覺得幾好食就介紹咗俾我 其實間野都幾近太古廣場 行完街就同朋友過去食晚餐喇間野嘅門口有種新潮歐洲嘅感覺 唔同一般食開嘅法國餐廳 唔會有種好正式高級嘅感覺 反而係型格感覺多 感覺好新鮮一入到去都睇得出店主有用過心思去裝修 環境好不錯 幾輕鬆 啱晒同朋友嚟小聚吹吹水飲下野之前侍應就遞上餐牌 都幾多種類幾多選擇！我地首先叫咗兩杯酒先 朋友叫咗house wine 我就弱弱的叫咗sweet apple wine hahaha 蘋果酒都幾好味 有啲梅嘅味道😂之後就食個牛油果雞扒沙律 個沙律真係好好味呀 菜同埋湯又有果都好新鮮 個雞扒都煎得好香 好開胃正！之後仲有個牛扒扁意粉 呢個意粉都好好味 個意粉個軟硬度都剛剛好 個牛扒我地叫咗五成熟 煎得好好啊 主食方面仲有酒煮硯配薯條 啲硯都幾新鮮幾好味 啲薯條係我鐘意嘅粗薯條啊 好正😆個硯個份量都幾多 好似食極都仲有咁 不過啲硯嘅大小有點小 不過贏在量夠多 另外啲硯有小小咸 呢個係唯一嘅小小不足我地另外仲有叫個Parma ham pancake 食落有少少甜甜地 味道幾特別都幾好味 兩個人總共食咗六百幾蚊 我覺得價錢都尚算個理 以呢個價錢食到咗嘅質素嘅法國餐郁真係很不錯啊 總括嚟講都算係一個很不錯的新嘗試 我都會再去第二次 鐘意fusion 菜嘅朋友記住唔好錯過喇！…查看更多

朋友去尖沙咀行街周圍行，行吓行吓想食日本野但又唔想食放題但又想坐耐啲。朋友想食高級嘅刺身，行行下見到依間餐廳好似幾有情調。就試試！首先我地入到去叫左個待應推薦既空運刺身拼。一睇到全部係白身魚，就知道一定鮮甜！侍應叫我地由最淡食到最濃味。愛呂、赤鋼、橫筋、金目鯛 。由3點開始順時針計。啲刺身肉質彈牙仲好新鮮！好有鮮味仲一啲都唔腥！絕對冇失望！第二味就叫左個壽司盛$208壽司一啲都唔馬虎！飯有醋味又夠暖。對面嘅刺身都好新鮮尤其是系香蔥吞拿魚容！鮮味一流！甜蝦亦好出色！劍魚都算係我食過最新鮮最爽口！好抵！食完生野就叫左啲燒野食下！有燒鮑魚燒$108日本銀杏$38同燒雞頸肉$32個鮑魚燒得岩岩好，有少少燒焦香味，中間又唔會太熟，鮑魚本身有夠新鮮好彈牙好有鮑魚味！日本銀杏好爽口，食落完全同平時食既白果唔同！串雞頸肉就同平時食既雞好唔同。比較多脂肪，香口好多！之後叫咗個牛油帶子焗雜菇$78牛油味唔會太重，唔會蓋過菇既香味。七十八蚊夠曬大包！之後仲有個牛肉生薑燒$98牛肉份量比想像中多！食得出係和牛，因為油脂都算多，入口即滆！沙律又夠新鮮，黑醋又好夾到個啲生薑既香味！好好食。最後叫多個手打泡茶黑豚肉石頭鍋烏冬$118牛肉鍋意外地超好食！好香又夠曬熱！…查看更多

今日同係觀塘返工既朋友食午飯。想食啲fresh 少少既野，遊走推介呢間樓上Cafe話坐得好舒服又唔會太逼！入到去的確好鬆動，裝修仲唔錯，幾高級。有清新既田園風！見佢裝修咁靚以為會好貴起碼百零二百蚊1個set，點知又唔貴喎！大部份嘢食都係差不多$100連西冷扒都只有108左右湯有包有嘢飲！好抵！我同朋友就一人叫左一個餐兩份分！首先上左個餐包同湯！個湯係南瓜濃湯，好濃南瓜味，飲得出好足料！個餐包係芝麻包，有烘過。食落有少少趣口，點埋個湯食，吸曬啲南瓜味，味道一百分！ 飲完個湯食完個包就開始食主菜啦。美國頂級燒西冷牛扒拌薯菜配沙律 ($108)個牛排叫左五成熟，食落岩岩好，有肉汁。塊扒比我想像中厚，一啲都唔薄！好有牛味，絕對唔輸比好多高級西餐廳！下面既伴菜都好好食。啲薯條吸收曬牛肉既肉汁。雖然會令薯條林左。但個味道配合得岩岩好！有肉香既薯條好正！個沙律都好新鮮，啲菜爽趣，加埋黑醋perfect! 沙律入面仲有生果，食落感覺好豐富好好味！ 另一味就叫左忌廉汁牛肝菌雞肉意大利飯 ($88)個賣相雖然唔係好吸引，但一食落個雞肉嫩滑的程度令我大吃一驚！雞肉肉質鮮嫩咬落去絕對唔會鞋！中吸收左啲牛肝菌嘅味好有層次。意大利翻譯都吸收左雞肉肉質嘅鮮味加上口感彈牙好有趙口好好食！…查看更多

百味閣餐廳有日行開九龍塘 突然間想食西餐 就同朋友決定去試吓呢間百味閣餐廳呢間餐廳都有好多年歷史㗎啦 入到去覺得環境都唔錯 啲裝修都幾靚有種懷舊西餐廳嘅感覺！一開始我哋叫咗個餐湯先 嗰日有兩個餐湯可以揀 一個羅宋湯 一個鴨肉湯 兩個湯都好足料啊！ 味道都好唔錯😋😋然之後佢仲有餐包上添 係烘咗嘅蒜蓉包呀😍 超脆超香 好好味呀😛我哋首先叫咗個牛扒🐂 一上已經覺得好香呀 食落都好新鮮肉汁豐富 不過如果食到生嘅朋友建議叫唔好太熟 五成熟左右就啱啱好啦 咁樣先可以保持到啲肉質鮮嫩牛扒伴碟有少少菜同埋薯菜 啲薯仔係焗嘅唔係炸薯條 都好好味呀 雖然食落就唔係好重口味 不過淡淡地都幾香薯味 哈哈 成個牛扒加埋啲薯菜感覺唔會太漏 好開胃呀😆😆之後我哋仲叫咗個魚扒🐟 係當日餐廳侍應推介嘅 佢哋話係新鮮送到㗎個魚扒呢就有汁配嘅 好似有黑椒汁蒜蓉汁同埋蘑菇汁 咁我哋就揀咗蘑菇汁個蘑菇汁都幾好味幾香 不過我就覺得個魚扒就咁食仲好味 所以個蘑菇汁就送飯啦😂個魚扒呢侍應就同我地講落少少海鹽會仲好味 所以我哋就聽佢建議果然落咗海鹽之後魚嘅鮮味更加突出 真係好鮮好好味！但係飯嘅份量就有啲少 我諗得一碗飯左右咁多啦 大食少少都唔夠食㗎同牛扒一樣都有啲蔬菜做伴碟 食埋啲菜都勉強夠飽嘅😂最後仲送咗個甜品添 係焦糖麵包 細細杯咁都幾的骰我哋最後唔係好夠喉 所以就叫多個蘋果酥盒 食埋個甜品應該就差唔多啦！個蘋果酥盒都幾好味 啲酥皮好脆 仲有好多生果添 正😋😋最後值得一提嘅係啲侍應態度都好好 整體來講都好唔錯 環境又浪漫 值得一去啊👍🏻…查看更多

麻辣派對上次同朋友去咗銅鑼灣間麻辣派對度食四川野😛😛😛 之前已經有係open rice個排行榜度見過呢間四川野 睇相都幾吸引 就約朋友去試一試一去到俾佢個環境嚇親 同我想像中嘅四川餐廳一啲都唔同 唔講以為去咗西餐廳 果度環境好暗 好有情調 好浪漫咁 哈哈😂坐低咗我地就睇下餐牌 都好多選擇 例如係有涼菜 小炒 香鍋 仲有米線 佢啲香鍋都幾大搵 我哋仲見到隔離枱個女仔自己一個食一大兜 真係好犀利😂😂😂最後我地叫咗個水煮魚加埋個水晶粉 魚我哋就揀咗剝皮魚 一嚟到就覺得好香啦！超大 仲擔心兩個人食唔食得晒 點知越食越滋味 覺得唔夠食添😛仲有啲 芽菜 酸菜 豆卜 啊 等等嘅配料 覺得唔夠嘅可以再追加其他配料 都好多選擇㗎 例如係肉類牛肉羊肉雞肉等等 蔬菜啊 娃娃菜 土豆 各種嘅菇類呀都有😍另外我哋仲叫咗個四季豆 都炒得好香 好入味 份量都係啱啱好👍🏻 兩個人食其實都真係好夠😋 四季豆係食川菜必叫㗎 又平又好食 亦都可以顯示到呢間川菜餐廳嘅功力 麻辣派對嘅四季豆就炒得唔錯 嘅不過又未話好好食 都好夠淋 我最怕啲食個啲好爾後好似未熟咁 真係諗起都唔開胃最後餐廳仲有個個小甜品送😃 係桂花糕啊 仲好靚咁用個玻璃杯裝住 食落唔會太甜 好清新 要嚟解辣一流😆另外啲店員服務都幾好 會問下我地對食物嘅意見 好重視顧客嘅需求啊👍🏻最後埋單$367 係旺區嚟講呢個價錢都算合理 環境又唔錯 坐得舒適 下次都會揀同朋友再嚟😚…查看更多

今日同朋友去佐敦食燒肉，見到好多間都係放題但想搵間坐得舒服。所以就上網見到呢間評價幾高又幾多人就入去試下！首先睇下個menu 先！一嚟到首先有個侍應先生推介我哋今日嘅海鮮。所以我就揀左個磯煮鮑魚($98)鮑魚好新鮮，食落好多仲有鮮甜嘅海鮮味！雖然唔識郁，但個感覺好似新鮮到識郁咁！佢既調味亦恰到好處，甜甜地都唔會擋著個鮑魚嘅鮮味！第二味就試左美國prime 牛小排同牛角切牛肉食落冇雪味，燒完仲好有牛味好香濃！牛角切好有口感好彈牙，粒粒有肉汁！牛小排亦夠曬厚，口感一流！兩款肉都係肥瘦l啱啱好，入口即滆！不應該肉又想encore食返個海鮮所以就食咗個牛油帆立貝$88！個牛油帆立貝食落好新鮮又有黑松露醬喺上面，令佢烤出嚟成個香氣提升100,000倍！燒完出嚟個黑松露醬係完全深透入邊！平時出去食黑松露嘅菜式全部都好貴呢個兩粒飯立貝加咁多黑松露醬都只係$88超值！因為呢個黑松露太好食所以我哋就食咗個焗黑松露野菌！$72呢個最黑松露味相對就冇咁濃烈，但有野菌味掂撘夠！除咗呢啲烤嘅食物我哋仲食咗幾款主食，因為實在太餓了😂😂😂冷到庭手打烏冬($60)個烏冬條條分明又夠凍加埋佢嘅醬汁好好食！食落爽口彈牙冇得彈！之後仲食咗個海鮮拉麵不過食得太飽相對就好似無出色😂…查看更多

養心殿台式養生火鍋呢間養心殿早已經聽過佢嘅大名 終於有機會可以一嘗啦。之前已經聽過食過嘅朋友講呢間嘅價錢唔平！ 就等我同朋友試吓睇下值唔值呢個價啦😁呢間佐敦分店環境都唔錯 燈光就比較暗 都幾有feel 佢嘅間隔都幾特別有好多唔同嘅屏風隔開一個個 位所以感覺上就比較有私人空間 都幾適合同朋友聚會👍🏻我哋就揀咗麻辣鍋 同埋寧神養心鍋😋 一嚟到見到個湯底已經覺得好吸引啦 感覺好足料！ 尤其養生鍋入面有好多唔同嘅藥材 見到都覺得養生😂跟住我哋叫咗好多唔同嘅嘢食肉類方面我哋叫咗極上雪花肥牛啦 同埋嘉美農場雞肉 啲肉咁覺得好新鮮 食落都好有鮮味 正啊！另外我哋仲叫咗 手工丸類拼盤 啲丸都好有特色 唔錯唔錯 佢係每一款丸類都有兩粒 都幾抵嘅另外仲有自家製極品水餃 半份有四隻 好吃！蟹子墨魚滑 墨魚滑我最鍾意食㗎啦！ 好彈牙 好正😋仲有寬粉條 本身以為係白色一大塊嗰啲月原來係透明 幼幼地好似薯粉咁嘅質感 放喺養生鍋嗰邊煮就會甜甜地 麻辣鍋嗰邊煮就重口味啲 都好惹味😆仲叫咗個雜錦蔬菜盤 入面有好多唔同種類嘅蔬菜 有菇又有菜 啱晒我呢啲注重健康嘅朋友台灣炸豆皮都好好食 放喺湯入面幾秒攞上嚟就食 都幾好食 好香口👍🏻另外佢仲送咗份鴨血啊 正正正！服務方面都好好呀 侍應都會定時定候主動過嚟幫我地加水總括來講 雖然價錢比較貴 但係食物質素同埋服務質素 仲有環境方面都係非常唔錯嘅所以都算值啦✅…查看更多

有日同朋友喺銅鑼灣行街 行到餓餓地又有啲想食西餐 咁啱朋友話之前食過y pasta覺得幾好食 咁就一於去試下啦！一上到去就已經係間餐廳 環境都幾大 裝修都唔錯 感覺幾舒服👍🏻👍🏻 不過唔知係咪我哋早上去 所以餐廳未有好多人坐低之後我哋就睇吓個Menu 見到出面塊黑板佢推介左幾個菜式都好似幾吸引 就決定叫嚟試吓啦😋我哋首先叫咗個Caesar salad 🥗 啲菜都幾新鮮 食落都幾好味 唔錯唔錯!之後就叫在黑板上推介嘅忌廉龍蝦汁蘆筍大蝦意粉 呢個食落真係好驚喜呀😋 啲忌廉龍蝦汁好香 然後份量都幾適中 我同朋友都非常鍾意個意粉之後我哋仲嗌咗個自家製意式肉丸同川味Pizza 見到好似幾特別咁 上面有麻辣醫 雞同埋菠蘿食落都真係好川味 兩個都不錯啊！最後我哋仲叫咗個Tiramisu 個tiramisu細細杯咁 上面仲插着塊葉 🌱 賣相好唔錯啊😂好滿足呀…查看更多

今日同朋友食飯朋友想搵間靚靚Cafe，經過尖沙咀呢度見到好似話係好多網紅推介。所以就行入去試吓！本身懷着一個嘢食質素一般既心態，貪佢環境靚。哈哈！坐坐下越坐越肚餓兩個人食咗四碟😂碟碟都令我有驚喜！首先講第一碟田園蜜糖雞翼 $68雞翼夠香夠亂滑，蜜糖味唔會太甜蓋過雞翼味，上面仲有左啲薑醋係面令到成件事香口左好多！依個價錢咁多隻，抵食！第二味，蜜糖芥末八爪魚薯仔沙律 $78一睇就知係日式做法！個沙律係蜜糖芥末醬，食落好野味，八爪魚又夠彈牙夠新鮮，仲好大粒！再加埋啲蟹籽令成個沙律好重鮮味！薯仔又唔會太粉，夠曬爽口，好吃！除左薯仔仲有木瓜係入面，令到個沙律好甜好fresh!!!!第三味，溫泉蛋卡邦尼扁意粉 $78呢個意粉完全有高級西餐嘅水準，意粉嘅味道調得好好，夠咸又夠彈牙，而且仲將醬汁掛晒係個麵條上面，做得好出色。嗰張側面嗰條，濃度適中又唔會太張口。仲有溫泉蛋既流心蛋黃令成個意粉添加蛋香，加十分！依個真心超值！最後一味，墨魚蝦滑漢堡 $88依個漢堡淨係個麵包既色已經加左唔少分！個漢堡包意外地好食，蝦滑夠香脆夠彈牙，有海鮮味，啲配菜都好夠新鮮。食落絕對唔差過好多出名嘅漢堡包店超級推薦！連啲配菜薯條都係新鮮炸起！好味！…查看更多

今日係太子同朋友想搵間餐廳靜靜地坐低傾吓計，最好可以坐得耐唔計時。行行下見到有間餐廳裝修好靚，原來樓上先係鋪頭，行到過去睇原來聽人講過嘅慢煮工業。即刻就上去試下！見到環境咁靚，馬上坐低叫嘢食！見到餐牌啲嘢食全部都係幾十蚊好平！款式有較多睇嚟今次冇揀錯！首先叫咗個脆辣一字雞翼10隻$58估唔到個頭盤已經咁好食雞翼夠脆夠熱，少少辣味加埋芥茉醬一流！仲要係一字骨，岩曬怕係街食雞翼既我！第二味，食左個芝士溫泉蛋大啡菇$38x2以個菇咁既size，依個價錢真係冇得輸。。。。上枱已經好香芝士味。一切開！啲蛋流曬出黎。個菇焗得夠乾身加埋蛋黃，味道好夾再加芝士絕配！係近年難得一見嘅好味啡菇！再之後叫左個香蒜羅勒蝦仁蜆肉長通粉。$78通粉唔太林，夠爽口彈牙，調味岩岩好。啲醬汁嘅味道掛都係通粉上邊仲加埋蝦仁同蜆肉嘅鮮味！非常好食！超值！仲有個菲力牛柳扒$98雖然唔係好大塊，但其實好厚身！切開好多肉汁五成熟煮得啱啱好外脆內軟，好有牛味！依個性價比係99999最好就食埋個甜品chocolate brownie with ice cream!brownie夠硬夠熱配搭急凍嘅雪糕食，冰火嘅口感一流 ！個蛋糕係好甜，但雪粒中和返， 好邪惡但好好食！…查看更多

今日同朋友去黃埔花園行街，上左樓上既美食廣場搵食。發覺自己太耐冇去，原來上面依家好多新餐廳！行過見到依間越南野門口好似好有特色，門口嗰架人力車整得好精緻，再加上有好香嘅香茅味，所以就決定入去試下！入到去坐低發覺一邊嘅裝修同門口一樣都係好有特色，好多越南嘅元素係入邊仲要新潮！啲座位都坐得幾舒適。 事不宜遲即刻睇吓餐牌先。食物種類都算好多仲要價錢好親民！馬上叫幾樣野試試！第一味肉骨茶肉骨茶藥材味好濃，但都唔會蓋過肉嘅鮮味，飲落去個湯好厚身，啖啖濃郁。飲得出係熬左好耐嘅湯底！個湯仲配埋依個炸油條。呢個炸油條唔係一般嘅油炸鬼，佢存夠都係硬身等你浸落個肉骨茶一邊吸收晒湯嘅鮮味，一邊自己調個口感軟硬。第二味，扎肉手撕雞湯河($58)呢個湯河就不過不失湯底味道都算濃，手撕雞都唔會好老，扎肉彈牙有口感。飲落個湯都唔會覺得好重味精👍🏻第三味越式炸春卷春卷皮溥夠趣，食落唔會油淋淋。再加埋佢有生菜去中和春卷嘅油分。好食！個生菜令成件事錦上添花！下次去依個一定會再食！最後叫多碟馬拉盞炒通菜個菜食落好香好爽口，完全唔會覺得老。調味亦調得好好！有馬拉盞味又有少少辣。份量又咁大碟！最好係佢唔會好多湯汁浸住啲菜搞到淋曬。Overall 我比8分！值得一試！…查看更多

今日行開旺角見到有間燒肉好似高級，午市都只係百零蚊一個人仲有任食。就想去睇吓，上到去一睇門面都幾企理。午市燒烤放題都係118$. 抵到爛！一到去第一件事即刻行個圈先！水吧有酸梅湯有果汁五款汽水仲有咖啡！當然茶，水都有！除咗水果之外佢仲有烏冬吧同埋沙律包。啱晒驚太熱氣既朋友！烏冬食落彈牙，條條分明，算好新鮮!!!講完冷盤就講下啲熱盤。佢嘅熟食實在有太多款，佢長期都唔知點樣影得晒。有鳳爪，有菠蘿雞鎚，有芝士薯容，有意粉，有蓮藕炆排骨。。。。可以話照顧到所有不同需要嘅人！燒既肉類就唔算話好多，但貴精不貴多！一般燒烤放題有既佢都有。有雞扒、牛扒、豬扒、雞翼、牛枊粒等等講下個爐，佢個爐依家付有個超強力吸油煙機，所以燒既時候點燒都唔會成面油！又唔洗驚燒完成身味！個鍋仲有層牛油紙，燒既時候絕對唔痴底。十分抵讚！好之後就講下燒完之後覺得有咩最好食。佢既雞翼調味夠香，又夠大隻！雞肉就好夠滑，燒完都仲有好多肉汁。牛枊粒都好唔錯，燒完都唔會好un有排趙，食落彈牙有牛味。蔬菜類都算多同算新鮮，特別南瓜特別好食。仲有大大塊尤魚，雖然冇影到相，但足足有手掌咁大塊。好鮮好好食！甜品方面有好多種雪糕之外，仲有爆谷，自製綿花糖、自製雞蛋仔，又有得又有得玩！…查看更多

今日同朋友去times square 行街。晏就行街，行到咁上下開始肚餓想食牛肉。係10樓一路行上去好多餐廳，行行下見到依間好似幾有情調，又有蒜同牛食，就決定依間！入去坐低，環境好舒服。好有高級餐廳既感覺！仲要入面有個open kitchen 同水吧！令成個感覺high class 左好多。裝修我比9分！岩曬我同朋友黎嘆返個lunch!set lunch 大部份都係百零蚊包沙律，野飲。依個價錢絕對抵食！前菜既沙律就冇乜特別，蔬菜尚算新鮮，但未有驚喜。Garlic sizzling rice($158) 炒飯入面有煙肉、飛魚籽、醃漬蒜頭、韓國牛油。 炒飯炒得好干身，以為有醃漬蒜頭會影響口感，但完全唔會。蒜頭完全融入個飯入面，食落好香蒜頭味，仲要加埋飛魚籽既鮮味，令到個口感好豐富。唔好見個飯好似好普通，食落個感覺好有層次！香得黎會感覺到唔同既味道互相配合！ 如果中意食蒜頭既朋友一定要試！tenderloin steak ssam($228)烤牛柳伴牛油餡角終於食到想食既牛肉！個牛肉大約七成熟煮得岩岩好，食落去好林，完全唔會要咬黎咬去都咬唔到。林得黎好有肉味，係澳洲牛肉既特色！牛柳就咁食已經好好食，再加埋個大蒜忌廉醬超夾！伴碟配菜仲要有成個烤大蒜！中意食蒜一定一定要試，個大蒜煮得岩岩好。夠林身又夠香甜！個牛油餡角配牛肉、大蒜、加大蒜忌廉醬夾係入面食係冇得輸！首先餡角趣，裝住曬咬完牛肉流出既肉汁，再加大蒜既香味。完美！好滿足既午餐，下次一定再食。…查看更多

今日朋友介紹工廠大廈食有水準既泰國菜，大廈位置好易搵。大堂又好企理，約朋友去食絕對唔會寒酸！一上到去坐滿曬人，但地方都算闊落。仲有少少田圍既氣色，主要以木枱為標準格調！坐低欣賞完一輪，就即刻拎返個menu ，準備開動！同好多餐廳一樣，menu 有兩個有正常menu亦有lunch set!睇到個menu上面既圖都知道，餐廳雖然係食泰菜，但行既係精緻既路線！食物賣相款款都好靚，但唔知味道又如何呢！首先我叫左個咖哩牛腩飯$72一想到枱埋身果然好靚，未開始食就已經聞到好香嘅椰香味。咖哩係篇杰身，食落唔太辣保留到牛肉嘅鮮味。個咖哩既味道我覺得係調得岩岩好，配上靚牛腩，唔太林身，咬落仲好有口感，肥瘦適中。最怕食到好煮到碎曬既咖哩牛腩。同埋個牛腩最好食既地方係，佢入味得黎仲保留到牛腩本身既肉汁係入面。雖然午餐黎講價錢唔平，但值得一試。第二味我地叫左無骨豬手飯$82上到枱賣相仍然好靚，仲有好多舊豬手，夠曬份量。豬手煮得夠軟，入口融化，唔會痴牙。味道亦都好夠，鹵水味完全入曬味，又唔會太咸。依個豬手撈飯食都真係一流！見佢menu 有得優惠價加小食，所以就叫左個串燒雞串 $28串燒特登用鐵碟，想形造返泰國當地既感覺。仲有張牛油紙吸油，細心！串燒就嫩，咬落啲肉汁直情係流出黎，仲要熱辣辣。有水準！…查看更多