Stephanie SK Ho's Profile

同朋友約好一齊去試吓廚師發辦，今次係第四次去，今次轉咗個新師傅，邊食邊講好開心。 四個季節，食材都不同。由前菜沙律開始，每次都唔同。今次食咗螢光魷魚蒸蛋，鹹鮮味好重，燉蛋滑嘟嘟，墨魚汁好味。👍 我揀選咗12件壽司，廚師發辦午餐。 一開始就食咗件白蝦，跟著食象拔蚌，由淡味嘅魚開始食，有新鮮嘅赤背，立刻剖既北寄貝，好新鮮爽口。喺個口到咀嚼耐啲，仲可以享受到唔同嘅感覺。食咗件好高油份池魚，師傅話佢有85%係油份，配咗幾粒蔥花，咀嚼嘅時候好似食緊全條魚咁。金目綢係我其中一件鍾意食的，師傅微炙魚皮，齒頰留香，🥰🥰最後一件，我最鍾意的海膽蟹肉飯🤗值得推薦…Read More

每次食飯最怕就搵新餐廳，有陣時都好驚會中伏。今次試吓旺角嘅樓上餐廳，第一眼俾佢嘅裝修吸引咗因為係紫色，都幾好。我哋五個人就坐唔到卡位，坐靠近窗邊風景都OK。我哋食咗好多好多好多嘢，自選Pizza新鮮出爐，薄批好味。我哋追加左薯蓉，好Creamy。錫紙蒸比目魚，幾有特色，香草加檸檬同蕃茄蓉味道剛剛好。值得一讚，係海鮮炒飯。軟硬適中，有酒店級嘅質素。出奇地，佢有亞支竹配蝦沙律，八爪魚溫沙律，我更加鍾意。…Read More

值得推介💜 可以encore的 . 鮮蝦雲吞好新鮮，炸魚皮正， 佢仲送一個迷你海鮮籃.. 蝦都好新鮮仲扎扎跳。最欣賞係個蟲草花雞湯湯底，十足料，越食越好味，仲冇添加味精。蝦滑同墨魚滑好味😋 …Read More

昨日已經book好枱，滿心期待去食好嘢。初初去到都OK，環境同音樂都OK。服務唔得。因一個朋友沒有來到，我哋三個位就變咗兩個人， waitress 即刻黑我面， 仲有啲粗魯咁樣收咗我隔籬位嘅餐具。我哋一位係食魚，另一位食牛扒。 牛扒要五成熟，到達已經係七成。 上菜嘅時候，食牛扒的竟然先上，等咗七至8分鐘， 魚先上菜。 呢一間係西餐廳，冇諗過唔係一齊serves. 檸檬茶甜到可以分幾杯，甜品比舊現成嘅香蕉蛋糕太差勁…Read More

星期六行過荔枝角，見到新開的賞麵 ，於荔枝角見到一間好歐陸式格局 ，當然入去睇吓啦。 枱上面有六種不同嘅辣椒漿，試了四種，我鍾意湛江&海南味， 好窩心仲有試味碟。 我最欣賞佢嗰度飲品杯同餐枱紙。 唔知以為去咗歐洲 ， 窩心仲有紙巾無限量供應 。 我order 粗麵，咖喱魷魚有咖喱味，有咬口的豬皮, 仲有幾條菜心送，湯底幾好，感覺上冇乜味精。 員工服務一流，下次經過一定要再嚟☘️Ps : 洗手間好乾淨，仲有好大嘅鏡，食飽仲可以補埋妝。 Good …Read More

今天第一次去 Le Pan 商務午餐, 一入大堂環境好靚全部用白色嘅大理石鋪砌， 好舒服嗰種感覺， 可能因為大部份嘅用品都係白色，全間鋪頭都好光猛。 洗手間仲每間都係獨立的前菜我食咗生蠔，有三種口味主菜我食咗慢煮法國黃油雞，擺碟好靚，雞肉好嫩口，雞皮煎香微脆。 甜品我所選擇嘅朱古力醬加雲呢拿雪糕，冷熱對比得唔夠強，內裏有果仁餅底我朋友所選擇嘅前菜係煎帶子，主菜煎魚連小龍蝦，甜品係 mix berry & jelly, 唔識酸野嘅人就唔好揀啦有機會會再去， 如果加埋白酒會更加好。 …Read More

在官塘找飯店午餐不困難， 但要找坐得舒服，服務態度好的，仲要不限時又要貨比高的就真係好少喔。 同客食飯首選之一。 先有沙律Bar , 種類多，華多夫沙律已經好少見， 味道適中。 炒雜菇也好，不是油淋淋的。 最欣賞青瓜入饡， 用青瓜代替Pasta , 配合蕃茹芝士魚柳， Taste balance , 好味！ 適合喜歡清淡口味的人 及不吃澱粉質的人。 讚👍👍餐後飲料有多種選擇，我喜歡加有薄河葉的果茶，味道清香，口齒留香。我下次會再去，…Read More