chickmo's Profile

尖沙咀新開左一排標榜唔用牛油唔用起酥油整嘅Pizza套餐價50幾-70幾係尖沙咀黎講都算平今次叫左個crusta pizza combo包pizza+炸物+沙律+野飲 再送雞翼一隻Pizza 揀左Texa BBQ 味Pizza新鮮熱氣出爐Pizza配料有雞肉、翠玉瓜、芝士、蘑菇批皮薄身夠脆翠玉瓜夠軟身令平時唔鍾意食瓜嘅我都覺得好味雞肉唔柴但有一點甜味配上鹹香芝士鹹甜鹹甜達平衡拉絲芝士更加唔使講炸物方面可以揀薯仔餅同埋甜番薯條今次我就揀咗薯仔餅potata fritter佢嘅薯仔餅係自家製將蔬菜混合薯仔攞去炸入面有洋蔥紅蘿蔔混合埋薯仔落去炸就好似蔬菜餅咁香脆之餘都唔會食到好肥膩沙律就可以揀蛋黃醬椰菜紅蘿蔔沙律或者蕃茄椰菜絲甜醋沙律附送嘅雞翼有蜜糖味 甜甜地肉質偏軟 正常發揮整體黎講一個人食都好飽但唔會食滯食物⭐️⭐️⭐️⭐️環境⭐️⭐️⭐️⭐️⭐️服務⭐️⭐️⭐️⭐️⭐️Cp值⭐️⭐️⭐️⭐️⭐️…Read More

今日專登收工去朝聖傳說中100分嘅卡邦尼意粉行入橫街盡頭就會搵到，好彩趕得切6點前食叫左一係卡邦尼意粉同matcha tonic注重只收現金payme唔收卡架每份即整一上枱熱氣滿滿做法冇用忌廉 但將蛋漿攪勻後變成剛剛好嘅汁食落意粉偏硬未必岩每個人口味煙肉咸香味重好正😋份量剛剛好但食到最後有少少膩Matcha tonic 上枱時店員有溫馨提示攪勻後才飲用但唔好大力攪因為下面係氣泡水攪勻後抹茶味太淡變左飲tonic 水為主 少失望…Read More

Bookmark左好耐嘅pause it今日終於去試叫左個煙三文魚egg benedict先講個包 少許失望得包邊係脆嘅其他都好淋雖然夠鬆軟但缺乏包本身的味煙三文魚厚實份量足Egg Benedict 就熟成程度剛剛好又夠厚實切開蛋漿流晒出黎夠蛋香沙律菜正常唔會太多汁黑松露芝士薯條份量超多一上枱見到有淋過熱油面嘅黑松路有熱油沸騰嘅效果薯條幼身夠脆但放左5分鐘都冇醬已經凍曬薯條都變淋保持唔到一上枱嘅好味黑芝麻latte首先拉花好靚！店員上枱時會調教角度令拉花正面向客人展示奶泡夠厚及持久芝麻味岩岩好會有芝麻咬口都唔會太膩如果再熱少少會更好整體係ok以上但未值得吹棒…Read More

Pet friendly 嘅韓國餐廳係香港少之有少今次食左lunch setLunch set配是日餐湯/沙律 + 飲品沙律杯好有誠意 平時嘅沙律杯都係夾啲菜入杯再淋少少沙律醬上去呢到嘅沙律杯係預先將菜同沙律醬攪勻再放入杯 每條沙律菜都平均沾有沙律醬 好正😝然後主食揀左煙肉卡邦尼意粉一上枱已經聞到好香濃嘅煙肉味本身意粉偏乾吉穿半熟蛋撈勻後令成個汁都好creamy 唔會太多汁意粉就偏硬身 煙肉粒有焗過令質地厚身偏硬有咬口配以黑椒同芝士粉 令成個意粉咸香味濃我俾99分😙飲品升級做棉花糖黑朱古力咖啡微燒焦的棉花糖放係咖啡上面 再加上？檸檬葉嘅香草令杯咖啡加上半融棉花糖都唔會太膩 不過黑朱古力咖啡偏苦未必岩每個人口味Ps服務正常不過你一食完就會黎執野有種趕你走嘅感覺 價錢偏貴但係會想再黎試其他野食嘅餐廳😌…Read More

沙田新開嘅芋圓鋪試完有驚喜叫左外賣阿薩姆奶茶凍豆漿同招牌豆腐花阿薩姆奶茶凍豆漿$34大細係台式飲品店中杯左右本身以為係好似台灣嘅紅茶豆漿點知原來佢係阿薩姆奶茶凍+ 豆漿底部有好厚嘅奶茶凍 茶味同甜味兩邊平衡唔會有其中一邊搶左豆漿豆味唔算濃 整體成杯應有嘅味都有少少 但如果追求濃味嘅就唔好試招牌豆腐花$50豆腐花滑溜有豆味芋圓有咬口同蕃薯味珍珠同白玉就一般冇特別糖水唔會太甜老人家都會喜歡整體雖有驚喜但論味道同價錢就選擇其他會更好…Read More

大角咀開左間非傳統漢堡你食過未😝一間用冬甩做包皮嘅漢堡包店就黎試試佢🤭叫左一個雙層魚柳冬甩漢堡（$58）加棉花糖做toppings($8) 店入面有3個位可以堂食咁岩個日冇咩人5分鐘內就整好成個漢堡一出黎十係熱嘅全即製🫡佢嘅包裝紙好厚實唔易整爛或者好快就吸曬啲油搞到手都有油講返個漢堡先！冬甩本身以為係有埋糖佢隻原來係冇糖咸冬甩冬甩唔算好厚入口質地鬆軟唔會好油👍🏻就算入面有兩塊魚柳都可以一口咬到魚柳即炸夠熱夠脆🐟一塊會太單調兩塊就岩岩好魚肉好淋唔會好磨口冇雪藏味芝士完全融化但撈埋青瓜他他醬就冇左芝士味🥲反而棉花糖融左撈埋他他醬好有驚喜酸甜酸甜有解油膩👍🏻生菜夠脆唔會因為熱氣整淋左本身可以加薯條個啲做餐但食一個漢堡都夠飽😼…Read More

聽聞牧羊少年開左間質感cafe+bar就一於黎試下Cafe係正bar隔離 成個環境都好有質感🫶🏻今次叫左lunch set (main+dessert) $128 包一杯野飲再額外加左個薯條明太子奶油龍萵大蝦扁意粉🍝8/10意粉面上有櫻花蝦乾🦐混合意粉一齊食口感up〽️意粉軟硬適中（個人中意偏硬嘅質感）明太子奶油醬好creamy每一條意粉都可以沾有醬汁剩低嘅汁又唔會多到好似湯咁🤘🏻大蝦份量適中 口感彈牙 但欠缺應有嘅鮮味🤔 依比利豬背油薯條 （Add on share +$48）🍟7/10一上枱已經聞到濃烈嘅蒜香豬油味 份量超多🤭薯條即炸即起熱到食唔到😂薯條係中等粗幼度 每條都有足夠薯蓉唔會得個皮 香脆度💯豬油炸嘅薯條比一般油但唔係化學嘅味每食一條油都足以潤澤個口邪惡度max🤭加埋蒜蓉味同香草令每條薯條都咸香感十足不過食得多會覺得好咸🙊本日蛋糕 （焦糖蛋糕) 🍰9.5/10面層係焦糖燉蛋味中間夾有雲呢拿籽🍮底層係原味蛋糕混合左好似柑橘碎入口唔會太甜入口軟滑+細沙質感混合一齊焦糖味仲好持久係口入面徘徊😌Cream 打得好綿密好輕入口即融冇罪惡感😙抹茶⽜奶 (跟餐升級+$14）☕️6/10拉花好靚😍😍😍係一隻草泥馬🦙杯身都有一隻草泥馬公仔唔知係咪專登襯好嘅呢講返味道，講真一般🫢Expect上枱係熱嘅點知係偏凍嘅暖🙈茶味方面唔夠濃，淡到有啲似McCafe🤫唯一好嘅位係佢唔甜（本人唔中意飲甜嘅matcha latte)呢到嘅service好好 就算食曬野佢都不忘幫你加水唔會收曬啲野趕你走咁👍下次有機會要試埋隔離間bar😊…Read More

傳說中嘅comfort food終於慕名而來叫左一份Pancake Burger同一杯Caramel Peanut Butter Bacon Milkshake本身仲諗住叫多份薯條點知menu冇左😢Pancake Burger🍔🥞就係用pancake做包嘅漢堡包Pancake煎得好厚實咬落好豐富佢嘅組合係煎太陽蛋-> pancake-> 煎蛋-> 煙肉&大啡菇-> pancake頂層太陽蛋上加左七味粉同蔥切開時半熟蛋黃爆開流落底到令人食指大動除左圍碟邊嘅楓糖漿仲有另外一小兜糖漿俾你dim黎食每一啖入口都好豐富嘅口感有七味粉嘅微辣+流質半熟蛋嘅蛋香+pancake嘅奶香同痴喉感+大啡菇嘅軟軟菇汁+煙肉嘅香脆咸香+楓糖漿嘅香甜每食一啖都令人要慢慢咁咀嚼經歷口入面嘅味道變化一個人食到最尾好膩但好滿足☺️Caramel Peanut Butter Bacon Milkshake 🥓🧈🥤講起煙肉奶昔應該唔少人都會諗起Fiveguys但係我想講呢杯係比Five Guys更出色嘅煙肉milkshake第一啖入口係好香濃嘅caramel配煙肉嘅咸香味尾韻仲有花生醬嘅香味煙肉粒量絕對唔少之後每一啖都會飲到煙肉粒仲要煙肉粒嘅size係每你咬到肉感嘅大細Real comfort food店鋪裝修好有外國漢堡包店style 店員都係後生仔背景音樂都係外國hip hop style連店員做野時都忍唔住groove街頭風鋪面打卡一流 💯…Read More

K11 Art Mall 地下近mtr門口嘅韓系cafe一間佔地空間大 食物多元化 今次臨近6點禁堂食前快速叫左1個三文治搖滾雞鐵板三文治🥪$49入面有手撕烤雞肉 車打芝士 蘋果片 炸洋蔥圈 核桃 生菜 焦糖洋蔥蛋黃醬 俄式蛋黃醬份量相當大 一個女仔食都未必食得曬✋🏻上碟成份三文治外熱內冷外層用包裝紙包得好實唔會輕易就咬到成份三文治散開麵包外皮有牛油脆烤過 🤩🤩🤩第一啖咬落去口感多層次 先有黎自麵包同炸洋蔥圈嘅脆 佢嘅炸洋蔥圈脆到好似油炸鬼咁 唔會好似平時食嘅洋蔥圈外脆內軟👍🏻然後係麵包入面嘅焦糖洋蔥蛋黃醬滲出少少甜味再有生菜嘅爽 唔會被醬汁整淋曬👏🏻中間爆曬出黎嘅手撕雞肉配俄式蛋黃醬 帶黎凍嘅感覺 雞絲唔會好難咬 美中不足係有雞皮（自己本身唔食雞皮🙈）芝士就冇融化感 如果融左實再正好多😋不過略嫌食到最後手撕雞嘅醬汁令我覺得有啲膩🙊整體而言好味指數：😋😋😋😋😋抵食指數：💰💰💰💰回味指數：🙋🏻‍♀️🙋🏻‍♀️🙋🏻‍♀️🙋🏻‍♀️🙋🏻‍♀️下次再去試食其他野先😙…Read More

呢間位於荃灣同荃灣西站中間的打卡cafe📸✔️Pet friendly 可以帶貓貓狗狗黎聚會✔️佔地大 枱與枱之間有足夠距離✔️乾淨✔️少見嘅露營風一入門就見到打卡熱點！仿露營嘅大帳篷原本以為可以坐係入面食野原來只限打卡🙈之後book左坐另一打卡熱點 小帳篷塌塌米座位🤩提供咕𠱸俾你坐/靠牆坐1. All day morning勝在多款 同平時見嘅all day breakfast 有啲唔同Overnight oatmeal bowl 入面有奇亞籽 紅肉火龍果 藍莓 nuts 麥皮 味道平均冇一樣特別搶味 分量配合得岩岩好 每一啖都可以每樣有啲沙津菜配芝麻醬 味道普通芝士蕃茄 芝士原塊上 本身期望佢會燒融少少 可以一啲都冇 芝士同蕃茄完全分離牛油果🥑生熟得宜 如果多少少黑椒更好煙三文魚片 卷得好靚同實 厚肉令咬感好滿足炒蛋 質感有啲過老 比較少調味 食得出本身嘅蛋香牛角包 就算放耐左都脆口 又唔會好油好味指數：😋😋😋😋吸精度：📸📸📸抵食指數：💰💰2. 壽喜燒牛肉飯同某連鎖牛肉飯店比較 呢到比較遜色🙈牛肉 有啲老比較難咬 汁就冇咩壽喜燒味 勝在夠大份 配有金菇同洋蔥唔會好膩豆腐 夠凍但少豆味沙律菜 同上面一樣飯 都普通 勝在有飯素加左啲味飽肚感就一流好味指數：😋😋😋吸精度：📸📸📸抵食指數：💰💰3. 焙茶拿鐵一上枱個拉花咁靚又detail已經加曬分👏🏻焙茶香濃十足即使係熱飲都唔會熱到入唔到口而且店員上枱時都拎得小心翼翼好加分！份量適中唔會太細杯4. 焙茶特飲擺碟簡約得黎不失花巧一上碟攪勻第一啖飲味道好啖 加上冰量唔少 就咁飲好易飲埋粒冰反而擺耐左焙茶味出好多 同奶混合埋一齊唔會苦 好易入口入面仲有焙茶味果凍 增加口感😉 5. 生酮巴斯克芝士蛋糕（抹茶味）諗住呢個系列嘅芝士蛋糕有幾款味應該幾高質 不過有啲失望🙈芝士味濃 但抹茶味就冇咩 入口餘香先有1/10嘅抹茶味質感正常食完都唔會覺得膩 都唔會有heavy 嘅罪疚感 😂Staff嘅態度好好又nice 枱與枱之間有插蘇俾人做野 冇限時中意坐幾耐都得人唔多都唔會大聲播歌可以靜靜地chill/同朋友黎吹水P.s 見到同場有人生日staff會幫手播生日歌熄燈送上蛋糕 如果想慶生可以一試😏P.s 呢到只收cash fps payme alipay 想去食嘅人要留意了😉…Read More

放假冇野做諗住去西九chill 下行過見到間賣竉物雪糕嘅鋪頭入去諗住睇下有咩食原來就係之前ig able間cafe呢間除左有預先set好嘅用狗狗品種命名嘅熱狗組合e.g 哥基 貴婦 仲可以自己配搭屬於自己嘅熱狗款另外都有曲奇 牛角包 all day breakfast salad賣今次叫左嘅係西九文化區限定嘅 哥基 （$68） 加$28配埋薯條熱狗size大有一隻手掌咁大 不過出黎唔係好熱 呢款熱狗配料有脆煙肉 洋蔥粒 法蘭克福腸 鹹蛋黃醬脆煙肉真係做到脆口唔難咬洋蔥粒就偏生有啲辣包方面有小心機 包嘅入面有整脆左 包面反而保持軟身 令人成隻熱狗咬個陣唔會因為整脆左太硬而難咬 反而係咬入口時內脆外軟有驚喜鹹蛋黃醬就冇咩味唔太特出薯條份量都幾多，夠熱夠脆每條咬口都係滿滿嘅薯蓉唔係空心得個皮加上本身有鹽同埋香草嘅配合，令薯條自己都夠味唔洗茄汁都得，配埋熱狗男士都完全夠飽另外再叫左杯Strawberry milkshake with doughnut ($78)外表完全係ig able飲落有士多啤梨果肉冇奶精感 但果味唔重 飲到尾味道仲變啖Doughnut 就偏甜 但入面原來有士多啤梨jam有驚喜坐室外位食呢個餐 加埋餐廳入面播本地廣東歌 一個字：chill～…Read More