kyuanbella's Profile

和屋企人系黃埔搵野食，有見到呢間舖有點心和小炒，覺得長輩們都應該喜歡，就book左位。個人覺得d員工態度都okay，聽電話果個。去到現場，裝修比較精緻，沒想過d餸菜都精緻，好細碟，感覺性價比差一大崛......特別系炒四季豆、蝦球果類，有d少 （所以沒有影相）。但個人推介個火鍋，湯底好有誠意，補湯都用原湯料落鍋，而且餃子好食其他餃子與墨魚滑好食，特別個黑松露餃子，正啊。不過肥牛就未解凍好就攞出黎，最後我哋放棄左唔食。最後覺得好正的，系酸菜魚，算幾好味（可惜掛住食，就無影相）；而水煮牛，如果喜歡滑牛口感，都可以一試！但最後我都有其他食評家的感覺，店舖樓面好似長期唔夠人，d人唔會好理d食客，明明見到都好似時運高咁睇唔到…Read More

放工就直接落去尖沙咀感受聖誕節氣氛，所以打算早d食飯，避開人潮～ 隨意行行K11的餐廳，見到呢間泰國餐廳，之前都想試試，所以就和男朋友一起排排隊 （大概有5組人排緊ga啦）聖誕節都系得翻d聖誕節例牌 -- 聖誕套餐（HKD 396），都算正常整體感覺就系： 湯、甜品、小食都唔錯，反而牛排和豬手就一般首先到的是小食：套餐 - soup： 果然是鎮店的湯之一，蝦頭味道好重套餐 - 主菜： 味道一般，唔厚的肉眼扒套餐 - Drink： 本身想要另一杯野飲，但落錯左，因為佢個樣都唔錯，所以一試，都幾好飲，甜甜的（似有荔枝味），有少少酒精味道，容易飲的Cocktail～～值得一試。額外叫的湯，少少creamy口感，好甜好香椰子味道，值得一試！額外叫的，味道偏淡的豬手…Read More

又夜放工，又想快d醫下肚，見到高級版的薩利亞，應該都可以唔貴又飽飽吧.....結果，後悔了~見到個"Today's Dinner"餐牌，覺得OT之後要對自己好d，所以叫了個西冷牛扒餐，西餐廳的話牛扒應該不錯吧。結果個main course上檯，賣相ok，但塊牛排薄薄的，而且好似雪藏牛扒，都無鮮味ge～個餐湯得個酸味，無了羅宋湯最基本的番茄味lol...可能我地差唔多收尾先落單食，所以個餐湯先可以咁......出色吧～相比起頭先Main course, 呢碟煙肉忌廉意粉都算是最好的。但如果有得選，我會選擇樓上cafe~哈哈。最後，一直期待的甜品，以為可以挽救呢個可憐的一餐。結果，真系好難忘......宜家寫食評，我仲記得個甜品是牙膏味的大菜糕......好恐怖...兩個人都食了兩口就算了吧～都是早d返屋企訓覺好了......如果再黎UCC，環境適合吹水飲野......其他就......口味不同，可能你okay呢～～keke…Read More

成日行過奧海城都見到呢間金滿庭排隊排到怕怕。今次生日飯，自己就挑戰同屋企人到呢度食。終於明白點解咁多人中意黎呢度食啦～第一個上菜的是招牌擔擔面，個人覺得d花生醬有d重，好容易濟。不過個味道真心不錯，好彩我地happy share, 所以覺得okay～第二個上菜的系奶油津白，剛剛食完擔擔面，見到都有少少怕怕。不過食落去，居然覺得d津白同d『芝士奶蓋』咁夾（利申：本人幾中意芝士sth）。所以呢個菜適合喜歡芝士的人點～然後d菜就一個個咁上～試到呢到的招牌菜——小籠包，果然唔錯。個皮薄得黎又唔易穿，裡面d湯又清唔濟～好食！辣子土雞煲 & 紅燒砂窩獅子頭 & 紅燒豆腐 好味～個味道配起黎好夾，個汁甜甜咸咸的～但味道偏重，所以最好送飯一起食～好有家庭菜的味道（如果無咁咸的話>,<）個辣子土雞煲個雞肉質嫩又彈牙～～最後上菜的是川式酸菜魚，同想像中的不同，居然唔系好辣，酸菜味就好出，因為真系好酸啊～好彩d魚好滑～～下次試水煮魚先得～keke～…Read More

行過街，睇到洗衣街好似有新店開左，而且裝修企理，所以就同朋友仔一起入去醫下肚～坐定定之後，個waiter就好有禮咁serve 我地，令我地對越滿有一個好好的印象。而且一d特別的擺設，引起我不斷影影影～望著個menu，老實講，在晚餐時間來說，價錢正常，所以就叫左幾樣野，心想餓到GG的我地，應該食得嗮吧（以之前系泰筏味食的經驗）～第一個上枱的生牛河，望著個份量，我終於明白點解可以咁平，因為個份量真系有d少......或者質素可能好好呢，果時系咁安慰自己的，結果個湯同個生牛，好似兩個陌生的路人咁，一齊都無咩火花......好似單純地將兩樣野夾埋一起就算咁......其次就是個米紙卷同個扎肉撈檬, 我地都後悔左點解要叫兩個凍冰冰ge野(個人覺得如果喜歡食凍兼硬的檬粉,可以選擇呢兩個菜式)米紙卷d餡無味ga.......個扎肉撈檬系靠枱果支辣魚露調味ga咋.....都唔知自己食緊的主角系咩.....兩個人食,食到覺得唔夠飽,好啦,都叫埋個軟殼蟹黎填下空虛(唔知食左d咩)的肚啦~ 結果最貴的,並不代表最好食~ 個軟殼蟹好似炸左一段時間咁,一d脆口的感覺都無,只蟹好似唔新鮮咁.....一d鮮味都食唔出......結果, 同態度好好的waiter 埋左單後,我地再去其他地方覓食了~…Read More

一早知道波鞋街起左座新建築，以為裡面除了波鞋、衫就無其他了...... 原來少年我真的太年輕了。同朋友仔慶祝生日，佢提議到『青花』食。果時我以為又系一間貴價野，因為個裝修好正～但原來入去睇返個menu同埋成餐飯的質素，真心唔錯！幾中意呢度d餐具簡單得黎，擺得又靚。覺得自己去左個花園^V^朋友睇見隔離枱杯三色冰奶蓋可以用來呃like，所以二話不說就叫左佢～～waitress好細心地講埋如果怕甜的話，d棉花糖可以唔搞埋杯野就okay～ 我一向都喜歡飲奶茶，再加埋奶蓋～邪惡都要試ga啦！不過老實講，撇除大滿足呢個因素外，最後我飲完覺得有d飽，想叫多杯fresh d ge野飲tim。雖然好多泰式餐廳都有菠蘿炒飯，但呢個菠蘿炒飯我下次黎都會叫，因為at least 個菠蘿都唔會reuse到啦（利申：都市傳說咋～）但老實講，呢個菠蘿炒飯d菠蘿，我最愛，哈哈。個炒飯不過不失啦～呢個小食拼盤比想象中的好食，d蝦餅好足料。平時我唔太好煎炸野，都覺得呢個唔錯。最後系我最愛的冬蔭公湯！ 份量夠，而且d蝦又大隻，吸收了湯後更辣。 朋友仔唔食得辣，所以基本由我食嗮，keke。辣得好正！呢個餐廳真心唔錯，約friend黎食下好東西、傾下計一流～ 大推！…Read More

2017年最後一日，約左Friend食飯，竟然選擇了屋企附近的泰國餐廳都唔知。雖然開了一段時間，但未有機會試。結果一試，印象難忘～首先個餐牌，系唔同時間有唔同的價錢，一開始睇唔明，傻更更咁點餐啦，點完之後就覺得點解咁平，原來碗泰河是15蚊咋！當然，上盤的時候，個分量是細碗的，但加埋其他食物，對於細食的我地，當然夠啦～不過間餐廳ge Order Guide好盞鬼，所以影低先～keke.同Fd食果日，點了青咖哩牛腩飯 & 豬頸肉生菜包 & 泰式奶茶 & 牛雜船邊河 & 唔記得系咩ge飲品青咖哩真心唔錯，性價比高，椰香味足；個豬頸肉生菜包，豬頸肉唔錯，但d肉碎有d咸，個人比較食得辣，所以都okay，但好想知道d生菜有無得免費添呢～（原諒我貪心，因為d肉碎有d咸嘛）；本身想挑戰一些奇奇怪怪的名的飲品，例如“男神” or “女神”呢類睇完英文名都唔知系咩ge野，結果睇到杯野飲的顏色，我都系老老實實地揀左泰色奶茶～好飲啊好飲過公司附近的泰國餐廳！最後，餐廳的大叔們都好好人，服務態度真的要比個 又提供免費的每日甜品～例如紅豆沙～～P.S.: 由於好鬼正，15蚊碗，所以第二日同屋企人食的時候，就點左n款泰河，其中綠茶麵配個湯底好入味～第二次試過咁多款泰河，個人感覺個湯底系差不多的，到最後食到我地都唔知有咩分別。而第二次食左的菠蘿炒飯 & 酸辣鳳爪 & 冬陰功河，一樣咁性價比高～…Read More