玻璃心's Profile

發現此小店要數2012年5月, 因結婚不久想學好廚藝滿足老公對麵包的喜好, 2012年5月每個星期四都到佐敦上麵包堂, 有時老公會來接放學。第一次光顧完全是因為老公等我放學在附近吃晚飯, 其實當時我也抱著懷疑的態度內進, 心想開在後街的小店售賣小籠包會好吃嗎? 但發現有名人在座時令感覺改觀, 既然鼎鼎大名,識飲識食蘇民峰師傅, 蘇太, 高海寧小姐和一友人也在用膳, 我的擔心完全熄滅了。第一次光顧時小籠包是$28四粒, 現在已經加價$32四粒了, 都只不過是過了一年的光景。租金﹑人工﹑成本等等.......唉......是次令我寫食評的原因, 我只能說是綠份, 第四次的光顧我又遇到蘇師傅和蘇太了, 雖然大家都在同一家店子吃飯, 大家互不認識但又再能遇上, 不是緣份是什麼? 一定是美味的小籠包了。必吃推介 - 招牌小籠包$32四粒, 皮薄餡靚多肉汁季節之選 - 蟹粉小籠包$28一粒, 落單每次最少兩粒, 蟹味濃郁, 蟹粉多湯汁甜, 正。水煮牛肉 - 只是在好德來未吃過這菜式, 純粹為了試試看, 大家可以不用試, 因醬是用了鱔糊醬與牛肉絕不相配, 下次還是選上海菜式好了。必吃推介 - 黃橋燒餅, 即叫即做, 我只三個字可說: 香﹑酥﹑脆。大家吃吃親身感受下吧。 …Read More

小倆口在荃灣區時早已經有幫襯, 好喜歡吃他們的蛋餅和漢堡, 原因是蛋餅的味道真的跟台灣的味道很似, 而他們漢堡包所用的麵包是特別訂製的芝麻麥包, 麵包鬆軟也帶濃濃的芝麻香味; 但....自從因租約問題搬走後, 我一直都找不到機會來天后的新店吃他們的蛋餅, 今天我終於找到機會, 因為工作的原因要在午飯時間跑一轉炮台山, 決定今天的午餐要到小倆口解決, 我實在太掛念他們的蛋餅了........ 從Openrice中知道他們的地址, 但實質位置都要見到才知道, 原來新店(不要叫新店啦, 人家已經搬了很久)是在清風街橋底附近有甜品店, 但位置比起荃灣真的差很多呢, 以前在荃灣因店鋪位置在轉角位可以在巷子內偷偷地放兩三張膠檯店內也放到四張膠檯, 做起生意時堂食和外賣也可以顧及...但現在只是一個小小單邊不足一百尺的鋪位, 已經沒有堂食了, 但老闆都盡量利用店面做了大約有5-6個位置的高檯配摺椅, 算是堂食的位置吧但根本不在店舖內, 背後已經是交通頻繁的清風街, 不過....我唔介意, 我是來吃食物, 不是來看食物。一來到小倆口老闆見到有客人望餐牌已經落力介紹, 我亦表明來意是荃灣的舊客, 今日有機會特意來吃蛋餅和漢堡一定要吃飽, 選了我最掛念的"鮪魚蛋餅和哈姆吉士堡" 但老闆說..."你真識揀!" 你所選擇的鮪魚和吉士堡已經賣完了 , 鮪魚是因為批發商已經結業, 沒有貨源可供 :( ; 吉士堡是剛賣完了~ (我真識揀~)最後選擇了"肉鬆蛋餅和總裁牛肉蛋堡", 雖然是次選但味道依然是好味道。肉鬆蛋餅蛋餅內包了很多很多肉鬆, 一份肉鬆蛋餅有六件, 除了頭尾這兩件外, 中間的四件都戴滿了肉鬆, 放入口裡肉鬆充斥你口腔所有位置, 好味~~ (一想起又令我流口水)總裁牛肉蛋堡即叫即製的牛肉蛋堡, 牛肉雖不是什麼和牛什麼A5牛, 但牛肉餅內有肉汁有筋有肉, 我就十分喜歡有咬口的牛肉有筋才香, 配以生菜和蕃茄, 真的很令人回味。總結:今次來到小倆口第一發現是鋪面小了; 第二是老闆向每個經過曾抬頭望向餐牌的人都誠心介紹, 甚至看到有兩三位OL, 剛吃完飯經過望一望, 老闆都很落力向他們介紹, 外賣夠單也會做生意只要地點拒離店鋪不太遠, 那種為了生意的生存精神; 第三是漢堡, 蛋餅和其他食物的價錢也貴了很多, 我想店舖的租金也真的不少, 以前在荃灣店都只是十元二十元就有一個漢堡, 但現在要三十元起才有一個包, 想必都是因為最低工資, 昂貴的租金, 食材價格太多太多因素令這個小店也要向現實低頭, 只有加價。…Read More

數星期前從同事的面書見到"炸雞髀"下午茶的相片, 在下午的辦工時間內看到如此"邪惡又可惡"的雞髀, 真的令我又愛又恨, 慶幸是原來此雞髀來自西環區, 很近老公工作的公司, 決定今晚晚飯就來吃吃的期望以久的"炸雞髀"。本來是兩口子的晚飯, 老公的同事又剛好沒晚飯吃, 由二人晚餐突變八人晚飯, 亦因此吃到很多款小食, 味道仲............  公司飯 (吉列豬扒, 漢堡扒, 腸仔, 蛋, 餐肉) - $38老公同事揀的, 兩個大男人對吃有要求, 但第一次來到陳記, 選擇"公司飯"是最安全的選擇。份量好足夠, 據講公司飯的汁仲好好味添。  薑蔥手撕雞絲飯 - $32又係老公同事揀的, 雞絲咸咸地, 最好味係薑蔥油, 配以白飯, 撈飯....無得頂~   梅菜滷肉飯 - $33又係老公同事揀的, 梅菜無問題, 滷肉都肥瘦適中的五花肉, 係咸味略欠少少。:)  魚皮餃魚湯米線 - $26呢個老公揀的, 魚湯的魚味比較鯹, 不是人人可接受, 魚餃是交來貨色, 所以味道都是..... 一般 :) 。  生炸雞髀配薯條 - $28我就係為左呢隻雞髀, 所以先會來陳記, 生炸雞髀有order先會炸, 因為係生炸的關係需時要20分鐘, 為左炸雞髀等20分鐘, 我絕對覺得值得, 而且雞髀仲.............好好味添~ 外皮真的脆卜卜, 有肉汁而且不咸, 我真心覺得剛剛炸起的雞髀係最好味。  咖哩三寶 (豬皮, 魚蛋, 蘿蔔) - $28豬皮無毛, 蘿蔔是用上湯煮熟, 魚蛋質感好, 可以肯定不是粉蛋; 咖哩汁充滿以前小時候吃排檔的味道, 好味, 很想將咖哩汁撈飯吃。 豉油煎腸粉炒蛋 - $14蛋炒得很滑, 100%肯定是用雞蛋, 不是蛋汁, 腸粉有煎過, 表皮帶微焦, 估唔到雞蛋和腸粉都可以如此夾。正~ 炸手打鮮蝦丸(4粒) - $32蝦膠很彈牙, 有蝦味又大粒, 人多關係一次叫兩客, 點知不消一會已經比人KO哂, 要再encore多兩客, 下次去時我都要再食多次的炸蝦丸。後來仲追加左其他小食, 但係佢地唔等我影相就動, 所以後加的小食就一張相都無了; 分別叫左....煎越南扎肉 - $15來貨不是陳記製造, 無特別, 普通超級市場都可以買到扎肉南乳豬手 - $38炆燉夠時, 好腍身, 好好味, 一碗大約有4-5件豬手, 正。麻辣海蜇 - $22都是來貨的貨色, 不是自家製的海蜇, 不過不失。柱侯牛筋腩 - $35牛腩炆得好腍, 夠入味, 唔知係新鮮牛腩還是急凍牛腩, 但仍然吃到牛味。總括來講"海傍陳記", 我老公已經話以後收工食飯又多一個選擇, 而我呢~~當然會安排下次再食的機會啦~…Read More

一風堂-名字聽了很久但一直也提不起興趣去食, 今晚總算找到原因去吃了, 在公司一路工作一路等老公收工, 等到20:30終於等到老公收工, 星期五的下雨晚上加上金鐘商業區, 估唔到要等位, 好在都只係等7張號碼, 不算太久, 自從第一次係元氣見到自動號碼機, 我而家覺得等位無以前咁討厭而食店門口的counter亦唔會再見到一班心急無禮貌又或者因為行完街過左等候號碼的客人圍住, 呢個系統真係好值得其他食店使用, 本人覺得值得投資。一風堂豚骨 - 一風堂的豚骨湯不是我杯茶, 因我本人好怕吃到豬肉的酥味, 真係接受不了, 湯太油湯面上亦布滿一粒粒肥肥豬油, 怕怕。特製赤丸 - 老公飲完一口湯後, 都係同一句說話, 一風堂的豬骨湯不是佢杯茶; 可能我倆比較吃得清淡, 亦比較喜歡吃北海道的豬骨湯, 所以....! 總括來講老公話不過不失, 只是湯不合心意。溫泉玉子叉燒漢堡 - 又是不過不失, 味道適中只是不會令你有印象。炸魷魚 - 是夜晚餐我只係覺得呢碟可叫得上好食, 跪口魷魚不多炸醬, 不錯。一風堂的金鐘分店, 裝修算是不錯, 不會太迫地方也很整潔, 整體感覺良好。始終本人個人認為越多分店的食市就越難保持水準, 雖說服務十分有禮足夠滿分, 但食物不太能令我會想有再吃的感覺, 或者下次再有機會會試下一風堂的醬油味和鹽味拉麵吧。…Read More

香港的韓風已經吹起很久，尖沙咀一帶也有很多韓國餐廳，大多數都是吃韓式燒烤，其實韓食不一定是燒烤，只是香港大多數吧；早上看完Channel M節目介紹韓國美食，空著肚子看美食節目真是一種折磨，沒有考慮立即決定午餐要吃韓食，但絕無理由午餐吃韓烤吧（過份呢）網上搜尋一下，Hungry Korean分數相當高，就捉老公來試試吧。走入亞士厘道大約差不多到盡頭會見到綠色鮮明的Hungry Korean的公仔，Hungry Korean是一間韓食快餐店，全間店大約有22個座位，每張櫈背上有個號碼，一入門口就是簡單的開放式廚房，會見到職員在準備客人的食物，傍邊就是收銀機，客人必須要先購買食物才被職員分配坐位，食物準備好後職員會送上給你，我覺得這一點實在很貼心亦非常適合單身人士，很多時在外頭快餐店的地方食飯，往往被其他人占有位置，自己一個人拿著食物沒有位置吃真的很可憐呢:(；雖說它是一間韓食快餐店，收費也算是中上價錢，雖不能與大X樂的價錢相比，它不是價廉物美，但味道和品質是物超所值，比起某些我曾經吃過的韓國餐廳.......辣年糕＄32 ﹣非常入味，口感是QQ，沒有過火也沒有糊，內有魚餅4片雞蛋一隻，其實我都是第一次有雞蛋，醬汁很多，伴著年糕和洋蔥一起吃，我覺得很美味呢。牛肉石鍋飯＄42 ﹣其實有4種選擇分別是牛肉，豬肉，雞肉和魷魚，職員會在每個石鍋先用油掃掃上一層油，再放入白飯及其他配料，放石鍋在爐上燒，最後加入生雞蛋一隻，職員送上來時石鍋還是冒熱，真正的熱辣辣，加入韓式的醬汁，拌好再送入口中......好好味而且還有飯焦吃呢～！韓國餃子＄28 ﹣其實和超級市場買到的沒有分別，不過人家是即叫即炸，真的燙口呢！本想吃海鮮煎餅或泡葉煎餅，可惜兩者都是晚餐才有，下次我要吃！…Read More

好耐無寫食評，呢間越南餐廳令我重現openrice！好後悔無睇過食評就入左去食。是夜等老公收工，八點幾係西環搵食，自港鐵鋪設鐵路公布開始，西環已經反天了，多左好多好多大大小小的餐廳食市，中菜比較少，西式和fusion菜比較多。見呢間餐廳無乜人又心癢癢想食越南粉，就盲中中入左去，點知中招。1. ＄47一碗越式牛腩粉係西環呢個位置實在太貴，但如果好食當作別論；可惜牛腩un到咬唔開，呢碗粉份量只叫夠女士食男士食我會覺得唔夠飽；但食的人係我老公，連一個大男人都要咬牙切齒先可以咬開牛腩，可想而知牛腩有幾un。2. $51 一碗炸蝦餅撈濛粉，炸蝦餅由兩件蝦餅切開四個半圓形，蝦餅是交來的貨色，蝦餅一D咬感都無；濛粉超級碎濕濕。3. ＄18 兩隻牛油雞中翼，＄18兩隻你無睇錯，兩隻超級難食的牛油雞中翼，最慘係呢間餐廳用開放式廚房，我親眼見到佢拎兩隻疑似炸過再急凍再炸的雞中翼出來。Come on, 你收我呢個價錢你比呢D野我食？雞翼內完全無味，雞翼上的炸粉只有咸味無牛油味。成餐飯食物出品已經唔得，仲有位疑似老闆的男人，完全唔知佢想點！你餐廳設計的坐位已經Chairs貼Chairs背，是但一張Chairs有人坐另一張就會唔夠位坐；剛剛有另一枱客坐係我老公後面，疑似老闆的男人唔出聲，用斜望的眼神望住我老公，全個過程我都睇到，真係令我好不滿。另，買單時個疑似男人連多謝都無一句，是晚兩個人食左＄192，太貴太貴，以後唔會去食亦唔會推介朋友去食。是夜晚餐越式牛腩粉＄47炸蝦餅撈濛粉＄51越式牛油雞中翼＄18蠔油菜芯＄18椰汁紅豆冰椰汁綠豆冰Total $192…Read More

係中環返工要係中環搵午飯食都真係無乜幾個選擇, 平既都係飯盒麵包, 貴既唔可以餐餐食, 呢期係遠東金融中心個到開左間新野, 而且仲經過"不眠王子"介紹過添, 今日就約埋同事H 和同事M 一齊去食Lunch。餐廳環境唔錯, 不過無相中睇既咁大, 靠窗有三張卡位, 其餘都係可以併合成四人枱或更多人食飯用的二人長方枱, 全餐廳用紫色為主色, 不過.....因為係食午飯時候, 落地玻璃透著窗外的陽光, 所以下午係Singma Deluxe食飯, 係一d都唔覺得浪漫既 星馬雞絲喇沙+凍青檸檬香葉茶 (同事H) - 呢一款係Lunch set來既, 六十幾蚊包杯野飲, 都係星馬特式既茶, 同事H話喇沙唔熱, 只係暖暖地, 明明見到佢地即整, 但點解湯唔熱呢? 味道係OK, 而且料都好多添, 賣相仲好好睇架。 星馬海鮮喇沙+凍青檸檬香葉茶 (同事M) - 都係Lunch Set, 問題都係和同事H個碗一樣, 喇沙內的湯係暖唔係熱。海鮮喇沙入面都有好多料架, 有蝦, 青口, 帶子, 魷魚和赤貝。不過同事M 話灣仔馬來餐廳既喇沙好食D。 星馬咖哩雞髀扒飯+凍星馬拉茶 (我) - 初初睇Menu我以為係有汁既飯, 來到先知道係炸左件的雞髀肉, 仲有一碗用咖哩和蔬菜粒炒的咖哩飯, 個配搭都好新鮮, 味道適中。 水牛芝士冬菇 (小吃) - 不眠王子果然無介紹錯呀, 呢款小食真係好好味, 入面有好充足的芝士, 味道好夾好味, 但......都係同一個問題......點解唔熱只係暖既??基本上味道無問題, 再者係一間新派的星馬菜餐廳, 位置係金鐘尾中環頭, 收既價錢都適中(係中環呢d價都係叫...中間價)或者要改善係食物的溫度, 雖然上菜時係和暖方便客人入口, 但感覺總係覺得怪怪地咁, 明明見你即煮, 但點解都可以唔熱呢~?? 跟餐入品好大杯好抵飲, 拉茶和檸檬香葉茶都好味, 我深信夜晚去食環境會好很多, 靠著燈光的反射令紫色主題餐廳更加浪漫。…Read More

忽然之間醒起好耐都無食過拉麵, 而且又想兩口子出街拍下拖, 再順手睇場戲添, 你話節目幾豐富。本來想去食Domon但尖沙咀店已經結業, 跟住想去食八八八, 但見好多食評都話差左好多, 唔想折磨自己個胃又再揀另一間, 見到尖沙咀開左間"札幌拉麵 Miso no1" 但好似無乜人食過, 佢個名又有d似中環個間"札幌元祖拉麵" 都唔知係唔係同一間還是個名似, 所以....我一間拉麵店都揀唔到, 後來同事提議我去"麵屋一平安" 佢話食過銅鑼灣店, 覺得唔錯仲話尖沙咀有分店, 所以....諗都唔諗就去呢間啦。本想訂位既點知我打電話去時, 小姐話訂位已經Full左, 只可以去等Walk-in, 未夠七點去到麵屋門口, 唔太多人等BUT唔夠....2分鐘, 突然間勁多人出現個個都係無訂位等Walk-in, 我和祁生都好慶幸早左少少到, 手中的等位號碼係"32", 當時已經叫到"24" 哈哈哈~ 雜錦串燒六串(自選) - 燒雞翼2串, 鹽燒豬肉, 煙肉露筍卷, 明太子雞肉, 大蔥雞肉; 6串串燒入面, 最唔好食既"明太子雞肉", 可能本人唔鐘意食沙律醬, 再加上雞肉好乾呢。其餘的4款都好好味, 一定要襯熱食呀。 一平安沙律 $60 - 樣樣都有d既沙律, 入面有日式薯仔沙律一球, 蟹肉蟹籽沙律和雜菜沙律, 沙律汁係日式和風柚子醋汁, 真係岩哂我唔食沙律醬既人。:) 叉燒豬骨湯拉麵 + 豚角肉 (祁生) - 豬骨湯好味唔咸, 略帶清甜味; 但祁生話佢都係鐘意九州既豬骨湯多d, 因為佢鐘意濃濃的豬骨味; 熊本的豬骨湯, 佢唔多夠喉。 另外最加左兩件豚角肉即係豬腩肉啦, 一見到個樣就知道好味, 夠腍有肉味, 祁生因為唔肚餓咋, 如果唔係佢會叫一整碟豚角肉自己食。 Miso Ramen麵豉湯底 + 栗米粒 (我) - 我個麵的湯比起祁生的豬骨湯更加濃厚, 湯非常之熱辣辣, 麵質唔錯唔會腍身, 叉燒好食粟米粒唔係本地cheap貨, 碗麵真係可以令你食到大汗疊細汗, 食日本拉麵一定要夠熱先好味。食完呢餐好滿足呢, 真係可以填滿我好想食拉麵的慾望, 下次一定要和朋友再去食, 因為我仲有好多野想食想試, 但兩個人真係唔可以試到太多, 下次我一定會再來架!!!!!…Read More

哈哈, 我生日的大日子, 安排左外婆媽咪和祁生一齊去澳門玩。我地住個間酒店無包早餐, 兩老一早起身自己搞掂左第一餐, 我和祁生就十點零起身, 再匯合佢地一齊去氹仔官也街行街搵食; 本來想跟旅遊書介紹的大利食豬扒包, 點知我繼四號的好運, 食唔到祥記的麵之後, 好運到....大利竟然連休五日....立時....啤啤聲。食唔到豬扒包, 我同祁生兩個人又一D野都未食過, 兩老擔心我地肚餓, 叫我地是旦搵間野食。行左官也街一個圈, 11點幾大部份餐廳和商店都未開, 見到呢間新好利就入去食啦, 都無祈望過D乜野。BUT好多時係會令人覺得意外.... 豬扒包 - Sorry唔知係唔係肚餓, 個豬扒包好好食, 食左先記得未影相, 豬扒有肉汁唔乾, 硬豬包好鬆軟又熱辣辣, 唯一唔好係,...我比較喜歡個硬豬包應該搽一D牛油。 雲吞牛腩麵 - 碗麵來到我試左一啖, 一啖之後, 我自己立即叫左碗雲吞麵。碗麵有幾好食..............祁生食完想再叫多一碗。 雲吞麵 - 試左一啖祁生碗雲吞牛腩麵, 我不得不自己叫一碗麵, 自己一個人食哂碗麵, 我真係好耐無食過一碗........有麵味的雲吞麵, 麵係用全蛋麵, 有麵香味, 而且湯頭入面滲著微微的胡椒味, 雲吞係用鮮蝦, 因為鮮蝦先會有的彈牙甜味, 再者....雲吞內加左大地魚, 所以粒雲吞鮮味很足。埋單走人時, 見到老闆娘令我忍唔住問佢, 佢係唔係係湯入面加左胡椒? 而且我仲讚佢D麵好好食添。…Read More

次次去澳門都係買鉅記和咀香園, 呢兩間名氣大BUT唔代表好食, 賣得廣告多都係宣傳手法的一種。今次去澳門玩, 外婆d晨運朋友話"最香"的杏仁餅最好食, 雖然聽都未聽過, 但最奇怪係咁岩我地係氹仔搭的士去澳門半島, 連司機大哥都介紹"最香"叫我地如果買手信就試下呢家, 話係老牌餅店。拎住旅遊書都行錯左兩條街先搵到, 果然店如其名, 未行到去門口已經聞到好香的餅味, 一入到店內就見到老闆伯伯係度片肉心, 見到老闆娘炭火烤緊杏仁餅; 最好笑係店內有張poster係某某食評家, 不過而家幫另一間賣緊杏仁餅廣告囉, "食餅有餅味" 都幾岩用上最香的杏仁餅上。買左兩盒20個裝的杏仁餅$35, 吾.....我就唔覺得貴, 因為我都唔知其他2個大牌子賣幾多錢, 但我可以肯定係真材實料, 因為2盒餅都好重手。返到香港一打開來食, 我忍唔住連食3塊, 好香好鬆化和脆, 真係同其他唔同質感, 我好驚我自己一個會食哂20個杏仁餅, 哈哈哈。…Read More

琴日(21/01/2010) 係一個大日子, 因為訂左"阿凡達"戲票足足一個月, 終於琴晚可以去IMAX睇喇, 等祁生收工等到七點, 先由中環搭車去九龍灣, 去德福廣場的"夏麵館"食飯, 因為祁生好鐘意食小籠包, 今次又試下新野啦~ 薺菜豆腐羹 $18 (一客) - 味道清新 :) 酸辣湯 $28 (一客) - 味道ok, 湯料有木耳絲, 蛋絲, 筍絲:) 花雕醉雞 $48 - 一來到見到碟雞.....嘩....超細碟, 雖然見到其他食評都已經知細碟, 但係收$48 得 8 -10舊, 仲係細舊....唔值唔抵。 涼伴海蜇 $38 - 無乜麻油味, 但好在海蜇尚算可口。份量和價錢都合比例。:) 排骨擔擔麵 $48 - 又係一個嘩.......................好大碗呀~ 隻碗好大, 麵好多, 味道普通, 但你一望知道可以食得飽肚 (對於無要求人士來講), 平平淡淡無驚喜。:( 小籠包 $20 (一籠) - 因為太喜愛小籠包所以叫左兩籠, 吾......味道.....無乜特別, 食落無驚喜, 好普通的小籠包。2個人食左六樣野, 埋單要...$248.6, 收茶錢收加一, 食物普通, 叫不上難食, 但係真係太普通到.....無字可以形容, 最慘係, 我食完夏麵館之後, 唔知道係唔係食物有問題, 我30分鐘分後要飛奔去洗手間肚瀉, 可憐我食完=無食。…Read More

上次到訪Manila,外國豬招呼我地周圍去玩, 今次佢來香港, 我地點都要請人家吃餐飯。外國豬鐘意食d平靚正既野, 今次帶左佢食....霸王山莊, 第一, 我自己想食片皮鴨; 第二, 價錢唔貴味道好; 第三; 餐廳唔寒酸丫嘛。 雞絲粉皮 - 次次都叫, 尖沙咀店的味道係好食d既:) 紅油抄手 - 速油唔香, 豉油偏咸:( 燈影牛肉 - 哈哈, 我第一次食燈影牛肉, 吾.....我覺得好似牛肉乾~ 蒜泥白肉 - 呢個我想食好耐, 薄薄的五花肉片下有d粉, 加埋蒜香豉油, 好味。 生煎包 - 熱辣辣, 好味, 一客4個, 唔夠食又可以叫多幾款。 小籠包 - 真係間間店, 或者唔同鋪頭, 小籠包既味都唔同, 今次又幾好味, 仲唔易穿添。 北京填鴨 (片皮鴨兩吃) - 今次隻鴨比灣仔好好多, 唔肥, 有肉有皮, 係每次都覺得d京蔥和青瓜條唔夠。 炒鴨肉鬆生菜包 - 係片皮鴨兩吃的另一味, 鴨肉唔好浪費, 炒得好好味喎~ 京蔥炒牛肉 - 外國豬鐘意食牛肉, 專誠叫比佢, 可惜...........咸到飛起... 賽磅蟹 - 又係唔好食, 唔咸好大陣蛋鯹味....5個人吃晚飯, 食左12樣食物總共有15碟食物, 埋單都係六百幾, 真係又平又抵死。Yeah~!!…Read More

呢個餐廳好多時都令我滿肚子"問號", 因為我記得我曾經2005年到過呢間餐廳食飯, 當時已經發現呢間餐廳係.........."無人", 一路以來我都同祁生同一個想法, 就係地點係旺角的餐廳, 食物唔錯環境好, 但"無客"可以生存幾耐呢, 點知.....你真係估唔到, 強強的Lafuma後台, 佢咁多年都不倒。是夜, 同祁生的朋友選擇左來呢間餐廳食飯, 貪佢人少可以坐得耐。4條友都幾大食下架, 叫左勁多野食, 不過埋單唔貴, 岩岩HKD1000.0加埋10% = HKD1100.0, 有野飲有野食我覺得唔貴啦。 Mountain Salad & Fondue 山區沙律 配芝士火鍋 $268- 一籃麵包 (食完可以免費加添)- 一碟Cold cut火腿 Parma Ham Melon 巴馬火腿蜜瓜 $78 Blue Swimming Crab Cake 香煎蟹餅 $78- 呢個真係值得一讚, 我好少食到又平又多蟹肉的蟹餅喇~ Arrabiata Chicken Pizza (S) 意式香辣雞肉薄餅 (細) $98:) Smoke Duck Breast & Mushroom Baked Rice 煙鴨胸蘑菇飯 $78:) Scallop & Zuccine Risotto - Pesto Sauce $98- 我自己覺得唔夠咸, d米都硬左少少~ Home Made Cheese Cake $48:) Trio of Chocolate ( Chocolate Flan, Chocolate Ice-cream, Chocolate Mouse) $ 78 真係飽到..........估唔到樣樣好似唔係好大碟, 但最後...大家都係頂硬上食哂d甜品, Trio of Chocolate我地仲叫左兩客添呢.....飽到上心口。…Read More

事出突然, 要找地方吃晚飯, 2個女子想找一處靜靜地, 吃飯可以吃耐一點的地方, 燈光不可太光猛, 味道不可以太差; 朋友幫忙下係openrice找到水瓶座咖啡室, 雖然其他食評有好有唔好, 不過對於旺角的樓上咖啡室都沒有抱住太大的祈望。地點唔太難搵, 基本上有去旺角都知道好景係邊到, 唯一唔同係千萬唔好搭扶手電梯去商場, 因為係無三樓既, 記得係去商業大廈內搭升降機。18:50上到去, 只有一枱客人, 地方佈置得唔錯, 有格調的紅黑配合, 我本係門口睇餐牌, 內裡的Waiter已經發現我, 招呼我進內比左一角我坐下。睇睇餐牌佢地有晚餐和精選晚餐, 精選晚餐係$148 & $158分別係4 course & 5 course, 4 course只係少左甜品。 紅酒燴牛尾跟薯菜 (朋友K) - 碟牛尾好大碟有8件, 好在牛尾有骨唔叫肉多, 味道唔錯, 入口第一啖食到少少酒味, 牛尾肉亦有牛香味; 伴菜的西蘭花和薯條都唔係預先做定, 薯條還是熱的。:) 4 course的精選晚餐 餐湯 - 意大利雜菜湯 - 唔係罐頭湯, 雜菜切成粒粒有薯仔粒, 蘿蔔粒, 西芹粒; 味清淡 ok。:)頭盤 - Spicy Barbecue Chicken - 一客有三串, 唔辣 (因為本人吃得辣), 醃得幾好燒出來也香口。:)主菜 - 白汁蜆肉墨魚麵 - 我對呢個意粉好滿意, 蜆肉有好多, 白汁味道不太濃, 上菜意粉熱辣辣仲有白煙升出, 好好味, 意粉也不硬身和腍身, 樣樣都恰到好處。總括來講味道和服務都合格, 係價錢初時會覺得有點貴, 但見到食物的份量和質素覺得都合比例的。下次會帶其他朋友來食呀~!!!…Read More

食完一餐勁唔好味的粉麵, 為左令自己開心D, 立即走去食甜品, 呢間甜品已經想食好耐, 上次同甜心B泡食完, 今次終於可以捉到祁生來食喇。 牛奶底練奶焦糖粒粒加朱古力樹皮雪花冰 - 本人超愛牛奶, 所以今次第二次食都係揀番我最愛的牛奶底啦, 食完甜品個人都心情好左。哈~ 綠茶底練奶配香焦雪花冰 - 祁生叫既, 見佢叫香蕉我覺得好奇怪, 乜綠茶配香蕉好食咩~? 哈哈, 不過祁生話....只此一次喎, 下次唔會陪我食。我估我永遠都會覺得牛奶底係最好食, 下次有機會要再食。…Read More