chiu51的個人專頁

黃埔不嬲都好多好野食, 今次揀左呢間日式餐廳黎試下🟡印第安慢煮泰式雞 配稻庭烏冬 洋蔥牛肉湯底 加醬油蛋 - 個雞都算滑但唔係好重味, 雞皮唔係脆個隻, 側邊配左泰式辣醬(麥當勞點雞翼個隻), 我自己就中意唔點醬咁食. 雞既份量都ok. 個烏冬幾好食好煙韌. 湯式係淡淡既洋蔥牛肉味, 係偏清淡d ge湯底. 醬油蛋都幾好味, 不過個人覺得可以再濃味d🟡慢煮封門柳配自家雜菌燒汁 配稻庭烏冬 豬骨濃湯底 加醬油蛋 - 封門柳份量好似少左d, 就咁食係冇調味既, 但個雜菌燒汁既味又冇乜特別. 肉質都軟, 但又唔係勁重牛味. 豬骨濃湯我好中意! 呢個就比洋蔥牛肉湯濃, 我就中意呢個多d, 🧑🏻‍🦱就中意洋蔥牛肉湯多d.🟡柚子紫薯青蘋果沙律 - 一個紫色既雪糕球咁上好得意, 食落去好清新酸酸地既味, 都幾好味🟡韓式涼拌青瓜 - 正常質素, 味道冇乜特別🟡山葵八爪魚 - 唔算太辣, 偏咸左d🟡蒜味墨魚仔 - 同平時撈麵個d螺肉差唔多味🤣冇乜特別💰人均消費：～100睇相個烏冬好似幾大咁, 但其實個碗係偏細, 🧑🏻‍🦱食完都唔係好夠飽😂 味道我覺得正常但又唔會好驚喜. 如果去開個頭都可以一試…查看更多

朋友食過呢間幾好食介紹左我去試下呢個fusion泰菜, 一去到睇menu覺得佢地改名都幾有心思🤣d名都改得幾得意💚姜泰公釣魚餅 - 呢個魚餅都幾濃味, 夠乾身香口, 不過我食到一條魚骨仔, 可以話係真材實料又可以話佢拆骨拆得唔小心😂🤣💛蝦兵蟹將 - 呢個炒飯係menu到寫左係用蟹肉同蝦油炒, 食落真係有陣陣蝦油味! 😀 蟹肉係食得出ge, 不過就可能碎左d所以食落一絲絲咁. 個炒飯係乾身個隻, 都唔錯幾好味既, 同魚餅一齊食, 個飯就感覺淡味d.💚泰黃油啦…阿雞 - 佢係有2隻雞髀配左法邊豆同焗薯. 雞髀焗到同皮好脆! 雞肉都算滑. 都係唔算濃味, 但我自己幾中意食呢類烤雞就覺得幾好食. 個焗薯我覺得整得好好味, 外脆內軟! 豆就普通正常🤣 menu話配左個泰式辣汁但其實食落就唔係好覺既🤔 係有少少蒜蓉味咁洛神花茶 - 我就嗌左呢個, 朋友嗌左青檸梳打. 洛神花茶酸酸地, 唔會好甜, 都幾解膩. 💰人均消費：300-350個人覺得佢定價較高份量唔算多, 但食得出係有心機同埋好味既. 服務都好好, 店主2人都係笑容滿面! 環境都幾有特色, 係行懷舊風, 仲一直播住歌…查看更多

好耐冇食過炸豬扒🙊今次去左邪惡一下🐽點完餐即刻上左個芝麻俾你磨碎佢, d芝麻好香, 我為左留返d芝麻味就淨係落左少少醬. 🧑🏻‍🦱一落落左好多醬之後問店員可唔可以拎多份芝麻🤣 店員好好都肯俾佢~ 令到我地都有得點呢個又有芝麻碎又有完整芝麻既醬🤣 其實就咁食個醬就好香芝麻味, 但點黎食始終個醬都幾濃味, 所以芝麻味唔會好出🐽吉烈豬扒、豬柳、大蝦定食(二人前) - 最後嗌左個2人餐, 可以試哂想食既野🤭 豬扒有一大舊切開左6件, 大蝦2隻, 豬柳有2圓形size每舊切左一半 所以有4件. 所有食物都會有層炸漿加炸粉, 全部都炸得好脆好香口! 同埋唔會炸粉分離咁. 豬扒食落比豬柳軟稔, 豬柳有少少un但就濃豬肉味d, 我個人就中意豬扒多d! 蝦都比我想像中大隻, 雖然出面個炸粉都厚, 但係入面隻蝦都算有肉. 不過相比起我會覺得豬扒好食d!🐽椰菜 - 呢到既椰菜同好多炸豬扒店一樣係可以任加! 呢間餐廳係配左紫菜汁同柚子汁. 紫菜汁有少少昆布海水既味, 柚子汁就酸酸咸咸咁. 2隻其實都有少少咸, 不過覺得咸又可以落返多d菜去中和下, 所以冇乜問題. 個人中意柚子汁多d! 好似解膩d!呢到既麵豉湯每碗都有粒蜆! 不過我就覺得有d太咸啦. 佢餐前會俾杯煎茶話會開胃d. 餐後會俾杯玄米茶話可以消滯. 都幾貼心☺️ 最後仲有一杯西瓜, 不過最衰係暖暖地既🥲如果雪左入雪櫃先就好啦🙊💰人均消費: ~300-350…查看更多

呢間係🧑🏻‍🦱bookmark左想試好耐既一間餐廳, 聽聞要好早黎排隊, 所以我地今日冇咩做就早左出黎排. 佢12點開門, 但大概11:45就開始有人龍, 12點入去既時候條人龍入哂都仲有少少位淨, 但12:15左右就full哂lu. 不過好好既係餐廳會派膠扇俾12點後仲係出面排緊隊既人🥵因為都真係幾熱🍜海龍皇湯 - 我地2個都最想試呢個, 所以2個一齊嗌左. 個湯底係好有蝦味, 都濃郁. 配料有2隻都算大既蝦, 1隻蠔, 1隻帶子, 幾舊魷魚同少少蟹肉碎. d配料就冇乜味既, 唔可以話好鮮甜. 個麵係陽春麵, 我就麻麻地呢隻麵, 食落係淋batbat咁冇乜彈性. 🧑🏻‍🦱有食過我個碗既麵就話我個碗係淋d, 佢個碗係好d冇咁淋.💰人均消費: 100-150麵黎講其實都算貴, 性價比唔高. 整體黎講湯底係好味既(🧑🏻‍🦱飲哂佢成碗湯🙊) 配料都足夠但唔會好鮮甜, 但我個麵就真係麻麻. 好似得呢個海龍皇係用呢款麵, 其他唔係. 如果有機會經過都可以試下多次佢其他麵既, 但要排隊就不了.仲有就係間餐廳入面冷氣好似唔係好夠凍, 定唔知係咪我哋個位吹唔正冷氣🙈大熱天時食到大汗疊細汗都幾辛苦…查看更多

🦪牡蠣五島手延烏冬配牡蠣濃湯 - 我地2個都試下呢個算係招牌菜. 一黎到覺得份量都幾少, 個碗係比起平時出街食湯麵細碗. 入面有3隻蠔仔, 煮得唔會過熟縮左水, 冇腥味但又唔算好鮮甜, 都可以既. 糖心蛋煮得個流心岩岩好, 但唔算醃得好入味. 烏冬係幼身d, 同平時食開既唔同, 我自己就中意平時個d多d會彈牙d. 湯底本身期待佢係濃濃蠔味, 但其實唔算濃, 算係有d咸味既湯, 唔係好有蠔ge鮮味🙈(🧑🏻‍🦱直程話佢似菜湯多過蠔湯, 因為有少少綠綠地色, 但我又覺得冇菜湯既甜味😂) 不過佢個配菜酸蘿蔔幾好味, 酸酸地中和左個湯既咸味🍵冷泡白桃烏龍- 呢到係冇茶水供應, 所以迫住嗌左支冷泡茶, 佢都有幾多款揀, 我地揀左白桃烏龍. 個茶都聞落有桃既香味, 飲落都ok, 唔會太有澀味.💰人均消費: 150-200整體黎講性價比低, 味道麻麻, 唔會回頭食😂 (食完🧑🏻‍🦱仲唔夠飽要即刻去搵其他野食)…查看更多

🍣鳥貝壽司 - 呢個係是日師傅精選壽司, 我都係第一次食鳥貝, 食落好鮮甜好味!💕🍣赤蝦壽司 - 呢個幾乎係我每次都會嗌既壽司, 但呢到既赤蝦就一般, 唔係好鮮甜🍣油甘魚腩壽司 - 油甘魚有時我好怕有腥味, 但佢呢款冇! 味道都唔錯🍣三文魚腩壽司 - 三文魚腩不嬲都係我既最愛! 呢到既三文魚腩係好好食! 又鮮甜又有油脂味! 必食!💕🍣赤貝壽司 - 佢本身係一set 2件, 店員話佢有條裙邊都可以食埋就整埋壽司俾我地. 味道正常但冇乜驚喜🍣蒜蓉牛油醬帆立貝壽司 - 呢個話係新商品, 不過我覺得正正常常冇乜驚喜, 帶子都冇乜味🍣火炙三文魚腩牛油果卷 - 呢個既三文魚腩都維持到質素, 不過火炙過同加左沙律醬魚生個鮮甜同油脂就冇咁出啦. 個卷係好食既! 不過食得多會有少少漏💕🍣活一鮮卷 - 問個店員個卷有咩佢都講唔出, 淨係話”甜蝦, 油甘魚個d la”, 對一d唔食某d魚生既客人黎講係幾驚呢d答案🙈 最後原來係6舊唔同既魚生(一舊係芒果)係上面, 再卷住玉子同蟹柳. 逐舊簡單講下: 三文魚 - 好味, 吞拿魚 - 一般, 油甘魚- 係今日食咁多舊魚生唯一一舊腥既!我係食唔到🥲 芒果蟹籽- 芒果都算甜, 三文魚子帶子 - 一般, 甜蝦 - 一般簡單黎講呢個卷唔使嗌😂 舊飯又大舊, 魚生質素好似都冇壽司咁好不得不說呢到既壽司真係握得好好, 令我都幾impressed! 飯既size岩岩好, 飯同魚生唔會好容易分離, 點豉油個陣冇咁易甩開! 卷物就真係大大舊飯, 都幾容易”則”飽個肚之後講下熱食先, 唔係嗌左好多🥢燒厚切牛脷 - 係我最中意食既牛舌既質感! 佢好彈牙唔係淋batbat個d, 應該係用左牛舌芯. 煮得岩岩好唔會un 又唔會太生, 勁好味! 💕🥢燒雞軟骨 - 燒得幾脆調味都岩岩好🥢鹽燒雞翼 - 呢個都係燒得幾好, 雞皮都有少少脆既感覺, 雞肉就正常又唔算超滑🥂香印提子果酒 - 平時我都幾中意飲果酒, 但香印提子味真係好少見! 所以叫左黎試下. 飲落去偏甜, 都飲得出酒味 (店員話12%), 個香印提子味係勁香甜, 真係好似食緊好甜既香印提子咁! 我覺得好好味, 呢款都幾岩女仔飲💕💰人均消費: 300-350整體黎講呢間小店既野食都算幾好! 食落係有驚喜, 大部分都好味唔會伏, 價錢正常唔算過分, 一定會再返黎食! 我覺得佢卷物一般, 寫明係飛機貨或者每日師傅精選雖然係貴d, 但好似真係高質d鮮甜d, 下次再試下其他!…查看更多

吉列滑蛋三文治 - 想試下佢呢到既麵包, 又想食得輕食d, 所以揀左呢個黎試下. 其實食既時候都有d難搞😂 用刀叉又會分開哂, 用手又好大舊🤣 個滑蛋真係好滑, 好似係加左d高湯係入面咁, 有少少咸味既. 出面炸得好脆! 面包入面搽左d醬, 少少甜甜酸酸咁. 整體黎講個三文治都算淡味, 味道一般冇乜特別, 不過口感係幾好既, 外脆內軟. 試一次就夠😂龍蝦湯通粉 - 試左朋友個碗一啖, 個湯都幾濃味, 上面有d芝士, 雖然黎到既顏色好唔橙😂但味道都可以既. 不過就咁睇龍蝦肉好似勁少😂 有少少唔抵港式羅宋湯字母粉 - 呢個都係試朋友既, 但係個羅宋湯勁淡, 冇乜味🙈 完全冇羅宋湯味. d字母粉又好快吸哂d湯🙈 入面既配料好似都幾多, 但配左冇味既湯就好似點食都麻麻地😂焙茶燕麥奶 - 唔算好甜, 都有d茶味, 但唔算好濃, 但都幾好味. 佢個燕麥奶飲落唔會好突出, 同平時d hojicha latte差唔多, 不過淡味d棉花糖熱朱古力 - 朋友嗌左呢個好適合影相既朱古力😂店員會等你ready拍片先放個棉花糖上去🤣 一遇熱個棉花糖就會開花啦🌼朋友話個朱古力都幾濃, 但個棉花糖就太甜啦食唔到🤣…查看更多

前幾日去sogo見到呢間pop up store, 佢個畫風好得意吸引左我去睇下! 雖然我平時唔係好中意食曲奇類既野, 但係就幾中意食scone! 平時去high tea好中意食佢外脆內軟既口感, 搽埋d clotted cream真係好正🤭 今次呢間做緊優惠$100/3舊 (原價好似係$38/舊), 咁我就買左3舊試下.冧酒提子味 (試食) - pop up store個到都有盤切左細細舊既俾大家試食, 個隻係冧酒提子味. 我平時係麻麻地冧酒提子味既野, 平時一定唔會主動買. 因為我好怕酒味太濃, 同埋唔係好中意食提子乾製品 (我中意齋食提子乾多d😂). 但係試食左之後覺得好驚人地好好食!😍 佢既冧酒提子味係淡淡地, 有d清新有d甜甜地咁, 係我食過最特別又好食既scone味道!芋頭麻糬 - Scone入面包左d芋泥同麻糬, 麻糬都好軟淋都有彈性可以有dd拉絲咁, 但因為太少所以都唔係好食得出夠唔夠煙un. 芋泥其實都偏少, 佢應該係淨係原味scone包住芋泥餡咁, 所以芋頭味唔係好重. 中意濃郁芋頭味既我就有d失望蕃茄乾巴馬臣芝士🍅 - 呢個店主/店員話似pizza味, 所以揀左黎試下. 食落雖然唔係好似pizza味, 但有少少蕃茄乾既香味, 好似d橄欖油浸蕃茄乾個隻味咁, 芝士味就唔算好突出. 不過佢難得係芝士味都唔會好漏好heavy, 雖然個味淡淡地, 我又幾中意佢個輕盈既感覺. 不過芝士迷就可能會失望麵豉白朱古力🍫 - 呢個我問左店主/店員係咸定甜既, 佢話其實係咸既scone黎, 麵豉味會突出過白朱古力. 一咬第一啖覺得佢係偏濃味同偏咸, 會有想即刻飲水既衝動😂白朱古力味真係唔係好食得出. 我覺得呢隻味有少少太咸, 如果多少少甜味就好啦其實本身諗住買伯爵茶味, 但試食完佢咁特別既冧酒提子之後忍唔住揀d平時少見既味道! 試完之後最後排名我竟然係最中意係佢既冧酒提子! 我覺得整體黎講呢間店既scone係比較輕盈d, 淡味d ge, 同幾岩我口味! 因為之前真係試過有d食落覺得太漏太heavy. 同埋我中意佢入面仲有少少濕潤. 我諗之後有機會既話我都會想試下佢其他味!我試左即刻食, 雪雪櫃之後用焗爐焗熱食同埋微波爐叮熱食, 建議一定要即刻食或者用焗爐焗呀! 真係唔可以太懶用微波爐叮😂會即刻冇左個脆面架🙊…查看更多

懷舊窩貼小棠菜 - 冇食過呢個餸一直都想試下, 原來係小棠菜整碎再加好似魚滑之類既野拎去煎炸🤔 味道都唔錯, 但其實冇咩小棠菜味🤣 好似同墨魚餅蝦餅既口感同味道差唔多, 但呢個好似淡味d同埋多左層炸漿, 我就中意墨魚餅蝦餅多d la, 不過冇試過都可以一試! 唔會伏黑椒蜜餞薯仔牛柳粒 - 呢個係大家一致認為最好食既一碟! 薯仔整得外脆內軟, 牛柳粒都煮得好軟稔唔會un . 兩樣野出面沾滿左蜜糖甜甜地好入味! 成碟都好好食!😍鳳梨懷舊咕嚕肉 - 咕嚕肉出面層脆漿炸得幾好, 幾脆身, 又唔算好厚. d肉都冇乜肥肉, 但都唔會好un. 肉既份量都幾多, 唔會三色椒仲多過肉😂 都算幾抵食古法豉油皇鵝腸 - 鵝腸同d芽菜應該係分開炒, 鵝腸就落左d甜豉油咁炒, 芽菜就冇豉油ge, 但個底都好似有少少豉油, 所以撈埋一齊食都可以, 唔會太淡味, 但個人中意再濃味多少少, 鵝腸都有時有少少鵝油味幾香口. 芽菜都ok, 唔會煮得太生, 同埋佢係偏肥短ge芽菜, 唔係幼長個d, 呢隻好似好味d!XO醬海鮮小炒王 - 好typical ge 小炒王, 有韮菜, 蝦乾, 魷魚, 腰果, 上面仲有d銀魚乾仔. 炒得好有鑊氣, 有d咸香同埋配料都幾豐富, 大蝦乾都幾大隻有d咬口咁幾好味XO醬馬拉盞芥蘭煲 - 呢個芥蘭都係同d大蝦乾同洋蔥肉碎一齊炒. XO醬同馬拉盞都唔算好入味, 所以呢個正正常常一般般啦金菇沙茶肥牛煲 - 呢個係大家都覺得最難食🫣 佢唔係薄ji ji 個d牛肉, 都有d厚度既, 本身期待佢係滑牛, 但身為主角既牛肉好un, 有fd食到係差唔多手掌咁大舊牛冇切開晦, 但un到唔係好咬到😂 我都有食到d薄d好似打邊爐個d肥牛就都唔係好好味, 整體黎講都冇乜牛味. 我就食唔到金菇, 個底就都有好多粉絲索哂汁都惹味. 但唔知係咪平時食開沙嗲肥牛粉絲煲, 硬係覺得轉左沙茶怪怪地🤣人均消費: ~150-200 呢個價錢呢個質素我覺得係可以既, 大部分食物都唔錯幾好食, 但又未到哇一聲對呢間餐廳印象好深刻咁. 想食大排檔都可以考慮下呢一間!…查看更多

lunch嗌左麻辣手撕雞加蓮藕加青瓜, 中辣. 加餸每款加$8但係得少少有d唔抵, 下次都係唔加~佢個辣係會同冷麵撈埋, 但手撕雞就係冇辣咁另外放上面, 如果有得有齊撈埋就好啦! 個辣醬味都幾好味既, 香辣冇乜麻味. 冷麵都煮得岩岩好, 唔會太淋唔會太硬! 雲耳青瓜係用醋調左味, 唔辣ge, 酸酸地都幾開胃. 蓮藕就係麻辣味, 都調得幾入味.會送紙包飲品都幾好…查看更多

星期六日應該係冇lunch menu, 店員都係俾左本dinner menu我地睇朴葉味噌牛柳定食 - 係有個火爐加鐵板放上台自己燒. 🔥鐵板上面係鋪左塊好大既葉, 上面係有一堆菇, 跟住有味噌, 再上面就係牛柳啦. 其實份量都算多, 唔係得幾塊牛咁, 都可以食得幾滿足! d牛柳都係有d厚度唔係薄ji ji個d, 食落有咬口但都唔會好嚡, 都有牛味. 味噌就略嫌有d太多同咸左少少, 有d遮左d牛肉本身既味, 燒完撥走少少味噌再食會好d. 🧑🏻‍🦱話有得燒有得玩有得食又夠飽都幾抵玩🤣我就嗌左自選三品料理套餐 (築前煮, 香甜南瓜薩摩芋, 鹽麴燒雞, 配溫泉蛋飯) - 佢三品料理係限左揀2個前菜加1個主菜, 所以我個個築前煮同南瓜蕃薯都係室溫既. 築前煮唔係好入味, 味道好淡, 得牛蒡味. 南瓜薩摩芋就幾好味, 甜生地同埋南瓜同蕃薯都煮得夠淋同入味. 個鹽麴燒雞就好普通, 味道較淡, 但係都算嫩滑. 個溫泉蛋飯都淋左少少醬汁既, 但有少少失望冇乜蛋味🥲…查看更多

本身係無啦啦想食蒸魚, 之後係openrice見到佢個晚市優惠3重奏幾抵就過左黎食. 點知去到佢話個優惠已經冇做🫠 就諗住嗌佢鵝腸加焗魚腸個個餐想試下食焗魚腸, 點知嗌完又話魚腸賣哂🫠 今次真係黑仔🥲 最後嗌左3個餸宮保蝦球 - 其實我第一次食宮保蝦球😂味道酸酸甜甜但又唔係咕嚕個隻酸甜, 都幾好味. 蝦球有6粒, 都幾大粒梅菜蒸肉餅 - 肉餅黎到都幾大, d肉食落都滑, 🧑🏻‍🦱最中意呢個餸, 但我就覺得個梅菜冇咩甜味😂廚皇豉椒炒鵝腸 - 呢個豉椒炒鵝腸有d沙嗲醬既味🤣令我諗起沙嗲肥牛粉絲煲. 但都幾惹味既, 我就最中意呢個餸, 但🧑🏻‍🦱話覺得鵝腸唔夠爽…查看更多

lunchtime行過諗住試下佢個佢招牌既手撕雞蕎麥麵, 我仲加左雲耳, 中辣.見到店員一黎就係到將d雲耳撈辣醬之後舖上一個好似已經一早已經整好入哂盒既手撕雞蕎麥麵入面. 睇到都心知不妙🙈 返公司一睇, 得d雲耳有辣, 手撕雞冇辣都算, 但係個蕎麥麵唔知放左入盒幾耐, 所以用筷子一夾起d麵係痴住哂完全係一餅野咁. d麵淋哂最底個d仲要糊糊地係勁難食. 身為一間專做外賣既舖頭, 撈麵類都可以整定入盒先真係太冇誠意🙈🙈…查看更多

椒鹽金錢鱔片 - 平時d椒鹽好少見有鱔片食, 所以今次叫左黎試下. 黎到份量都算多, 但係食落椒鹽味唔夠重, 佢既椒鹽係得炸蒜同埋鹽/蒜鹽, 但係冇蔥頭呀辣椒呀個d ge, 所以略嫌唔夠味. d鱔魚肉有少少少少腥(但係可以接受既), 咁食得鱔大家都預左係有中間舊骨仔. 呢碟算一般🤔下次應該唔會再嗌啫啫通菜煲 - 我好中意食大排檔小炒既啫啫或者煲仔菜系列, 熱住上勁開心🤭最中意食熱辣辣既野! 呢個啫啫通菜煲就好夠味啦, typical ge啫啫味😂! 通菜好掛汁,入面仲有d蝦乾仔同肉碎(有d係肥豬肉有d係瘦肉), 同埋d通菜一齊食都好好味川爆柏葉鵝腸 - 我地都幾中意食鵝腸, 成日去小炒都會嗌, 今次見到平時少見既川爆又試下先! 佢係同埋洋蔥尖椒西芹一齊炒, 隻辣醬係有少少甜甜地, 辣度係bbbb辣, 唔麻既, 呢隻辣味我就唔係中意, 唔係四川個d辣, 係一個對我黎講怪怪地既辣味🤔 但係🧑🏻‍🦱就話佢覺得幾好食. 講下主角先, 鵝腸係多d牛柏葉係少d ge, 份量都可以但唔算多. 其他配菜洋蔥尖椒都幾好食, 洋蔥雖然未煮到好稔好熟, 但都好甜! 尖椒就周不時有幾隻係堅有辣味👍🏻 (西芹我唔食既就冇食😂) 不過其實d蔬菜都係係咁意炒下, 唔係好入味同埋都係仲爽既(個人中意食熟d稔身d)燒汁豬頸肉 - 呢個係因為想食有肉既野就揀左呢個, 個汁係甜甜地咸咸地, 豬頸肉都入味, 幾好食! 不過豬頸肉有時有d肥得滯既位食落就有少少靭, 但唔多既, 整體都好食! 佢都係同洋蔥西芹青椒炒, 呢碟既洋蔥勁好食🤣好甜…查看更多

蜜瓜刨冰 - 天氣熱開始想食下刨冰類, 諗住好似係刨冰入面比較清新d就試下. 黎到個樣都幾令, 有4舊蜜瓜, 上面仲有球雲呢拿雪糕🍦個刨冰都偏甜, 係假蜜瓜味🥲雲呢拿雪糕隻味都假假地, 成個刨冰都唔係好好食水牛城單骨雞翼 - 呢個係有5隻雞翼鋪係d薯條上面, 一黎到既感覺係d薯條都幾少, 只係好零碎咁鋪係底, 味道就正常都夠脆. 佢既單骨雞翼其實係好似一隻小雞鎚咁, 唔係平時一隻雞翼斬開一半個d, 所以都算多肉食! 炸到脆脆地加埋個水牛城醬, 酸酸甜甜咁都幾好食…查看更多