Konnichiwa's Profile

以前經常幫黎食，但有一段時間冇黎了，大熱天時咁啱經過，想食個冰凍甜點，本來想叫 櫻桃小丸子，以前黎幫襯必食這個，但近一兩年都停售，唔知係咪轉咗手冇做呢個甜品。睇完個餐牌都覺無咩冰凍嘅嘢，最後叫左 芒果西瓜綠豆蓉冰、芒果西瓜西米露冰。2碗甜品黎到，表面有d冰，以為好冰凍下。點知喺碗底 “不” 一羹食，是室溫的，無錯，一d都唔凍。我覺得真係好離譜，叫碗冰食就梗係想食凍嘢啦，點會整碗唔凍嘅出嚟俾人食。雖然味道唔錯，但係好唔專業。…Read More

今天下午大約 14:00 購買三個開心果糯米糍，當時沒有其他顧客，只有我一人。購買完後，女店員給我一張籌 (8號)。我問店員給我這張籌有甚麼用，她說因為是即做，所以要等一陣，做好後會叫號碼取糯米糍。等了一陣就叫8號，可以取糯米糍了。回到家後跟家人一起享用，發現其中一個糯米糍的餡料是芝麻，而不是開心果。芝麻餡是全黑的，開心果餡帶點綠色並混有開心果粒，兩者有明顯分別，附圖就可以看得出來。老實說，當時沒有其他顧客，就只有我一個，而且女店員也說過糯米糍是即做的，那就排除了拿錯其他客人的糯米糍給我。另外，開心果糯米糍表面會鋪上一些綠色開心果碎，而芝麻糯米糍是不會的。那就很明顯是店員把芝麻糯米糍的表面鋪上一些開心果碎，刻意做成開心果糯米糍的樣子，這樣做生意真的不老實。…Read More

聽講係搬鋪，新鋪最近開張過黎試下，以前樓面兩個阿姐不見了，換上一班新面孔。收銀個哥仔聲如洪鐘，經常跟同事高談闊論，非常吵耳，真係想快d食晒早走早著！食物方面，叫左個榨菜肉絲面，出菜拎過黎一見到，心諗 搞X錯 呀，眼力唔好真係搵唔到肉絲，嚴格黎講呢碗野只可以叫 榨菜面，睇得出利潤好高。碗麵個湯底淡而無味，問佢拎鹽又話無，只有豉油。麵過淋，唔知係淥耐左定係本身麵質係咁。酸辣湯麵，味道ok，但係湯量唔夠，好快比d麵索晒，變左酸辣撈面。炸豬扒比以前薄得多，炸得唔夠酥，但味道都ok。煎韭菜餃，唯一一款覺得好食。豆漿無咩味，可樂叫 zero 話無，只有普通可樂。…Read More

壽司放題，無諗過美登利可以差到呢個程度，這放題真係做壞了自己招牌！以前在旺角店吃過，味道很不錯，在日本也吃過味道非常好，今天幫襯簡直是顛覆了我對美登利的印象。海胆是包含在放題裡面的，但海胆有種好重臭味(像是防腐劑或下價海胆味道，懂的人一定懂的)，叫左2件海胆，試過都唔想再食。大赤蝦好腥，帶子無咩甜味！除左一開始送既 刺身壽司盛 和 牛油果沙律 好d之外，其他既野食都好麻麻。我有點懷疑 散叫 的食物質素，跟放題的不一樣，不然以今天放題的食物質素來招呼 散叫 的客人，相信沒多少回頭客吧。未試過放題但想試既人，真係要三思去唔去食好！…Read More

原味蝦湯拉麵 HK$88，湯和麵都有少許鹼水味。我個人好怕鹼水味，但如果不介意鹼水味的，這個湯蝦味都幾出。餃子 HK$35，一般水準沒甚麼驚喜。叉燒飯 HK$45，好食。甜辣小蝦沙律 HK$38，好食。連加一總共 HK$227，用海港城 coupon 減了 HK$100，埋單 HK$127，這價錢還可以。店內環境不錯，其中有一排坐位對著維港，今天我就被安排對著維港坐位。看到食評大多是讚好的，今天便來試試，其中有一偏食評提到鹼水味，我以為是個別例子，點知中伏😓。雖然很輕微，但我個人接受不到鹼水味的。除了拉麵和湯有鹼水味外，其他食物都唔錯。但拉麵店靈魂就是拉麵和湯頭，沒可能來到只吃叉燒飯和其他的，所以我就不會再吃這間店了😬…Read More

今日 order 左 all day breakfast、鵪鶉脾、牛側腹意大利飯、卡邦尼意粉、餐湯(薯仔湯)，食物好淡，全部都要加黑椒和鹽自行調味。食物份量有點少，餐湯需要加HK$30但只有半碗，抹茶 latte 需要加HK$44只有一小杯，奶水+抹茶感覺沒有落糖，但又沒跟糖水一起上...算吧，懶得要求糖水了，只一小杯求其飲晒佢吧。加HK$8的凍茉莉綠茶也是一小杯，不建議加錢要餐湯和飲品，推薦加HK$10要罐汽水好過。整體擺盤很可以，看網上照片吸引我幫襯的，估唔到伏味這麼濃....味道真的仍有很大的進步空間。…Read More

蕃茄很酸，湯沒什麼味，牛肉除了沒肉味，連基本鹹味也沒有，通粉入口很糊那樣，不好吃，炒蛋多士凍檸茶還可以。服務員對餐牌不清楚，問她的回覆就是應該、好像，等一下我問問....！另外我朋友點了午餐，外面午餐一般有跟湯的，但這裡的餐沒有，這個價錢沒跟湯就顯得有點貴 (其實這裡大多食物價錢也偏高)。午餐的黑椒汁黑椒味濃，雞排味有點淡但有黑椒汁搭夠，這個黑椒腸仔雞排飯不過不失。在旺角看到這間裝修不錯的冰室，被它外觀吸引，估不到味道有點差，仍有很大的進步空間。…Read More

在荃灣食完飯 , 諗住搵 d 甜品食 , 行到海壩街 , 並排 3 間甜品鋪 , 最左邊是松記 , 食開有保證 ( 好好味 ) , 但想試新野 , 呢間 "明師傅" 的 staff 在門口好努力咁叫人幫襯 , 就決定入去試下 . 叫西瓜蛊話無 , 咁就叫左好多人都食緊既 "甜心" , 一入口就知揀錯地方 .1. 椰皇裡面 d 西米露唔夠熱 , 極其量叫做溫暖 .2. 西米露淡過水 , 尤其是食完果粒芝麻湯丸後 , 更加顯得西米露無味 .我都未試過食甜品食到個口淡晒 , 仲有少少反謂 , 呢間野真係無下次 ! …Read More

去過日本幾次,見到呢間係快餐店一定唔會入去食.不過今次佢o係HK 開分店,N 咁多本雜誌都話好食.基於羊群心理,走去試一試.原本上星期日中午去試,諗住開左咁耐,唔會好多人排隊.點知咁諗就錯,條蛇餅見到都即刻掉頭走.要我排成個鐘食個包,幾好食都唔會咁做!過左幾日(星期五),我五點鐘行開APM,諗住去食個TEA,見到佢得幾個人排隊,我用左十分鐘左右就買左個帶子米漢堡+沙律+汔水餐.個米漢堡做得好好,D 飯唔會散開,帶子都幾厚肉,D 汁甜甜地好好味.但係個沙律就差D,得幾片生菜,少少千島汁,有D 呃錢!整體黎講,真係麻麻地,個餐$45 略為貴左D.下次如果唔駛排隊,咁啱行開都會試多次,唔係o既就應該無下次.…Read More

第一次試Triple O's 是在金鐘o個間, 因為openrice D 食評對呢間尖咀店麻麻,所以第一次決定比金鐘呢間.不過自己始終係九龍人,無理由唔去尖咀o個間.唔通次次食都要走過海咁傻咩!所以決定去老尖呢間博一博.我叫左個磨菇包,果然好似其它人咁講,個包裡面好乾,無乜汁.之後再去我就醒目啦,我又係叫返個磨菇包,落單時講明要多d 汁,結果同上次好唔同.磨菇汁/牛肉汁/醬汁都返晒黎.成個包生猛晒,好好味.如果各位唔想個包乾爭爭,記得落單時,要求多d 汁呀!…Read More

今個星期一, 公司同事推介這間Triple O's , 佢話個Burger 勁正, 所以今日Lunch 走左去試下. 原本諗住去尖沙咀CitySuper 對面o個間, 但Openrice D 食批麻麻, 好壞參半. 可能係新開關係, 質素唔穏定. 諗諗下都係唔好博, 買左個包唔好食就死啦, 所以走左去金鐘o個間試. 果然係好介紹, 我order 左個磨菇包餐( 磨菇包+ 薯條+ 汽水) - $59 , 加左車打芝士- $10 , 汽水轉藍莓奶昔- $20 , total $89 ! 睇落好似貴左D , 但物有所值. 個包勁多汁( 牛肉汁+ 醬汁) , 漢堡扒牛肉味好濃, 好好味. 睇過Openrice 有D 食批話士多啤梨奶昔無士多啤梨味, 所以叫左籃莓奶昔, 但係一樣無乜藍莓味, 淨係得奶味, 下次飲返汽水好過! 食左個包後, 巳經好飽, 唔想食個薯條同飲杯奶昔, 不過買左唔好嘥 , 食晒成個餐後, 由lunch 飽到22:00 , 勁! 如果大家唔係咁大食, 唔好叫餐, 淨叫個包同飲品好啦. 女仕們就最好2 個人share 一個包好D !…Read More

上個月底有朋友問我, HK 有無墨西哥餐食, 我即時上openrice search , 搵到呢間Taco Loco 排在第一位, 於是和這個朋友去試一試.墨西哥餐很適合我, 因為我最喜好多肉/濃味/芝士等, 全部也在這餐找到. 甚至我點了一客沙律, 也幾乎是肉多過菜, haha . 而價錢亦便宜, 2 個人共HK$240 , 飽了一個晚上, 連糖水也吃不下.…Read More