cherrielwy's Profile

朋友推薦我去呢間大角咀黃店西餐homeland,今日終於有機會去試吓。環境都ok, 唔會太迫。叫咗個熱嘅抹茶latte, 抹茶味幾香，又幾濃牛奶味，可以一試。叫咗一個小食，香蒜辣椒炒蜆。辣辣地幾開胃，有好多隻，冇沙，全部都厚肉。意式牛肝菌意大利野菌燉飯，大推大推！朋友食到lamlam利，個汁好creamy，好香野菌味，都有唔少牛肝菌，飯粒又唔會太淋，有咬口，好好味😋 份量夠哂大，男士都實夠食。香煎澳洲黑毛安格斯西冷，5成熟，牛扒好juicy多汁，好淋，$198好抵食，夠大塊，仲有好多好多薯蓉同配菜，飽到食唔晒~總括來講，好推薦大家嚟試吓呢間性價比幾高嘅西餐。每樣食物都唔錯，牛肝菌燉飯必叫！下次想encore😂…Read More

街坊餃子店做到開大鋪又開分店係有原因嘅。呢度梗係食嘅三款唔同餡嘅餃子啦，有分湯餃同煎餃，其實兩樣都好好食。今次叫咗雲耳椰菜湯餃拼白菜湯餃各5隻，加7隻煎韮菜餃。雲耳椰菜餃口感最好，兩款材料都好脆口，咬落最好食，材料好多。白菜餃就最鮮甜，白菜好多，好似仲係最受歡迎，每日最快賣晒就係白菜餃。個湯係野葛菜湯，好甜，成碗都飲哂！煎餃係即叫即煎，都要等一段時間先有得食，咬落好多韮菜，d汁飛哂出嚟，韮菜好香，d餃子都煎到好香，連d皮都好脆。每隻餃子都好大隻，食到最後已經好飽好飽，走之前仲買咗啲生餃返屋企食。…Read More

呢間大圍小店應該唔多人識，不過真係好好食，要向大家推薦下！佢喺鍋心火鍋隔離，唔係住附近都唔會識。小店坐位唔多，不過都算坐得舒服，一入鋪店面就好熱情介紹店內的食物。經過介紹之後，叫左迷你佛跳牆同好頭好尾。迷你佛跳牆個湯好濃郁，好足料，有啲細翅，有冬菇，有帶子，有海參，簡單來講即係乜都有，啲湯配搭陽春麵，掛湯唔錯，麵質好滑。好頭好味有牛面頰肉同牛尾，配牛骨湯，嘩d牛面頰肉好嫩滑，吸晒啲湯嘅味道，牛尾亦都煲到好林，湯頭都配搭得好好！另外叫左涼拌手工麻辣豆腐，麻辣味做得幾好，豆腐就係普通百福滑豆腐嘅感覺。高湯蒜子浸時菜，高湯幾清甜，配搭埋個菜，有住家味。下次要再去！…Read More

呢間係大角咀嘅小店，以前剩係得外賣或者擺啲枱係街嗰度食，而家開咗新店有埋嘅店內堂食幾好！佢開到凌晨，所以好多時都係10點幾十一點嚟買宵夜食。最鍾意食佢個韭菜餃，啲餃子係店內自己包，韭菜味好香好足料！蠔仔粥亦都係好多時都會叫，即叫即整，好多好飽滿嘅蠔仔，仲有啲土魷絲冬菇絲好足料！另一推薦係豉椒炒蜆或者蟶子，調味做得唔錯，雖然材料唔大隻，但係幾有獲氣。酥炸鯪魚球都好好食，好大粒，炸得好香，魚肉彈牙，個蜆介汁好正，好夾個鯪魚球！差啲唔記得講個雞翼其實看似普通，其實炸得幾好食，宵夜加埋啤酒返屋企睇電視，享受人生~~~…Read More

聽人講就算受疫情影響，旺角都有間排晒長龍嘅台式任食火鍋店，今次就一於去試吓。去到有三個價錢揀，就係有三個唔同等級嘅牛肉，我揀咗最貴嗰個餐，要288再加一。呢個餐有啲特別嘅牛肉部位食，例如封門柳同埋牛胸爽，仲送兩粒M5和牛牛丸。坐低揀好咗湯底之後，過多5分鐘，就可以scan QR code喺電話度落單叫火鍋料，今次我加咗$50叫麻辣湯加蒜香雞鍋。麻辣湯唔錯幾香幾有藥材味，不過個蒜香雞就麻麻，雞肉偏鞋。想好快上咗湯底之後，就即刻上送嘅牛丸，真係超好食又有牛味，咬落又有肉汁，唔知出街買唔買到呢。一開始梗係嗌嗰幾隻牛肉食啦，普遍上最貴個餐嗰幾隻牛肉都好有牛味，脂肪分布得唔錯，係幾好食，絕對對得住呢個價錢。仲有啲台灣嘅火鍋材料，例如有燕餃蛋餃，仲有啲手打嘅海鮮滑，全部都做得唔錯。除此之外，仲有啲台灣小食，例如台灣腸，甜不辣，鹽酥雞，全部都幾好食😋而座位外都有個自助區，可以自己攞想食嘅菜或者啲普通火鍋料，每個材料都有獨立盒包裝，都仲算幾衛生。仲有滷牛肉飯，同埋響鈴都可以喺出邊攞。其實真係幾多嘢食就唔怪得知係人龍店啦，材料又幾多幾好食。抵食！絕對回本！…Read More

其實本身我唔食鰻魚，一直都覺得鰻魚好多骨，喺香港未食過好食嘅鰻魚飯，覺得啲鰻魚林patpat。今次有朋友力推依間鰻工房，話啲鰻魚飯真係好好食，就一於去試吓。一去到見到間鋪真係好細好細，基本上兩個人去食，就一定要搭枱，得幾張4人枱，成間鋪得10幾個位。一去到就同朋友一人叫咗一款我叫咗普通成條嘅鰻魚飯。朋友叫咗鹽味白燒鰻魚飯。普通鰻魚飯其實已經幾好食，鰻魚有厚度，有咬口，真係覺得食緊魚肉，蒲燒鰻魚汁做得幾好唔會太甜太膩。嘩白燒係我食過最好食嘅鰻魚，白燒即係冇蒸過就直接生燒嘅鰻魚個魚皮係脆口㗎，魚肉好厚好有彈性。強烈推薦大家去食呀！…Read More

呢間葵廣小店一直都係賣飛佛，今次佢吿急，當然要即刻支持下！呢間係專賣芋圓甜品外賣店，不設堂食。個個買完都係企係側邊食。首先揀咗基本材料先，例如有仙草或者紅豆湯。我次次去都係揀仙草，之後再揀配料，好多時我都係叫芋圓地瓜圓，之後再加桂花凍。芋圓真係好有咬口好Q，桂花凍大細啱啱好，而且好香桂花味，次次都會食。其實仙草都好好食好滑，又唔會好苦，成件事嗰調味又唔會好甜，唔會好膩。其實佢仲有好多唔同配料一直都想試吓佢個紅豆湯或者西米露。呢間真係一間全香港最好食嘅芋圓，大家都快啲要去支持下！…Read More

大圍手撕雞腸粉不嬲都好出名！之前話要結業，好彩之後開返喺附近小巷，位置都比較唔顯眼，都要轉幾個彎先見到。以前係外賣店，而家間鋪大左，有埋堂食，裝修就比較簡單，有幾張豬肉枱，俾大家食完就走。一場去到當然係叫最招牌的手撕雞腸粉啦！我叫左bb辣。一個份量其實幾多，一個女仔未必食得哂，除非你當晚餐咁食，我當宵夜就覺得兩個人share會好啲。bb辣其實已經辣得好過癮，d雞絲幾入味，不過好鞋，反而d腸粉真係好滑，滑過好多腸粉專門店，值得一贊，呢個組合加埋真係幾好食！另外我加左10粒魚蛋，係陳皮魚蛋，好多地方都揾唔到！質地唔錯，下次都會再叫！…Read More

呢間韓國外賣小店係韓國人開，位置好隱蔽，平時唔多會注意到，喺快剪店隔離。主要都係賣韓國人最鐘意既泡菜，冷盤小菜，我自己唔太鍾意佢個泡菜，冇乜酸甜味，得少少辣，白菜又唔夠脆口。堤魚就不錯，好香，調味又好，送飯一流。平時多數去買紫菜包飯，有兩款，一款普通，一款有用蛋煎過外面，我自己就喜歡普通，清清地，食到d材料即味，下午茶食哂成個都幾正！如果正餐我會推薦韓式拌飯，有6,7款配料，份量又多，食落好豐富，加埋佢啲韓式辣醬，張所有野撈埋一齊食，係一個好滿足嘅午餐或晚餐！…Read More

肉餅哥當然係全部都係食肉餅啦！已經食咗好多次，最喜歡係墨汁魷魚肉餅，食落有粒粒魷魚，好足料，口感又好，調味又唔會死咸。三文魚肉餅其實都幾唔錯，塊肉餅入面又夾雜住d三文魚肉，口感幾得意，夾埋一齊個味又唔會好奇怪。京葱羊肉都推薦，有羊肉味又唔會好蘇，如果食得悶悶地轉下口味，食羊肉餅都不錯。XO醬帶子肉餅就麻麻哋，淨係得啲一pat XO醬喺塊肉餅上面，個醬味道正常，不過好多好多油喺塊肉餅上面，搞到我都唔想食。即叫即生蒸肉餅，都係推薦之一。食過臘腸潤腸蒸肉餅，同黑椒雞腎蒸肉餅，都不錯👍🏻係食到最後都有少少油喺個底。…Read More

呢間韓國菜喺韓國街算係幾多人食，晚市去到都要等一兩張枱。 枱與枱之間唔算好遠，有時又要搭枱，呢個時勢就唔係好啱啦。個個去食都係食佢個芝士溶岩炒飯。今次當然要試吓啦。叫左一個海鮮芝士溶岩炒飯，一上菜，oppa就拎住蛋漿同一大碗芝士，喺你面前倒落去個鐵板炒飯上面，再用火槍燒溶啲芝士同燒熟啲蛋漿，不停用匙羹混合所有嘢，一路睇已經好想食。 個飯係有少少咸，可能加埋d芝士所以好濃味，每一啖都食到芝士，所以好正！再叫左個蒜香炸雞半份，蒜香不錯，炸粉唔算太厚，d雞雖然都係雪藏，不過都冇雪味，唔會太鞋。總括嚟講都滿足餐飯！…Read More

呢間十三姨喺旺角花園街好多人排隊，次次晚餐去都要等位。餐廳唔算好大，但係座位好多，坐起黎其實好迫，枱與枱之間好少位，同成日都要搭枱。而家呢啲時勢就好少再去啦，因為真係同隔離枱好近。每次去十三姨都係叫十三么同13飛，分別係牛同雞。講左個d基本料，個麵底係米粉加粉絲溝埋，仲有幾條腸粉，口感好多重，市面上比較少見，都幾好食。個湯底就幾清新，仲可以自己加幾滴檸檬汁落去，食哂成個湯都唔會好膩。牛有牛肉牛腩，兩樣都幾林，呢個價位，算係咁啦。不過我比較喜歡雞，雞有雞叉燒同雞絲，夾埋d米粉加粉絲，食落口感豐富好多，正！…Read More

咁啱喺荃灣想揾食，見到呢間the base nature openrice 咁多好評，就去試吓。餐廳都係普通cafe設計，唔算坐得好舒服。叫左兩個餐，香煎帶子配墨汁海鮮意大利飯，帶子正常發揮，都算大粒，個飯就偏林，冇乜咬口，個汁就唔錯，唔會太咸，中間都有d魷魚圈又有啲魚粒，口感幾好。第二樣叫左慢煮牛扒，5成熟，配蕃薯薯條。牛冇牛味，又唔林，切都唔算好易，所以不推薦大家去試。反而蕃薯薯條又幾好食，唔算厚切，不過甜甜地，又有蕃薯味，幾好食。一杯flat white，一杯earl grey，正常發揮。…Read More

見到呢間餐廳好多人喺IG度打卡，都係食個青口，今次就去觀塘分店試吓。都唔知原來觀塘開咗個新商場，間餐廳都好隱閉，都要上一層，仲要轉幾個彎問吓人先知係邊。一入到去餐廳好開揚，有一邊係對住個大草地同埋觀塘繞道，只不過有啲人喺度食煙。叫咗1kg青口都幾貴$395，叫咗白酒忌廉味，個汁唔會好濃烈，淡淡地，最失望係啲青口唔夠肥美好細隻，有一塊類似蒜蓉包，好硬，食咗兩啖冇食，不過隔離啲薯條就好熱好脆，幾好食。第二個main course就叫咗香煎三文魚配炒soba 麵。三文魚調味不錯，煎得啱啱好，好多汁，個s麵就有啲少，不過炒得幾香，小小辣，呢個配搭幾新鮮，推薦！…Read More

超蓮開呢間牛肉麵，已經食過幾次銅鑼灣分店，今次旺角開新分店都去試吓。係開放式餐廳，座位都幾闊落，環境幾乾淨。叫咗兩碗面一個菜，第一碗係半筋半肉麻辣湯冬粉，首先個麻辣湯，死辣冇乜香味，唔係幾好食又好油，下次唔會再叫麻辣湯，都係叫返紅燒湯。冬粉就依然一樣咁好味，吸晒啲湯又好滑。啲牛肉同埋啲筋就好林，啲筋好滑好好食。第二碗係牛肚拌麵，啲牛肚好林好入味啊，下次一定要再叫，啲面就係粗面，咬落有啲照頭，加埋佢啲醬汁拌麵，可以下次再叫。最後仲叫咗個肉操燙青菜，今日係菠菜，冇乜驚喜，仲以為係台灣嘅A菜，啲肉又唔係好食。…Read More