keys0114的個人專頁

上個月朋友返來香港約飯，揀咗呢間餐廳。有室外同室內，室外都幾浪漫。個套餐令我哋好有驚喜！第一個上嘅係海鮮拼盤，有新鮮嘅蠔、長腳蟹、生魚片 - 真係好新鮮！！！啖啖鮮甜，特別個蠔口感滑嫩，好值得叫。🦪🦪🦪👌個雞胸牛油果藜麥沙拉🥗好正，雞肉嫩滑👅，搭配清爽嘅藜麥+smooth嘅牛油果🥑，口感豐富但又好健康。搭配嘅醬汁恰到好處～香蒜橄欖油浸蝦🦐都一絕，蝦肉鮮甜同埋香氣撲鼻，唔會太油膩。主菜就係加拿大豬扒，肉質鮮嫩加埋搭配綿密嘅牛油薯蓉，味道blend得好好。最後甜品係菠蘿椰子拿破崙，層次分明，清新的椰子味和菠蘿的酸甜完美結合。最重要嘅係一個人先560元（原價800），性價比相當高，service都好好，絕對值得推薦！…查看更多

想念泰國菜嘅我又想享受me time嘅我行行下街去咗cambo（已經唔知食咗幾多次），一間非常正宗嘅泰國餐廳。呢度環境舒適，非常適合放鬆心情，享受美食。我點咗咖哩軟殼蟹，好鮮甜同埋份量真係有啲多！！！咖哩濃郁香滑，軟殼蟹外脆內嫩，搭配著香料有獨特風味，同我喺泰國食嘅味道幾乎一樣🥰另外叫咗菠蘿焗飯，份量真係好大，菠蘿嘅甜味+椰漿嘅香味blend埋一齊好清爽又滿足。兩個人消費加埋250元有找，性價比高！服務好快速，又友善（所以我先係呢度嘅常客）。強烈推薦畀鍾意泰國菜嘅你哋！…查看更多

好少寫差評，但因為太離譜…（覺得佢請咗打手囉）入到餐廳好多位揀，佢揀咗個比較窄嘅位都算。😕（我哋5/6個坐闊啲都ok？）👀我哋買222套餐嘅時候都知道有加一，見寫話222生日套餐+ 加一 - 以為係 22.2。結果到現場，先知道222加多48蚊一個人（強制課金a餐）因為星期五仲要加20蚊wor……所以最後係 222+48……食物都叫做ok嘅…？有前菜，正餐，飲品，甜品不過……下次就不了thx衛生情況真係麻麻地，失望🫠 …查看更多

突然好想fine dine就約咗朋友一齊食呢間法國fusion菜，見review幾好就去食🥩🍷頭盤係Spanish Iberico Ham & French Green Asparagus 個西班牙火腿（六個月）好好食，加上蘆筍好清新，夾埋個ham好好食加埋個sourdough（酸種麵包）好開胃😋😋朋友個焗蠔焗得外脆內軟，好juicy！！！值得一讚仲有個龍蝦湯（我唔記得影，因為太好飲）好濃郁又有酥皮喺上邊（好鍾意酥皮），朋友揀咗豆菜湯🥬好滑同埋比較重蔬菜味。🥣西班牙嘅八爪魚 🐙腳煙熏得呢好滑好嫩一啲都硬，炭燒澳洲羊扒🐑都好juicy(叫咗medium well)，所以比較啱口味～～ 😍😍最後嗌咗甜品 - 栗子撻好重栗子味🌰，最難忘嘅係唔膩，亦都唔係好甜🧁！！！另外仲有份Lemon Glass🍋芒果Muse🥭好值得去試嘅甜品之一，酸酸甜甜唔會感覺好甜！兩個甜品都有驚喜✨🎁成個餐廳好靚 (IGable) + 海景!!! staff都好有禮貌，同埋主動介紹餐牌，真係好chill，最後550一個人，仲抵過喺法國食😼…查看更多

平時熱愛＜x茶＞嘅我最鍾意飲有芝士奶蓋嘅奶茶，今次frd帶我去西灣河呢間奶茶店，好有surprise😍😎 喺一間細巷仔，細細間但味道好難忘🫶🏻 焦糖椪糖奶蓋紅係我飲過覺得可以二刷嘅奶茶！有陣焦糖香同埋earl grey嘅味道，又香又甜🥰😍 雖然係凍嘅嘢飲，但感覺係好暖嘅秋季味道～🍁🍯我覺得如果有熱嘅應該都好正！！！朋友揀咗黑糖珍珠鮮奶同埋手打檸檬蜂蜜鐵觀音兩個味道，青檸好fresh真係成個青檸手打落去，酸酸甜甜好開胃！😋🤩 另外一個黑糖珍珠鮮奶有少少甜，如果叫少少少糖應該會更佳（本人真係比較鍾意甜嘢）珍珠超級chewy！依家仲有優惠添，50蚊兩杯奶蓋奶茶～🧋😍😎…查看更多

朋友約我去蘭桂坊食野，想講我呢個本地人覺得喺果頭食野又貴，未必好食，但估唔到呢間兩個人加埋250有找！ 細細間，冷氣十足🆒️😎，食物份量都算多，坐得耐仲好好食添！❤️🫶🏻食物味道幾正宗，包括青咖哩同埋炒飯都勁好食～～佢個青咖哩大魚蛋我都極力推介，好大粒仲要好彈牙！另外沙茶醬配串燒都好好食😆🥰😍幾正宗，服務好好，仲有好多飲品嘅選擇，下次落老蘭就知道邊度聚腳先喇（適合食少少嘢再加嘢飲再pre先）…查看更多

朋友約咗我去呢間穩世小店Coti the Bistro試試西餐！結果……因為個門口唔明顯，經過咗幾次之後終於搵到門口……炸魚薯條，食落一啲都唔普通，啲薯條竟然係炸到鬆脆唔乾身，岩岩炸起熱辣辣咁食停唔到口🤪炸魚肉身好厚啖啖肉！pasta揀左個香港少見既貓耳朵粉，好特別！本身個粉既形狀好易掛到汁，配合明太子非常好食！仲有帶子添！最後叫左份十安士既西冷+薯條。一開始口快快講左七成熟，都擔心會唔會over cook，點知食起上黎完成冇問題，啖啖嫩肉仲好juicy🤩如果叫返五成熟應該會更好食😫最後食完再點左兩杯清新小小既餐飲，蘋果新鮮又冰凍，可以緩解返油膩感！完滿！…查看更多

兩個人加埋500有找！😎😎😎（walk-in都有優惠）平時朋友拉我去食火鍋放題都好反感，但估唔到今次有啲改觀！雖然食物檯細，但都有好多選擇，由正餐到飲品到甜品都有好多選擇，例如丸類，套餐嘅肉類都有好多～個服務員都有同我地講有special offer只要like + share 社交平台就送海鮮添！！！（圖片如下）我哋見到呢個快閃優惠二人同行一人半價～就叫咗澳洲和牛套餐$308，無限加肉，真係好飽好滿足！下次再幫襯，唔貴好高汁！！！…查看更多

已二刷嘅餐廳！🥹😎👌🏻初頭見到價錢有少少卻步，但食過一次就會有第二次！點解咁講？因為佢個汁同埋成個肉+小菜個口味好match！上次食唔到和牛漢堡個嗰因為賣晒，今次早到，所以有得食～真係好值得食！🫶🏻🫶🏻🫶🏻今次搭配係咖哩+酸菜+桃茶，好清新而且因為有酸菜所以開胃，飯唔係太多啱啱好，清晒盤嘅～上次有食到佢嘅小食！先18蚊嘅雞皮餃子，外脆內軟，好抵食！！！（但上次就唔記得影相）個環境好舒服，唔係繁忙時間都可以坐耐啲，服務都好好～～ …查看更多

呢個絕對係我不二之選嘅其中一個韓國餐廳🍽終於有時間去食好西！✨性價比高（250 多少少就有咁豐富嘅嘢食同野飲）🙈呢間嘅幾間分店都有幫襯過，不過今日終於有時間出post……（努力寫多啲食評，升lv）想講個肉醬牛胸肉蛋包飯🍳份量同配料十足，一定每次去都會叫，因為肉醬同omelette飯好match，唔漏同埋真係啖啖都有肉😋😋😋墨汁大蝦魚籽意粉🍝🖤🦑食完成個嘴黑色🫦👅 味道還可以，意粉軟返少少就好喇～燒醬油黑毛豬白切肉配大醬生菜都係我嘅favourite，因為好似韓劇+綜藝包黎食，清新又好fresh嘅食材🍴🥬🍖p.s. 沒相但炸雞真係👍🏻👍🏻👍🏻👍🏻👍🏻👍🏻🍹🥂 揀咗白桃甜蜜蘇打 + 士多啤梨紅嗓子蘇打酸酸甜甜好開胃（好睇分店調得甜唔甜），同埋打卡都好靚😍😍😍最後就係造型甘筍Oreo慕絲蛋糕，好似盆栽咁，但原來係mousse 蛋糕，期待下次去食再影埋croffle去～…查看更多

一直覺得九龍灣站沒咩嘢食，點知約咗frd 咁就google輕食，見到呢間幾吸引，似清淡就去喇，個唱幾清淨又有幾多嘢玩（snooker, 飛鏢，遊戲機）可以任玩～打卡都好有feel👌🏻🫡lunch menu都幾吸引，晚餐menu就好似少啲嘢食咁🥺（都多嘢食嘅，但本身好想食don）overall都幾好食，性價比高，希望下次午餐再過去食～ burger嘅牛肉+bacon combo好正好juicy，同埋唔會覺得油膩！！！飯都係好食～😆P.S. 問個staff先知原來呢度開咗3年，誤打誤撞就搵度呢度…查看更多

見到網上嘅環境相好chill，就決定預約呢度食飯慶祝啦～ 一坐低就糾結咗好耐食咩好，因為樣樣都好吸引🤤🤤🤤我哋點咗：🌟🌟🌟蒜香橄油大蝦扁意粉：呢個真係好有驚喜，一開始只係覺得擺盤靚，但真心好食唔會因為有橄欖油而覺得油膩，輕易ko成碟！！😋😋西班牙風乾火腿pizza都大推，因為薄皮，仲要好足料 蜜糖雞翼都好食～最後亦都點咗 May Made 同埋Rose Aga嘅cocktail好正～ 出面仲有個露台仔可以打卡chill下，一個字：正！適合約會又有氣氛嘅聖地🫡🤗…查看更多

次次同朋友喺lunch time經過年呢一間排晒隊嘅souffle店，今次諗著lunch時間之後見人潮少咗就去幫襯！貓耳朵意粉好有口感好chewy，吞拿魚腩非常鬆化~ 芝士和醬汁mix埋一齊嘅combination簡直就係完美🤤💯密瓜🍈好新鮮，搭配souffle甜味剛好，cream打得好滑，色香俱全🤍🤍煙三文魚蟹肉熱香餅🐟都好好味，三文魚同牛油果醬鮮甜可口🤤🤤🤤最後要講飲品（呢個真係唔可以錯過😉😎）個花茶真係好香滑同埋清新🍃🌿個咖啡☕令我喜出望外，椰奶🥥同咖啡嘅配搭好有驚喜，加埋斑蘭葉就好似錦上添花咁！Staff好熱情，環境好舒適又唔逼，性價比好高人均先250！！！ 仲有細細嘅corner買紀念品番屋企回味，下次同朋友再來～ 😋🥰🧾粉紅吞拿魚貓耳朵粉 $112煙三文魚蟹肉熱香餅 $105密瓜在初夏升溫時souffle $142人見人愛花茶 $52斑蘭椰子咖啡 $52…查看更多

聽聞呢間茶記d粥同埋夜晚嘅飯菜都好豐富就約咗朋友去食！入到去坐d伙計都好友善咁推介菜式畀我地，有好多熱門菜式，例如蘿蔔糕、脆皮炸乳鴿、椒鹽豬扒、海蜇手撕雞同埋雞粥！飯量大嘅友人同我就點咗人氣較高嘅餸例如海蜇手撕雞、紅燒元朗脆皮乳鴿、XO醬叉燒炒蛋飯、菠蘿咕嚕肉～想講個脆皮乳鴿好有surprise，啖啖都係Q彈嘅肉，juicy又好味，意外佢一d都唔油膩！xo醬叉燒飯就因為有個醬領到d飯更香，同埋易入口！！！最後個人喜愛就係菠蘿咕嚕肉，菠蘿同肉嘅比例啱啱好，好適合送飯食😍 下次希望可以食埋佢哋嘅茶記系列，應該都好正！圍埋數兩條友300有找…查看更多

行行下街想飲杯嘢，咁啱行到「壺」嘅門口就決定試下新嘢喇！見到佢哋有季節性嘅嘢飲南瓜QQ撞奶同埋黑芝麻撞奶~ 如果唔知道嘅話仲以為係咩新作，或者係fusion添！我自己嘅personal favourite係南瓜QQ撞奶，顏色鮮豔，口味好特別！仲要飲飲下會有南瓜渣可以昧下，又chewy，又唔會太漏～ 另外一杯黑芝麻嘅口感就好似凍糖水，好好飲，易入口！仲要好多層，好靚，絕對IGable~!P.S. 聽老闆講，黎梗係尖沙嘴K11開新店，到時行街都可以去飲奶茶～…查看更多