Somebody的個人專頁

Three On Canton - TST Marco Polo GatewayDinner Buffet食評1. 食物 以相同星級嘅酒店黎講，食物種類算多，質素一般以上1a. 主打法國生蠔Fine De Claire: 每次可攞3隻，大部分時間唔駛排隊，雖然唔太肥美，但肉質鮮爽，略嫌師傅冲水一秒左右以致仍有少許碎殼1b. 凍盤海鮮仲有長腳蟹腳(Size偏向中到中小)、藍青口、翡翠螺(爽口)、龍蝦(鮮甜彈牙)、龍蝦仔(一向都唔食)1c. 剌身有三文魚、吞拿魚(不嬲唔好)、八爪魚(新鮮少韌)、甜蝦(幾鮮)同類似鮑片嘅野1d. 幾多熱葷: 片皮鴨(又未至於好好味)、蒸魚(Ok,但等極都等唔到另一條)、炸雞/魚手指被你自己浸落熱溶芝士黑松露、肉眼(一般偏鞋口)、鵝肝多士(正常冇特別)、星加坡咖哩炒蟹(幾香口惹味但好似冇乜肉)、炒金邊粉、意大利飯、印度咖喱、麵檔(冇乜特別餸菜，湯底揀咗喇沙，幾香)。1e. 甜品: 哈記雪糕(個咀食得尖左，對哈記冇興趣，冇掂過)、椰汁糕(味濃)、其他唔太多選擇2. 其他: 可到水吧自取飲品(奶茶咖啡果啲)，呢樣幾好，另一樣野係:都全民戴罩咁耐啦，枱面冇紙袋或乾紙巾，得濕紙巾，要主動問待應攞乾紙巾先有得包口罩，呢樣就唔太為顧客設想。3. 環境: 唔迫，幾寬敞，出入一定撞唔到隔離枱，收碟速度快、有禮貌4. 價錢: (6/10) 合理，大人$698、小朋友$488(呢個係星期五、六、日及公眾假期價錢)，但竟然冇長者價，OpenRice有七五折，加一服務費以原價計算Overall: 可以有下次，但唔會特登「番尋味」揀番呢間，除非有特別promotion或discount…查看更多

由於太近屋企，搵埋阿媽一試．估唔到落雨行雷到”冚冚”聲，未到8pm就已經得番一兩張2人枱，４人以上已經要等位．（雖然已經開埋隔離鋪，兩間鋪一齊入人）兩個人叫左４樣餸＊　豉椒炒蜆併蟶子($40)＊　馬介休炒通菜($25)＊　海鮮粥 ($25)＊　干炒牛河($20)再加一白飯一汽水詳評食品：＊　干炒牛河($20)　〔我俾６０分〕＊　豉椒炒蜆併蟶子($40)　〔我俾６５分〕兩樣野都新鮮，d汁好惹味但偏咸同傑，咁o岩干炒牛河無乜鑊氣偏淡，將豉椒mix落干炒牛河反而幾好．兩隻蟶子有沙， 大部份蟶子身長4-5cm，即使係蟶子殼都差唔多大（唔知係咪唔當造呢，咁細隻），但咁嘅價錢黎講，都接受到．炒蜆無沙，大小一般，都幾多隻．＊　海鮮粥 ($25)　〔我俾７５分〕我親眼（由出餸個窿）見到，師傅將一個吉煲燒紅，先放粥及料，再煲一陣先出．所以一出黎熱到有泡泡出估唔到咁整d粥都咁鮮，咁甜．粥本身已經好綿．內有蝦兩隻（食得出係新鮮嘅租），蟹腳兩隻加個蟹蓋（本身隻蟹唔大隻，肉唔多，但有鮮味），兩件石班塊（估計為急凍）．一共可以分到三個正常飯碗，以價錢同質素黎講，算係抵食．＊　馬介休炒通菜($25)　〔我俾７５分〕都係用燒紅嘅煲仔出，唔覺意擦到，超熱．通菜唔老，炒得爽脆，汁好惹味，送飯好正！再評服務：大排檔式食肆黎講，唔錯，起碼係室內兼有冷氣加一大個hd TV．但落單時講得慢d同大聲d，因為場內都幾嘈吓．部份阿姐有時會覆單，但你最好ORDER完要求佢覆單一次．上菜時間快（7:30PM果陣個場已經過半滿座）．找數剛好$120，我覺得偏向平啦．…查看更多