canho3494's Profile

同朋友狂喜左一晚，起身落街突然心血來潮想飲茶黃埔唔多熟，諗住搵下茶樓，點知班朋友同得一樣懶懶地，見到呢間點點心就費事街同搵，決定入去做定定。間店鋪面唔多大，又無咩位，星期六12點左右都無咩人，心諗應該都麻麻地好食，諗住求求其其食飽就算，點知原來又幾好食喎！😂😂食食下覺發現原來間店上過電視家喎😂真係有眼不識泰山😅細路女唔睇電視🤭🙈四個人仔不斷叫叫叫同加單，食到飽飽，好滿足😂價錢唔算太貴，每人除返都係一百左右，好抵食👍🏻…Read More

同前同事約好每月都有一小聚！每次都好期待家！雖然好攰，但見到大家真係好開心家❤️辛苦大家仲要係天水圍出泥gathering🙈揀左呢間玩具屋，諗住可以玩又可以食。點知我地掛住傾傾傾，都無咩點玩過😂繼續一貫嘅作風，小編唔係港妹，係肥妹掛住食同傾，有d唔記得左影相😂大家有怪莫怪🙈😛我同朋友a先到，覺得個環境好有童年，好開心，所以拎左個微型藍球機玩，玩左三盤，最後我輸左😭😭等齊人當然係叫野食啦😂好肚餓呀！食物都唔錯，可能好餓，五個人叫左好多野食🤭…Read More

星期日返完教會，由於教會係般咸道，其實周圍食午餐選擇好少。一係去中環果邊，一係去間食開嘅茶記高街正街周圍都係貴貴嘅酒吧餐店，都真係無咩好食....原本諗住食十字餐廳，點知太多人無位。諗左好耐唔想去食開果間嘅茶記，所以決定去張三果到人少少，傾計好好！之前食過晚飯，今次試下午餐😊同三個弟兄姊妹一齊去，午餐嘅款式唔多，但比想像中好味道🤤仲有一款唔記得左影，係青草醬意粉，我比三粒星，因為我唔多like青草醬，但我朋友好鍾意😂…Read More

食完好耐...依家先得閒寫返🙈不過呢間好值得試下！因為環境好舒服，好有屋企嘅感覺！果日同朋友試完姊妹裙，諗住甘近韓國街，一於做韓國野啦！係行行下，就發現左呢間家家戶戶，比佢嘅外牆同埋食物吸引左！有d似係一間紅磚屋甘，睇到入面嘅家庭式食物，好吸引呀！十級餓嘅我當然想一人一set啦🙈不過朋友仔又好想食食同人蔘雞湯，甘叫少d set 啦！擔心唔夠食嘅我好想叫炒年糕家！點知佢無樣都好大份！好夠食！好滿足呀！❤️🤣我影漏左好多泡菜🙈係好好味家！…Read More

2/11/2018同學仔約傾project，大家工作地都唔同，放工之後又要做野又要好好不限時甘坐低密密傾功課，其實搵地方好不容易呀！上網搵左好耐，希望搵一間不限時同埋都靜少少嘅cafe，最後就搵到部屋。都的確無令人失望。6:00pm去到仲未有人，全店得我一個客，甘我就可以舒舒服服甘睇references等同學喇！正！整體都唔錯嘅！食飽飽傾project都有精神d🤣店內越夜越多人，不過唔算嘈，所以可以再去呢到坐坐！…Read More

一直想試下打食評，不過無心機，第一次打食評，就用呢間試下啦！請多多指教🙏🏻教會係西營盤成日周圍係附近搵食，發現原來第三街除左有燒烤仲有西餐廳家！今日中同gathering就約左去呢度！呢度比想像嘅有驚喜呀！因為當晚唔算好多人，人少少，好安靜，好適合同知己朋友傾下計！當然有我係到，當晚就會變左好嘈喇！食物質素亦好高，原來老闆之前係西餐大廚泥家！係等食果陣老闆囡仲好好人甘同等地傾下計。原來叫張三係有意思家！係指一家三口開嘅餐廳。原來老闆一直都好想開餐廳，但老闆囡因爲細個無咩錢做唔到，到大個出泥做野儲左一d錢，就同呀爸一齊追夢，亦想自己有個空間搞藝術分享。聽到呢度覺得呢仨小口好有愛呀！不過佢都分享過程都唔係好辛苦，咩都要由低做起！仲未有空間做到藝術分享，希望佢可以有機會之後做到啦！終於都主角食物出場喇！仲有一個蟹肉飯唔記得左影相.....真係無做港女嘅潛質因為好肚餓，會比三星，因為個飯可以再硬少少！今餐好滿足！期待下一餐！…Read More