肥倫's Profile

臨番工搵個地方食lunch，行行下就到左名店坊，見到呢間有趣冰室，就呢間啦。呢間冰室大走懷舊路線，以復興舊冰室面貌為名而成。一走入去，又真係有幾分懷味道，舊水壼、收音機、個電視仲一直播放七八十年代既影片，感覺又真係唔錯。不過望多兩眼，就發現唔少可以做得更細緻既地方，例如個「16比9」電視就可以配番個舊式既電視框，既然要走懷舊路線，呢啲野可以做得更徹底。不過講到尾一間餐廳最重要都係野食，就點佢一個懷舊餐試下味道。其實個餐都唔係好懷舊，而家好多冰室同茶餐廳既特餐都仲有得食，不過佢要強加「懷舊」二字都由得佢。先黎個沙嗲牛意粉，失敗了，啲牛肉凍既，雖然大家都知意粉同牛肉都係預先整定，但係都唔好凍冰冰丫，烚烚佢都好呀。再黎係多士炒蛋，炒蛋都係咁上下，但係個多士就‧‧‧第一口咬落去，個多士皮硬既，雖然入面係幾軟熟，但係個皮都唔好咁硬丫。最後係餐飲咖啡，杯咖啡岩岩上枱既感覺好奇異，因為有好多泡....總之就係唔好既感覺啦...呢度用既係方糖，俾人一種懷舊感覺，但係都多左一樣唔方便，就係啲糖攪好耐都攪唔溶，終於攪溶晒喇，杯咖啡都已經唔係好熱，一啖落口，有酸酸的味道，自問落糖既份量一向好準，所以杯咖啡...食到呢度，撞正lunch hour，人越黎越多，都係快手埋單走人，盛惠$36，哈，呢度門面好懷舊，但係價錢就一啲都唔懷舊，仲要貴過出面。黎得呢間冰室，都係重懷舊多過重味食架喇，不過現時香港唔少地方都仲有冰室，真正開業幾十年既冰室，如果真係想感受當年冰室既氣氛味道，就趁呢啲冰室未執既時候快啲去喇。…Read More

去翔龍灣做野，得知附近有一間老冰室，當然要黎試一試。冰室，作為六七十年代的飲食首選，共風行程度與今日的茶餐廳一時無兩。當初的冰室只提供冷熱飲、面包、雪糕等小食，但卻吸引了一整代人。當時的人總愛到冰室吹水聊天，感覺就如今日的cafe。一直到八十年代，茶餐廳、快餐店興起，為了生計，冰室才開始提供粉面飯等食品，可惜仍擋不住時代洪流，今時今日的冰室已是屈指可數。不過凡事總有兩面，作為時代的回憶，今日的冰室仍吸引了不少懷舊一族光顧，而各地冰室都經常被租用拍攝電影或電視劇。好喇講故講咁多，講番間冰室先。一入到去，三葉吊扇、古舊燈罩、木椅木桌，真的是懷舊味十足，不過我要強調的是它不是懷舊，而是真係咁舊。不過地方好乾淨，唔似一啲舊式茶餐廳污糟到死。坐低叫個特餐，由於佢係即叫即煮，所以都要等一陣。先黎杯朱古力，其實都係用朱古力粉沖，無咩特別。再黎就係個沙嗲牛肉意粉，個沙嗲牛唔係臨上碟先放上去，唔會凍冰冰，係事先處理過的。沙嗲汁好濃好多，融入碟意粉度味道岩岩好，意粉軟硬度ok，唔會話太林或者硬到死。可惜係個奄烈，好油！佢真係落左好多油！敗筆敗筆。其實而家去得冰室，都唔好期望佢啲野食會好好食，就當係食個環境，個價錢都會抵番既。…Read More

因工作關係去大坑去左一轉，一向都知大坑多好野食，走之前梗係醫下個肚先啦~一心諗住去炳記試一試佢個豬扒面，點知去到無開，唯有去第二間啦，機緣巧合下就黎左祥勝。祥勝係一間傳統既港式茶餐廳，傳統港式茶餐廳俾人感覺係：污濁、殘舊、伙記態度差。原來已經做好心理準備先入去架喇，點知入到去又無想像咁差，唔算乾淨，但可以接受；舊，不過唔殘，最驚喜係伙記既態度好友善！加分！坐低已經兩點鐘，叫個下午茶食啦。呢度既下午茶一律二十蚊，不過一個餐叫得一款野，即係叫炸脾就得件炸脾，無薯條食，算啦，叫個炸脾試下啦。等左一陣，炸脾就到喇一睇，嘩！好大件炸脾，仲睇得出佢炸得好脆！好，試下先，一啖落口，第一個感覺係淡，佢無用好多鹽，不過可以接受，對 於口味淡既朋友仲好適合！咬多兩淡，發覺仲有好多肉汁，唔似有啲餐廳既炸脾炸到乾晒，咬都咬到牙軟。雞肉夠嫰，肉汁夠多，仲要夠大件，不錯不錯。雖然少左沙律薯條，不過$20呢個價錢，ok啦~食完慢慢坐左一陣，收錢既時候阿姐仲會同你傾下計，真係一個唔錯既體驗。…Read More

呢度既蛋撻出名一流今次黎左呢度試其他野叫左個茶餐腸仔雙蛋, 餐飽, 通粉要三十蚊! 都算貴咯可惜, 質素唔似得d蛋撻油太多, 同一般茶餐廳分別不大呢個價錢真係唔太值至於伙計態度, 的確係差係咁爆粗, 不過呢d先叫舊式茶餐廳嘛我鍾意不過下次都係食個蛋撻好喇或者再試下d飯得唔得啦…Read More

一向好少去圓方, 尋日去搵朋友食lunch見個名幾得意就去試一下叫左幾個菜冬陰功湯味道太淡, 仲要好細碗芥蘭一般, 可能我阿媽整既仲好食最後一個炒飯, 炒得太濕了結果埋單竟然要成二百蚊其實味道唔算差但係呢個價錢就唔值lor下次唔會再去…Read More

今日下午唔知食咩好, 黎左呢度食下午茶叫左個炸雞脾薯條份量唔錯, 隻雞脾仲要幾大隻不過杯凍奶茶就......完全唔得, 無味無道, 得d糖漿味不過作為地區茶餐廳算係咁…Read More

今日做完gym見肚餓就黎左呢度食個靚tea其實呢度d tea都幾貴叫左個餐, 葡撻加一隻雞全翼連凍飲要成廿五蚊個葡撻真係唔係好得可能唔係岩岩出爐啦d皮硬得黎唔夠鬆脆d蛋完全唔夠滑隻雞翼炸得唔錯, 不過味道就無咩特別d服務態度不過不失如果為填飽個肚, 黎呢度都ok既, 貴左d je…Read More