ccllbb's Profile

開始踏入冬季，正宗日式丼物專家丼丼屋為餐目帶嚟更新，推出咗冬季限定鍋物，同埋主餐目嘅大更新🆙雙滿足鍋物定食 $82 而各款鍋物一人前$78起，有齊鍋物、主食、果茶，加多少少就可以雙拼，甚至三拼，超抵❣️鍋物嘅自選湯底好多選擇，有鰹魚湯、壽喜燒湯，仲新增咗胡麻擔擔湯，辛香十足💥 肉類有牛五花、豬五花、雞腿肉揀，啲肉份量好多，估唔到咁抵食！另外其他配料都好豐富，野菜、菇菌和炙燒豆腐等唔少得。主食可以揀白飯/烏冬，連醬汁都可以自選胡麻醬/柚子醋），自由配搭出自己想食嘅組合🍲 所有鍋物定食仲附送埋果茶，只要$8 起仲可以追加額外配料👍🏻主餐目仲更新咗大約20 款料理，海鮮丼、烏冬、咖哩飯系列及配菜等等都有新嘢！全線丼丼屋同埋丼丼屋x鳥開聯乘店都有供應💁🏻‍♀️「丼丼屋」拖羅蓉海鮮丼 帆立貝 $118 海鮮份量超足料，仲要好新鮮，食哂飯都未食哂啲海鮮😂👍🏻 加配做定食仲可以有齊前菜、甜品、飲品，超值❣️除咗各樣定食，仲可以優惠價自由加配刺身、甜品等等，呢個炙燒焦糖芝士蛋糕好香濃😋…Read More

早排同朋友去咗中環Wolfgang’s Steakhouse慶祝，嗰到裝修好有格調，侍應好專業，係一個好啱慶祝食飯嘅好地方🎉我哋今日叫咗個性價比好高嘅Central Course Menu $690 per person，仲叫多咗半打生蠔😋新鮮生蠔 6pcs $328優惠期間仲送咗兩杯白酒，好啱節慶小酌返一杯，愛爾蘭生蠔creamy新鮮，海水味重，好味道🦪Bread - 佢哋嘅麵包喺由Bakehouse整嘅😯Appetiser - 蟹餅、凱撒沙律蟹餅啖啖蟹肉，點完個醬更加帶出鮮味。凱撒沙律勁多芝士好好味，入面嘅厚煙肉好出色👍🏻Main - 美國安格斯乾式熟成大里脊牛扒 +$280 per person牛扒經過28日dry-aged處理，餐廳用熱陶瓷碟上菜，侍應再一邊淋上滾熱牛油，香味濃郁。大T bone分為sirloin同tenderloin。Sirloin 肉味濃有咬口，焦香外皮令口感更豐富。Tenderloin好鮮嫩，食落質感軟腍，配上佢哋嘅醬汁或者少少鹽已經夠晒味🤤Sides - 有薯蓉同埋奶油菠菜，味道中規中矩Dessert - Tiramisu 相當細滑，酒味淡香，餐廳仲會畫碟，同埋送咗即影即有相，成個體驗好唔錯，好啱帶另一半嚟😌Coffee or Tea…Read More

星幕餐廳最近推出咗「德國美食配啤酒之約」🇩🇪，喺佢哋outdoor area欣賞住夜景，嘆住啤酒，都咪話唔爽！佢哋精選咗幾款德國signature嘅美食，當中一定要試嘅梗係德國鹹豬手！脆燒德國鹹豬手配酸椰菜拼Erdinger Weissbier 生啤 (1 pint) $198 即叫即燒嘅豬手個皮超焦脆，脂肪同肉質都兼顧到，質感軟嫩，配上酸椰菜就可以中和到油脂感。重點係份量好足，豬手配上生啤，超滿足🤤…Read More

牧羊少年一向都係抵食又高質嘅咖啡店，佢哋最近喺九龍灣開咗分店，實在太好啦，喺屋企附近就可以食到高質西餐😋與你分享2人套餐 $428 有齊小食、意粉、主菜、飲品、甜品，好抵食，推介👍🏻* 參巴鮮茄煮沙白大蜆 新鮮無沙❣️小食嚟講份量好足，有驚喜！* 金沙咸蛋黃鳳尾蝦意大利粉 我平時嘛嘛哋咸蛋黃，都覺得好食🤣 味道好香，配上新鮮嘅蝦好夾👍🏻* 咖啡羊架伴露絲瑪利燒汁、烤澳洲西蘭花、日本南瓜 羊架超級好食，肉質超嫩，羊味好香，鍾意食羊嘅一定要試🤤* 蘋果蜜桃鮮打紅茶（凍） 味道都幾清新，帶淡淡果香味🍎🍑* 紅桑子乳酸忌廉芝士奶蓋（凍） 酸酸甜甜再加上濃濃鹹香嘅奶蓋，層次好豐富又出奇地match，飲落一啲都唔膩😯👍🏻* 特濃半熟芝士撻 +$48.0 原本套餐跟兩個Häagen-Dazs雪糕，超推薦大家加錢轉其他甜品🍮芝士撻味道非常濃郁，個鹹香不得了👍🏻* 焙茶心太軟蛋糕 配 雪糕 +$58 呢個焙茶心太軟我次次都會叫😂 比起平時食開嘅朱古力心太軟，烘焙香更加有層次🫶🏻…Read More

今日做嘢做到攰，下午茶嘅時候去咗買番杯霸王茶姬，一邊飲，一邊處理工作👍🏻伯牙絕弦 $32 茉莉雪芽茶底好清，加上奶嘅香甜，好清新。最重要係佢哋嘅嘢飲都係比較低卡，飲落都冇咁有罪惡感🤣今日去買嘅時候，撞正開幕期間有活動，即日起至30/9買大杯伯牙絕弦就有得玩「撕杯有禮」抽獎，分分鐘抽到名牌香水、唇膏！我就抽到香港限定嘅霸王茶姬襟章🇭🇰🫶🏻📍 CHAGEE 霸王茶姬 (尖沙咀)尖沙咀河內道18號K11購物藝術館地下G29號舖…Read More

香港維港凱悅尚萃酒店The Farmhouse咖啡廳由1/8至11/9推出「拉丁美洲薈萃自助餐」，帶大家領略南美洲風情🍽️ 想講個buffet真心高質，由基本料理，至到特色美食都好好食，超滿足😌👍🏻 拉丁美洲特色美食有超多款式，冷盤、熱葷、燒烤、甜品都有，食一餐就可以嚐盡唔同國家嘅美食🤤- 拉丁美洲特色美食秘魯醃鯛魚、生醃吞拿魚、烤焗阿根廷香料西冷牛、墨西哥玉米餅（夾慢煮牛肉/手撕豬肉)、阿根廷香烤牛仔骨、阿根廷餡餅、秘魯香料烤雞、烤虎蝦、多款咖哩等等等等，我最鍾意嘅係即烤虎蝦同墨西哥手撕豬肉玉米餅，醬汁好有風味- 冰鎮海鮮好鮮甜，包括波士頓龍蝦、蟹腳、鮑魚、蝦、貝類等，keep住refill，好有誠意！龍蝦好爽口彈牙，新鮮🥰- 壽司及刺身平時buffet刺身都一般，估唔到呢到嘅都幾高質，特別係帆立貝，極鮮美，三文魚都好肥美香口～-熱葷炒龍蝦鉗、蒜蓉粉絲扇貝、油封鴨腿、燒味、老火湯等等都超正，花多眼亂。炒龍蝦鉗同油封鴨腿都推薦，好入味😋- 甜品焦糖牛奶可麗餅、焦糖奶醬忌廉芝士阿根廷朱古力蛋糕、三重牛奶蛋糕、churros（超級推薦！）、智利大麥蜜桃特飲 、12款不同雪糕等等。新鮮炸起嘅churros配朱古力醬簡直絕配，勁香口又唔膩！有興趣記得提前預訂！成為 @storellet 會員，即可獲得6折自助餐優惠券，抵啊！消費儲積分，仲可以兌換免費自助午餐或晚餐！…Read More

被稱為「台灣第一奶茶」嘅SOMA 喺1/8-18/9期間首度進駐香港喇，仲推出咗香港限定口味🤤 台灣第一🥇 x 過江龍 x 期間限定，疊滿buff🤣今次聯乘一共推出4款口味，每款都有SOMA的招牌珍珠🧋成為 @storellet 會員，仲可以可拎減$5優惠券✨- 原味珍珠茶歐雷 $35- 黑芝麻珍珠茶歐雷 $42- 鴛鴦珍珠茶歐雷 $45- VSOP珍珠茶歐雷 $78 *含酒精鴛鴦珍珠茶歐雷 $45 香港限定嘅鴛鴦口味🇭🇰 係SOMA同The Farmhouse Deli嘅合作款，用上店家最出名嘅茶底mix餅店嘅咖啡，甘香醇滑☕️VSOP珍珠茶歐雷 $78 *含酒精 加入咗VSOP🍷嘅珍奶超級香！酒帶有淡淡水果香，傳到成件事層次更豐富🆙 大推👍🏻…Read More

寶琳嘅Simply Waffles x Mr. 閔 我哋成日會嚟食，有好多款韓式美食之餘，仲有超出色窩夫！韓式無骨炸雞 $98/9件熱辣辣即炸無骨雞，皮脆肉嫩，呢個價錢好抵食，全部大大件，就咁食都好味，配上蒜香醬更惹味～韓式泡菜豬腩片飯 $68豬腩片用上韓式辣醬來炒，加上泡菜酸酸甜甜，好開胃👍🏻閔大人士多啤梨奶 $45好粉紅色好夢幻，新鮮士多啤梨肉配上牛奶，好飲🍓時令水果沙冰 $38西瓜沙冰好甜好清爽，飲完透心涼🍉白雪蜜瓜窩夫 $52呢到嘅窩夫大大大推，我哋成日食✌🏻😂 窩夫即叫即整，要等長少少時間，但完全係worth it！今次食季節限定嘅蜜瓜窩夫🍈 外皮香脆好似千層酥咁，忌廉好creamy，蜜瓜清香，一齊食好個配搭好fresh！（私心推介埋我大愛嘅焦糖香蕉窩夫🧇🤤）…Read More

鍋霸開幕5️⃣周年喇🥳，上網睇其他人推介過，加$40就可以由120分鐘任食upgrade成無限時任食火鍋，啱哂成班朋友吹水🫶🏻 7:30離場最平$219就食到高級靚牛肉。湯底揀咗藥膳花膠雞湯底，好清甜好香，花膠足料，雞仲好軟腍。我地揀咗中價位嘅餐，有得任食美國prime grade極上牛頸脊、西班牙伊比利亞黑毛豬🤤極上牛頸脊好香濃牛香味。平時去其他火鍋，我哋都唔係太食啲豬肉，但係鍋霸嘅豬肉真係要特別讚一讚，每次幫襯都覺得超好食！切薄片好快就熟，仲有種特別嘅油香🤤呢到嘅配料都幾多選擇，所有手工丸同海鮮都好正足八吋長蟹棒、海蝦、魚片🤤 特別要提爆醬濃芝牛丸，一咬開就爆汁，加埋牛丸簡直一絕。另外仲有個shake shake 鹽酥雞同埋花枝丸，有4款shake shake粉，各有特色，可以一試。⭐️ 揀第二級別套餐，每四位額外送多一碟價值$168既手切安格斯prime grade牛肉⭐️ 揀第三級別套餐，每兩位額外送多一碟價值$168既手切安格斯prime grade牛肉…Read More

一直以嚟都係十和田忠實擁躉，魚生同埋壽司醋飯都好高質，魚生全部日本空運到港，所以每次食質素都有保證👏🏻 而家佢哋星期一至日都有午市套餐喇，超抵🎉今日午餐叫咗雜錦魚生丼lunch set同埋火炙左口魚邊丼lunch set。雜錦魚生丼 $128 份量好重手，有好多唔同種類既魚，例如三文魚、吞拿魚、蟹籽、鯛魚、魷魚、玉子等等，由於有青瓜粒所以食落口唔會太膩仲好fresh，每樣魚生都好新鮮，魚生同飯嘅比例好好，食到尾都仲有好多～火炙左口魚邊丼 $138 火炙後魚油出哂嚟，油脂豐富 ，入口即溶。海膽鮮甜，極香濃，配上佢哋嘅赤醋飯一流。性價比好高，幾乎每次嚟都會叫呢個丼🤣午市嚟仲會送茶碗蒸同埋麵豉湯，性價比一流。附近應該無幾多間做到呢個價錢呢個質素，大推～…Read More

之前行街路過銅鑼灣已經被餐廳地道嘅越南裝修吸引到，掛滿燈籠好吸晴，上星期終於得閒過嚟食吓🇻🇳 晚市套餐 $248前菜 - 酸甜柑桔汁無骨鳳爪多咗柑桔汁🍊成個感覺唔同咗，偏重咗酸同甜夠哂開胃🤤小食 - 招牌小墨魚春配自製檬粉小墨魚春新鮮彈牙，食落夠哂煙靭🦑輕量主菜 - 生牛雜錦湯河越南必食Pho！湯底好濃郁，肥牛好香，牛丸同扎肉都好出色，河粉吸哂湯汁，配上香料同醬汁，同埋成個feel好似去左越南食咁🇻🇳甜品 - 越南烏龍茶果凍茶味香，果凍滑溜，個汁少少酸，搭配好特別～飲品 - 特濃煉奶滴漏咖啡越南signature☕️ 極度濃郁嘅咖啡香配上香甜煉奶，有種好獨特嘅層次，苦中帶香，配埋煉奶飲相當易入口～自選小食拼盤 $120粉包炸兩、柑桔汁雞翼、豬肉卷、甘蔗豬串 (+$28)· 粉包炸兩皮薄餡脆，出色· 柑桔汁雞翼無搶到個味，淋上汁之後雞翼仲好脆口· 豬肉卷炸得啱啱好，入面有好多唔同配料，層次豐富· 甘蔗豬串啖啖肉，少許甘蔗甜搭配上豬肉🍗越南百分百蔗汁配鹹柑桔 $42Made in Vietnam嘅清甜配上鹹柑桔，成個感覺好清爽～金枕頭榴槤芭菲配荔枝雪糕 $98榴槤蓉好重手！香而不膩，配上荔枝雪糕好清香，仲有寒天同埋班蘭蒟蒻，大推🍨餐廳仲有好多款甜品，下次再嚟試吓～…Read More

和牛燒肉一郎最近推出超抵食嘅任食套餐，唔執輸試咗佢嘅S2 80品任食套餐 ($288/位)限時100分鐘都夠食，包自助沙律吧、甜品、飲品放題另外加$8仲有得任飲清酒、梅酒、啤酒🍻 超抵價錢就有得飲飽食醉🤤雖然價錢比較平，但係啲牛肉都唔輸蝕，有嚟自澳洲、美國嘅靚牛特別推薦：M9薄炙牛里脊肉、牛里脊肉、極上厚切牛舌、兩色蔥花牛舌其中薄切和牛燒完之後點壽喜燒溫泉蛋，超滿足😋另外厚切牛舌肉質好嫩，薄切調味好足，食落爽口，不論厚薄都好正🫶🏻除咗牛肉之外，仲有其他肉類、海鮮、野菜、料理等等，推介蒜蓉牛油帆立貝、蒜蓉牛油海蝦，新鮮又入味～…Read More

講起蘭桂坊嘅日本餐廳，其中一定會諗起Tokio Joe，今次食佢嘅Tasting Menu $1100 ea，有成7個course，咁就唔駛煩叫咩食好🤣前菜 - 有2款bite-size前菜，包括鮮拆蟹肉配魚子醬、同埋白蝦，輕輕調味後，食到食材本身嘅鮮味～刺身 - 有迷你吞拿魚沙律、吞拿魚腩、深海池魚、汁煮鮑魚(味噌）、火炙左口魚邊，樣樣都好新鮮，大拖帶油香，有入口即溶嘅感覺👍🏻👍🏻壽司 - 包括金目鯛、火炙北海道帶子、辣味吞拿魚炸壽司、甜蝦吞拿魚蓉配三文魚籽、北海道海膽，其中炸壽司夠特別，炸過嘅飯食落口好似煎香嘅蘿蔔糕咁，配埋辣味吞拿魚好惹味😆 海膽軍艦味道鮮甜，相機食先後紫菜都仲脆👍🏻天婦羅 - 有比目魚同辣味三文魚天婦羅，配搭夠特別，麵衣酥脆，點埋個醬剛好唔膩佐賀和牛薄燒 - 選用A5佐賀和牛，包住香蔥同蒜片帶出香味，入口時好食得到和牛嘅油脂感，如果再薄切啲口感更正！龍蝦湯稻庭烏冬 - 用上帶子蝦熬製嘅湯，質地唔算好濃稠，易入口亦唔會有苦味👍🏻京都抹茶雪糕 - 雪糕入邊有粒粒紅豆，味道香濃～ 除咗雪糕，另外仲有一碟水果𠻹🍉…Read More

尖沙咀原來有間開業超過15年嘅和牛燒肉店，主打A4同埋A5宮崎和牛食，今晚專登同男朋友過嚟食！和牛拼盤 7款 $998 有齊宮崎和牛同埋澳洲和牛，叫拼盤最好就係配搭好哂，balance哂肉香重同油香重嘅部位💁🏻‍♀️· 宮崎和牛 特上雪花牛扒肉油脂感同肉甘比較平均，雪花紋超級引，燒到5成熟啱啱好❣️· 宮崎和牛 上牛扒肉 (原味)肉味比較濃，燒到兩邊焦香，肉味會更加香· 宮崎和牛 上牛扒肉 (鹽汁)加咗醃料之後，輕輕嘅鹹味令肉味道更突出· 宮崎和牛 特上肩肉眼油脂感最重嘅一款，一路燒一路逼出油🤤 食太多真係有啲油膩，但係嗰種日本和牛獨有嘅油香味真係齒頰留香· 澳洲和牛 橫隔膜 (醬汁)橫膈膜就少啲脂肪，肉質軟嫩，食落較為清爽一啲～· 澳洲和牛 牛胃 （鹽汁)用上ミノ，即係牛嘅第一個胃，以花刀切開，肉厚又好有嚼勁，口感超正👍🏻· 特上牛舌棒牛舌棒口感較平時橫切的特別，厚身但肉質仍然好嫩滑，燒耐啲會食到外爽內嫩嘅口感野菜拼盤 $98食和牛必點，有齊哂燒肉必備嘅野菜，同和牛間住間住食先可以解膩🤣 個粟米好甜特別好食😋和牛溫泉蛋丼 $298有和牛橫隔膜、海膽、三文魚子，再加埋半熟蛋，每啖都好豐富，海膽好新鮮，配上三文魚子同和牛，一啖擺落口，仲記得嗰個味道係口入邊爆發嘅感覺💥炸迷你甜薯配雲呢拿雪糕 $78炸迷你甜薯好驚艷，又甜又軟綿綿😌…Read More

近排又想減肥又為食，所以試下主打健康低卡嘅手調茶飲mother pearl🤣茉啡芝麻 $42黑芝麻味好濃郁，好似芝麻糊咁，咖啡米蓋飲落texture好順滑，配上茉莉奶茶整體好甘香芒果茉莉 $46芒果同埋茉莉花茶好夾好清新，雪燕配料都幾特別唔係到到有，夠哂滋陰麻糬曲奇 +$24加配 原價$34每款麻糬曲奇都係用純素牛油整，再加上軟糯麻糬做餡· 英倫伯爵麻糬曲奇 以伯爵茶為主調，呢個伯爵茶味好香，味道細膩，感覺比出面食嘅用料更高級· 紅絲絨麻糬曲奇用上70% Valrhona黑朱古力，味道好濃郁，但係唔會太甜· 抹茶海鹽麻糬曲奇好鍾意佢抹茶加海鹽呢個配搭，麻糬煙靭好食3款曲奇都比我想像中有驚喜，上網睇原來係前rosewood餅房行政總廚主埋，難怪咁高質🤤…Read More