sakospade's Profile

前身叫高興頂左手叫歡喜換哂的後生侍應做啲auntie服務態度完全係amateur 出哂事：1.牛扒叫五成，黎到係幾乎3成粉紅色，同個待應auntie 講 唔好意思唔該幫我煮多兩下，食唔到咁生auntie 轉頭拎份牛扒出黎，話： 廚房叫你食唔到咁生就唔好叫五成2.坐低左叫完餐，見到有個好啲嘅位置就同另一位侍應我想轉位。過左無耐個位auntie拎住杯飲品過黎，「哎呀你做咩自己轉位呀搞到我拎住杯野搵左你幾耐呀！」3. 點餐：「唔該要雞扒出前一丁，面要淋啲」auntie 寫單沉吟: 「ok雞扒要煮淋啲」4. 餐廳播歌，播播下插播m巾廣告....********搞唔掂…Read More

去到佐敦見到呢間鋪頭以為係小店，於是入去幫襯支持下。坐低睇完menu，諗住叫住三碟串燒食住先，跟住個老闆走黎sell 刺身，今日唔係刺身mood所以就婉拒左。老闆見我唔肯叫刺身，態度180度轉變，全程都無再理過我，茶飲完都無再斟過，淨係同其他有叫刺身嘅客敬酒同吹水，言談什歡。最後主要食左串燒，埋單都千五蚊，不過我諗對老闆太小數目了。串燒質素尚可，刺身就無乜特別，個心未100％解好凍硬硬地 （我最後都有叫一兩碟刺身）。店鋪環境唔係特別舒適，隔離枱講野大笑聲令你去左劈場咁。裝修亦都係好普通。總括而言係overpriced, 唔叫刺身會比老闆無視。…Read More

日日出街食，唔想食咁味精，又想食追多啲蔬菜，咁就要食佢喇。。。唔同嘅menu會配番唔同嘅蔬菜,例如沙律菜，茄子，翠玉瓜。。。等等，有啲menu 會有野菌。而且唔算貴，八九十蚊食到好食材，好過你俾四五十蚊食啲不明內路嘅食材啦係咪先。不過呢間野啲牛肋肉就偏淡味嘅，而豬軟骨呢就飄忽，有時好淋好正，有時會好韌，睇彩數~我最近就中意揀個個茄子牛肋肉咖啡飯，啲茄子好香口，仲有野菌，唔錯。而家香港要食無msg / 有心 嘅餐廳真係好難，難得有呢啲餐廳一定要比番個 credit 佢。 …Read More

銅鑼灣GE 甜品店, 既然唔洗等位,都知有問題。兩個人, 叫左一碗紫米西米露 & 芒果涼粉。1)紫米西米露Waitor 問我, 紫米西米露要熱定凍, 我話凍ge 唔該。碗野黎到, 西米露係涼涼地, 上面就咁有一pat 熱既紫懦米係上面。請問咁野係叫凍紫米西米露？2)芒果涼粉Waitor 問我, 要熱定凍, 我話, 凍ge唔該。黎到, 芒果還芒果, 涼粉係熱既, 然後塞左d 冰係附近。好無誠意囉做甜品糖水做到咁, 永遠無下次﹗ …Read More

是日下班非常肚餓，平日茶餐廳吃膩，但見menu有$45的魚生飯定食，便隨便坐下。定食來了，面豉湯太淡; 中華沙律不錯;烏冬平庸，湯底無特別。主菜魚生飯其實ok，以$45一個定食來說。芥末是獨立包裝，非常辣！！切忌全落到鼓油裡。凍奶茶差勁！糖水溝花奶而已，豪無茶味。整體是可接受，因$45的日料理能讓我吃得飽 主菜魚生反不錯。想…Read More

今天晚上在附近吃過煲仔飯，意猶未盡，於是$7吃碗黑白荳腐花。在街邊端著瓦碗，熱呼呼的芝麻糊荳腐花正自冒煙。 感動的是，在這複製商場充斥、四處金鋪電器店的城市，還有如斯老港情懷。$7，支持一下，不知多久以後，荳腐花店又變成地產金鋪電器店。…Read More

話說我點了$158的霜降黑毛和牛放題第一碟上來的牛肉都幾GOOD, 等我滿心歡喜啦點知第二碟再上的牛肉仲韌過羅宋湯d 湯渣 於是我叫阿waitor 哥哥埋黎問個究竟, 佢就解釋話係同一個grade 既牛, 只係切得厚左 第3碟牛黎到, 丫, 又正常番。ok!! 第4碟牛肉, 又係韌!!! 唉呢個時候就算我叫個經埋黎又如何？佢咪又係同我解釋話d 牛肉係同一個grade, 只係切厚左姐。我懷疑呢間shabushabu 根本就係梅花間竹咁比d cheap 牛你, 等你投訴又唔係, 嘈又唔係...狡猾的牛, 實至名歸la !!!有時出街想食餐好ge 開心ge, 洗百零二百蚊 ﹐ 點知遇著li d 衰鋪頭, 都幾無奈。But to be fair , 佢 d yogurt 幾好食ge, 但都彌補唔到我既失望。…Read More