為食的懶熊的個人專頁

好耐冇食天丼，特登上網搵下香港邊度有食天丼嘅專門店。適逢去完staycation ，行幾分鐘就到呢度啦！來到仲唔洗等位，星期日都即刻入得。天婦羅真係無得輸，脆口唔油，足料，軟殼蟹勁好食！必食軟殼蟹同帶子😄好滿足啊～…查看更多

本身係拿破侖愛好者，見到屯門難得有專門店就諗住try try佢。而且新開啲staff都好好，仲好有禮貌。仲會比大家試食唔係拿破侖嘅蛋糕。呢間舖主打拿破侖，連個staff都話最好，係必食同出名，初開冇咁多種類揀。買左件芒果拿破侖番屋企，滿心期待，個樣好係唔錯，啲皮又好多層，望落好似好好食咁。但一吉落去，個皮軟嘅，芒果又怪怪地，真係有啲失望。五十幾蚊呢個價錢同帝苑差唔多，如果平啲都冇咁傷，完全唔值呢個價….…查看更多

同男朋友經過幾次都想試，可惜每次都座無虛席。今晚收工特登去踫下運氣:)Daily Menu有好幾款選擇，都好吸引。但見到隔離台既豬肋骨好大件，睇睇價錢，嘩咁平既，即刻揀呢個啦！一上既餐湯，係好足料既紅湯，已經好有驚喜。本身係配普通意粉，但見到原來有長通粉，所以就問下有冇得轉，點知真係有喎。自家小店真係好有彈性啊！豬肋骨好juicy好入味，比起市面既西餐廳，呢個性價比超高！ 不過都豬肋骨配薯條好似夾d, 老闆話下次可以配薯條啊西班牙海鮮雞肉飯都好好食，好足料！強烈推介！ 一定再食！…查看更多

好耐冇打過邊爐，發現有間新開既日式火鍋，就約埋個朋友一齊打個邊爐啦。一上到去就見到環境舒適，日式既裝潢，就已經好滿意。坐低聽到隔離枱話有75折，原來openrice 即日訂枱就有，緊係唔執輸，厚面皮咁問下staff仲有冇啦，點知一試就有啦！圍番兩個人都係一人百五蚊！好抵啊！湯底就揀左甜豉油，同吉野家既日式濃湯係差唔多。但呢度勝在夠多菇菌類！食材仲好新鮮！最後當然唔少得甜品啦！以為係批發裝雪糕冇乜特別，但係有驚喜！芝麻好有芝麻味，咖啡好有咖啡味，係一個好完滿既終結。…查看更多