在網上看到好多關於呢間餐廳大閘蟹放題的好評，所以帶屋企人去試。食完後可以用兩個字總結，不堪！我book咗平日八點，點知去到嘅時候先知道連book 7:30嘅都未入得，問佢哋幾時入得，成日都話好快，安排非常混亂，未食已經一肚氣。等咗半個鐘終於入得，點知佢比張四人卡位我哋...我吔六個加埋過千磅... 坐都坐唔到，仲點拆大閘蟹呀。跟住起身想走嘅時候員工話等一陣會安排六人枱，仲叫我哋叫住嘢食先，點知，又中伏。初頭諗住等15分鐘就會合埋隔離張枱俾我哋，點知原來隔離兩位食客啱啱先開始食，結果騎虎難下，由於嗌左嘢食，想走都走唔到，結果又等咗差唔多一個鐘..講返食物質素，大閘蟹其實味道唔錯，有好多膏，夠熱，出餐也快(可能因為開始食嘅時候已經9:30)，但其他食物只係用光波爐叮熱，花枝丸，滷肉飯都唔夠熱，仲有好多飲品都話賣晒... 最後想講一下，餐廳應該嚴格遵守抗疫守則，我竟然見到七個人一枱... 不過聽到佢哋原本訂咗7:30枱，點知9:30先入得，我都唔好意思再講嘢。總括而言，一個六百多元的大閘蟹放題質素竟然低劣至此，絕對絕對唔會再嚟。…Read More
WaitWaitHea
2020-11-15
The above review is the personal opinion of a user which does not represent OpenRice's point of view.
Like
Date of Visit
2020-11-04
Waiting Time
30 Minutes (Dine In)
Spending Per Head
$600 (Dinner)
