SHINKelly614's Profile

銅鑼灣夜晚食完飯，經過一間超級多人排隊嘅”氷屋“，佢隔籬就係呢一間「蘇三甜蜜」，反而呢一間冇人排隊😂😂就入去試下!!❤️點知有驚喜✨一開始已經俾佢嘅裝修吸引，係復古懷舊風嘅裝修😆超級適合打卡，而且甜品選擇超多亦都幾特別，價錢唔係話好貴😋絕對會Encore!!! 如果大家想去食氷屋，發現要排好耐，都不妨可以試吓佢隔離呢一間😂👍🏻🙉朋友就叫咗個“紅棗桂圓桃膠西米露 $45”我冇得試味因為我唔食得桃膠😂😂但係佢話好食，而且超級滋補養生😆☺️✨好適合女仔食❤️而我就叫咗“芒果芋圓仙草西米椰汁雪泥 $58”，平時食開啲好出名嘅仙草芋圓，都係比較偏甜，而呢一間嘅仙草芋圓，我覺得甜度適中，而且芋圓好軟熟，份量好足😋…Read More

週末去九龍城嘅時候發現咗一間好好食嘅墨西哥卷同芝士烏冬嘅小店!!!! 呢一間餐廳係喺九龍城廣場food court裏面😋都要搵吓先見到佢🥹希望呢個post出咗可以多啲人去支持小店！💪🏻🩷墨西哥卷價錢同質素完全成正比👍🏻👍🏻❤️而且老闆Super Nice✨睇得出佢好俾心機做好呢間餐廳同啲野食🥹1️⃣墨西哥雞肉卷餅🌯✨👍🏻 $69 雞肉卷餅啲餡多到爆呀！滿滿嘅protein💪🏻❤️‍🔥佢仲有得選擇辣，小辣or唔辣😆啱晒我呢啲唔係好食得辣嘅人！呢個卷餅口感豐富，完全唔會覺得滯😋而且價錢仍有包埋送薯條/沙律加飲品👍🏻份量同味道都足料❤️我好欣賞佢沙律唔係加千島醬或者沙律醬，而係用柚子醋👍🏻👍🏻2️⃣ 🥓煙肉芝士雞蛋烏冬 $49🧀🫕個芝士份量超級多！！雞蛋已經融入咗喺烏冬裏面！食起上嚟超級濃郁🤤🤤❤️好重芝士味✨呢個簡直必食，雖然係肥仔野，不過食完再減啦☺️🐷🐽3️⃣墨西哥雞翼 🍗$25/3隻雞翼外脆內軟！調味超正，有椒鹽味又有少少辣❤️超好食！呢個自己一個人食三隻都ok☺️4️⃣蕃茄肉丸🍅$29/6粒醬汁有少少辣，食落有少少似IKEA嘅瑞典肉丸😂😂但係酸酸甜甜超開胃✨5️⃣手工制咖啡&烏龍茶☕️手工齋啡口感淡淡地同平時飲嘅唔一樣，但幾特別👍🏻值得一試✨烏龍茶就正正常常😂…Read More

最近又去食咗間無限時海鮮蒸鍋火鍋放題❤️大約$430左右一個人，價錢唔算好平，但呢個價錢比到嘅質素真心值👍🏻 如果星期一至四去會平啲～～不論係海鮮新鮮程度，有專人幫你計烹調時間，火鍋放題質素（雖然牛頸脊同脆肉鯇係放題），雪糕選擇多🤤質素都真心高❤️!!!極推✨⭐️而且餐廳裏面都有包房，超級適合一家人一大班朋友去食✨呢一個套餐，包咗八道菜式：1️⃣海鮮蒸氣定食（8選4）本身套餐已經包咗肉蟹同埋龍蝦🦀🦞✨然後再會有八款海鮮揀四款，海鮮款式有鮑魚、台山山蠔、鮮龍躉件、肉蜆、日本元貝、海蝦、北寄貝同大蟶子，我就揀咗蠔+龍躉+肉蜆+蟶子❤️樣樣都超新鮮鮮甜！老闆仲要親自喺魚缸度撈啲海鮮上嚟👍🏻包保新鮮2️⃣火鍋放題自選火鍋湯底有八個選擇，我就揀咗豬骨湯底，豬骨超大嚿真材實料！不過呢個moment已經好飽😂😂實在試唔到其他火鍋配料，但係佢嘅放題牛頸脊同脆肉鯇都好好食❤️雖然得兩樣係放題嘅肉類，可能因為主要係食海鮮為主🧐3️⃣蟲草花蒸文昌雞🐥個雞我覺得都OK，都算嫩滑，但最好食嘅應該係個陳村粉😂❤️吸晒啲雞同蟲草味，超惹味🤤4️⃣梅菜蒸肉丸+自家製蝦丸呢兩款丸我覺得梅菜蒸肉丸好好食，蝦丸就一般啦，都幾彈牙，但係蒸肉丸就好有咬口😋而且梅菜好甜好好食❤️5️⃣南瓜排骨粥呢個海鮮粥底真係超好食❤️本身海鮮嘅鮮甜已經喺晒裏面再加埋南瓜同排骨肉嘅香味，我可以食到2碗🐷😂6️⃣ 滋補燉湯🫕一飲就已經知道係咪落味精嘅湯，超足料又凊甜👍🏻✨7️⃣出面嘅甜品Bar冇試過放題會見到咁多款Cocoberry嘅味！有焦糖爆谷、豆腐、士多啤梨、港式奶茶、益力多仲有我最愛嘅沖繩鹽！❤️真係超正🥹Fatttt爆！…Read More

✨呢間係東薈城新開嘅餐廳真係超推！👍🏻👍🏻不論係員工服務態度，食物質素同價錢我都覺得幾好😋🩷1️⃣自選3款小碗蓋飯御膳 $98[🅁🄰🅃🄴 4.5/5]自選選擇有八款，我就揀咗燒鰻魚玉子、薄切和牛照燒同和牛漢堡，而呢一個set本身就已經包咗沙律、茶碗蒸、唐揚炸雞同湯烏冬，$98真係真心抵食👍🏻✨仲要我覺得每樣都整得唔馬虎，e.g.唐揚炸雞 雖然個皮厚咗少少🤏🏻但啲雞肉好嫩滑入味，和牛漢堡都好食推薦😋 （詳細可以睇吓d 相我有放餐牌）2️⃣壽喜燒鍋御膳（佐賀黑毛和牛稀少部位） $118[🅁🄰🅃🄴 4.5/5]呢個壽喜燒鍋真係超驚喜🥹👍🏻👍🏻！！想講之前去咗一間太子好出名嘅日式居酒屋度食，佢嗰個壽喜燒啊要差唔多$200尾，仲要得兩塊肥牛又唔好食😅但呢一個壽喜燒囉牛肉份量超多！而且佢真係比靚牛人哋食😋👍🏻👍🏻真和牛✨重點我呢一個已經係最貴嗰個set $118平到笑，仲要好食嘅，唔太咸牛肉又唔柴 💯🌟3️⃣餐點價加$16 3隻炸蠔🦪[🅁🄰🅃🄴 2/5]差點加嘅炸蠔就差少少，雖然價錢真係好平😂😂真係唔可以要求太高🙏🏻🥹but 炸粉真係多咗少少，肉就細舊左d 🤏🏻但可以比個機會下次試吓佢其他😂👍🏻…Read More

真係超耐無行過葵廣啦，係嗰度掃街簡直係回憶殺🤣🥹💕不過比以前啲質素差左，同貴左！以前細個飲芒椰奶西$10到依家變左$18，仲要好似飲水咁🫠好差🥲不過比我揾到好野食！呢間花膠雞咁好食居然唔使排隊🫨係我好彩定咩？1️⃣砂鍋鮑魚花膠雞湯翅✨ $103[🅁🄰🅃🄴 5/5]平時我好怕食雞湯麵，因為怕啲雞好柴無肉得骨，我會咬唔到😅但呢間啲雞真係超嫩滑😋✨而且好大嚿，大約5-6舊，仲要係雞髀位（唔洗加$$！），鮑魚好腍入味，最勁都係個花膠，超級大塊，仲要有2塊👍🏻👍🏻超足料！個湯底應該係我有史以來飲完一啖會再想飲嘅湯底🤣平時好怕啲味精湯底唔健康，但呢個湯底勁足料！食到有金華火腿豬皮同埋魚翅💕👍🏻👍🏻超級正！我見到有好多人都飲哂個湯見到碗底😶‍🌫️呢個價錢真心值✨2️⃣砂鍋花膠雞湯翅 $83[🅁🄰🅃🄴 5/5]同1️⃣嗰個嘅分別純粹係少左隻鮑魚，差$20㗎，如果唔鍾意食鮑魚都可以揀呢一個，都已經夠好味😋…Read More

喺OpenRice外賣自取咗一個蟲草花紅棗蒸雞飯加淮山燉絲竹雞湯👍🏻😋落咗單大約15分鐘內就有得拎，而個雞湯包裝亦都密實夠衛生，不過個拉蓋設計就有啲危險，因為個雞湯都好熱，好易開個陣整瀉會焫親🥲估唔到咁好食，比原味手作好食，個雞飯啲雞好滑嫩💖肉嘅份量都算足夠，蟲草花都好多，而個雞湯亦都好足料！睇相就知有好多雞肉，唔會話係好味精重好咸嘅湯，有啲雞嘅鮮甜味👍🏻 $60我覺得有飯有湯算係咁✨…Read More

喺OpenRice訂位註明生日慶祝，仲會送一個心形嘅mouse蛋糕同埋道具用嘅🩷除咗餐廳環境主題特別，佢嘅嘢食都超驚喜，有創意仲要好食，價錢合理👍🏻💕慶祝生日真係一流！Staff嘅Service都好好，所有嘢都好主動，例如幫你影相亦會擺好格局&主動斟水 💯👍🏻 煎帶子伴黑魚籽 $138[🅁🄰🅃🄴 3/5]帶子鮮甜，不過黑魚籽我就唔係食到好特別嘅味🤔可能我唔係好識食🤣Dunno, 但我覺得呢個可以唔使叫都得，留返啲錢叫其他試下😂😂壽喜燒牛肉麵 $168[🅁🄰🅃🄴 5/5]不愧係招牌菜，以為係居酒屋貨色嘅壽喜燒牛肉麵，我好少食意粉，但係我都覺得呢個意粉好好食，加埋蛋汁超入味😋👍🏻牛肉有超濃郁壽喜燒味，一啲都唔柴！呢個必叫😆檸香海鱸魚闊條麵🌶️ $288[🅁🄰🅃🄴 5/5]呢一個都係招牌菜，有啲泰式嘅酸辣味，辣度可以叫小辣，個鱸魚魚皮香煎脆口，裏面魚肉鮮甜，闊條麵加埋蕃茄醬都好好食😋荷塘月色 $68[🅁🄰🅃🄴 3.5/5]呢個甜品都幾有創意，係青蘋果味嘅啫喱配牛奶慕絲，帶點中國元素，打卡係幾好嘅選擇🍏😆鯉躍龍門tiramisu $68 [🅁🄰🅃🄴 5/5]呢個Tiramisu對比起我之前食過一間好出名嘅餐廳，我覺得佢整得仲好食😅💗 Espresso嘅味好出，而且好濃嘅酒香味，同Tiramisu嘅cream超夾👍🏻…Read More

平時食開啲火鍋放題都係限時一個半鐘至兩個鐘左右，無限時任食雞煲火鍋都係第一次試，仲要有海鮮送😆✨呢一間位於尖沙咀嘅熊本牛鍋，位置算係有啲難搵嘅樓上鋪，不過勝在價錢合理，而且野食唔錯！今次我試咗$278嘅王牌套餐，二人同行一人半價✨勁抵玩😆呢個set有M4-M5和牛，牛白肉，牛肩胛頂級牛肉同埋豬豚肉，一開始會有個任食雞煲，唔夠喉可以無限添加，雞煲份量足料，味道唔算太鹹，我覺得很可以👍🏻👍🏻之後如果打邊爐都可以免費換鍋，做豬骨湯底🤓無咁Fattttt，個M4 M5和牛油脂分布平均，都幾好食，但我就略嫌啲肉類切得厚左啲，唔夠薄身，影響口感，都係啲切割機嘅問題，無辦法🫢自助Bar嘅選擇唔算多，但係樣樣都有啲，譬如餃子、丸、墨魚滑、黑魚片（love this😋✨）都有！etc……依家只要Instagram like，comment & share佢嘅post，就可以免費送蒸海鮮拼盤！😋💗海鮮有鮑魚、蠔、聖子、蒜蓉扇貝同蝦，鮑魚都幾大隻，不過蠔就遜色少少，縮咗水，不過就冇腥味，送嘅海鮮拼盤嚟講我覺得算係咁😂👍🏻👍🏻✨不過就每日數量有限，送完即止，如果提早預約就可以優先安排…Read More

諗住生日見到好多人去呢一間食畫碟好靚，生日試吓佢啦，點知嘢食質素一般，我同屋企人食完都又屙又嘔又發燒。。。勁辛苦🫠我嗰日食咗個白汁青口，食嗰陣有腥臭味，個白汁好稀，好似水咁冇乜味，啲青口又好似比鹽水浸過咁好鹹，其他嘢食都偏鹹好似落左好多鹽咁，仲要個價錢唔平，每樣都起碼要$100中至$300，都食咗$1300幾蚊唯一好嘅就係個畫碟畫好靚，但個甜品都超甜好流🫠呢間餐廳認真無樣好，完全唔明點解咁多好評，我就係睇咗呢啲好評先去試吓😀😀希望其他人睇到呢個comment小心啲去呢一間食，唔知嗰啲係咪打手…Read More

本身黎開天后呢頭，諗住食個靚早餐。。。$45魚柳+蛋+茄汁豆，都可接受，但黎到，真係接受唔到佢舊魚柳仲細過魚柳包嗰嚿😅😅真係食McDonald都無咁嬲，味道先唔講，好普通，舊魚柳簡直係不能接受 no next time😐…Read More

今次要介紹呢一間係觀塘比較平嘅台式餐廳，觀塘放lunch諗唔到去邊食/想快食，都可以試吓呢一間😛佢有好多款式嘅台式飲品同埋小食，價錢合理👍🏻不過地方就比較隔涉，可能要揾一揾路🤫1️⃣薑蔥手撕雞飯🍗（$57）[🅁🄰🅃🄴 我3.5/5]手撕雞飯雞肉嫩滑，唔會乾噌噌😛👍🏻👍🏻好推薦食呢個！不過調味略為重左少少🤏🏻2️⃣薑蔥牛肉飯🍲 （$57）[🅁🄰🅃🄴 4/5]個底有超級多薑蔥！牛肉份量都好多👍🏻😂牛肉唔會太乾，啱晒啲大食嘅人😂3️⃣芋泥肉鬆脆皮蛋餅🫔（$45）[🅁🄰🅃🄴 4/5]舖頭嘅招牌😛芋泥甜度啱啱好❤️肉鬆嘅鹹味，提升咗成個蛋餅味道😋👍🏻👍🏻must try!4️⃣台北夜市小食拼盤（$45）[🅁🄰🅃🄴 5/5]小食拼盤包咗台灣腸，鹽酥雞同埋炸花枝丸！全部熱好好食，尤其係花枝丸外脆內軟😋超正，仲要45蚊only 好抵食！5️⃣胚芽豆奶&芋頭鮮奶🥤（$16 & $21）[🅁🄰🅃🄴 3/5] 胚芽豆奶如果有無糖可以選擇就最好，不過都唔係話超級甜；芋頭鮮奶就比較遜色咗啲，感覺似喺普通鮮奶加咗啲芋泥落去😅😅✨推薦指數：⭐️⭐️⭐️⭐️ (滿分五粒星，⭐️=一粒星🌟=半粒星)…Read More

🎂係男朋友生日嘅大日子之前，要諗食咩餐廳真係諗到頭都大埋🤯🥺係Google 同OpenRice都揾過好多又貴又出名嘅餐廳，但好多評論都係話唔抵食同質素無咁好🥹而我揾嘅呢間餐廳不論環境，價錢，定係食物質素我都覺得係好好嘅一間，慶祝生日超推介✨🩷今次介紹呢間The Grill Room 大家應該都會有聽過，不過銅鑼灣呢間分店就新開嘅，裝修都好有情調同比較尖沙咀嘅都高級，我去嘅嗰日大多數人都係慶祝生日或者周年紀念😂佢價錢對比起高級餐廳都唔算太貴，但啲嘢食都好高質，service亦都好好，店員會主動幫你影相，同埋留座可以揀獨立梳化位👍🏻👍🏻❤️連食牛扒都會有專屬嘅刀具俾你選擇😳😂我男朋友都話我揀得好🤭✨🤍Full of Protein 又好味嘅一餐生日飯😝我地叫左兩個3 Course Dinner Set ($468), 可以揀前菜/湯 + Main Course + Dessert 😋🩷同埋另外加左生蠔🦪同飲品🍹1️⃣香煎慢煮牛柳伴日本南瓜杏鮑菇🥩✨[🅁🄰🅃🄴 5/5]我男朋友叫左7成熟，我就叫左5成熟，5成熟個舊就唔會太乾身又易切，而且好有牛味😋👍🏻7成就可能會熟得濟，另外值得一讚嘅係個杏鮑菇！我平時都唔係好太鍾意食杏鮑菇，但估唔到佢真係會整到有鮑魚咁嘅口感，而且煎得好香✨👍🏻簡直唔夠喉🥹 2️⃣香煎帶子 配 南瓜湯😋👍🏻✨[🅁🄰🅃🄴 5/5]呢個香煎帶子真係整得超好食！完全冇根或者咬唔開嘅情況，煎得啱啱好同好香🥹👍🏻❤️個南瓜湯都好濃郁同順滑！3️⃣ 生蠔🦪 配 蔥紅酒汁&珍珠青檸✨ ($108/2pc) [🅁🄰🅃🄴 3.5/5]生蠔我覺得正常發揮啦😛有好重海水味，個葱紅酒汁食落似紅醋，加落蠔度都唔錯🤭4️⃣ 紅莓Mousse Cake & Tiramisu 🍰🤍[🅁🄰🅃🄴 5/5]呢間餐廳仲有寫字服務😛我以為個蛋糕淨係得個樣，原來都好唔錯！酸酸溜溜嘅紅莓汁同甜甜地嘅mousse好夾，解膩又開胃🩷個Tiramisu中間仲要有雲呢拿雪糕😋同好重咖啡香濃味☕️5️⃣🍸Not So Coka-Cola & Garden Eve🍹($78)[🅁🄰🅃🄴 3.5/5]Not So Coka-Cola 我飲落就似烏梅可樂嘅味道，酸酸甜甜咁😂而Garden Eve 就係fruit punch 嘅味道，幾好味🤭佢仲要而家有買一杯送一杯嘅優惠❤️真心抵✨✨推薦指數：⭐️⭐️⭐️⭐️️⭐️ (滿分五粒星，⭐️=一粒星🌟=半粒星)📍地址：The Grill Room (銅鑼灣廣場二期) (銅鑼灣)銅鑼灣駱克道463-483號銅鑼灣廣場二期3樓3B號舖…Read More

呢一間印度餐廳之前已經去過一次💗今次叫嘅菜式比較特別，又有另一番風味😋！如果有興趣都可以睇返我之前個post都有介紹過呢間，不過係另外一啲嘅菜式👍🏻🤓1️⃣Pav Bhaji 咖喱麵包🥘 $95[🅁🄰🅃🄴 4.5/5]呢個咖喱麵包睇落普通，但佢個咖哩有少少辣同埋好香配搭甜甜地嘅方包好好味，唯一略嫌佢麵包得兩舊😂唔夠喉🤡😂2️⃣Papdi Chaat 乳酪脆餅😋👍🏻 $85[🅁🄰🅃🄴 5/5]單車伴碟賣相幾得意，佢入面有乳酪，石榴粒，粒粒薯仔，印度脆片，乳酪同石榴粒嘅酸酸甜甜配薯仔同脆餅嘅咸，味道好夾，超開胃😋👍🏻呢個真心推薦！！3️⃣Burnt Garlic Fried Rice 燒蒜蓉炒飯🍲 $79[🅁🄰🅃🄴 5/5]呢個炒飯味道似中式菜嘅鹹魚雞粒炒飯😂個鹹香同埋香料配撘真係令人食唔停，估唔到印度菜嘅炒飯都可以咁好食😟❤️4️⃣Taka Tak Mushrooms 蘑菇咖喱🥘 $105 & Garlic Naan $45[🅁🄰🅃🄴 3/5]蘑菇咖喱就普通啦😂咸咗少少，不過配埋蒜蓉烤餅，外脆內軟，有少少煙韌都幾好食🤓👍🏻💗5️⃣Malai Paneer Tikka 特色烤奶酪🧀 $115[🅁🄰🅃🄴 2/5]烤奶酪配洋蔥，青紅椒同埋薄荷酸辣醬汁，感覺幾清新🤓❤️評分低嘅原因係，太過飽同埋好哽胃😂呢啲烤奶酪嘅份量可以少啲同埋價錢略嫌太貴🤫6️⃣Strawberry Milkshakes 🍓& Mango Lassi🥭 ($55&$59)[🅁🄰🅃🄴 4/5]呢度嘅Mango Lassi每次嚟必定會叫！因為佢裏面會有香料，呢樣喺出面啲印度餐廳食都好少見💗👍🏻而個strawberry milkshake 佢上面仲有士多啤梨雪糕球😋💗超好飲，不過都幾甜😂🐷唔好飲晒就OK🤫✨推薦指數：⭐️⭐️⭐️⭐️️ (滿分五粒星，⭐️=一粒星🌟=半粒星)📍地址：Kailash Parbat (尖沙咀)尖沙咀寶勒巷3號萬事昌廣場3樓302室…Read More

星馬菜我比較少食，之前都係淨係食過蘇媽x2😂今次食呢日間獅叔應該叫做新過一排，佢每道菜式都份量唔錯同幾好味😋價錢上我覺得算係中等還好👍🏻1️⃣蒜虎蝦球飯粒🍙🍤 $118[🅁🄰🅃🄴 5/5]一開始睇相以為會好細份，但係每隻蝦球佢都好大隻，而且好彈牙好多肉👍🏻🩷而個飯粒亦都有調味唔會好乾身😋推薦！2️⃣馬來風光🥬 $78[🅁🄰🅃🄴 5/5]呢個炒通菜，非常入味開胃😋唔會太鹹，又大少少辣👍🏻唔錯3️⃣馬來甘香炒啦啦🧆 $128[🅁🄰🅃🄴 5/5]個菜式炒啦啦，叫嗰陣完全唔知係咩嚟😂原來係炒蜆！見佢$128以為會又貴又唔抵食，點知嚟到隻隻都大大隻，好多肉，而且個醬汁小辣，真係唔夠喉😆🌶️4️⃣辣死你媽🍗 $118[🅁🄰🅃🄴 3.5/5]反而呢個辣死你媽😂個名同道菜完全唔一樣，完全唔辣，對比起之前食過蘇媽x2 個雞髀飯，呢個簡直完勝🍗👍🏻個雞髀肉都仲好嫩滑，而且個醬汁同啲魚乾仔幾夾5️⃣新加坡喇沙蝦麵🍜 $118[🅁🄰🅃🄴 3.5/5]濃郁嘅喇沙味，麵同餸嘅份量都算多👍🏻真係算係咁😂唔識講6️⃣馬來奶油咖喱雞+油酥手抓餅🥘🫓 $118 & $52[🅁🄰🅃🄴 4.5/5]呢個奶油咖喱雞同埋手抓餅係分開叫，個手抓餅加個咖喱真係超好食✨😋啲咖喱雞都好多舊，唔會又貴又唔抵食👍🏻7️⃣海鮮豬肉老鼠粉🍲$118[🅁🄰🅃🄴 3.5/5]呢個老鼠粉就一般啦😂因為我唔係好識分狗仔粉同老鼠粉，食落都好似差唔多🤣不過佢又唔會好鹹同埋好肥膩，share食我覺得OK👍🏻8️⃣馬來沙嗲豬&雞串燒🍢 $68[🅁🄰🅃🄴 4.5/5]沙嗲豬同雞串燒都正常發揮👍🏻都幾好食🤓9️⃣荔枝冰&椰子冰🍹$36[🅁🄰🅃🄴 3.5/5]我哋叫咗三杯嘢飲，三隻唔同色，淨係個賣相已經好吸引☺️💜❤️💚✨我就冇份飲啦，不過聽返啲feedback都唔錯👍🏻🔟咖央雪油烤多士&美祿咖央烤多士🍞 $58 & $78[🅁🄰🅃🄴 4/5]佢嘅烤多士要趁熱食！嗱，呢啲先係咖央多士㗎嘛😮‍💨❤️諗起上次喺某間旺角餐廳叫嗰個🌝簡直不堪入目，佢放牛油同咖央比例上比較好，唔會太多牛油令到咖央味冇咗，同啲姊妹一人一舊就唔怕肥啦🤓🫢🤫總結我覺得呢間餐廳裝修又特別✨嘢食又好味😋價錢都唔算特別貴❤️！可以一試👍🏻🤓✨推薦指數：⭐️⭐️⭐️⭐️️️️⭐️ (滿分五粒星，⭐️=一粒星🌟=半粒星)📍地址：獅叔 (旺角) 🦁旺角奶路臣街17號THE FOREST 1樓110及111號舖…Read More

以前去過俄羅斯旅行，嗰度嘅俄國菜都令我好難忘🫶🏻今次係香港食到烏克蘭菜，不論係餐廳嘅裝修氣氛同食物都好有俄羅斯風味🩷特別係有一個corner好有俄羅斯屋企嘅感覺，好適合慶祝或者聚會👍🏻 overall嚟講食物唔會好鹹同埋種類好多選擇🫶🏻食物質素都好好😋重點係啲Staff嘅服務態度超好☺️烏克蘭老闆娘仲會親自招呼客人👍🏻不過價錢就屬於中上🫣兩個人食要差唔多~$7xx，如果係特別日子都OK嘅😂由於呢一間實在太多人食，建議早啲book定🫶🏻Walk in未必有位1️⃣傳統烏克蘭羅宋湯🫕🐷 $78[🅁🄰🅃🄴 4/5]個羅宋湯主要用甜菜同豬肉製成，味道有別於我哋平時飲嗰啲西式羅宋湯，個湯上面佢加左乳酪，好開胃又鮮甜❤️👍🏻2️⃣招牌芝士焗牛舌👅🧀 $108[🅁🄰🅃🄴 4/5]酥餅加埋牛舌同芝士一齊食，超邪惡☺️🤤個牛舌好厚切又整得好淋！！個酥餅口感似麵包，好香牛油味😋💖唯一美中不足嘅係，個芝士如果可以流質啲或者有嘢加熱住，會比較容易夾住酥餅嚟食，因為芝士一凍咗就好快變乾同硬🥹3️⃣烏克蘭香煎薯餅🥔 $88[🅁🄰🅃🄴 5/5]呢個薯餅裏面係一條條嘅薯仔絲😋整得好香同埋好有口感，加埋佢個乳酪醬汁超好食！超開胃💖4️⃣馳名基鋪炸雞扒🐔 $198[🅁🄰🅃🄴 4/5]呢個係其中一個招牌菜，所以就叫咗黎試🤣雞扒裏面係熱辣辣嘅牛油，雞扒整得好嫩滑同好香牛油味，感覺似係雞胸肉😋喺OpenRice見到好多評價都話側邊嗰啲薯片好多都唔脆口，本身都有啲驚，不過我食個陣又無，反而覺得好好食好香脆，又唔會整得好鹹🤣👍🏻👍🏻5️⃣紅菜頭鯡魚沙律🥗 $78[🅁🄰🅃🄴 3/5]主要係由紅菜頭雜菜同埋鯡魚製成，面頭有蛋黃醬，好健康嘅配搭😂❤️檸檬嘅酸味加埋鹹鹹地嘅沙律，都幾特別🙊都好食嘅，不過我就覺得個魚味有啲腥，每一啖都要加埋蛋黃醬食先至冇咁腥🥹6️⃣Mors 紅桑子果汁🍷 $68[🅁🄰🅃🄴 5/5]呢個超好飲！好似蔓越莓汁咁😋💖💖我見到好多人都每人叫一杯🤣酸酸甜甜超開胃👍🏻👍🏻7️⃣ 烏克蘭原味蜂蜜蛋糕 $88[🅁🄰🅃🄴 3/5]最後試埋佢出名嘅烏克蘭原味蜂蜜蛋糕😂佢有三隻味開心果，朱古力同埋原味，原味面頭有合桃碎，內層係一層層嘅糖霜，蛋糕係蜂蜜味嘅，口感濕潤，唔係乾身嘅蛋糕👍🏻不過我就嫌佢太甜，可能唔適合我口味啦😂我覺得一舊蛋糕可以四個人share都得，每人試少少就夠🐷✨推薦指數：⭐️⭐️⭐️⭐️ (滿分五粒星，⭐️=一粒星🌟=半粒星)📍地址：東歐餐廳 (中環)中環雲咸街63號巴力大廈1樓…Read More