Cho_0105's Profile

一向都聽住紅磡既朋友講三河屋D野好好味, 上OPENRICE睇佢又好似好多笑樣咁, 所以今晚就去試下食佢..我同女友叫左3樣野:1) 豬骨湯烏冬2) 咖哩吉列豬扒飯3) 蟹籽沙律上菜速度:叫完無耐, 大約5MINS, 就上到菜, 超快手..呢點要讚.味道:- 豬骨湯烏冬係人都知烏冬同拉面最緊要係個湯底呢個豬骨湯烏冬個湯底根本就係出前一丁既豬骨湯粉..味!! 完全唔得.味精湯..另外成個烏冬得一塊好細好細既豬肉..係咪要咁慳先?!!?不過個烏冬好QQ.. 但補唔番前2項既問題// - 咖哩吉列豬扒飯汁好多, 但豬扒好細..味道唔見得真係好好味...但份量真係好多..- 蟹籽沙律呢個味道唔錯既..我知道老細係日本人, 我在場都見到不少日本人同佢傾計, 所以其實"感覺"真係幾正宗, 但味道完全反映唔到出黎..兩個字形容哂 - 失望…Read More

今日夜晚去完三河屋食完飯就諗起朋友話附近有間叫"溝溝吧"既台式飲品店D野飲好正,連衛蘭飲完都讚好 所以我食完飯就拿拿臨去買杯試下..由於食太飽既關係, 無叫佢最出名既形珠奶茶, 叫左杯芒果3G..一飲, 發現佢D珍珠真係好正, 用黑糖煮, 而且好QQ, 唔會太硬又唔會太粉, 味道真係不錯! 芒果味不錯, 不會太假亦不會太甜...而且聽老闆講, 佢D材料全部都係台灣入口, 飲都飲得放心好多....下次有機會去開果頭一定要試佢出名既珍珠奶茶!!…Read More

my gf and i like frozen yogurt sooo much and we always try different frozen yogurt, and yogo's frozen yogurt is the best we have ever had. We tried the strawberry & lichee flavour with 5 toppings (oreo, mochi, dark chocolate chips, peach & blueberry). Most of the yogurt shop would limit the number of toppings , but at yogo, you can choose as many toppings as you like and pay according to the weight of the yogurt + toppings, this is what we like the most.But we both think that there were too many staff at the shop and some of them had nth to do at all. I think the shop owner may consider laying off some of them to cut the expenditure. …Read More

一直聽聞大埔阿婆豆腐花好好味, 上幾個星期去開大埔就順便去食下呢間傳說中豆腐花又滑又好味既店..一去到, 已經發現好多人排隊, 而且店門外有好多人拎住隻碗企0係度食豆腐花..今次我叫左熱既豆腐花, 果然名不虛傳, 豆腐花好熱, 好滑, 入口即融, 好香豆味而且價錢平, 大大碗都只係5蚊, 十分抵食!!! :) 食完一碗後, 我仲外賣多碗熱豆腐花番屋企慢慢歎添...…Read More

今日去左南豐Saizeriya食晚飯, 等左成30張終於到我.叫左以下既食物:1) 焗薯角 (難食! 完全無味! 仲要有D係未熟透既, 食左幾件就 無再食..)2) 煙肉菠蘿pizza (味道不錯, 最緊要價錢平, 大大個都只不過係28蚊, 可以一試)3) 意大利飯 (好水, 不過意大利飯本身就係水, 所以唔可以完全怪佢, 味道一般)4) 白汁肉醬飯 (應該放左好多奶, 都幾滑, 我建議大家如果要食飯就叫白汁系列, 會比較好食)5) 墨魚面 (味道一般)6) 雞亦 (味道不錯, 值得再食!)7) 腸 (難食! 雖然無焗薯角咁難食, 但味道真係唔太好, 而且唔熱, 失望!)總括:一分錢一分貨呢個定理永遠都無錯, 呢間野既唯一賣點係平, 食物既味道認真麻麻, 而且有部份食物仲要係唔熱. 但我認為都可以一試既..…Read More

我先讚後彈讚:1) 叉燒包外層像菠蘿包,內裡叉燒好熱, 成個包味道好夾..確實值得一試2) 腸粉都算幾滑但涵少且細份, 感覺好像叫了迷你版腸粉彈:1) 燒賣一夾即散, 味道一般, 大部份酒家都做到比佢好既味道2) 蝦餃同燒賣一樣好一般3) 鳳爪完全唔入味, 都唔知點解可以整到咁...唉4) 座位超迫總結:我覺得絕對唔值得排咁耐去食, 如果唔駛排既都仲可以去試下佢個包, 其他既點心..大家都係唔好抱太大期望..真係想歎好味點心,去一般既酒家仲好味過佢…Read More