franki0911's Profile

早兩日訂咗位，今日下午4點幾，餐廳打嚟確認多次人數同時間。我哋訂咗第二輪8點，但我7:30就到咗，喺附近行多25分鐘就入座。始終8個人要分開坐，唔想大家食唔同嘅嘢，所以叫咗兩份4人餐，結果瀨晒嘢，啲嘢食又多又大份，最大鑊係好好食，食到個肚脹晒都停唔到口。頭盤清爽嘅青蘋果沙津同酥脆嘅酥盒配搭得好好，連嘴刁嘅大佬都話好食。我最欣賞海鮮拼盤，款式多又好味，難得嘅係鮑魚都整得好淋。期間店員不停幫我哋換碟，辛苦晒。成個電蚊拍咁大嘅斧頭扒，一份五成、一份七成，外層焦脆，裏面好淋好juicy，薯仔底吸晒啲牛脂肪，又香又軟。煎三文魚生熟剛好，以為薯蓉伴碟，一食點知係芹菜蓉，還好，味道唔太搶。大啡菇意粉有驚喜，一上枱已經好香蒜蓉味，齋食意粉已經好好味，仲煮得好彈牙。甜品係自家製樹頭蛋糕，微甜略濕，老公話好啱佢口味，不過個人建議配多少少水果就好，因為成個晚餐份量都好勁，想要啲酸甜清新嘅中和吓。聖誕節完咗可以叫返主餐牌食品，選擇唔多但又樣樣都有，一定搵到啱你食嘅，快啲去試吓啦！…Read More

下午四點，嚟到峰壽司食下午茶，原來佢仲有lunch set，不過選擇好少，想篤機叫其他嘢食，又篤唔到，想叫人幫手，又無人行過嚟，算啦，求其叫個A餐，追加三文魚刺身刺身薄切，亦講唔上鮮味，$19/3片，算啦套餐A有沙律、8件壽司+1件炸蝦手卷、味噌湯，沙律超hea，就係得椰菜「碎」，個湯好淡，只暖不熱，壽司感覺都好一般，真係唔太鮮味，成個餐最好食係個手卷，夠熱夠脆要加一，感覺唔值，店員成日圍埋吹水，叫極都無人…Read More

今日去完op 就過嚟蠔灘，$10/隻預咗細細隻，但係好鮮、好重海水味嘅西班牙蠔，同老公一人一打即刻點杯oreo 奶昔俾阿女補充體力先，另外叫咗個四式芝士薄餅，最初阿女話好鹹，我仲以為佢講錯，但我試咗啖真係好鹹，同店員反映，即刻再造一個食完冷盤再叫一個溫泉蛋卡邦尼扁意粉中和吓，汁好香濃、creamy，菇同煙肉都好多樓面得兩個店員，十幾張枱，佢哋一直提供快速友善嘅服務，仲好精準咁為客人介紹食物，好抵讚加多罐可樂，埋單$6xx，淨係服務都抵啦，我臨走都特登行去同店員講聲「唔該晒拜拜」 …Read More

喺v city 排隊等食晚餐時，阿女話想食雪糕，應承佢食完飯先食大概9點嚟到，唔駛等位，但一坐低就好熱，頭上嘅燈太勁，曬到有啲出汗同頭痛，又無人抹枱阿女揀咗心花怒放，可以揀5個迷你球，士多啤梨，雲呢拿，朱古力，曲奇，焦糖，有個脆窩夫，有粒士多啤梨，阿女見到勁興奮可惜真係太熱，雪糕融得好快，唔好諗住慢慢嘆窩夫其實唔係脆，係硬，用膠匙羹好難將佢解體，不過有啲位俾雪糕浸淋咗，先夾硬撳碎佢，味道唔錯，但口感差啲用電話登記做會員有一張雪糕優惠卷，可惜今日唔啱用，下次先…Read More

今朝想去建生做檢測，但原來開10點，所以去食個早餐先8點半去到，剛好唔駛等，店內原來唔係好多位，我一直以為係一間好大嘅餐廳😅叫咗個早餐F（多士、薯餅、芝士磨菇奄列）同鮮奶咖啡，好快就上齊食物咖啡不過不失，強烈推薦芝士磨菇奄列，好足料，爆菇，加埋芝士嘅鹹香真係好正，又唔會太漏，薯餅味道好，但略嫌太薄，應該係因為我留到最後先食先唔夠脆😅店舖細細已經少座位，食飽休息夠就走啦，電話幾時玩都得，門口不停有客人等位，生意難做唔好阻住翻枱…Read More

尋日食完謝謝儂，好似吊起咗老公同阿女條癮，今日去yoho 明明講好食pepper lunch ，點知佢哋一見到堅信號就轉軚，仲要等位，人微言輕，個肚餓到咕咕聲都無得反對😭😭等咗20分鐘左右入得，店員會大叫「堅信號歡迎你！」有啲日本料理店feel☺️可以坐低先賣安心紙仔，順手落埋單，略嫌枱面污糟，抹完都好油為咗食更多嘅小籠包，老公放棄主食，直接order兩份小籠包，一份生煎包😳😳然後我哋再叫兩碗麵，三人share，另外某網上飲食平台會員送多一隻生煎包，正！首先上菜嘅係生煎包，只係一兩分鐘嘅事，以為佢係整定晒所以會淋、凍？錯晒！老公一咬即刻話熱，啲湯汁仲噴到成枱都係！我都唔執輸試返一隻先，先咬開層皮，滿滿嘅湯汁，比小籠包更多，而且仲出緊煙，先飲咗湯汁，再咬個包，包底好香脆，絕唔係燶、硬嗰種，每一隻都煎得好靚，果然係招牌菜，好出色！🤤🤤再嚟就係小籠包，兩籠疊住蒸籠上，睇到都興奮同樣食法，小籠包湯汁比生煎包少啲啲，但都好足夠，而且個皮好薄，食多兩隻都唔會滯，不過比較快凍，建議先食再來係豬扒湯麵，麵嘅份量一般，但豬扒就好多，老公話似叉燒多過豬扒，仲要好好食𠻹，有蜜汁味，鍾意食豬肉嘅朋友可以一試跟住就到我嘅雪菜黃魚拉麵，一上菜時，侍應同我講無晒拉麵，所以轉咗幼麵，吓？你唔問吓我先嘅？老實講我真係唔鍾意食幼麵，侍應就過一係轉返做普通湯麵底，我有啲唔願意，但又唔想再等，所以就轉普通湯麵底以為佢會就咁換過個麵底俾我就算，點知佢又重新煮一個（我諗我唔要嗰碗已經俾另一位客人食緊），所以又要等，但等到嘅只係失望........煎黃魚好似無調味咁，略腥，麵就正常發揮，雪菜亦少，店外海報大大隻字叫人記得飲埋個湯，以為有驚喜，跟本就係普通湯底，最多只係有啲雪菜味，一啲特色都無，唯一欣賞嘅就係伴菜係菜芯，唔係生菜🥬服務一般，有個短髮女侍應好多廢話，舉一反三🙄🙄3人埋單$254，建議留肚食生煎包，價錢合理…Read More

同阿女去探亞玉，可能天氣熱，一入去覺得好焗叫咗兩份下午茶，吉列魚柳🐟薯條🍟同埋卡邦尼燴意粉🍝本身我都想食焗意粉，但見隔離枱哥哥嗰兜意粉實在太巨喇，唔想做大嘥鬼👻👻，所以叫下午茶就好了，上枱後見到覺得自己實在係太醒，呢個份量再加上濃香嘅芝士汁🧀🧀，我有信心挑戰成功🤤🤤至於吉列魚柳薯條就有啲失望🥴，吉列魚又熱又脆，可惜無味嘅，薯條竟然係凍🥴，仲以為係一齊新鮮炸😩😩天氣好熱☀️，30°C🔥，各位見字飲水💧💧…Read More

上次同同事嚟過食下午茶，覺得唔錯，而且老公鍾意食小籠包，所以今日一家三口睇完戲就過嚟食**門口有紙仔可填店員帶我哋坐最入嘅卡位，然後幫我哋斟完茶就行開，因為我哋坐最入，樓面兩三個侍應根本睇唔到我哋舉手，不過亦因為呢張檯就喺收銀前面，所以個收銀員一見我哋舉手佢就幫手叫walkie ，樓面好快就過嚟幫我哋落單口淡淡嘅我叫咗個酸辣湯麵，好開胃，配料亦足，但因為湯底係杰身，所以一用力夾麵就碎，不過味道係唔錯嘅欣賞佢個蔥唔直接落湯，因為一定有客人唔食蔥嘅，而我係好鍾意食😍叫咗個嫩雞煨麵俾阿女，諗住清清地一定啱佢食，好大碗，佢盡力地食咗2/3，呢個麵就比較正常，湯亦好重嘅菜味，清甜一籠小籠包有4件，阿女第一次食，教佢咬一細啖先，先飲咗裏面嘅湯汁先再食，佢話好好食，真係有衝動想叫多籠，但碗麵都食唔晒，唔想咁浪費老公叫咗碟上海粗炒，都幾大碟，賣相亦吸引，早知叫佢同阿女兩份啦，佢話估唔到咁好食，但我覺得麵太淋，原諒我當時已經食緊麵所以無影相叫咗罐可樂$15，埋單$27x，可接受…Read More

聽聞長期排隊，今日11點到，兩位直入坐高枱，除咗無位放袋，都無咩唔好。熱愛蕃茄嘅我一定係食北の極番茄蝦湯拉麵，仲可以半價（$17.5）加一份餃子。其實佢有餐嘅，就係一碗麵+配菜+飲品，可惜我哋唔飲汽水，就算加錢轉飲都只有凍飲，所以都係散叫。7-8分鐘後拉麵就上枱，立即試啖湯，係好濃嘅蝦湯，淡淡嘅蕃茄味唔係平時食三哥嗰種蕃茄湯底嘅酸甜，但足以提鮮開胃解膩，至少我食到底都唔覺得頸渴。麵份量極多，掛湯，我同女兩個食啱啱好，好在無再加麵（$15）。蛋就太熟，同埋上枱已爛，略為失望。加咗麵酥，有啲脆香嘅口感，令成碗麵更有層次。好快就連餃子都上枱，外皮焦化好吸引，可惜一咬發現只係微暖又淋，好失望，浸落啲湯度連湯食就算。整體：麵係好食嘅，其他可忽略。…Read More

同事之前話今日陪我食俺流拉麵，到我今日問佢時，佢話尋日已經食咗，不如去味千啦吓！？😱反差會唔會太大？😰正想拒絕之際，另一位同事踴躍和議，唉，去啦去啦⋯⋯🤦🏻‍♀️🤦🏻‍♀️🤦🏻‍♀️我都唔知有幾多年無食過味千，記憶中仲係為咗塊忌廉蟹肉薯餅先會入去食，但原來而家已經無咗！！！😭😭😭有得寫紙仔入座，用電話嘟QR code點餐，有下午茶餐，叫個大路嘅「餃子🥟拉麵🍜」保平安，$33，可選軟硬度，老人家揀咗軟麵，跟罐裝汽水🥤/杯裝橙汁唔駛加錢拉麵上枱，份量適中，有幾塊荀，豬骨湯底浸餃子，飲一啖湯，令我聯想到出前一丁，飲多一啖，我懷疑自己味覺障礙，好似咩味都再食唔到👅軟麵都偏硬，結果都係要用湯送服，愈食愈口渴💦餃子嘅肉係完全無味，我食咗一隻就放棄埋單$33無加一，我就覺得不可一不可再，但同事話個醬油炒飯好食喎🥴🥴…Read More

外賣就成日買，堂食就第一次老實講，如果唔係同大佬嚟睇醫生，都唔會嚟呢個商場豬骨湯吉列豬扒烏冬豬骨湯炭燒雞扒、天婦羅蝦拉麵店員都未放低碗烏冬，大佬已經眼甘甘望住塊大紫菜，想影相都影唔切，仲要搶埋我嗰塊麵底份量實在係多，我都食唔晒，大佬更加唔駛講啦，下次真係要扣底炸物夠熱夠脆、無油益味，仲附上好大pat沙律醬，可惜雞扒一咬落去成啖粉，仲要濕煮，口感好差樓面4個店員，全部都態度好好，見佢哋不停出外賣單，真係好忙，但絕對無話做到忟，有客人自取外賣時，仲提醒客人對一對先，可能都怕自己太忙會做錯做漏朋友話佢啲牛肉好正，下次再試…Read More

半夜餓醒咗，飢寒交迫，叫老公放工去買發記返嚟，好在佢有得早放工，6:30就返到皮蛋魚片粥（多青），粥底綿滑，材料亦好多，就算外賣都大大碗，我一個人都食唔晒，留返一半當午餐都仲得蝦米腸必食，腸粉即蒸，真心滑，蝦米一啲都唔少，就算外賣都會俾好多豉油，但如果有埋麻醬就更好蘿蔔糕份量超多，食到啖啖蘿蔔絲，好惹味，咩醬都唔駛點都夠晒味趣事一則，老公買完外賣就咁掛喺電單車手把，店員姐姐問：「點解Food Panda都唔帶個箱啊？」老公笑笑口話買俾返屋企自己食㗎😂…Read More

好在book嘅係四人lunch，否則就要食外賣週末，11:45到達，見到好多人想walk-in ，可惜得返一張枱Set 剛轉咗menu，失咗預算，因為唔知我大小姐啱唔唔食二人一枱，所以我同大小姐坐，自家製黑醋牛油搽麵包好開胃，蕃茄湯好出色，真係好新鮮嘅蕃茄味，沙律亦絕不欺場，可惜只可以二揀一，兩個人最好每人要一款我自己點咗risotto，risotto 個質地好飽滿，咬落去粒粒分明，醬汁亦夠香夠濃，我好鍾意大小姐點咗自家製寬蛋麵，青醬同麵香配搭極出色，可惜麵身太硬，大小姐食咗幾啖就放低太飽了，已經食唔落甜品，唯有下次再試，叫埋飲品，mochaccino 同iced chocolate 咖啡夠香夠濃，但熱啲會更好，ice chocolate 個杯（樽？）真心正，睇到都開心…Read More

逢星期六會去天水圍，朋友介紹去十勝牛試吓，話大件夾抵食，即管去試吓。中午時段都好多人等位，但裏面好多枱，所以好快就翻到枱，我哋等咗十零分鐘就入得。除咗主餐牌，佢仲有個午市餐牌，$4x 有主食、小食、飲品，諗唔到唔叫嘅理由。大小姐熱愛烏冬，叫咗個醬油牛肉烏冬，可惜肉太韌、湯底又太淡，反而小食嘅蟹籽沙律壽司唔錯喎！見佢咁抵食，叫咗份三文魚腩，可惜肉質鬆散，亦無魚油香味，食落去霉霉爛爛嘅感覺。嚟到我嘅主食雜錦魚生飯，係今日嘅大佬，無論賣相同味道都好似廚餘，食唔夠一半就放棄。最抵讚係飲品，無出事即係好事。朋友吹奏到又平又好食，係咪我唔好彩？…Read More

去到等位要5、6張，店員mark 低我電話，到等兩張枱時再打俾我，返去再等多十分鐘入得。大小姐一早揀好飲品，仲幫我揀埋，因為兩杯佢都想飲。藍色人魚飲品，係呍呢拿味milkshake，人魚尾巴係白朱古力。啡色donut飲品就係朱古力milkshake ，一定要食咗上面嘅cream先，如果唔係就會不停流，成隻杯都係，好輪盡。至於味道......甜囉，唔好再問。兩杯飲品稀過水，我都唔知自己飲咗啲乜。價錢超貴，$2xx其實只為俾大小姐打咭。…Read More