食住減好開心's Profile

麻甩牛豬雜豬腸火鍋，抵食好味😋。老闆話豬腸日日新鮮屠房出嚟，牛三寶牛筋軟滑入味。而且份量十足，淨係食牛雜已經飽。158一位，任飲任食加一份海鮮，海鮮有蝦蟹蜆同蠔，蟹仲係新鮮劏，仲要唔使加一，真心抵。其他仲有大路丸同菜，啤酒都係任飲仲有幾隻牌子揀。但美中不足就係有d熱同埋煙味，凍少少嚟食仲正，店員招呼都周到。…Read More

以前成日聽日講聯和墟多美食，但真係完全唔覺。search openrice 北區真係好少資訊，見到呢間烤魚見佢裝修都有咁上歷史應該都係屹立多年。叫咗酸菜烤魚，淩波魚好大條，魚炸得好乾食，要煮一陣先吸味。後來店員話江團最滑，下次可以試下。叫咗酸菜bb辣，加咗份肥腸，肥腸寫住係新鮮肥腸，洗得好乾淨冇怪味。bb辣對我喺講啱啱好，食開譚仔10小😂。一條可以揀四個配菜，選擇好平常，大路嗰d都有。烤魚唔會太鹹，調味啱好，食到最後都唔會過分濃味。嘢飲好大杯，成個大啤杯，如果太辣都夠飲😂烤魚加咗肥腸，两杯嘢飲，一共450左右。…Read More

呢間店係無意喺小紅書見人介紹，懷住試伏心情去食，點知食完encore咗幾次，值得推薦。鋪頭雖然環境一般，d位都窄，而且位於街市，小小蚊蟲在所難免。首推腸粉，皮又薄又滑，而且唔會有米up味，落料都唔孤寒，鋪得好均勻，啖啖都有肉食。🥰另外蒸粉都好食，23蚊好大碟，辣菜脯辣得嚟又唔會太鹹，每次都會加3蚊加菜脯。仲有小米幾特別可以一試，蒸餃就普通。佢個菜單寫住招牌係豬手，但我就覺得味道一般。因為價錢合理又幾好食同埋鋪頭細，所以就算唔係食飯時間都可能要排隊。…Read More

睇OpenRice先知原來淥鼎記除咗酸菜魚仲有點心食，價錢唔貴，12點前埋單仲免加一同茶介。平日都多人，10點幾到都要等一陣。點心選擇雖然冇酒樓咁多，但大路嘢都有。蝦餃燒賣大大隻都係$18。最抵食仲有孖寶，一個點心加個飯都係48。飯係珍珠米有咬口，唔會太濕一pat。陳皮牛肉球好食😋，好彈牙。…Read More

openrice訂座7折，平日三點到店，鋪頭只有三枱客，店員服務殷勤👍🏻👍🏻👍🏻每次食物嚟到都會報菜名，知道自己食緊咩必食推薦生蠔，雖然有d貴，80蚊一隻，但有日本漁市場食到咁新鮮美味。另外串燒款式好多，最重要係調味唔會好似平啲居酒屋咁重手，適量既鹽同胡椒粉味，食到食材本身嘅味道。總體串燒都高質，但其中最難食大腸同豬肝，豬腸係苦嘅，有豬臭味。另外豬肝一串入面大小相差太大，大舊好似唔夠熟，好大陣腥味，而細舊又乾咗😵‍💫😵‍💫嘢飲叫咗烏龍high ball，但太多冰，冇酒味。openrice book位有7折，如果之後都仲有折會再幫襯👍🏻👍🏻食評話刺食都好食，下次再試…Read More

喺openrice見到好多好評而且食物賣相精緻特意來食lunch。鋪頭12點開門，因為walk-in，怕冇位特登早d到，間鋪好細，安排了一張二人枱，放咗两個餐盤已冇空位，唔係太好坐，如果夜晚諗住食下串燒飲返两杯應該更不便。六貫壽司set，壽司新鮮，三文魚肥美，帶子很厚但冇味。另外跟餐有水果很甜，紫薯泥好食😋冷烏冬彈牙，茶碗蒸都好滑。鰻魚set跟餐都有三文魚刺身很肥美，鰻魚燒汁不會太甜，很怕好甜嘅鰻魚汁🥶，美中不足係有少少魚骨。串燒較晚市平，而且唔使加一，抵食。厚燒牛舌鹽落得重手咗，有d鹹，但都好味😋厚切口感好，舌脂味濃。燒雞皮好香口，燒得好脆，可惜有雪味。唔推薦。店員推薦燒全翼，皮薄多汁。見食評好多人點蟹膏卷蛋，但因為唔食蝦蟹，改點明太子卷蛋。入面好多明太子，個卷蛋唔會好似玉子燒咁甜，可惜上枱嗰陣時已經好飽，所以唔覺得特別好食總結食物味道不錯，分量十足食材都新鮮。原來舖頭都有幾間分店，menu大同小異，就腳可以試下，土瓜灣分店距離地鐵站都有10分鐘路程，隔離有間囍囍小食，聽說炸脾好好食，記得留肚試下…Read More

平日下午四點幾撞正店員食飯時間，喺門口等咗一陣先有人嚟帶位。餐廳menu款式多樣，最正係可以叫半份，可以食多幾味。之前睇果籽介紹過，滿心期待叫咗酸菜魚，酸味唔重，魚都唔腥，但食到魚鱗，味道唔出眾。另外叫咗水煮牛肉，味道重麻少辣，食咗一舊成個咀麻晒。仲有食咗酸菜豬頸肉不過不失。蒜香排骨炸得好乾身，排骨本身半肥瘦，唔會柴。涼拌萵筍，切得太細唔夠爽口，調味少少酸開胃。總結全部食物味道一般，冇咩驚艷。路過可以試下。…Read More

呢間係朋友推薦性價比高壽司舖，因減醣好耐冇食壽司🍣 十分期待。book咗星期日下午两點，過咗lunch時段鋪頭都唔少人，可見餐廳受歡迎。叫咗lunch set 10貫壽司，包前菜同雪糕。店員話幾抵食，壽司款式係由廚師因應當日食材決定，算係平價版omakase前菜係海膽蒸蛋，好好食😋，海膽有三大舊，仲有蟹肉，蛋滑，味鮮。壽司中規中矩，食材新鮮，最起碼好食過壽司朗。甜品係抹茶紅豆雪糕，抹茶味好濃會回甘唔太甜。另外叫咗個鰻魚飯，好好食，鰻魚十分肥美啖啖油香入口即溶。燒物都好出色，牛舌最好食encore咗两次，牛舌厚薄適中燒到啱啱好，淡淡鹽味配上牛脂香味，好正燒油金魚骹都好食，魚脆，又多肉。…Read More

平日去食芫荽點心放題，喺kk day預訂每人168，埋單再加茶位加一，最後埋單每人198。因為平日唔係好多人如果想坐窗邊望海景可以早啲到，放題提供40款點心左右，其中芫荽系列大約有10款。本身唔係芫荽fans，所以唔係好覺得有特別好食。因為係放題每次上嘅份量都好少，好似腸粉一份都係得一件，令你可以留肚食多幾款唔同嘅點心。 所有點心都幾好食，特別係蝦餃同埋素餃，啲皮又薄又煙韌，蝦都好彈好新鮮。炸物方面，鹹水角最出色，個皮唔太癡牙，入面個餡加咗菜脯，脆脆地好好食😋。有個叫芫荽炸饅頭唔推薦，一啲都唔脆，而且個包好實在好似食緊粗糧麵包咁。總括而言$400兩個人點心放題都幾抵，一共落咗三次order，上菜速度ok，90分鐘都夠，唔會話食得好趕。…Read More