為食肥師奶2.0的个人专页

月頭買了這個Lemon Cheesecake回家試試看，以往在凱施多數是買麵包和蛋撻吃，蛋糕倒是第一次。吸引我去把它買下主要是因為它的賣相比起其他放在雪櫃中的蛋糕特別靚，更是我喜歡的檸檬味道芝士蛋糕！紐約芝士蛋糕是我的favourite，吃過很多間大大小小餅店的紐約芝士蛋糕，最貴~$500一個也買過。以$108這個價格來說，這個芝士蛋糕的性價比算是很高的。它和紐約芝士蛋糕的外表有很大分別，這個蛋糕表面上看是鮮忌廉雜果蛋糕的模樣，整個外層都以純白色的忌廉包著，上面也有些士多啤梨，紅桑子，藍莓和類似提子的生果，但一切開就見到裡面有淡黃色的芝士蛋糕了。而芝士蛋糕和忌廉的中間還夾著一些檸檬味道的jam，所以入口除了有濃郁芝士味外，也充滿檸檬香氣，蛋糕的酸甜度也恰到好處，芝士蛋糕口感也很smooth和creamy但又不會過於黏稠，蛋糕上的生果也新鮮，味道fresh，質素不俗呢！…查看更多

早幾天又來這家小店吃，今次是吃下午茶，點了＂芝士火腿牛角包配奄列＂，雖然牛角包賣相不是太好看，完全不是平常在餅店看到的牛角包模樣，咬落亦不是脆口的，不過吃下發覺味道也不錯，入面夾著烤焗過的芝士火腿，芝士呈少少溶的狀態，整體幾香！而奄列的賣相真的很誘人，形狀是標準奄列模樣，漲漲的很飽滿，內裡有很多火腿絲，蛋的份量也不少，奄列不算非常嫩滑但我就是蠻喜歡這種口感～這種煎蛋的口感是最香蛋味的～而且最好的是他們每樣食物都是即製，夠熱就會特別好味，這一餐$38包熱飲都食得幾滿足！其實這裡的價錢不算便宜，下午茶一碗麵也要三十多四十元，但味道確實比其他茶餐廳好吃，大概就是一分錢一分貨吧。因為味道和賣相所以我還是會再來的。…查看更多

早前有個星期日出旺角行街，準備落天橋時見到這裡有一間叫“食大利“的餐廳，見個名幾得意就上去望下，在門口看見價錢都同其他餐廳差別不大就入去試試看吧。星期日都有set lunch，我揀了“泰式青咖哩豬扒飯“，包餐湯和飲品總共＄52。本來對他們的青咖哩沒有太大期望，因為這裡都不是泰式餐廳，比較像茶餐廳至西餐廳之間的，但泰式青咖哩豬扒飯一上來時我覺得幾有驚喜的。賣相好靚，仲會放兩塊葉在豬扒上面伴碟，可能因為卡位有射燈照住張枱，所以食物賣相顯得份外吸引！豬扒都有好多塊，咬落口一啲都唔韌，肉質鬆軟，而最重要的青咖哩汁都煮得好味，辣度是有層次的，剛放入口時只嘗到淺淺的辣味，慢慢就會覺得有多啲辣味滲出來！而且個汁煮得好香，好惹味，汁的份量又足夠，可以給我撈勻成碟飯吃，飯質亦不錯的。餐湯就正常水準，反而熱奶茶又係有點驚喜，個味道是我杯茶！奶味夠，入口滑。服務質素亦幾好，女侍應有禮貌又主動。…查看更多

經過崇光百貨，發現這家有名氣的芝士撻沒有人龍，就買一個試試看吧。把芝士撻拿上手後才發現芝士撻是完全不熱的，只能說是一點點微暖，漸近是凍的，感覺不太新鮮。撻皮也不是鬆化可口那類，而且很厚，口感頗硬，牛油味也不算明顯。。再吃真一點，芝士內餡也沒有香濃芝士味，芝士味偏淡，只有微微酸味，HKD20只有這麼細小又味道一般的一個撻，感覺不划算。即使不用排隊也不會再來買芝士撻吃了，有點名過其實。…查看更多

今日太早出到尖沙咀，見半熟工房剛剛開門，就想入去睇下有沒有半熟芝士撻賣～但原來未出爐～等緊之際見到有呢樣新出品，叫做“葉子派”。 店員向我介紹這款新產品是日本很出名的常見手信，味道似蝴蝶穌甜甜地的。小女孤陋寡聞都係第一次見呢樣食物，不過見個樣子成塊葉子咁可愛，又話似蝴蝶穌，就貪得意買來試試啦！本來沒有什麼大期待，諗住都係一塊餅乾而已，但一吃覺得有驚喜！咬落口有d似千層穌，入面真係有好多層的～口感好酥脆，烤焗得好香～ 相當唔錯呀！ 連入面既酥片都好香牛油味！葉子的表面仲佈滿一層楓糖，所以食落口帶少少甜～楓糖味亦令成塊派錦上添花！之前亦食過幾款產品（芝士撻，芝士蛋糕，朱古力蛋糕）都覺得正，令我對半熟工房的出品都幾有信心…查看更多

第一次去旺角中心呢間分店食晚飯... 食左生牛肉河, $43, 湯底都還可以, 算正正常常, 唔算太鹹, 但河粉質地就認真麻麻, 完全唔滑...而且太厚身了. 不過這個價錢都不過不失啦. 最失望係個越南春卷小食, 3條 $40, 唔算特別平, 等左好耐 差不多食了半碗粉侍應先拿給我, 一心以為係即炸應該好香脆好好味, 因為睇落賣相都不錯㗎......點知一食落口....原來係淋嘅.. 熱度黎講 佢係夠熱, 但我懷疑佢係用微波爐叮番熱比我食...根本唔係即炸的.. 但最奇怪是..叮又點解要等咁耐呢?!我吃的時段不是太多人的. 失望... 相信短期內都不會再吃這間越南菜了.. 這個價錢的越南菜會有更好的選擇.…查看更多

行過呢邊見開左間芝士撻, $18一件, 見有少少肚餓就即管入去買件試試! 入到店內, 見到有好多芝士撻放喺度, 撻既SIZE都唔細喎, 大過崇光嗰間既芝士撻 而且呢度既芝士撻有好多口味! 第一次吃就當然試試原味先啦! 原味芝士撻賣相唔差, 點知買完拎上手先發覺原來件撻唔熱的, 只是有點暖的..一咬落口第一個感覺係撻皮太硬, 唔鬆化..撻皮都係曲奇皮, 但比較薄身同埋唔太重牛油香味. 對撻皮有點失望, 造得麻麻地.芝士餡方面..質地算幾滑, 但略為太稀 有點水汪汪感覺..唔屬於正宗"半熟"既口感...用既芝士亦都太酸..出黎個效果係芝士味唔夠香濃同埋味道會偏酸. 不過不失. 總括而言..呢一間既芝士撻唔係我杯茶個人黎講都係鍾情半熟工房既版本..下次都係食番佢地既半熟芝士撻穩陣啲..不過我下次有機會都會試下呢一間既主打-奶昔嘅! …查看更多

這裡下午兩點後便有下午茶, 有款炒粉面餐連埋糖水$38. 今次選了黑椒牛柳絲炒烏冬, 感覺似係即炒的, 味道不錯呀, 炒得幾香幾惹味的, 又唔會太油膩, 賣相也不錯的, 加了紅椒青椒一起炒 色彩繽紛, 雖然黑椒落了不少, 但味道不會過辣, 對我黎講剛剛好, 香多過辣.  份量方面, 牛柳絲就真的有頗多, 牛柳絲質地都OK, 唔算韧, 只是有些筋位比較難咬. 因為覺得惹味的關係, 反而烏冬的份量就想多一點, 不過終究這個只是下午茶, 所以其實份量都合適了.糖水今天有紅豆沙, 綠豆沙和喳咋. 我選了紅豆沙~見到碗紅豆沙都知應該落足料煲的, 味道不會太甜, 都算不錯啦. $38有碟炒烏冬再加一碗糖水 其實都算OK了, 出面食一碗紅豆沙都要10蚊啦.最後埋單$40, 過年後原來要每位茶芥$2, 不過都可以接受啦. 下次都會再光顧.…查看更多

今次來食呢間食海南雞飯, 碟飯一上枱, 雞和飯的份量都頗多的, 而且件件雞都是去骨, 可以啖啖肉都不錯!! 但賣相就比較一般, 望落幾件雞都比較乾, 食落口不算是嫩滑既感覺, 雖未至於"鞋"口, 但個人覺得不是海南雞應有的質地, 好像和燒味那種切雞飯比較接近 今次海南雞和油飯是微暖的. 油飯的色水很夠黃色, 但味道卻沒有太濃的油飯香味, 不過油飯的質地還不錯的, 不會太稔身, 又不會太硬. 另外每碟海南雞飯都會配一碟醬料, 他們的醬料味道保持到水準, 我唯有多點醬料來吃 感覺會好吃一點. 醬料酸酸辣辣, 很惹味~  …查看更多

下午經過金魚街有點餓，見到出面的下午茶餐牌價錢都不太貴 約三十幾蚊至四十蚊，就入去試下佢地的下午茶啦～點了冬蔭公湯金邊粉配小食，我揀了炸春卷，再送一罐可樂，價錢大約是＄35～第一樣上枱的是炸春卷，但一吃落口便有點失望了，因為是不熱的，極其量是有點點暖。。。明顯地是午市時炸起留下的。。。而且兩條春卷也很幼。。。味道還可以。。等了一會兒，期待的了冬蔭公湯金邊粉也上枱，幸好見到這碗粉是熱辣辣的，送到面前已經聞到幾香！先飲一口湯，有點驚喜，比想像中好味～冬蔭公的酸味和辣味很平均～惹味之餘又刺激味蕾～冬蔭公湯入面的配料也不少呀，有不少車厘茄和秀珍菇～原來車厘茄配上冬蔭公湯是很好吃的～！而金邊粉份量都ok，一邊吃金邊粉 一邊飲著冬蔭公湯，愈吃愈辣呢～ 幸好這個下午茶餐還跟了一罐可樂～覺得有點辣時飲一口可樂，超爽～！！ 這間店內的位子是十分擠迫的，如果lunch time 或夜晚 每次經過見到都不會入去食，下次都會繼續趁下午茶時間再來吃多一遍冬蔭公湯金邊粉吧～～不過希望他們的春卷可以有單再炸。。。橫掂其實炸一炸都只需幾分鐘吧。。。熱辣辣的春卷會好吃得多！！…查看更多

早排去咗婚展諗住做下資料搜集籌備下結婚既野....逛逛下之際竟然突然見到前面有半熟工房既BOOTH....仲要即場有芝士蛋糕賣....見到有個粉紅盒裝住幾靚既東東~原來係情人節特別版半熟蛋糕嚟...特別在於佢一次過有五款味道, 有原味芝士味, 朱古力味, 抹茶芝士味, 黑糖栗子芝士味 同埋 藍莓芝士味! 我之前已經試過佢既原味芝士味同埋抹茶芝士味, 兩者都係有綿密幼滑既口感... 尤其鍾意原味芝士味...入口陣陣芝士香味實在係一流既享受....最重要係芝士濃之餘但食落又唔會有種膩既感覺... 可能係因為"半熟"口感吧! 今次就特別期待未試過既其餘三種新口味: 首先講黑糖栗子芝士味先,  呢款真係好香黑糖味, 仲真係有成粒栗子喺入面, 口感依舊係超軟滑, 好味! 而藍莓芝士味亦都有驚喜, 好似食緊blueberry cheese cake咁, 但質地再唔係O個D 硬硬的, 而係好creamy 滑滑的質地~~ 味道酸酸甜甜, 成舊食晒一D都唔會覺得漏~ 個人黎講覺得呢款比黑糖栗子芝士味優勝~而我最最最鍾意就係朱古力味!! 一拎起手就聞到超香既朱古力味...質地軟綿幼滑 再加上特濃郁嘅朱古力味 令我食完一件真係會唔夠喉... 我一向鍾意食朱古力的..呢款蛋糕對我嚟講真係冇得輸....因為從來未試過朱古力蛋糕會有呢種半熟口感的! 反而呢款蛋糕就唔太覺得有芝士味~ 我見到佢個名都係叫半熟朱古力蛋糕...冇加"芝士"兩隻字...可能真係冇加芝士都唔定~期待試佢新出的朱古力撻~…查看更多

在附近逛街找東西吃, 行下行下經過這間茶餐廳覺得個店名幾得意, 又好像幾多款式, 就入去試試看了~ 首先一入到去第一感覺就係呢度既地方比一般茶餐廳都乾淨企理, 地面一件垃圾都看不到, 環境感覺都很衛生. 之後發覺他們除了一般的常餐麵餐之外, 還有焗飯焗意粉, 喇沙, 海南雞飯, 小菜套餐, 咖哩!  最後我點了咖哩斑腩飯~ 一杯熱奶茶~! 他們的奶茶不錯的!! 沒有茶的苦澀味, 質地很滑, 奶味很香~!! 我自己喜歡奶味重的奶茶, 這裡的奶茶幾岩我口味~ 等了約十五分鐘左右之後咖哩斑腩飯便來了~ 份量好多呀! 除了斑腩, 亦有不少青椒 薯仔 洋蔥做配料! 非常豐富~ 最好的是他們會把咖哩斑腩另外上, 再給你一碟白飯, 咁我就可以按我喜好撈幾多汁都得. 先試試咖哩汁, 味道很香, 不會太辣, 幾有水準! 完全是意料之外. 我知道咖哩有分好多種, 有日本, 印度, 巴基斯坦, 等等.. 但我也不清楚這是哪一種, 就當是港式咖哩吧.. 個人覺得比連鎖快餐店更好吃, 而且睇得出係即煮的! 所以一定更新鮮. 雖然要等一段小時間, 但都覺得值得!  而斑腩真係有好多件, 食極都仲有... 而且食落去你唔會覺得成舊粉團, 每件的炸皮都不是好厚的, 反而是啖啖魚肉.  而且又出奇地不會食到一大陣雪藏味~ 這點都是頗驚喜的! 咖哩汁的份量也很多, 完全岩晒我呢種鍾意食飯撈好多汁既人~ 最後我差不多整碟飯都食晒....很飽很滿足!除了斑腩, 你還可以選其他配料例如牛腩, 雞扒, 豬扒, 雜菜, 等等. 下次一定會再幫襯~…查看更多

朋友第一次帶我來這裡吃飯, 雖然店名叫餃子館, 但原來它除了餃子之外 有很多其他飯面吃. 看見白飯套餐有款叫泉水雞, 之前未曾見過這個名, 心想會不會賣相似泉水般清徹呢, 想像得很吸引 就立即落單了. 來到見到跟想像中有很大落差, 原來泉水雞是辣的, 不過其實是我疏忽 因為MENU原來根本有隻辣椒顯示在泉水雞名字的旁邊.... 幸好它不算很辣, 我還食得到! 醬汁味道是可以的, 我估計這是麻辣吧, 都幾香, 也不算太油膩. 不過雞的份量就有點少了.... 約只有4,5件左右, 有不少還是背"隻"位置 根本沒有什麼雞肉... 所以食到中段已經差不多是食淨白飯撈汁.... 雞的質地也不太滑, 不知是否熟得太長時間 食落有點鞋.  眼見旁邊食客都在吃餃子 賣相都不錯, 可能這裡吃番餃子會好一點吧!這裡的人流很旺, 位與位之間都幾擠迫的... 地方衛生和服務都是不錯的, 就是坐得不太舒服 常常會被人撞到. …查看更多

剛巧午餐時間來到砵蘭街有野買 就順道看看呢頭有咩好食啦~ 原來呢邊有一間食川菜的餐廳~ 店外的午餐MENU都幾多選擇, 價錢就40至50元左右, 就入去試試是否正宗啦! 入到去發現都幾多人食㗎, 店內位置都算寬敞, 地方整潔, 而且真的有點像大陸餐廳的感覺. 我點了口水雞套餐, 可選配白飯或酸辣粉, 我就當然試埋佢的酸辣粉質素如何啦~ 兩樣都係叫最小辣~ 口水雞先到, 我有點嚇呆了, 因為份量比我想像中多很多! 通常在其他餐廳食 都係比一小碟你 大約5,6件左右, 但這碟目測起碼有8,9件~!! 之後緊接而黎就係酸辣粉了~ 但份量反而就相對有點少了.. 望落好似覺得會食唔飽.. 先試試口水雞既醬汁, 好香, 好濃郁, 帶點麻辣香味, 令人胃口大開! 這個辣度對我黎講剛剛好! 這裡的口水雞醬汁的顏色是偏啡的, 不會像其他餐廳一味得個紅字, 食得出醬汁是有層次 用不少配料製成的. 雞件也蠻嫩滑的, 就算是雞胸位也不太覺得"鞋", 而且都幾入味的! 配料例如花生, 芝麻, 蔥粒也很多, 花生還是脆脆的~!而酸辣粉的湯底也與其他連鎖酸辣粉店有點不同, 味道很香 很有層次感, 不是一種"死辣"的感覺, 少少辣之餘帶點麻帶點酸, 個人很喜歡這裡的酸辣粉湯底! 配料亦非常多, 莞茜, 蔥, 花生, 炸菜 整碗都是, 如果酸辣粉的份量可以多一點 應該會更配合. 而薯粉的質地也不俗, 煙煙韧韧, 不會太淋身.今餐吃得頗滋味, 感覺這間餐廳都幾正宗的 (眼見不少客人都是講不太純正的廣東話或講國語), 下次應該會再來試試這裡的小炒, 因為看見很多人的午餐套餐都是點一碟小炒+一碗白飯, 賣相也好像不錯! …查看更多

今日第一次來這間近大圍火車站的小店吃個早餐, 餐牌有很多早餐款式選擇, 價錢合理, 最後選了這個麵餐, 有煎蛋雙腸仔, 及一碗五香肉丁麵. 原本這裡的麵是提供福麵的, 剛巧他們那天的福麵售完了, 所以可以免費改做出前一丁 (原本要加$1 或 $2 轉一丁的).  碗麵一上枱, 香味撲鼻, 一陣出前一丁麻油味的味粉氣味~ 枱上還有很多包出前一丁的麻油包給你任取任落~ 碗麵煮得剛剛好, 麵質煮得好彈牙~ 最抵讚是五香肉丁的份量十分多~ 食極都仲有!! 老闆真闊綽呢!! 每粒都大大粒, 吃得超滿足~ 五香肉丁味道就跟平常吃開的罐頭沒有什麼分別~ 至於煎蛋雙腸仔賣相亦相當不錯~ 望見都想吃~~尤其是煎蛋 煎得很靚~ 腸仔煎得香脆~ 連份牛油方包都幾軟熟的~ 飲品方面我就叫了熱奶茶, 這裡的茶膽都幾好, 杯奶茶茶味不會澀, 飲落口幾順滑的. 這間小店地方不大, 只有大約6-8張小圓桌, 環境整潔~ 服務都不錯, 落單阿姐都幾有禮貌的.…查看更多