搵食's Profile

今日山長水遠入咗屯門梗係睇食評搵下好野食爬完文，去咗虹橋，因為呢邊多野食又集中食完晚飯，搵咗呢間食飯後甜品～滿心期待～～點知………叫咗個焦糖脆脆花生醬甜奶窩夫一擺低已經有一陣燶味再望一望個窩夫，咁深色嘅？因為佢有好濃嘅花生醬，所以初初咬落唔覺～啲醬好濃所以蓋過咗啲燶味～但一反轉，原來真係燶咗，直情係燶到焦黑咗個隻😳😳我問店員個pancake係咪落咗朱古力粉咁深色嘅？佢無解釋，只係就咁收咗個窩夫話換過另一個比我地～放低，仍然都係咁深色🤔究竟係咪真係有朱古力粉呢？望返menu，應該無咁深色喎🤨佢幅相係正常pancake色，係無解釋之下我會覺得係因為燶咗所以咁深色囉～～不過我唔明，點解可以接受到整燶咗嘅窩夫比客人嘅呢？如果客人太多好忙太多單，忙中有錯我都可以明白，但當時只係得兩三檯客時，都控制唔到出品，真係有啲難講過去～～～當咁多好評時，黎到食嘅係咁嘅出品😤真係好失望應該唔會再黎～～…Read More

今日一早有事到土瓜環一趟，完成準備行去搭巴士時，見到這間店，剛好差不多到lunch time，巴士又未到，就試試地道的小店喇～～午餐有幾款：包括焗飯/意粉，熱狗餐，沙律餐，薄餅餐～裡面環境好有特式，昏暗的吊燈加工業風的裝潢，深綠色皮沙發卡位，好有型格👍🏻👍🏻👍🏻由於剛開店時間尚早，暫時未有午餐之人潮，找到了窗邊卡位，加上背景播住悠閑嘅歌曲，有種在台灣坐cafe的感覺，好chill好悠閑🥰🥰🥰🥰價錢算相宜，有餐湯或熱飲午餐有焗飯/意粉，還有配小食，可以手機點餐，非常方便店名叫薄餅怪獸，相信薄餅才是店家的主菜🥰就決定試一試吧～跟餐叫了素菜湯，由於天氣太熱，另加錢要了青檸梳打辣肉腸薄餅😋😋😋😋好‼️味‼️道‼️這裡的薄餅是心型的‼️‼️‼️😍😍這一個小小的心思就讓你知，餅底並非大量購買入手，而是每天自己新鮮手製的，難怪一入口非常之鬆脆內軟😍😍😍最怕食厚批食到實的的之餅皮，吃到麵包而非薄餅的感覺。這裡的一定不會讓你失望～👍🏻👍🏻👍🏻剛烘好熱熱脆脆又香口，好讚👍🏻‼️😋😋招牌炸雞外皮炸得香脆，內裡雞肉仍然保持鮮嫩，咬落啖啖肉，很不錯‼️👍🏻非常推介這裡的薄餅，以此價錢有每日新鮮手製的餅皮，實在性價比高👍🏻👍🏻‼️‼️‼️有機會要再來試試薄批～😋😋😋😋…Read More

就黎聖誕節，搵個地方食下好野。沙田buffet嘅選擇唔太多，最新應該係呢度alva hotel~地點位置有啲難搵，如果東九龍入黎，直接係大老山轉89C/85X就有站，一落車就到～👍🏻係一樓大堂lobby側入去就係buffet 位置Lunch都多人，今日全部坐滿，雖然多人，但啲野食都有keep住refill～👍🏻所以唔洗心急，可以慢慢食有海鮮，冷盤，長蟹腳，芝士，沙律，壽司，刺身，即燒串燒，炸天婦羅～啲串燒都多人攞，所以攞到嘅都熱辣辣🍢🍢最好味嘅串燒丸唔記得影Tim~似係有雞軟骨係入邊，幾好食😋壽司不過不失刺身蝦最正🦐🦐早知食多幾隻～好新鮮又大隻☺️☺️海鮮拼盤都係平時酒店見到嘅款式無咩特別，淺嚐一小碟算，如果有時間，可以食多幾隻蟹腳～熱盤無特別影，都只係重點攞咗啲咖喱雞，印度薄餅，燒乳豬，燒西冷牛扒，另外仲有燒味乳鴿，意大利粉，粉麵counter等等～甜品都多款式，有曲奇，有中式糕，仲有好多細細件cake推介嘅係opera cake，brownie，培茶味蛋糕同豆腐花～近年戰鬥力弱咗，一round淺嚐都食唔到，已經飽到上咗心口😅😅😅😅haagen dazs雪糕都miss咗～其實仲想encore刺身蝦，同埋仲有甜品想試，不過個胃唔爭氣～食住咁多先～…Read More

中學老死喺英國返咗黎，梗係要搵個地方聚一聚☺️有咩好得過食雞煲打邊爐？😝為免佢舟車勞頓，都係入去佢屋企附近食喇～～😍😍😍😍實在太好喇，原來大埔都有雞煲食～呢間八妹雞煲都算出名㗎👍🏻Book咗位，準時6:30pm入到，以為算早，點知都已經有好幾台打緊邊爐，聞到超香嘅雞煲，即刻流晒口水😋😋😋佢嘅裝修都幾有懷舊氣息，好有地道土炮嘅感覺，好似去咗大排檔咁～而出邊亦有啲卡位幾闊落舒服～另外啲抽風都做得好，樓底又夠高，唔錯👍🏻最怕又迫又焗😌環境好，食都食得開心啲～落單叫咗半隻秘制雞煲先～😍😍😍$168抵食個雞煲醬真係好正好惹味😋😋😋啲紫洋蔥煮淋咗索咗啲汁好刺激，啱晒我😍😍啲雞都煮得入味～半隻其實真係唔夠喉🤣🤣🤣🤣不過朋友仲想打邊爐，都係留個肚再食其他好野先個雞煲食完加咗濃湯，可以轉打邊爐喇～襯個湯未滾，快啲去攞打邊爐醬料先😊辣椒蒜頭蔥係我必備😋準備好，ready打邊爐喇😂A級安格斯肥牛（小）$198打邊爐點少得肥牛呢？☺️☺️☺️呢度除咗安格斯之外仲有本地手切肥牛，不過我地得兩個人，叫住一碟先～下次再試其他頂級桂花蚌$128呢個次次打邊爐都慣咗要叫～好鍾意佢好咬口，爽爽地咁🥰黑豚豬大腸$70豬大腸千祈唔好心急食，放落去辣湯入邊煮耐少少，煮到淋晒入晒味先好食～真係無得輸，啲腸夠肥😍😍食到Lam Lam 脷😋😋即炸響鈴$50 真係同平時食開個啲唔同～仲要有好多件😍😍好邪惡呀～擺落個辣湯度幾秒鐘就夠🫶好正好正好正👍🏻👍🏻朋友話好耐無食得咁盡慶～🥰🥰🥰食下雞煲，淥下肥牛，傾下偈，飲下啤酒～咁又過咗一個愉快晚上～…Read More

暑假期間阿仔好得閒，阿媽成日要唸有咩安排佢做，費時佢咁悶。阿仔每日越黎越遲起身，每晚越黎越遲訓，阿媽無得早訓，個眼圈越黎越黑⋯🐼🐼真‼️係‼️超‼️級‼️攰‼️今日收工又要等佢上完堂湊佢返去，梗係要善用呢啲時間去抖抖食野义電🪫🪫🪫呢間開咗咁耐都未有機會去食，就襯今日去拜會下佢先。六點九左右去到，啲卡位差唔多坐滿晒，我地好彩坐到最後一張😍😍我地食到中途開始越黎越多人，七點開始坐滿晒，然後出邊企咗好多等位嘅人🙈🙈🙈估唔到平日都咁熱鬧。相中咁清靜嘅門口，過咗七點就無見到了🤣🤣坐低研究完個menu，叫咗兩個都係牛嘅排餐😋😋😋好期待😗😗落完單，好快就上咗極度港式風味嘅白湯同紅湯😍😍😍一貫熟悉嘅味道👍🏻勁親切餐包一定要加牛油🧈😌😌😌如果個包可以再熱啲就仲正🥰🥰另外每月都會有精選排餐✨✨今個月係帶子西冷牛排👏🏻👏🏻👏🏻平常嘅餐得三個course，包湯同野飲; 而精選餐呢就會係5個course，多咗雜果沙律同甜品，價錢又只係多$5，真係開心加倍🎉🎉🎉熱辣辣嘅牛排送上😍😍西冷排超級大塊，而牛柳就超厚身仲要有兩大舊，下面一大堆薯條，正👍🏻👍🏻👍🏻鍾意蒜味同刺激嘅我，忍唔住要加$2，加呢一堆蒜返黎過下癮🤩🤩🤩倒醬汁時間完咗，終於可以開餐喇😍😍試晒兩款汁，今次我揀咗蒜蓉汁。唔知係咪隔離飯香，試完大爺個黑椒汁之後，覺得好似同牛排夾啲～下次叫牛，我都係食返黑椒汁先🥲🥲個牛柳叫咗五成熟，超正喎～好厚切，啖啖肉，啱晒食肉獸🤤🤤🤤勁推介‼️‼️西冷排🥩🥩加帶子都好味道👍🏻👍🏻包咗兩杯凍飲😌😌但我又隔離飯香，又覺得凍檸茶正啲🤣🤣🤣同埋食完牛排同薯條好鬼熱氣，檸茶好似會解油膩多啲啲啲啲～🤣🤣🤣最後甜品係雪糕，味道係隨機送上～今日係久違了嘅士多啤梨雪糕～呢個雪糕未必係最滑裝溜，但絕對食完會勾起好多細個回憶嘅味道☺️☺️☺️呢一餐唔錯呀，真係懷舊熟悉嘅味道，配搭咗新式裝修同包裝～食得滿足，又舒服～唔怪之得晚晚都滿座～👍🏻👍🏻我唸過一排心思思我都會想再黎食多次～…Read More

之前一排減肥戒碳水🥒🥦🥗🥩🥩好多時候都係自己煮，忍咗好耐都無咩食過街外野。點知早兩星期阿仔痾完到我痾😢😢腸胃炎咗成個星期😖😖😖病嘅期間食返粥😫😫所以減肥行動又叫停咗🛑✋ 🙈🙈家陣身體好返晒，又係時候準備要開始生酮喇，不過喺重新啟動之前，都比自己放縱吓，食夠先再忍口😝😝😝而on the list，日本拉麵🍜🍜🍜都係其中一樣我勁掛住嘅碳水食物。呢間拉麵店係新都城三期入邊，呢邊人流唔係太多，不過食飯時間都見佢唔少人會黎幫襯，今日就近近地過咗癮先🥰🥰🥰呢度位置都算闊落，唔會迫到要排排坐，方便一家大細黎開餐望吓個menu，五款拉麵都好吸引🥰🥰🥰另外仲有飯同小食👍🏻😋😋😋不過今日主力都係想食拉麵，$128包咗拉麵，小食同飲品，另外仲可以用$18加小食。如果平常我就一定叫餐再加小食，不過呢期未減肥成功都要忍忍口，所以同大爺夾埋叫一個餐加一碗拉麵就算。鳴海老拉麵$88黑鳴虎拉麵set $128一黎先試咗個湯底先，湯好濃郁，黑蒜味道香濃，海老湯底都好鮮味，另外佢仲有勁多蔥，好正👍🏻另外拉麵嘅亮點，一定係佢嘅「味付玉子」，呢個狀態半糖心😋😋一流义燒有輕輕烤過🤩🤩面層微微燒焦，更加香口過癮🥰🥰小食叫咗芝士魚餅，好邪惡，初初唸住忍口，最終都食咗兩件🙈🙈🙈花茶絕對係足料🤩🤩望落啲花都舖滿晒面層仲要咁厚‼️‼️一打開杯蓋，一陣玫瑰花香味撲鼻😌😌😌食完魚餅之後，飲返個花茶，感覺好似健康返啲啲🤣🤣🤣最後一提，呢度拉麵份量好充足，夾極都有，好滿足，超飽肚👍🏻👍🏻👍🏻讚👍🏻👍🏻…Read More

沙田市中心都多唔同嘅食店，今次去開偉華中心，上網搵下有咩好野食先😊😊之前曾經有一期成日夜晚會去炑八食韓燒😋😋😋唸返起啲燒肉就流晒口水。自從將軍澳個間執咗，已經好耐無食過，今日難得經過，去食返個靚lunch 先。lunch menu都多款式又不用加一價錢由5-60蚊抵食之選，到百幾蚊個set都有今日勁想食牛，揀咗個鐵板芝士韓式LA骨飯價值$78另外亦有清湯/煲系列，無咁熱氣油膩如果有時間想韓燒，佢都有一人前燒烤set～🤤入邊座位都闊落舒服，大量卡位，檯與檯間都有足夠空間👍🏻👍🏻👍🏻Set lunch已包一個前菜，可以揀泡菜，薯仔絲，或白蘿蔔。另外仲有個湯，而野飲要加錢，凍奶茶加$8襯住個鐵板熱辣辣，快手整爛咗隻煎蛋，唸住炒個靚飯😋😋心急到唔記得咗影相😂😂唯有補返啲蛋撈埋一齊好好食😋😋😋食物okay，地方舒服，如果有時間下次會想試下lunch黎食韓燒餐先👍🏻…Read More

近排終於的起心肝想減肥💪🏻💪🏻同正視吓健康情況🩺💪🏻見朋友呢兩年清減咗唔少，決定試吓跟朋友減碳，買咗個血糖監測器睇吓自己食嘅野同血糖嘅反應，用黎警惕住自己🚨🚨今日就約咗去食放題，啱晒，就睇下食完放題，究竟血糖會點先～🤣🤣今日去旺角一間叫肉浦團嘅火鍋放題，地點係女人街街尾，入巷仔有一幢全部都係食肆嘅大廈，入𨋢去四樓，算易搵，喺旺角行完街上黎食野都算方便。入邊地方闊落，兩邊有卡位，環境算舒適Let’s meat and eat together👏🏻👏🏻👏🏻👏🏻啱晒肉食獸，有好多唔同嘅牛肉部位揀～我覺得個美國安格斯牛背峰好食，佢肥瘦均勻，正👍🏻另外澳洲M5和牛牛肩胛，美國安格斯牛板腱我都好鍾意，啖啖肉，牛味夠👍🏻👍🏻另外牛頸脊都係必叫，好食到無得頂～👍🏻👍🏻另外有啲未食過可以挑戰吓嘅部位，包括有牛骨髓，牛胸爽～咁大個女我真係未食過，第一次食，非常新奇😂淥完個牛胸爽變咗彎彎地唔同晒，點一點芝麻醬，爽爽地咁，幾特別～另外必叫佢嘅蝦滑同牛滑，彈牙好食👍🏻encore咗兩轉😋另外要忍忍口，所以魚皮，響鈴都只係淺嘗，費時個血糖爆升～仲有石斑片，蝦，魷魚，蠔～不過已經好飽～其實佢外邊仲有好多野食，又菜又丸又菇又粟米咁～仲有公仔麵，烏冬，炸物～😍😍😍不過今晚我啲quota都留晒比牛，已經無咩位再食其他野🤣🤣🤣🤣飲品亦都多款式，連啤酒都有🤩🤩🤩為咗控制血糖，我都只係狂飲佢自家製嘅茶同埋烏龍茶～食到最後仲有雪糕同甜品🤤🤤🤤偷雞忍唔住食咗一啖，少少應該都無影響啩🤣🤣🤣減碳嘅生活真係唔容易🥲🥲🥲🥲幸好呢度嘅牛好好質素，食完都已經好飽好滿足😍😍～我咁為食都可以忍到口，唔食咁多其他立雜野食～其實成餐放題食咗勁多野，但估唔到個血糖都係6-7😍👍🏻🎉🎉🍾🥳🎊呢個「let’s meet let’s meat」真係惦～引用朋友個句，真係減肥至佳良伴👍🏻👍🏻👏🏻👏🏻👏🏻…Read More

今日大爺生日🎉🎉掉低阿仔出去食餐好嘅慶祝吓先。搵咗間近排都幾hit嘅餐廳🔥🔥🔥平日夜晚都座無虛設全full house，所以我一早就book定位🤙🏻🤙🏻我都算唔話得喇卦👏🏻👏🏻😍😍搵咗我地返屋企黎講最方便嘅市區-尖沙咀，佢喺地鐵站A出口過條馬路就到🎯👍🏻地點黎講佢真係無得頂👍🏻一上到去個入口，已經好驚豔，成個mood唔同晒～暗暗黑黑充滿神秘感，令你充滿期待。唔知點解唸起一千零一夜/阿拉丁～😂好似進入咗另一個國度咁～入到去先見到第一個打卡位～📸📸📸再行入少少就係bar area～呢度係間餐廳嘅靈魂地帶～睇返menu，啲cocktail真係好特別好吸引～art of cocktail，自家創作，咁難能可貴，絕對要一試～白蘭樹記😍😍😍😍😍用咗香港第一枝本地gin酒品牌白蘭樹下做嘅cocktail，加入lime，柚子燒酒，所以比較fruity，清新，好易入口～啱晒夏天飲～🍹清爽四大美人😍😍😍😍😍先用白酒做底，加入四大美人喜歡食嘅生果襯托，好有特式👍🏻👍🏻👍🏻本身調好嘅酒比較濃郁，將佢倒入杯入邊，隨住冰慢慢溶化，味道變得更清香，有啲似飲梅酒感覺🍶🍶😍😍😍當飲嘅時候，先會聞到陣陣果香香氣～再加上用咗茶壺茶杯～真係非一般嘅cocktail🤣🤣香酒忌廉煮藍青口😋😋😋😋😋呢個係我嘅至愛黎，見到我通常都會點。今次嘅青口係用咗澳洲藍青口，肉質味道確實唔同，好嫩有咬口👍🏻👍🏻一隻接一隻，好快就清晒，剩低嘅白汁唔好side，立刻叫個薯條，點埋啲汁～確實一流😋😋😋黑松露醬炸薯條😋😋😋😋熱辣辣香脆嘅薯條同忌廉青口真係最佳配搭，一口接一口，又清晒～👏🏻👏🏻👏🏻香烤加拿大豬鞍.香菇忌廉汁😋😋😋😋😋好好食喎😍😍😍肉質嫩滑鬆軟，啖啖肉汁，配埋蘆筍，薯蓉同蘑菇，味道好夾👍🏻會食肥豬肉嘅朋友，佢邊邊位咬落去真係好正，油分適中，味道香濃😋😋😋是日甜品～麵包布丁😋😋😋😋好全面嘅一間餐廳，環境食物服務都好，再加有個少少加分位，有自家研製獨特嘅cocktail，啱晒鍾意有情調又會似飲下野嘅朋友，非常值得推介～👍🏻👍🏻😍…Read More

朋友轉新工喇，梗係搵個地方食好野去慶吓佢先得喇🎉🎉🎊🥳🥳呢間牛摩好似都有幾間分店，平時新都城個間常常見到好多人食🤩呢間喺調景嶺嘅就好似啱啱開咗無耐，橫掂近近地喺佢新工附近，就去任食放題，盡慶勁食一番先。🤩🤩🤩係調景嶺站上邊都會駅商場二樓，都算方便～約咗朋友六點半，早到咗仲可以行一陣商場先😍😆一早上網睇都決定咗揀「極品美國牛小排」，除咗肉類款式較多，海鮮亦多咗廣島蠔，扇貝同翡翠螺～😍🥰遇啱做緊牛摩台灣祭🎉🥳有好多特式野食🤩🤩有甜品有熟食，亦有邊爐配料😍😍😍另外如果平時加$10食麻辣鴨血鍋，而家同樣價錢可以揀台灣麻辣養生湯，用咗15款藥材黎炮製～變相好似升咗級咁～即刻觸動咗我師奶仔嘅神經😝😝😝😝咁抵我就揀呢個期間限定嘅湯底先～😋☺️台灣祭嘅食品分開咗兩part，一部份係喺外邊自助區嘅櫃入邊攞，而另一部分就係叫牛板腱以上級別放題可以用QR code自己點～👍🏻我同朋友都勁鍾意食台灣貢丸，佢有四款丸，我地全部都點晒😆😆皮蛋紅薑同蘑菇芝心堡真係未試過🥰另外台灣小食梗係要叫喇～點完一轉野食，出去自助區睇下有咩食先～有壽司，有日式前菜，有唔同嘅蔬菜什丸，起碼有三/四十樣，真係要精挑細選先得，始終我嘅quota唔多，只能夠淺嘗一下。同埋我要留返啲位比牛小排，和牛，牛舌喇😝😝超正嘅調味料counter，我攞咗一兜蒜辣椒蔥金蒜豉油，另外一兜就係日式豉油加芝麻醬😆可以食兩種唔同風味～‼️‼️牛呀牛呀牛呀‼️‼️～點咗美國極品牛小排，SRF美國和牛，IBP牛板腱，牛舌，美國特選牛肩肉🥰🥰🥰唔同部位真係有分別，有啲比較肉味濃，有啲肥瘦均勻，入口溶化，有啲比較有咬口😋配埋芝麻醬，一流👍🏻👍🏻👍🏻另外，牛舌切得薄身肉質爽口，好味～牛肉配埋呢個養生鍋，麻麻辣辣咁～真係一流，好惹味😋到丸喇📣📣呢個皮蛋紅薑貢丸係我今晚丸入邊嘅No.1，一咬入邊有好多切碎嘅皮蛋😍😍😍呢個配搭真係未試過，好正👍🏻👍🏻一定要食，另外蘑菇芝心堡都要試👍🏻👍🏻👍🏻極推介😋😋朋友勁鍾意食海鮮，佢勁讚個廣島蠔，夠大粒夠滑夠鮮味😋😋😋另外蝦同扇貝都一定要叫，有quota嘅記得要叫多兩round😝😝😝唔好唔記得，仲有三大櫃嘅飲品，慢慢揀～😆又可以沖咖啡，有果汁，另外有脆脆朱古力爆谷，泡芙，蛋捲，啫喱，再加DIY乳酪結尾～同朋友邊傾邊食，環境舒適，野食多羅羅😋😋有我最愛嘅牛肉，朋友又食到佢至like嘅海鮮，仲撞著台灣祭咁多特式野食，啱晒唔同口胃嘅朋友～比錢時同職員講開，佢話好似公司會繼續台灣祭直到5月底～🤩🤩🤩又一個愉快嘅晚上，希望朋友新工作順順利利～祝朋友快啲升職，跟住又黎食餐好嘅～😝…Read More

近期開始有啲燥底🔥🔥阿仔開始樣樣都要自己話事，樣樣都No no no，而我嘅耐性亦開始受到考驗🤯🤯🤯…….「今日要去食餐好」😤😤😤😤係時候要搵返啲me time💆🏼‍♀️💆🏼‍♀️💆🏼‍♀️💆🏼‍♀️抽離一下～搵咗呢間係尖沙咀叫Royal Inn嘅餐廳，食返個靚靚dinner調整一下自己先。離遠一望，餐廳果然同個名非常呼應～Royal👑👸INN~~皇室宮廷～見到啲雕塑marble arch~即刻覺得氣場都唔同晒～呢個門口非常搶Fo，勁適合打卡～📸📸呢個地板好有Rosewood嘅感覺😍😍😍😍😍入邊嘅佈置擺設都好歐洲露天cafe咁，另外仲有個好正好eye catching 嘅bar area~真係好有衝動想試下佢啲cocktail🍹🍸可惜近期身體抱恙，要忍忍口🥲全部粉色嘅佈置擺設，打卡一流～💞💗😍望望餐牌，有我好喜愛嘅蟹餅同青口～😍😍😍呢度牛排好似都唔錯，不過呢排想食清少少，叫咗個帶子意大利飯～香煎蟹餅crab cake $138😋😋😋😋啖啖蟹肉好正呀😋😋😋😋蟹餅面加咗特式嘅醬汁，仲有花瓣做裝飾😍😍賣相巧吸引又好味道👍🏻👍🏻白酒煮鮮法國藍青口$138😋😋😋😋我係超鍾意食白酒煮青口😍😍😍呢度嘅青口size雖然比較細隻，但係真係粒粒都好滑好嫩👍🏻👍🏻👍🏻試過食有啲大青口會煮到”乾爭爭””好鞋”～今日實在太好，無遇到呢個情況😝佢個汁都有啲重酒味，或者佢知我無飲到cocktail，加多些少慰藉下我喇😆😆😆香煎北海道帶子蕃紅花意大利飯scallop risotto $188 😋😋😋😋帶子煎得好靚好好味～擺盤好精緻😍😍😍正呀👍🏻焗蘋果金寶配雲呢拿醬Apple crumble $58 😋😋😋😋😋最尾忍唔住都叫多個甜品先😍😍係我好喜歡嘅Apple crumble🥧🥧🥧😍～濃濃玉桂味嘅蘋果餡料煮到酸酸地甜甜地，加上面嗰層crumble脆脆口感，然後淋上雲呢拿醬，熱辣辣好好食～🥰🥰🥰食完超滿足～夢幻歐洲皇室嘅時間話咁快又過，又係時候要返去惡鬥阿仔😔埋單走人嘅時候，望一望入邊，檯檯都坐滿晒人，原來呢度都係呢期好hit嘅餐廳🤩🤩🤩平日都咁熱鬧，要坐到入邊嘅位相信應該要訂檯喇～等我減肥成功，我會book定入邊啲位，再黎食過再黎影過～等我😝…Read More

今日要去尖沙咀買啲野，順便搵咗個地方打邊爐。朋友介紹呢間打邊爐，4月份而家做緊星期日至四晚正價88折～撞正有折喎😍😍😍啱晒我啲師奶仔～🥰🥰🥰呢間位置都幾方便，係海防道中間去阿士厘道條樓梯，轉入去搭𨋢上2樓就到～～淥烚年代～個名都幾得意，玩食字🤣淥烚60淥烚60，下次約人打邊爐試下打「不如去60」睇下有無人知我講咩先😂😂😂望下餐牌先，原來佢除咗打邊爐之外仲有做私房菜，好多款式選擇😋😋😋另外仲有做午市套餐，有湯有蒸飯。既然佢私房菜主力係海鮮，陣間打邊爐等我都叫啲試試佢～揀好晒野食，就係醬油時刻。每次打邊爐都好鍾意點辣椒豉油，見到呢個調味盤咁多配料就開心，加咗辣椒，蒜頭，脆蒜，芫荽😍😍😍醬油 is ready👍🏻👍🏻👍🏻跟住就送上雙拼鍋-沙嗲拼芫荽皮蛋湯😍😍😍一清一濃，食鮮味可以用清湯底，想食有風味就用沙嗲湯底，呢個經典組合係我嘅favourite，開行個爐滾返熱下佢先～湯底is ready😋😋等緊個鍋滾嘅同時，啲野食亦都送上檯，時間啱啱好👍🏻👍🏻仲要係我嘅至愛安格斯肥牛😋😋😋😋😋跟手，其他野食都一次過送上～😍😍😍新鮮鵝腸$98 蜂巢豆腐$48，牛柏葉$68，活海蝦$128，萵筍片$58，大花甲$118，水魷$68食材is ready😋😋😋呢個裝置非常好😍😍😍好方便，坐係度要攞咩都可以伸手就攞到，攞完擺返上去，非常整齊，超正喎～唔洗檯面周圍一碟碟好迫又唔夠位～👍🏻👍🏻👍🏻👍🏻又唔洗怕漏單，全部一次過到晒～啲蝦好新鮮😋😋😋又大隻好邪惡嘅鵝腸👻👻👻👻啲蝦大大隻🥰🥰咬落彈牙嫩口期待已久淥烚嘅主角👏🏻👏🏻👏🏻～～～肥牛🤤🤤🤤～無得輸，永遠嘅No.1其他食材都新鮮好食😍😍蜂巢豆腐吸晒啲湯汁，超正👍🏻👍🏻另外萵筍片都係必叫，爽口好味～～👍🏻👍🏻仲有水魷，牛柏葉，肥鵝腸，大花甲食到Lam Lam 脷～～呢度好似係無限時，可以一路傾一路慢慢食，唔洗趕頭趕命。襯住呢排有折，下次再搵人黎一齊60一下先😆😆😆…Read More

期待咗好耐好耐，終於都等到今日喇‼️‼️‼️因為今日約咗朋友，一齊去食omakase😍😍😍😍今次去嘅餐廳位置非常方便，位於尖沙咀寶勒巷地舖。經過繁忙嘅街道，一推門進入店裡面，裝修簡潔乾淨，用具擺設精緻幽雅，個份寧靜舒適，好似進入咗另一個空間嘅感覺。🌸「神石」廚師發辦 🌸$1680+10% 包括先附（前菜），薄切刺身，向付刺身三點，冷煮物，揚付物，季節燒物，鮨七貫，止椀，甜品 — 總計一共有十七款食品😋😋🌸先附（前菜）🌸—北海道毛蟹，醬油菠菜，野生饅魚苗忍不住‼️第一時間‼️將毛蟹全部一次過送入口😋😋😋啖啖鮮甜非常滿足🥰🥰之後咬一口白蘆筍🤩🤩🤩爽脆清甜非常驚喜😍😍饅魚食得多，真係未試過食饅魚苗😝😝口感煙煙韌韌😍😍😍😍配埋酸汁豉油非常醒胃，作為前菜係非常合適。提外話，邊食邊可以欣賞師傅認真準備食材，十分讚👍🏻👍🏻👍🏻🌸薄切刺身🌸—紅鯛魚刺身因為熟成四日，所以刺身切得比平常厚身。熟成會增加旨味外，魚肉嘅質感亦會慢慢變得比較軟嫩，此質感非常特別🤩🤩要掌握熟成亦非易事，非常考師傅嘅功力～🙏🏻🙏🏻今日有幸可以嘗試到～☺️🌸向付刺身三點🌸—象拔蚌刺身象拔蚌已預先加上咗檸檬汁，為增添鮮味沾上一點點岩鹽，一口咬落非常之爽口清新😍😍😍師傅刀工一流，花紋𠝹得非常工整👍🏻👍🏻🌸向付刺身三點🌸—鰤魚刺身一直以為鰤魚係油甘魚😝原來係有分別‼️‼️通常養殖嘅都會被稱作為油甘魚，而野生嘅品種先會叫鰤魚。而呢度嘅北海道鰤魚係用「天上鰤」呢個品牌㗎‼️‼️所以品質有保證🤩🤩面層再揉上少許醬油，另外再灑上芝麻，非常濃香~yummy😋😋🌸向付刺身三點🌸—沙甸魚紫菜卷紫菜非常香脆👍🏻👍🏻👍🏻😍😍加上配菜令沙甸魚立時味道提升及口感更豐富，一流🥰🌸冷煮物🌸—清酒煮鮑魚切到恰到好處，剛剛充滿一口嘅份量，煙韌有咬口☺️☺️配合埋上湯之鮮味，好吃👍🏻🌸揚付物🌸—中拖羅三文治I m loving it‼️‼️非常惹味香脆😍😍😋😋啱晒鍾意食香口野食嘅搵食☺️沾上薄薄脆漿的厚身拖羅，炸過後完全沒有油膩感覺，配上香甜醒胃的他他醬，簡直無得頂👍🏻👍🏻👍🏻仲有配上烤得香脆的多士，更是錦上添花‼️‼️‼️巧巧食🙌🏻🙌🏻️‼️‼️🌸季節燒物🌸—澳洲和牛臀肉澳洲牛肉肉味濃郁，除了可配上日式蛋黃漬，wasabi，竹炭鹽外，另外還撒上Parmesan cheese，充滿fusion嘅味道😍上漬物，亦代表壽司即將進場😋😋😋漬物中以白蘿蔔漬物最出色，非常爽脆清甜👍🏻👍🏻👍🏻🌸鮨七貫🌸1）帆立貝 🥢🥢🥢🥢🥢有少許檸檬清香，新鮮美味2）池魚 🥢🥢🥢🥢🥢口感清爽幼細，配上少許蔥蓉，提升魚肉甜味3）魷魚🥢🥢🥢🥢🥢🥢師博刀工好利害，將一整塊魷魚切絲𠝹開👍🏻👍🏻滿口魷魚，口感一流4）金目綢🥢🥢🥢🥢🥢帶有柚子味，鮮甜5) 鯖魚🥢🥢🥢🥢滲出芝麻香味，魚味香濃6）赤鱲🥢🥢🥢🥢🥢炙燒過後香味更加特出，魚皮香脆，十分惹味7）北海道馬糞海膽🥢🥢🥢🥢🥢🥢味道濃厚，口感嫩滑甘甜，留有餘韻8）拖羅卷🥢🥢🥢可以🌸止椀，甜品🌸最後送上麵豉湯及士多啤梨水信玄餅～此一熱一凍嘅配合，為今晚劃上完美句號～…Read More

今日同仔去銅鑼灣試堂玩體操班，由初初唔專心到最尾肯勁主動咁走出去老師度攞野玩🥹🥹🥹阿媽見到咁樣係最安慰～我都好surprise佢肯玩高啲嗰個平衡木，仲跟到坐低舉腳，另外又肯玩翻筋斗喎～🤨😆而佢竟然無走佬🤣🤣最尾向前衝，撞跌張mattress訓落地，大人細路仔們都玩得好高興～👍🏻👍🏻玩完去利園有間cotton on 超多小朋友游水衫買👍🏻真係要book mark咗佢先～跟手去埋中央圖書館借書，對面就有巴士690返屋企。係圖書館旁邊有間細細分店，專賣東南亞南洋野食，行過都有人買吓，又過去八卦下先店面細細，估唔到有咁多野賣，款式多樣化價錢吸引，一百蚊可以有三款餸😍😍呢啲蝦片都勁吸引，成日見我家姐姐放假買返黎食。見到咁抵，每樣幾十幾十蚊咁，見到樣樣都想食，就樣樣都試下喇🤩🤩🤩串燒四枝$50 雞翼，牛肉，雞肉，羊肉👍🏻👍🏻👍🏻👍🏻四款以雞翼最正加埋個地道沙嗲醬，正喎～泰式酸辣魷魚 （100/3)👍🏻👍🏻👍🏻👍🏻👍🏻個泰式酸辣醬酸味夠，辣辣地夠刺激，加埋魷魚煙煙韌韌，食完勁開胃😍炭燒豬頸肉 （100/3）👍🏻👍🏻👍🏻👍🏻味道係唔錯嘅，如果再燒得再乾身啲會更好～巴東牛肉$50👍🏻👍🏻👍🏻👍🏻好多香料，啲牛肉好入味，又夠淋，用黎送白飯一流🥰芒果糯米飯 $38👍🏻👍🏻👍🏻糯米飯比較硬身，但個味道都算可以，加埋椰汁就更加無得頂喇～雜錦千層糕（少甜）$25軟綿綿，煙煙韌韌，喜歡椰汁甜品嘅應該都會喜歡食～仲有咖喱雞，班蘭雞，QQ班蘭糕～～成檯都係野食😍😍😍又色彩繽紛，味道又多元化～真係好似包羅萬有咁，食到好滿足🥰🥰呢啲平民小食店真係要好好支持，外賣平平地樣樣少少過下癮都唔錯，下次經過再試埋佢其他野先～🤩…Read More

有日平日經過呢間店，見到店前排晒隊，幾個女仔👱‍♀️👩🏻👩‍🦰👩‍🦱喺店度行出黎，抽住個袋靚靚地，然後你一句我一句咁，「好開心呀」「終於買到喇」「好靚呀」「好好食㗎」咁～即刻上網望下。原來係麻糬波波麵包，呢間店好似好hit咁喎～上次趕時間又排晒隊咁，今日星期日得閒啲，又去開銅鑼灣，橫掂都順路，又行去望下先。Google search係地鐵站F出口沿渣甸街一路行到街尾就係，照佢嘅指示應該係呢間，但明明記得上次排隊個間好似無咁新㗎🤨再問下話呢度未出爐，叫我地行前多兩間舖～係呢間喇，睇返個名，一間係cafe，一間係bakery。呢間店係有工場即刻新鮮焗製，今日好彩唔太多人，前邊排咗兩三個啫，等一陣就買到喇～因為要四個先有靚靚袋，我就買咗菠蘿皮，伯爵茶，抺茶同朱古力四隻味，承惠$40唔知係咪都出咗爐一陣，啲麻糬包無上次見到個啲咁飽滿同漲卜卜，已經開始塌塌地。🥹🥹隔咗一晚第二朝食，四個包都縮咗水🥲🥲咬落個餡嘅麻糬仲有少少煙韌嘅，啲菠蘿包面層叮完都仲係脆脆地嘅～今次捕捉唔到佢最好嘅狀態，真係唔好擺過夜😅😅下次如果撞正出爐先會買喇，仲要即食先得～～🥲🥲…Read More