pandacoolwee的個人專頁

一入去個女侍應已經西口西面，坐喺吧枱嗌咗兩個餐，跟紅白汽酒，咁其中一位唔想飲就另外嗌杯啤酒，另外跟餐就嗌咗兩杯汽酒，救命佢可以三杯一齊上🫨同佢講上咗一杯先，佢可以個態度勁衰咁話我幫你雪住另外嗰杯先，大佬汽酒嚟㗎，雪住都冇唒汽啦，做餐飲業可唔可以有返少少常識😕咁都算啦，照食啦，但佢成晚就企喺旁邊隔住個吧枱同入面啲廚師勁大聲講嘢談論顧客🫨🫨🫨救命，啲嘢食點都冇下次啦🫠🫠🫠🫠🫠🫠🫠…查看更多

星期六晚食完飯行過呢間酒吧餐廳，聽見Happy Hour買一送一就諗住坐底飲兩杯，雖然當時係星期六既7點零，黃金時段竟然一枱客都冇，心入面都覺得伏伏哋，同埋歌單都唔好聽又放得好大聲，但都係諗住只係坐一陣就算啦。入到去，有個女士，唔知係老闆娘定waitress，就遞咗個drink menu俾我哋，介紹咗幾款酒同講咗happy hour買一送一，其中提過一款highball＄68，咁我就落order啦。中間一切都正正常常，係覺得個老闆娘／waitress對個嚟拎外賣嘅嬸嬸態度好差之外同真係坐到9點都冇人幫襯之外都冇乜特別。點知到埋單嘅時候，冇為意之下俾咗錢，再check返張單，發覺＄68一杯嘅highball佢收我＄98杯，同佢講返，佢就話唔好意思搞錯咗（註：雖然佢好明顯一啲唔好意思嘅意思都冇），咁就cancel返張單再俾過，今次我醒啦望清楚張單先俾，嘩唔望尤自可，一望把幾火，你唔好意思後張單仲貴咗！再同佢講，佢就好似被踢爆咗惱羞成怒咁起哂杠，俾我哋睇返原來menu嘅另一個位有另一種highball要＄108，仲話＄68個種highball冇晒同佢冇提過＄68 highball呢樣嘢，最後不情不願同好似佢蝕咗底咁收返我哋＄98杯，真係多謝晒。跟住上嚟睇返啲comment，原來個老闆娘／waitress係慣犯，成日想搏大霧。其實即使係＄108杯買一送一圍返都係＄54杯，但佢呢種不誠實嘅做生意手法就令人好唔舒服囉，亦都明白晒點解星期六黃金時段都冇人幫襯啦，如果個女士係waitress，希望個老闆正視吓，如果係老闆娘，只可以講，I feel sorry for him:(…查看更多