豬肉榮22's Profile

在尖沙咀食餐晚飯，一般都要二百幾蚊，味道仲要好一般，所以遇到性比價高的，都會品提一吓以越南菜做主打，le viet可算性比價高，，像一份牛油焗大頭蝦，作為主菜，只售130兩人share, 質素亦有咁上下，都給人實際的感覺生牛肉粉水準叫合格，略嫌香葉提供得不夠，不過有濃郁肉味牛油鷄翼唔算好突出，如果多些牛油就更香更好味，其實蝦米紙卷係好味，不過包得唔實，有兩件食到一半就散左最後一提，很喜。歡餐廳播放的音樂，令用餐的氣氛很好…Read More

一個字! "正", 就係用嚟形容呢間自助餐的最佳方法友人曾經話呢度食物水準好高, 食buffet 不妨來eclipse 啦, 於是就同女伴一起來吃, 每位$410 左右, 如果id卡上的名字有佢地個英文名其中一個英文字的話, 仲有discount講番食物, 種類好多, 一入門右手邊已經有個大大個的海鮮凍柜, 入面有龍蝦, 琵琶蝦, 青口, 蟹甘, 係多到你無可能食得哂的... 刺身柜入面則有甜蝦, 吞拿, 三文, 又係多到你唔會驚無得食, 只會驚點食得哂..中湯有標榜米之蓮二星中菜部煲的猴頸菇湯, 高水準! 熱葷多不勝數, 好好食除了自己揀的, 仲每人有兩道main course, 我就揀左燕窩燉旦同花膠翅, 一個感覺就係食得好grand, 一定唔會失望lu…Read More

一個人去到肯德基食家鄉雞, 此分店坐落尖沙咀, 但出奇地少客, 地方又大, 如果在附近行街覺得攰, 不妨上黎坐坐講番食物, 今次我食兩件新出的燒雞, 味道幾好, 有豐富的蜜糖味, 好食另外食兩件普通的葡撻同兩件紫蕃薯楓糖葡撻, 後者聽落個名幾特別, 但味道只係一般, 咬落唔係好夠熱, 唔知係唔係因為這個原因, 入面的"楓糖"有點似粒黐黐的橡皮膠, 感覺怪怪地, 紫蕃薯都不見得香, 只係普通而已反而傳統的葡撻好好食, 新的出品徹底失敗!!…Read More

夜晚十二點想食壽司, 選擇唔會多, 好似廣場入面間金水都收左見呢間仲未收, 於是就兩個人入去食壽司的價錢唔平, 不過見個雪櫃入面的材料舖得好靚, 仲好似好新鮮咁, 有點流口水的感覺原隻赤貝一隻88, 好新鮮, 好食!三文魚刺身都好味, 脂肪同肉的比例好平均, 雖然價錢比出面的貴, 但值得的滿以為好開心同滿意的一餐, 但, 一食到壽司就 --- "do" 一聲, 跟住 o 嘴壽司飯係完全唔酸同無味, 好似白飯咁..壽司師傅個image 好似好pro咁, 但點解功力咁差?..三文魚子壽司軍艦仲大鑊, 一人一件擺口度, 唔知點解係酸的, 想累出嚟, 但都成口都係了, 反正係一件, 吞了, 不過感覺好怪, 好彩沒有肚痀打個突, 賣單走了要強調係, 刺身係幾新鮮的, 但壽司師傅真係要炒…Read More

我有個朋友的名字叫 tony wong, 但他完全唔識整甜品, 上openrice看完資料發覺 tony wong 在九龍城開店, 怎可不試, 在電視台的節目都看過他的作品, 雖未吃過, 但口水直流去到, 人真的很多很多, 買了一件三十五蚊的榛子拿玻崙即場食, 吃了一口已經firm左買半打回家同屋企人分享! 拿玻崙很鬆化, cream很滑, 沒有粗糙的泡泡, 口感好流暢, 味道又香又可口, 用小义逐少切開食, 有點不捨得好快食完的感覺, 一來因為味道, 二來又覺得三十五蚊一啖食哂, 好... 閃... 的感覺出品好認真, 希望唔好開分店, 可以俾我成日食到好的蛋糕…Read More

朋友介紹我去九龍城食心太軟, 便去這間 copacabana 的 "小店"目的只係食甜品, 聽朋友講, 佢地擺碟好俾心機, 每碟甜品都好似畫一幅畫咁, 味道仲好好! 上次於紅蔥頭食到的心太軟已經覺得幾好食, 但這間叫小店的出品, 更勝一籌首先, 印象深刻係佢地用朱古力漿於碟上畫上一棵樹的圖案, 好有美感, 未食已經加了分!用义吉開個心太軟, 流沙般的朱古力牛油味唔算好勁, 但係朱古力的味道好易入口, 因為佢比較甜, 而且熱辣辣, 個餅就同紅蔥頭的差唔多, 無論味道同質地都好相似, 唔知係唔係同一個師公心太軟在餐牌係找不到的, 因為名字叫朱古力布甸, 三十八蚊一碟, 幾值得食…Read More

去食詠藜園, 記住!! 唔好去黃埔食, 要食, 就要去慈雲山呢間食!! 因為好食好多!!我今日又去食, 擔擔麵係每次必叫之選, 味道比黃埔的分店好味何止十倍? 此總店的擔擔麵連湯都好味好多, 麵條又較有彈性, 兩家的水準不知為何會差咁遠?小籠包一籠有八件, 強調佢唔算係上海餐廳之中最好食的, 但味道都比黃埔好, 皮唔夠薄, 但肉汁一樣多, 味道都唔錯上海粗炒的火喉都是有水準的, 每條麵條都係熱辣辣, 仲吸收了醬油, 豬油的美味, 好食; 還有雞絲拉皮, 粉皮夠滑, 個醬味道又好分店的水準不及這店, 要食就去總店!…Read More

我食完呢間紅蔥頭的心太軟, 好想同大家推介, 因為幾好食當下午茶時間去, 有多款下午茶餐供應, 款式係眼花暸亂的, 有湯麵, 小食, 飯都有! 食o左一份咖哩豬扒飯, 加十八蚊, 就可以要多個心太軟食了咖哩豬扒飯的味道都唔錯, 咖哩汁味道合格, 一般的日式咖哩味, 甜甜地, 無什麼好特別的地方去讚, 豬扒的水準都係不過不失, 但作為一份三十幾蚊的下午茶, 都值得去食精彩的, 係個心太軟, 好有水準! 心太軟的朱古力係好似溶岩咁, 一切開個餅就湧出嚟, 流出嚟的朱古力好香, 有好重的牛油味, 其實朱古力好食係要有比較重的牛油味先可以, 有些餐廳的朱古力都做得比較求其, 所以朱古力的味道又唔香又苦, 紅蔥頭就做得好好了伴碟的唔係芒果, 而係桃, 比較失望, 都係芒果好食埋單五十幾, 但係食到好飽, 好滿意了…Read More

呢間地點近住中港城, 港威大夏的 new york fries, 尋日係我第一次去食講真, 如果唔係我朋友同我講話好食, 可能我係唔會去買嚟食, 因為我根本都唔知有間咁既店開喺度去到見到店內的人都幾多, 我先去攞個餐牌睇睇有咩好食, 原來只得三款薯條同熱狗揀, 結果呢, 就買一份veggie works 試食完第一條, 覺得其實都..... 幾難食, 首先薯條係唔脆的, 軟林林咁, 除非係食焗薯, 如果係炸, 唔脆邊好食架?? 而且仲有薯皮連住d薯條, 有點苦的感覺...其次, 係佢落蔥粒同蕃茄粒落薯條度, 仲要係生的, 我個人而言覺得味道唔係咁襯, 蔥有少少臭, 好似食草咁, 不過可能有人喜歡這種食法啦, 包括我的朋友...跟住係個芝士醬, 我覺得唔夠香, 芝士醬奶奶地的味道, 同想像之中的芝士有出入, 仲以為係好似車打芝士的味道, 但完全唔係價錢係接近四十蚊一盒, 感覺係.... 貴要同人搭枱坐出面露天位, 好熱...食過一次就算, 唔會再食了…Read More

這間獅子石道的茶餐廳以前我食過一次, 之後都唔會再幫襯, 因為食物係差到無人有, 不過今次有朋友建議去飲杯o野傾計, 再去一次, 食物的質素原來改善了很多首先係食物的款式多了很多, 而且仲有多款套餐揀, 價錢都好大眾化!我同個朋友叫o左兩個套餐, 一個係三色蒸水蛋, 另一個係薑蔥枝竹班腩煲, 每一個套餐都有一碗白飯同一碗例湯或奶茶or 咖啡跟, 我就加兩蚊要o左杯奶茶飲以前係無呢類中式套餐的, 只有碟頭飯, 仲好難食! 個三色水蛋幾有水準, 蛋蒸得好滑, 豉油的味道唔錯, 薑蔥枝竹斑腩煲的醬油調味好好味, 個煲燒到好熱, 上枱時仲有吱吱聲添, 斑腩肉好爽甜, 茶餐廳嚟講都好認真了食物的質素改善之後, 人客都多了, 間舖熱熱鬧鬧, 只要有心機做, 一定有人支持的, 像我這個食客都想找好食的店去幫襯啦, 加油吧…Read More

今日去觀塘買材料的樣板, 經過beard papa的門口, 有一股好香的麵包味, 原來係賣puff現場即食一個士多啤梨cream puff, 一個賣十五元, 一揸上手發覺原來係凍食嚟, 有少少失望, 仲以為係熱辣辣的 (因為有個大焗爐在後面, 以為會好似蛋撻咁新鮮出爐), 不過完來唔係! puff 的質地係有點脆, 但唔係鬆化的那一種感覺, 只係硬硬地, 奇怪係唔知點解揸上手反而個puff 沒有之前聞到的麵包香味, 而係無味, 咁d味係邊度嚟?士多啤梨的 cream 都幾滑, 只係以cream 計就唔錯, 但係因為唔係熱食, 所以有點失望, 仲打消了買多兩件返去食的念頭了…Read More

這間叫曾記的還是第一次去, 很少到上環一帶覓食, 自己主要在銅鑼灣食野, 如果唔係openrice的話, 根本不會認識此店很多人讚好的潮州粿點, 究竟係咩味道, 我都好想知, 於是買了半打九菜粿跟半打筍粿食! 三個人一人食四隻, 因為其實佢size 唔係好大, 直徑三吋倒, 煎香左先食, 味道真的不差, 九菜粿比筍粿更好味, 因為筍粿d皮厚得多, 就算煎左, 都唔夠脆, 無咁好食!果然無介紹錯, 一隻3.5元, 可以話又平又正!…Read More

今晚食既晚餐係cpk兩個人八點去,等左十分鐘位,似乎已經無之前等得咁誇張...(以前星期日要等四十分鐘><), 隔離板前都唔係太多人等,好似好多人都無出街..我都算係支持市道既其中一人..order既係一個$88既芒果煙雞肉批,一碟芝士磨菇pasta( > $100),一個牛油果egg roll(四條),一杯凍檸檬茶...芒果煙雞肉批芒果比較酸, 雞肉份量唔算好多, 可取之處係叫做幾開胃啦, 一個pie有六件, 飽肚~ 不過味道只係一般...芝士磨菇意粉味道就幾濃, 白汁底既野通常比較漏, 味道算唔錯, 不過份量比較少而價錢就幾貴咁.. 個牛油果roll係炸既,入面有d煙肉碎幾香口,不過個皮唔算好脆,打左個折扣..凍檸檬茶係飲完可以再加,order嗰陣唔知所以以為$28好貴,不過任加就合理d服務唔錯,只係兩個人一餐pizza晚餐要三百一十,有加一,有d肉尺...…Read More

再次光臨金寶小食店,對上一次已經係兩個月前既事了,因為公司調左我去荃灣上班,所以很少落旺角呢..今日唔知聽日事,而家都唔想好豪咁食飯,兩個人食,"畢直"最好一百蚊左右,諗起嚟呢度,因為加埋一餐只係差唔多咁既價錢,仲無加一,餐廳氣氛ok (當然唔係豪裝), 女友唔會詐型~食左一碗生牛肉粉,一客泰式海南雞飯,另外再加一碟春卷(而家賣$12,半價),再加碟生菜(話跟餐$6),一杯三色冰同一杯青檸梳打,埋單$136...生牛肉粉上次印象係唔錯,今次味道更好,因為個湯味道夠濃,加一些金不換同青檸汁落d湯度,感覺更越南feel^^, 不過生牛肉唔算好好食,中等質素咁啦,可能因為熱湯淥過之後牛肉既味都無左..海南雞飯雞比之前有點進步,因為之前食比較鞋口,但係今次就滑番,雞味比較清,係白烚嗰種味道,所以淡d,但係個汁都夠酸夠辣夠開胃,美中不足係雞肉唔係起骨,同之前喺泰國食有d出入,飯就好香口春卷做promo$12五條,價錢好合理,個酸汁做得好好味,不過d餡就少左d,但係作為小食都合格了,何況只係$12~唔就腳吖最衰,要喺荃灣返工,仲成日要ot,如果唔係都成日嚟食,但願黑暗日子快d過去,經濟快d好番啦..…Read More

很想食避風塘炒蟹,見電視成日賣廣告,同朋友仔嚟試一試!門口見一箱箱的蟹放在地上,隻隻都幾生猛,增加了不少信心,入內看過餐牌之後,決定揀個二人套餐,$588蚊,價錢咁高,因為都幾多貴價野食,除左有避風塘炒蟹之外,仲有兩份鮑魚鵝掌,例湯兩盎,甜豆炒蝦球,時菜一碟!鮑魚鵝掌味道ok,個鮑汁就當然無阿一咁好食啦,不過都算唔錯,五百幾蚊套餐仲有鮑魚食,要求都唔會太高!避風塘炒蟹味道都幾好,不過蟹肉唔算多,個蒜椒就炒得幾好味,用嚟送白飯又係一食要食三碗飯嗰隻!例如一般啦,甜豆炒蝦球都係一般,因為蝦本身唔係大隻,而且係雪蝦,不過都可以叫做不過不失!如果喺銅鑼灣食,呢餐飯可能要過千了!…Read More