Momomos28's Profile

琴日比山竹轟完,今日下午有好多行程都改左,所以有個空檔時間同朋友去尖沙咀食野,平時好少食pancake,但朋友講開想食,就諗起好耐無食有蘋果果個pancake😆,去到就叫左我期待已久既apple & tea cream pancake,呢個真係長居我既第一位😋,雖然蘋果咬落半硬半軟,都無蘋果本身既爽口🍎,但呢個熟左既蘋果甜甜地,但又食到本身自然既甜味👍🏻配埋tea cream較番淡少少個味,因為我自己本身唔鍾意食好甜,覺得呢個cream似係雪葩多d,同埋茶本身比人個感覺都係健康既！不過最邪惡既係,仲有一球雪糕🙈雲尼拿味好香,好滑,無論係tea cream定係雪糕,溶左夾埋落pancake到食好正,雖然賣相唔係咁靚,但每次都一定要咁食hahah😆雖然好大份,但食下食下又一啖,唔小心食晒成碟無留比朋友添🙈…Read More

今日要去d家庭聚會,黎到大角咀,去探下姑姐姑丈,同佢地食下飯,我地一行7人,黎到呢間雞煲食野,原來姑姐話佢地成日落黎食飯,已經係熟客仔,老闆一見到我地入面就笑住叫我地坐,好好禮貌,姑丈仲真係當正自己屋企咁哈哈～坐低左,姑丈提議我地食醉雞,話麻辣雞煲我地3個細路成日食,要食番d大人既雞煲！哈哈,咁我地都話好啦,試下無妨,咁就叫左隻醉雞,講真醉雞煲都真係第一次食,雞肉比平時既雞煲鋪多👍🏻湯滾落雞,等一陣,雞食得！隻雞睇落都好嫩滑,好有屋企既味道😁叫左幾個姑丈指定招牌菜：雪花肥牛,冰豆腐,芝士牛丸,桶蠔肥牛睇色水都知正,肥瘦分明,其實我自己本身唔太鍾意食芝士既野食,怕好漏,但呢個芝士牛丸果然無介紹錯！佢既醬爆程度真係不得了,後尾姑姐比左碗湯我,我怕邊爐湯油林林灑手另頭,但佢話呢到個湯底係老闆自己用豬骨同鮮雞煲,無落味精喎,佢平時偷懶唔煲湯就落黎入多2碗,我見佢講到咁搞笑,就試下,打完成個邊爐,d湯都無個油益味,果然真材實料👍🏻估唔到既好食😋…Read More

係尖沙咀做完野,有時太累,就會想食番碗米線,每次行到海防道頭,就會諗起星林居👍🏻星林居係以前窮書生出尖沙咀必食既地方,佢個秘製醬汁真係好正,無咩地方可以比得上,更重要係,呢到可以揀好食既涼拌米線,今日叫左腩肉魚皮餃小辣,呢到既辣真係非同小可,我自己本身都已經算食得辣,但一路以黎挑戰到既只有中小辣🙈辣得好過癮,有時辣得滯,都會叫杯奶茶飲,中和番🙈🙈雖然我成日覺得涼拌係少過小鍋米線既,可能佢唔熱,好快就爬晒,但食完起身果下就好似消化晒咁😂如果份量多少少就好了👍🏻…Read More

今日又同朋友去左荃灣食野,岩岩番到黎香港唔太習慣香港太熱既天氣,咁我提議不如食泰國野開下胃啦,黎到長場都好多人既金坊,可能真係太多客人招呼唔晒,呢到既阿姐都感覺有點大大咧呢,先黎個柚子沙律酸酸甜甜開開胃,再叫,呢個應該係生菜卷吧,肉唔太多,加埋蘿蔔絲,生菜新鮮爽口,好鍾意佢有少少水夾係中間,食落感覺好fresh~點埋泰式酸汁唔錯～最後再黎個黃咖哩炒軟殼蟹,呢碟送一上枱,咖哩既香味就即時忍唔住叫碗白飯😆軟殼蟹不嬲都係my favourite,再加埋咖哩汁撈飯,真係悶熱既天氣都忘記晒了👍🏻👍🏻…Read More

同朋友想食放題,黎到旺角,有質素既放題都會好多人,尤其是我地呢d唔算早收工既,meet up得都已經差不多八點,咁唯有食八點半場喇,同朋友雖然已經book左位,但去到見到等候區咁多人,都知有排等,我地已經預早左去,但無可奈何都要等上一場既人散左,先可以入場,都大概等左半個鐘,我地8:40分入到場,第一輪先叫左刺身先,不嬲都覺得呢到既刺身質素唔差,款式又算多,熱食既話雞翼一定係必點既！野飲款式都算多！就算知佢次次都要等,都唯有等下啦😂😆…Read More

琴晚同朋友聚會去左cafe食飯,佢地話想坐下傾下計喎,但係又唔想搵d好逼人既cafe,咁朋友就提議試下先達既呢間樓上cafe,可能我未上過黎,如果唔係朋友一齊上,農歷七月上到黎自己一個人真係有d驚😅好似拍鬼片咁,cafe門口用鐵閘,要拉閘進出,入到去裝修唔算好靚,同朋友坐左係sofa,點左野食先,我叫左個鰻魚炒飯,等左大概45分鐘,其實有諗住催佢,但可能佢太多人同時落order做唔切,咁唯有再等下,到一上菜果下又比我想像中好既,賣相好吸引,用蛋鋪面,鰻魚汁炒到粒粒飯都上色,鰻魚粒又算多，唔錯😋不過可能樓上cafe都係要叫多幾次先有人應機,同埋做野無咁爽手掛…Read More

今日去左荃灣同朋友食飯,本身諗住去citywalk果邊食既,但係其實都食過好多次,無咩岩心水,所以朋友提議話不如去路德圍附近坐低食野,路德圍去得多,但多數都係掃街同飲珍奶多,平時好少留意路旁既餐廳,今次朋友帶我去左間食漢堡既餐廳,入到去就叫左個signature既安格斯牛堡,配埋芝士醬薯條,一上堂無諗過咁大份🙈首先佢個burger已經好大舊,成坐山咁高,仲要同圖片一樣真係有2層牛肉,omg~~~隔離成桶buket咁多既薯條,真係淨食薯條都飽,好正,成個餐都係80幾咋…Read More

今日好早放break蛇王,同事話佢今朝趕時間無食早餐,叫我陪佢去食野,咁佢就黎左呢間餐廳,叫左個招牌常餐,而我,無理由有得睇,無得食啦,見佢個菠蘿包有火腿又有蛋好似幾正,不如見黎試試喇！就叫左呢個菠蘿包餐！一黎到見到個菠蘿包成座山咁高哈哈,我同同事都哇左一聲,蛋炒得幾嫩,菠蘿包都係脆皮既,食一啖好容易跌晒d菠蘿包碎出黎,個包又要咁大咁高,真係好難顧及儀態呀哈哈,火腿相對上有d凍,同成個包好似有少少違和感,配埋野飲大概$30,這個early lunch還可以…Read More

今日又去左表妹屋企,2條友無無聊聊又唔想煮野食,落雨又唔想出去食飯,諗緊叫咩外賣時諗起,好似好耐無食過pizza la~~咁就即刻搵細個好鍾意食既phd薄餅博士！😋🍕因為我地2個都好鍾意食pizza既關係,一個又點夠喉呢😌2個人,叫左2個pizza喇🙈叫左我最愛既辣肉腸,同埋表妹揀左個墨西哥,外賣大概等左45分鐘,ding dong~熱辣辣pizza送上😋😋鍾意食phd既原因係因為佢送過黎仲會好熱！同埋佢既皮一向都整等好薄！簡直係皮薄餡靚👍🏻👍🏻辣肉腸脆卜卜仲有拉絲,墨西哥就有少少辣幾惹味…Read More

好耐之前黎過一次呢間餐廳,平時好少過海,咁岩今日想食台灣野,就諗住從遊舊地,就地取材喇,朋友去到叫左個魯肉飯,我就叫左個牛肉麵,平時好少係台式餐廳叫珍珠奶茶,因為多數都係得個甜字,記得上次對呢間餐廳個印象都唔太差,所以今次就叫珍奶啦～點知黎到都係麻麻地好飲,可能餐廳既真係同手調飲品鋪既唔同掛～然後,個牛肉面真係有少少失望,一黎牛肉味唔太出,2黎係我落辣椒油同辣椒醬,都覺得唔係好夠味,感覺餐廳既質素有點兒下降了！應該短期內都唔會再去住…Read More

今日又同泡菜國既民女出街,所以都預左要食韓國野喇,今日搞搞新意思,去左食韓燒,縱使我唔係好鍾意食韓燒,但試過咁多間,得呢一間係無燒烤味,喜來稀肉一到晚市就會好多人,見今日早左完成行程,不如早少少食個晚飯,等個腩仔多d時間消化😆有時食得多用會好滯,所以我自己鍾意夾埋生菜一齊食,爽口得黎又健康👍🏻今次叫左一個石鍋飯,鍋飯一般般,叫左肩肉,護心肉,想講,護心肉真係好好食😆加埋無限添既爐邊蛋真係好滿足👏🏻喜來稀肉真係食過最好食既韓燒…Read More

同個大愛泡菜國既朋友出街,當然要食番泡菜野啦,但其實我自己麻麻地食韓國野,尤其是韓燒,好怕個身一陣味,咁岩朋友話今日想幾啃炸雞,大病初癒既我當然過下口癮😋黎到朗豪坊呢間韓星幫手宣傳既炸雞,好似開左好耐無咩留意,所以唔係好洗排隊,入到去睇睇menu,其實圖文並茂係幾吸引,但樣樣都好似好大份咁,2個人唔敢叫咁多,叫左一個芝士薯條炸雞先哇!真係好大份,我見到果下打左個突😂😂都照食啦,食一兩件係幾好食既,但如果2個人要食晒,就難少少,建議如果去呢間餐廳,最好5-6人一齊,咁就可以叫多d喇…Read More

今日同朋友講開,好耐都你食沙嗲王,就過左去會一會佢,記得以前讀書無咩錢,出街食晚飯就會食沙嗲王,一黎易搵位,2黎平,講起沙嗲王,最經典既係佢既白咖哩豬扒飯,萬樂珠,同埋佢既現金卷,咁樣講可能好多人既同憶都會番左黎哈哈,今次黎到,諗住試下唔同既菜,就叫左個蛋包飯,賣相唔錯,一篤落去就見到,蛋太薄,食唔出有蛋味,肉汁太稀,配埋飯食好似好奇怪咁😓仲有我最憎既3色豆救命😣好彩同行既朋友叫左白咖哩汁,可以偷佢d汁黎撈飯,先唔會太難過,食沙嗲王都係食番d大路野好d😂…Read More

今日去左屯門探外婆,就同表妹落去啟豐到食野啦,住碼頭既人都知道,啟豐成個商場都有好多野食,話說我以前都成日黎,食過咁多間,唯一覺得無變既就係呢間李錦基,呢到既豬扒,雞絲凍檬都好出名,而我最鍾意食生牛河,平時我好少食河粉,因為覺得好油膩,但呢到既河粉唔同,可能我加左辣湯,所以覺得特別惹味,食過咁多間越南菜,如果講粉面既,一定係李錦基最好食,每次黎到都會好想食,但有時晏左少少黎,豬扒就可能會賣晒,今次食住生牛河先😆👍🏻…Read More

8點有多,係尖沙咀離開番屋企又好似太晏,但係又唔係好肚餓,行到地鐵站,有d口痕,不如食碗譚仔啦,呢間都唔係第一次黎,貪佢少人又多位,唔會好似旺角區果d咁趕亂衝亂撞,今日如常叫個腩肉小辣,估唔到覆單既係一個小妹妹,譚仔阿姐呢?原來全部都係大堂到吹水,唯獨是譚仔阿妹幫我落單抹枱,應該係暑期工黎既,等左大概10分鐘,米線送上,米線都係一如以往既味道,呢間譚仔既阿姐平日雖然都會講二句,有時都幾好人會比水我飲,但如果趕時間既,就唔好過黎😂佢地做野都幾有性格既,我通常唔會係rush hour過黎囉…Read More