Stella1013's Profile

呢間店係一間充滿驚喜的地方，一直都想食fusion veggie，一入去睇個menu完全唔知係咩嚟，跟住問個店員，佢好有心咁介紹我地食邊個，同埋上菜個時又會教我地點先好食。我地3個女仔一共叫咗4道菜，再要多一個side dish，份量唔大，第一個係炸球咁，食落去有yougurt，個味道好開胃，另一個係好似菜餃咁，我地覺得佢好一般，之後係焗原隻cauliflower，配個汁好好食，我地叫個side dish cheese bread食埋D汁。最後係有一塊硬的餅乾咁，配個醬的味比較似印度邊的herbs，未必個個香港人都鐘意食，我覺得唔錯，但我地其中一個就唔係咁鐘意。 其實4碟菜已經食到好飽，埋單都係每人$250到，我地都覺得係中環食到呢個價算唔錯，雖然地點有D遠，不過service好，環境又舒服，有機會下次都會過嚟食。…Read More

天氣轉涼，最好係一班人一齊打邊爐。今晚約咗一班好朋友一齊去尖沙咀食雞煲 ＋ 打邊爐。2個鐘任食。超抵食。我地叫咗個海鮮package。一見到一大盤海鮮，有蝦，帶子，硯，鮑魚，仲要係食落新鮮，個刻已經覺得抵食。菜，冬菇，響玲大部份基本食物任攞。飲品最好唔係得汽水，仲有其他自家茶，都好好飲。最令我印象深刻係佢地的服務係好好，好多時做任食放題的場的員工都好忙，你問佢擺嘢有排都唔會有。呢個店係佢地快會拎俾你，例如我地想要多2對筷子，轉頭就有。所以我同班朋友食完今次，已經決定下次要再嚟食！佢地段都方便大家過嚟同走。係海防道又近mtr。再加上佢個場唔算大。睇嚟下次想星期五嚟食要早d book位…Read More

呢間餐廳一直都想試，今次終於有機會啦，同朋友過嚟一齊celebrate birthday，我地4個女仔唔大食，叫咗4道菜，個tiger tiger shrimp pizza係必點，一定要食，好好食，塊塊pizza都有蝦，一D都唔乾。如果鐘意wasabi又要有D 辣，咁就點honey mustard chicken wings，不過唔係個個雞翼都有夠sauce，如果係全隻雞翼同埋建議直接上honey mustard sauce，等客自己點就更好! 鰻魚飯都好食呀，塊鰻魚好大塊，個份量都大，抵食! 反而個牛排我覺得就一般，可能其他實在太好食啦!飲品我點咗tofu tofu tofu coffee，本身鐘意豆奶，所以飲呢杯全部豆奶好正。其實其他都想試，下次會試飲其他! Plus, 呢到service都好，見佢地個日都full booking，不過我地要佢換水，餐具，都好快送到，同埋都好有耐性解答我地問題，會繼續支持!…Read More

難得係灣仔食lunch，同事推介食呢間，佢話平時好多人嚟食，要早D去就唔洗排隊好耐，我地去到等咗一陣好快就有得坐，一入去全部都係花的主題，好啱日系女士嚟lunch or high tea，同埋我鐘意佢樓底高，無咁大壓迫感，係到食嘢感覺好舒服。佢menu都有好多combo揀，我最後揀食salmon set lunch，佢個份量唔多，配菜都係偏少，咁就唔會食唔哂變得浪費。佢個魚皮煎得好脆，魚肉又soft，同埋一D都唔腥，比想像更好食。佢仲有其他食物我下次都想過嚟再試，見佢cake or coffee好似唔錯咁，一定要再過嚟食，希望下次嚟都唔洗等好耐啦!…Read More

朋友介紹呢間食澳洲菜，佢又想打卡，於是又揀食呢間， 去到等位都好快，坐位都舒服。我地3個女仔叫咗4道菜，款款都好好食。第一道係牛油果的starter，係澳洲食開牛油果，返嚟香港再食點都食唔到又軟又大的牛油果，呢道菜的牛油果同我以前係澳洲食的口感勁似，又軟又香，呢個下次可以再encore!第二道係慢煮鴨腿，好軟，食落一D都唔chi牙，配佢個汁食有好香鴨油味，隔離salad可以沖淡佢個油膩感。第三道菜係雞，呢個係我咁多道最鐘意食，佢個雞胸好好食，好多汁同一D都唔乾同硬，我2個朋友唔係咁鐘意食雞胸都話好食，不過我覺得佢個sauce個唔係好中和到個雞的咸味。甜品係同之前睇的相一模一樣，好靚，同埋唔甜，好好食，如果有雪糕就正，嚟呢到一定要食呢個甜品!!!…Read More

今日行經K11，諗住等朋友去附近買嘢飲。但又唔想飲bubble tea。見到呢間milkshake 就走去試下。佢menu有唔同味的milkshake，本身想飲chocolate banana milkshake，但係我一見有黑芝麻就叫咗黑芝麻milkshake嚟飲，覺得應該幾好飲個味又夾。個味道真係好好飲，芝麻味又出，好足料，又夠濃，無諗過咁好飲。下次到K11一定會試埋其他味。難得有間咁有心去做milkshake! 一定要支持:)…Read More

之前係屯門食佢的分店，味道唔錯，見葵芳有分店，就過去食lunch，點知。。。一入去服務真係係好一般，有幾個侍應見到我地，都唔理我地，之後有一個行過先幫手點單，明白點解之前食評有人寫個service唔好。叫咗個海南雞飯。。。個雞唔軟。。。過老，唔係平時食開的海南雞，配的湯。。。味精好重，飲完仲口渴過未飲，個飯反而係最ok。我個辣豬抄河，都得好少豬肉。無諗過會咁失望，下次唔會再過嚟食，真係一間失望的泰國餐廳！…Read More

第一次同二個朋友過嚟食呢間Mexican cuisine. 香港唔多地方食Mexican dish, 所以嚟咗叩間食，叫咗幾個菜，份量唔大，個nachos 好好食，個sauce又可以問佢攞多d都得。之後tacos叫咗個combo, chicken, pork 同prawns同好好食。食佢個quesadilla...真係誠意推介，必食！最後個rib eye，好軟，好食呀！同一大班朋友嚟食可以食多d, 下次我會再嚟食！因為太餓，食咗先醒起無影相。…Read More

今晚四個人一齊食呢間餐廳，見平時都多人排隊食，所以就諗住去試，點知食完之後真係超級失望，好多菜都唔係預期的。我地一共叫咗五碟菜，第一個係少爺拼盤，個串繞甜得好難食，沙律仲難食，蝦餅又唔脆，係得炸蝦餅叫做正常。第二道菜係通菜，竟然係咁多道菜最好食嘅，味道惹味。第三係大蝦飯，同 menu 張相差別太大， 首先張相嘅飯係深色啲嘅， 而且佢嘅飯係好似飯碗倒出嚟的型態， 但係實物同相係差好遠，飯淺色好多，同埋係散咗俾我地，覺得好球奇就上菜，味道一般。第四道係新加坡軟殼蟹， 味道一般而且蟹係真係軟，一啲都唔脆，真係好失望。最後係抄貴刁，中規中距。價錢又唔係特別便，都食咗成$800。以呢個食物質素，我覺得真係貴呀! 我唔會推介身邊嘅朋友過嚟食，因為真係好差好失望。 今次打出嚟就係唔想其他人好似我咁樣做咗水魚，食早餐好難食嘅飯!!!…Read More

今日同朋友一齊嚟呢度食咗午餐，之前上嚟食晚餐，不過人太多，最後都係冇食到。最估唔到係佢午餐有得食龍蝦麵，仲做緊特價， 分量仲好大。不過最後我都係揀咗食豬頸肉撈麵，因為怕食唔哂個龍蝦麵。 個撈麵都唔錯，幾好味， 重配咗一大支撈檬汁畀我，可以任何時候都倒落去，唔使再問侍應攞。各午餐就配埋甜品，沙律同埋飲品，都係食咗大概七十幾蚊，以分量同埋款式嚟講，呢個價錢都算抵食，下次有機會我都會再過嚟食佢嘅午餐，會試佢嘅龍蝦麵。…Read More

同朋友二個女仔一齊食午餐，叫咗二個小食同二個main course。 我朋友叫咗杯綠茶紅豆白玉 latte, 要落哂所有糖先唔苦，味道 OK 。鐘意飲綠茶加奶，呢個係唔錯選擇。二個小食係炸雞翼同炸蠔，夠脆同好食。價錢唔貴，main courses 係一碟厚煙肉番茄意粉，夠 creamy 同番茄味出，係我最鐘意食的。炸豬扒蛋包飯味道 ok, 不過豬扒有 d overcooked. 雖然食咗好多嘢，最後叫埋甜品食，係心太軟綠茶雪糕杯，雖然貴，但係真係好好食!!!…Read More

今晚同一班朋友一齊食呢間餐廳，點了龍蝦，魚，牛同羊。 週打湯同蘑菇湯都好好飲，鵝肝沙律都好食。龍蝦味道唔錯，不過旁邊的麵就唔夠熱， 魚係蒸嘅，味道又幾好食又唔會太老， 係咁多度菜最好食嘅。牛同羊都係普通。 甜品選擇都尚算ok嘅，不過就未到麻麻。 食完今次晚餐，覺得價錢就偏貴， 我哋每人都食咗大約350元。…Read More

今次一家人過嚟食自助午餐，見到有六折所以試下，但食物種類一般，唔算多，甜品反而好食，食咗幾轉，侍應service 麻麻，叫咗幾次要熱水壺，佢地個個都點頭話會攞，最後都無拎嚟，令人失望。下次都未必會再嚟食啦!…Read More

星期五晚同朋友二個人去食泰菜，個到有露天坐，感覺都唔錯，但係到 summer 就要入去冷氣地方，姐姐會主動推介呢個時候有咩菜好食，咩魚邊隻煮法啱我地食，我地叫咗三道菜，蝦醬抄飯，個蝦醬味唔係好出，抄菜又香口又好食，係一個 surprise, 個冒魚係 ok, 不過就無乜特別，連埋椰青水，食咗大約$350，唔算貴，想食中價泰菜可以諗呢間。我自己又唔會話下次食泰菜，會想下次再過嚟食，除非住係附近。今次唔記得影相，所以無相分享啦！…Read More

今日同朋友一齊上嚟食呢間素食自助餐，每位都係$88, 限食一個小時十五分鐘，食物種類都多，有沙律，小食，飯，湯同甜品，雖然一定無出面自助餐咁多，但係素食嚟講，唔似中式咁比較偏油，比較少假肉，主要同係食食物的原味。店員都唔錯，service 都好好。不過地方細，坐位唔多，如果假日有機會要等，不過佢限時食，所以通常等一陣都有位，如果嫌等，就可以叫外賣，佢會俾個盒你，隨便 pack 自助餐的食物，仲包你一碗湯。…Read More