robocop's Profile

我在九龍城長大, 看到團購有九龍城的店, 便試下.在 Groupon用$138買下二人套餐，同之前的網友一樣. 有以下5道菜:-面鼓湯 X 2前菜 (以下2選一)辣酒螺/白酒青口6隻生蠔主食 (以下2選一)牛扒/青魚甜品未去前, 看過openrice 的食評. 決定不堂食. 改為外賣. 致電預約都要成個幾月後某日才有餐取.終於到期取餐. 選了辣酒螺及牛扒(五成熟, 回家再焗熱少少就剛剛好)面鼓湯 X 2 : 普通. 辣酒螺 : 辣酒做得幾好, 螺有大隻有細隻. 約有7-8隻.6隻生蠔 : BB 生蠔. 都鮮甜架.牛扒 : 肉質鮮嫩, 是優質牛肉, 有heart 有心對顧客的表現. 厚切後都有四五塊. 甜品 : 擬似豆沙餅.二個人淨食呢個餐就一定唔夠飽, 不過叫下其他野食當為小店打氣, 都值得的.後話: 第一次踏入鋪頭. 感覺良好. 可能老闆係度, 所以侍應服務都幾好. 下次夜少少時, 就試試堂食.…Read More

本來想去高氏home, 經過樓下有人派傳單. 又未上過9/F 樓. 諗住試下...點知出事....8:00pm入到去, 已經無乜客. 得一枱. 我地都照坐低.環境唔講. 一般旺角樓上吧..無裝修...所謂 DINNER 分 幾個級數. 我地叫78的 SPECIAL DINNER, MENU話有頭盤, 有湯, 主菜及餐飲.叫了2 SET, 分別是西冷扒及牛柳.頭盤分別是雞翼及豬手.頭盤真的嚇死你. 一隻室溫李錦記瑞士汁雞翼. 豬手仲精彩...是一片豬手肉.....不知所謂湯是暖, 仲要用盛sauce 的 四方碗仔, 咁大個人都無見過咁serve人....主菜叫六成熟, 結果是一份有燶味, 一份是全熟....主菜跟薯菜. 伴碟是薯蓉+生椰菜....生椰菜似無洗過. 切出來就放在碟上....再加25 轉白酒... 又是惡夢...佢來杯是比人試酒的份量, 話係餐酒....又是嚇死人...衛生又係好差...地下有小強...厠所仲差過茶餐廳厠所...真係永遠唔好再去呢間野!!!!…Read More

今早帶病完成工作後, 便返回學校, 順道在天后找地方醫肚.朋友介紹有間小店的魚湯米線很好味道, 沒有味精, 全靠真材實料. 今午我也來試試到了位於天后銅鑼灣街市側, 水星街的 3-KITCHEN. 旁邊是惠康.雖然因為有病在身, 不能試店員推介的鎮店之寶**吉列芝心豬扒**, 但試試那雪耳魚湯米線也是不錯的選擇.我點了鱈魚豆腐蟹柳雪耳魚湯米線午餐.28元, 包一杯熱飲, 凍飲加2元.米線軟滑, 奶白色魚湯味道一流, 那些雪耳令我很有家的感覺. 鱈魚豆腐很香口, 好味道.食物質素好, 但店鋪位置不起眼, 要靠口裨了.天后區的食肆多, 但可以吃得自在, 吃出溫馨的. 這不起眼的 3-kitchen, 會讓我下次再來光顧.但要注意, 這店專攻早餐, 午餐及下午茶. 還有做派對食物, 但暫不做晚市. 店員提醒我, 如要外賣自取, 可先致電3488 9581, 到達後即取. 會更快捷方便.…Read More

今日到此食肆吃午餐,有6-8款選擇. 又可跟多款飲品及甜. 環境清潔.食物不錯,招呼友善很好,甜品做得很用心. 值得推薦給大家,只是座位得20個.不能坐太久. 同場多附近上班的客人,多斯文客.我叫了一份咖喱吉列豬扒跟螺絲粉跟咖啡及甜品, 咖喱夠味,螺絲粉夠彈,朋友叫了花茶. 朋友都說花茶幾好, 很好的一餐.…Read More

之前已試過一次已覺普通, 今日與朋友到灣仔辦事, 專程帶朋大到來試凍奶茶及雞批, 看到多人便叫外賣, 付款時看到有空位便同門口那位亞嬸說堂食, 誰知她竟大聲夾惡說已取了找贖錢不願比我們堂食,當時她只是數錢中, 我並未接過找贖錢的. 並馬上退回錢不做生意.如此不尊重客人的食肆簡直不知所謂,永遠也不冇下次. 我永遠也不會叫人到此食肆光顧.…Read More

貴唔緊要, 五十幾元仲要加一的一碟菜, 七十幾蚊一碟炒飯, 食物麻麻服務一般但地區所在,貴無亦無辦法, 但埋單成$500元5個人, 埋單簽咭,男侍應看到只比多1元簽賬連多謝也沒有講便比番張咭你.還與其他侍應討論,一點禮貎都冇, 這樣的態度,唔怪得晚飯巿咁多位剩! 樓上,樓下都排哂隊,唯獨呢間大把位剩.唉....我都唔會再去.…Read More

今天是冬至,因前天已與家人做冬,故打算今天與朋友及女友來吃此曾緣慳一面的煲仔飯. 因上星期曾來過但實在太多人了, 唯有去了別店. 今天已預早訂枱但也只輪到8:30的枱. 到達後已全場滿座, 幸好有訂枱, 等了一會便安排了入座. 我們點了枝竹羊腩煲$78.立鴨田雞煲仔飯$38.白鱔加雞加臘腸煲仔飯$42. 首先出場.羊腩煲出場,料不算多預你會再加火鍋料. 接著田雞煲仔飯, 飯味及飯焦一流. 接著叫了蘿白拼甜粟米放哂入羊腩煲. 不一會白鱔雞臘腸也來了, 白鱔很鮮臘腸好味道. 食下食下蘿白甜粟也食得了, 粟米超級好味, 很有粟米味道.正. 快將十時, 員工已拿出一個大大的生日蛋糕及唱起生日歌來祝老闆生日, 此時,全部顧客也一起拍掌及唱起生日歌來.只見老闆面紅紅地從煲仔飯廚房走出來,面帶微笑來切蛋糕. 頓時發覺此店確是溫暖萬分,那怕店外那寒風吹襲呢.…Read More

堅尼地城沒有正宗雲南米粉店，　唯食這家頂住先．呢間羊肉都幾好食.湯底我就覺得石塘咀那間好味d.…Read More