nanchai的個人專頁

唔明，真心唔明，讀得書少少見識。三個人叫一碟炒飯，一個火鍋餐，一個牛扒餐。明明寫住主餐牌加配，三份主餐，四眼哥哥待應唔比加三份。我問點解，佢話火鍋係新餐牌唔算只可以加2份。OK... 算你勉强講得通。咁點解每一張枱只可以加一款加配唔可以重複？呢個又係嘜道理？講返食物，餐牌改咗好多。牛扒餐7成熟到孩烚烚，鰻魚炒飯好鹹，火鍋餐就可接受，整體食物水準下降好多。…查看更多

去完鐵路博物館，個仔話要揾啲特別嘅地方食下午茶，忽然想起最近網上介紹過呢度就即管揾下。原來呢間車仔麵離鐵路博物館大概10分鐘腳程。呢度喺大街好容易揾到。一坐低個仔已經急不及待攞張菜單自己劃，佢第一個反應係揾唔到，原來呢度用彩色設計靚靚嘅紙，同好多度唔同，仲有，呢度係用老師寫白板嘅粗水筆，真係好過隱。食物係少有好味嘅車仔麵，個仔自己一碗，我地兩公婆一碗加小食。兩碗麵有辣有唔辣，仔唔辣果碗係清湯，加上小朋友最愛嘅牛丸蟹柳果啲送，我地想掂都唔比掂，即係應該好好味，下次要試下先。我兩公婆果碗麻辣就好香，食晒都仲好想食。小食嘅口水雞加上枱面嘅金牌辣椒醬勁好味，尖椒夠香夠辣，又另一好味。最後下午茶變晚餐，返到屋企飽到上心口。值得推薦喺枱面嘅金牌麻辣醬，勁香，不過可惜唔夠辣…… …查看更多

尋晚個仔話要去佢最愛飯堂食飯，過年前每星期總去一次。晚餐沙律鴨胸沙律：鴨胸偏咸，明明寫黑酣汁變了胡麻汁。最後待應只比少量黑醋了事。兒童餐：所有食物都炸得好乾，意粉太腍有一 pat 感覺。軟殼蟹蛋包飯：不過不失，保持一貫水準。鰻魚蛋包飯：外賣，無比汁，太乾好難食。兒童餐送到時侍應倒瀉成個餐，整污糟我地一家三口衣服，只講了個粗口就走。埋單時因壞八達通機身上無現金，收銀要我放低身份證抵押，但當時我老婆同仔仲在店內，我拒絕放低身份證抵押，店員話要報警。收錢又亂收，食189蚊有優惠咭9折要收180蚊，我話唔對，收銀就好惡同我講已折佢話幾錢就幾錢。我絕對感覺係好恐怖，以後唔會再幫陳。…查看更多

2016年6月6日結婚紀念日，到Lab66叫6樣嘢食，希望六六無窮啦！我兩星期前已在策劃呢餐飯，上星期更自己踩線睇下地方。工作人員好熱情招待，當知道我訂咗枱結婚週年紀念，已在訂座本簿寫低，很細緻的服務。尋晚去到已經感到家一樣。我地獲安排坐上層，地方很舒服。我地叫咗帶子墨汁意大利粉， 蠔餅，豬不理沙律，墨魚串，鰻魚鍋飯同開心果雪糕，大少爺就要咗杯朱古力特飮。我唔每樣講喇，因為全部都好好食，價錢亦好合理。剛岀門口大少爺已經同我講定要每月嚟一次，返到屋企同我講話掛住Pinky姐姐，我問邊個係Pinky姐姐，原來係照顧我地張枱嘅工作人員。小朋友真係開心好簡單。星期六小一派位後，兩公婆都傍徨，瞓都瞓唔到，老婆連結婚週年都唔記得。呢餐飯終於令老婆崩緊嘅面重現笑容。…查看更多

今日接仔，啱啱架車停正門口，個仔話要入去食芝士條，咁咪食囉。入到去五分鐘都無人招呼，只好硬住頭皮問四眼姐姐攞餐牌。我家大少話仲想食雞翼同薯條，所以想叫個小食拼盤，但水牛城雞翼有啲辣，小朋友食唔到，我問四眼姐姐可唔可以唔辣。佢話係咁就咁，我話小朋友唔食得辣可唔可以以改一改，佢話有得幾辣呀？等等啦，麻煩！其實呢刻我真係好想走但個仔唔肯。最後叫咗個小食拼盤，雞翼走汁。嘢食到，點知仲要乞求比碟我食嘢。跟住我問要把刀，四眼姐姐話枱面有，自己攞。我話枱面無先問姐，佢話有無睇清楚呀？ 其實我真係唔係個仔喺度我一定唔會咁受氣仲忍。講返食物，問心真係幾好食，個葱餅同蕃薯條真係好食，雞翼同芝士條就一般。尤其是葱餅夾住芝士，熱辣辣好好食。呢個小食拼盤138加一收費尚算可接受。或者咁講，服務態度使我唔想再入去食。在我心中的既愛又恨，再去定唔再去……查看更多

今日姐姐放假又適逢同個仔跑完學校，再加上跌斷手，一家大細出街食費事煮。老婆講了很多次試下好彩，就好彩啦！上完條樓梯迎面而來的是一股濃烈的油煙味，應該是通風系統勁差，茶市的煎炸味所致。帶位姐姐很有禮貌的招呼，又撩阿仔玩，感覺幾好。記得以前有個朋友講過一句話：「幫陳好彩，望你好彩！」惡夢開始！我老婆抱住個仔，問有無BB椅，答案係有。一個著灰色西裝帶眼鏡的經理拿過來，就咁"pat"低就走。我老婆問：「你係唔係經理呀？你就咁"pat"低即是點呀？」佢答：「我係經理，點呀？我唔係話"pat"低就走，只不過我等你自己整姐。」跟往擰轉面走了走了。嘩！簡直按上我們的hot button，一個抱住BB，一個斷手傷殘打住石膏吊住隻手，點整呀？最後要傷殘人士擺位再扣埋安全扣。老婆發晒皮氣，是但叫個288羊腩煲餐。羊腩煲：個汁好稀，上菜時已癡底羊肉都農了。琵琶豆腐：好鹹。麗芋油鴨煲：芋頭個心都未熟。例湯：除了白飯夠熱外最值得讚的，但沒其它吃了。值得一提的是沖茶、埋單、拿牙chim、等等的所有服務，千萬不能急，否則有隱性心臟病肯定不知就裡一命嗚呼！…查看更多

冰極天地會員優先場當然捧場啦。參觀完企鵝管，就到新開的冰極餐廳試試。此餐廳跟海龍皇餐廳一樣可以邊食飯邊睇企鵝，當然有不同：1) 座位同個缸有更近距離，中間有條通道，所以唔駛一定缸邊位；2) 海龍皇餐廳主題是持續性食物，但呢間係有機食物；3) 如果你要凍水，侍應會講到明只會提供水喉水。我地一行四大兩細，叫了雞翼、肉醬意粉、三文魚凱撒沙律同招牌企鵝薄餅。食物水準都唔錯，應該會再幫陳。…查看更多

去玩完一日勁，朋友介紹就到呢間從未食過但唔知點解印象麻麻的酒樓食火鍋，可能以前在油麻地的不愉快經歷吧。呢處任飲任食火鍋、小食等假期138蚊一位，食物種類同新鮮程度都不錯。飲料方面就有齊啤酒汽水酸梅湯、五花茶、夏枯草、豆槳等飲。服務就一股。整體上我都幾滿意。可惜埋單時發現張單無端端多30蚊再加一，我問係什麼收費，竟然話係手抱BB入場費。我話入場唔知有此收費，回覆係手抱剛出世都要收，三歲起按小童計，總之個口會動只會食奶都要收，呢個係一路做法。錢事小，被屈事大！經過一番理論先免收。唉…會有幾多人中招了呢？大家幫陳呢間要小心！老實話，我帶住個仔一定唔會再幫陳！…查看更多

外母生日當然要搵好食地方幫陳。想了很久，決定再去銀杏館。剛坐下就點了牛蒡茶，甘甘地少澀，都幾好飲。主菜：三鼓蒸方利—雖然雪藏，但食落好滑，120大元，抵！玫瑰胭脂雞—由於用紅米水浸熟，粉紅身有少少怪，好滑。面醬野菜—好勁纖維，明知有益，不過唔係好慣砵仔鵝—勁咸，只好外賣加工第二晚食過。豆腐煲—好香好滑，正！大蝦伊面—面好食，但蝦就大部份梅…砵仔飯感覺只是gimmick。…查看更多

四點去到餐廳想訂魚缸檯，待應話只做walk-in輪檯，無得訂唯有睇完五點半果場海洋劇場就去食飯。去到餐廳18:20，兩張貼實魚缸的檯都有人，問待應話可唔可以邊食邊等，如果人地走又無人坐可唔可以轉，個待應話唔得，落單後不能轉檯。既然係咁，雖然只有五檯客大把位，都要係門口呆等。（可惡的是我地坐低唔夠十分鐘，旁邊的檯走，竟然有對情侶拿住杯飲了幾啖的啤酒轉檯，老婆問話剛才又話唔比轉檯，個待應話未落單。未落單有啤酒同凍檸水飲？）講返食物，我地點了肉醬意粉同羊扒set dinner。湯：什菜絲清雞湯如其名，比清水有味；龍蝦湯，苦澀難飲；麵包有少少表面乾身了；主菜：肉醬意粉同連鎖快餐出品差不多；羊扒要八成熟就比夠十成，味道一般；甜品：雪糕心太軟竟然意料之外；飲品：熱檸茶無茶味；凍咖啡就不敢恭維，比市面罐裝更差；另一奇怪的是餐廳自己做推擴的代用現金仲平過全年票折扣，心裡總覺唔係好舒服……查看更多

今天是我兒的1歲生日，在網上找了大半天才知在家附近有這家Fine Dining餐廳。老實講，打電話去問覺得好貴，但食完只可講，抵食！環境：只有外國遊客安靜用餐，沒有酒店自助餐的打仗場面。讚！味道：Pizza：不大，但即叫即做，好正！沙律：菜好新鮮，Pama ham好味，扒魷魚勁香！意粉：估佢唔到，軟硬「勁」適中，好味！生日蛋糕：Tiramisu，略嫌唔夠香…鱸魚：好好味，但去骨去唔清服務：家的感覺連支白酒，三人食都係二百幾。一定再去！…查看更多

經多位朋友極力推介，幾經比較，終於選擇了東園金閣作為小兒昨日滿月酒場地。從開始訂房到寫菜單，一路比我感覺好貼身，好耐冇試過咁樣感覺。紅雞蛋：部份上檯時已爆殼。乳豬：全家人都好開心，因不像外面的只有肥肉，只是這樣已大受歡迎。珍寶大蝦：大到一啖食唔晒，好新鮮好彈牙。帶子球：雖然賣相唔靚（有圓有扁，型狀不一），但味道幾好。瑤柱甫：估唔到唔用節瓜用白蘿蔔另一番風味。花膠蟹肉翅：好好味。鮑片鵝掌：鮑片正常大細，但鵝掌出奇好食。蒸海斑：唔似冰鮮貨，好有魚味。炸子雞：好香口，賣相一流，所以個個話飽都食剩雞頭。雲腿海鮮炒飯：上檯時白雪雪一碟，感覺怪怪，但食落…飯炒得乾身，蛋白連少少汁勁好味。蝦子伊面：鑊氣夠，不過鹹左少少。甜品：好味，正！由於大家反應好正面，跟手訂埋團年飯，希望大忙日子都係呢個水準就好喇… 食完再話比大家知。…查看更多

今日見成個幾月冇去呢處食晏，於是同埋同事去食o野。佢地因為裝修改o左係2樓宴會廳，食物同服務差到……唉……蟹腳 -> 又鹹又霉;刺身 -> 有骨有鱗；泰式青咖哩雞 -> "UN"到鞋烚烚;豆角炒煙肉絲 -> 唔熱;沙律 -> refill 好慢;羊膝 -> 一般;菜乾南北杏豬肺湯 -> 冇菜乾味、南北杏味，只有鹽水味;牛肉 -> 冇晒20分鐘三催四請先有得食;意粉 -> 蝦拿到冇晒味;咖啡 -> 煲(火農) o左;其他已冇晒心機食……服務方面，可以超過兩分鐘冇廚師服務，食完果碟侍應就唔收，未食完就收，都唔知做o麥?…查看更多

尋晚同老婆經過，6點幾空冇一人，見新開即管試下。我地共食7樣點心：流沙奶皇包、梅菜肉餅飯、蔥花腸粉、雞扎、鵪春蛋燒賣、菜乾豬骨粥同小籠包。結果是沒什麼驚喜，也不是差，一般料子。咁o既價錢算OK。這裡最好就係開到淩晨1點，又可以叫外賣，有位靚女不停問意見，希望改善。過一排先再幫陳啦，希望到時有驚喜。…查看更多

好垃圾呀!尋晚行過見到有位就即管試下，點了2人B餐+芝士乳酪薯條。湯到，蒜蓉包15分鐘後3催4請先到，沙律OK，焗青口？只有白焯青口加舊芝士同1PAT蒜蓉，焗魚飯？沒有，白飯加舊魚再落白汁。我問待應，同我話焗左喇，我話點解好似冇焗過，佢話冇寫明要焗幾耐。我頂!Kabba係什麼佢地報未知，整件羊肉漢堡就話係kabba薯條完全未炸透同冇味。服務?欠奉!全程茄汁呀、芝士粉呀都係自已拿。真係好垃圾！…查看更多