alexkuma的個人專頁

黑醬油拉麵 信洲蘋果梳打麵(太麵)好食 湯好味配料新鮮 ok叉燒偏瘦但唔韌 ok店比較小座位不多，需要等位店員很有禮貌。因為蝦湯及餃子賣完了，店員細心講解點麵紙。男女店長係靚仔靚女會再嚟幫襯…查看更多

一個人嚟食，叫咗個沙爹牛肉出前一丁餐，跟杯凍奶茶。想叫個菠蘿油試吓，個伙記問我菠蘿油跟咩飲。我問單叫菠蘿油，唔跟餐飲幾錢？個伙記又問佢同事，答覆竟然係「菠蘿油冇得單嗌，一定要跟餐」。算，冇理由哂錢叫兩杯嘢，亦冇咩好討論，咁我唯有唔要菠蘿油啦。沙爹牛肉出前一丁。沙爹牛肉好韌，至於個麵雖然跟包疑似日清麻油，但我好懷疑唔係日清出前一丁。其次，個麵未煮透，似食緊大陸「泡麵」。喂大佬，你sell香港地道茶記，最簡單嘅嘢都做唔好？…查看更多

旺角食開好正嘅越南嘢執咗，行多幾個舖位見到呢間泰國嘢試業，入去試吓啦，點知中哂伏。原先諗住叫碗麵加個菜，但一個飛天菜要價$68，問店員有冇啲細碟啲嘅菜佢話冇，但其他麵食都有跟幾條菜。咁樣我就叫咗一碟泰式豬肉粉河，另外叫咗一杯凍龍眼冰。先上龍眼冰，細杯到......隻杯得三份一支飲管高，目測連冰塊杯嘢份量少過一包250ml飲品......$22 心諗有冇攪錯。飲咗一啖，淡過乜。唉。跟住嚟碟粉河，賣相認真麻麻，一樣係孤寒size，細細碟咁，肉少，近乎冇配料，不過有兩條菜咁囉。埋單$90唔係多，但堅係唔值囉。冇 下 次 。…查看更多

下午茶叫件西多士，切唔開唯有用刀叉撕開佢，都叫咗點都咬啖先啦：發泡膠一樣。唔想食，諗住喫埋杯咖啡就走啦：飲咗一啖飲唔落去。又唔夠熱又苦澀冇咖啡味，唔知咩嘢嚟。隔離位先生仲有驚喜，杯啡送檸檬。我哂咗幾廿蚊，冇 下 次。完。…查看更多

店舖：西環店日期：2016年4月8日時間：大約下午6點柯打：堂食烤雞撈檬、凍檸茶。問題：落單全程黑面，不過呢樣唔係重點。重點：份烤雞撈檬算ok多檬粉,檬粉質地偏硬身，配菜係底，烤雞「鞋口」。一般嚟講，難食嘅嘢我都少寫食評，但氣頂就堅要寫。檬粉跟一包酸汁，份量係少到撈唔到嘅。我都有努力去撈過，但係喺汁少粉多(而且乾身硬身)嘅困境下，我落哂成包汁但係撈極都係dry過SuperDry。咁我惟有禮貌地問廚房要多兩包汁啦，廚房嘅職員小姐己經開咗口，叫我俾碗粉佢，佢幫我落汁。我果一刻堅係開心仔嘅。但係，之但係呢一番美意俾收銀黑面神聽到，阿黑面姐一個箭步動物衝埋嚟，叫住廚房職員美意小姐。當黑面姐知道咗我想攞兩包酸汁之後，佢釋出佢嘅善意：「半包。」吓? 我同美意小姐都打咗個突，我心諗「半包?!」黑面姐見我同美意姐都呆咗，就繼續話:「俾半包佢。要收錢㗎，每三蚊。」我果嘢真係再hold唔住喇，我話「唔使喇唔使喇‼」返埋位食埋碗［烤柴雞極度乾燥冇得撈檬］啦。重點之中嘅重點係，你碗撈檬真係乾到冇得撈(一包汁入力後)。如果你店家堅持話個配方係咁，係得一包汁唧，加多減少會影響風味品質嘅，係我錯。但你俾乞兒咁俾多半包，仲話每包收三蚊？！食咗幾廿年撈檬間間都有一壼酸汁俾客人酙㗎啦。孤_寒‼冇乜嘢嘅，冇下次囉。…查看更多

魚生新鮮度尚可，但D冰好似會環保重用咁。拉面爆咸，攪咩呀！十二個喊！魚生新鮮度尚可，但D冰好似會環保重用咁。拉面爆咸，攪咩呀！十二個喊！魚生新鮮度尚可，但D冰好似會環保重用咁。拉面爆咸，攪咩呀！十二個喊！…查看更多

我7:00PM去到大有商場諗住食小籠包。因為女友未到，我就先行攞位。當時店裡店外都水靜河飛，接待處只係分別有兩位客人等緊位。我同接待處位職員講我要兩個位，諗住坐低睇定餐牌等女友。點知職員話未人齊唔入得！真係ｏ咗咀！店內勁多吉位，因為咩原因要個客企係出面等呢？在我之前有一位女士亦係被拒門外，超慶咁打俾親友訴苦。對於咁無理嘅「服務」，我接受唔到囉！即時轉地點食第啲嘢。…查看更多