shanshan lee's Profile

在open rice 見呢間餐廳好似茶餐廳咁，親身入到黎又別一番風味，成間餐廳燈光同牆身都營造到好光猛好清新的感覺，連啲凳都好有越南特色，幾好坐。唔知係咪平安夜的關係，餐牌全部都換掉，但……新餐牌推出，明明有甜品新推，當天想嗌黎食下，點知老闆講句：「個餐牌新的，甜品新推，以前無甜品的，所以今日無甜品供應」心諗：下，咁你第一日推出新餐牌，咁唔係有先拎出黎架咩，張餐牌只為左應節用新價錢？！所有野都係其次，食物質素先係重點，嗌左四樣野，越南野不外乎炸，不過呢間餐廳的炸食落的口感係好食的，但食完過後的幾個鐘內腸胃都係唔舒服的，油膉味超重，成晚都口乾口渴….. 炒飯就更離譜，每一匙羹飯都有油漬淨落匙羹上，洗唔洗落咁多油炒飯呀？！…Read More

見到openrice book位九折優惠就一於去試一試，以餐廳標價的價錢食私房菜都可以接受嘅。由於中午時段飲茶🫖，就嗌左慢煮鮮鮑魚伴瑤柱蛋香炒飯$132，鮑魚有炆煮過，所以鮮甜的，但個炒飯底就無咩特別，同出面酒樓食無咩差別輪到點心，分別嗌左流沙大蝦撻$38，粟米海鮮餃$38，焗雞粒酥$48，同埋唔可以唔嗌的阿不點心拼盤$78（我估係鎮店之寶）賣相好靚的蝦撻，原來係普通的咸蛋炸蝦球加個撻，但兩者係唔痴埋，兩個獨立的食材擺埋一齊，有點失望，味道係ok的粟米海鮮餃，食落無咩味，亦感覺唔到食到咩餡，皮唔算薄，都係有點失望🙍🏼拼盤唔錯，都係個賣相最靚的鮑魚燒賣，鮑魚係最好食，隔離的係蝦餃，大大粒，再隔離的係黑蒜日本帶子餃，最尾的係金魚餃，賣相亦未至於整得好精緻，好難食，唔知個餡係啲咩，唔知自己食緊咩最尾呢個先係最離譜，我覺得自己根本淨係食緊一舊酥，入面的餡咬開係見到的，一堆醬的物體，食唔到肉，酥皮厚到一個點…食食下見到張枱有蟻的蟲…Read More

今次第二次食呢間以鰻魚做主打的餐廳，因為見到餐廳門口做緊每張戲飛尾減十蚊吸引去食。呢間餐廳絕對滿足鰻魚控。不跟聞名食鰻魚的名古屋來比較，呢間餐廳其實都幾有水準，今次嗌了$68的鰻魚丼，鰻魚蒸蛋同鰻魚柳川鍋。鰻魚丼的鰻魚烤得脆脆的，令我諗起呢種口感可媲美名古屋的風味，蒸蛋有點失望，蛋底雖然有鰻魚但蛋缺鰻魚味，跟普通蒸蛋沒有差別，反而鰻魚柳川鍋好有驚喜，蛋好入味。下一次一定要再點鰻魚柳川鍋，味道非常意外。不過，伴隨的味噌湯味道不太好，有點酸，飯有點似糊仔，呢個係間餐廳的不足之處。…Read More

聽說紅橋有間以新鮮日本刺身而聞名於整個屯門的食店，小妹知道假日一定無可能食到，於是每次平日放假就會趁機睇下有冇機會搏一搏去品嘗下。誰知原來平日都難以拎位，晚市午市都一樣座無虛席，一係過了下午一點已滿座，兩點休場，一係老闆娘話飯已賣哂…..結果，小妹下決心一定要試一次呢間屯門美食之一的小店，於是中午十一點九就到達，應該不會再有試不到的理由吧，原來成間店只係坐到十六人，唔怪之得每次都咁難拎位啦⋯⋯十二點入座了，嗌了一個午市雜錦魚生丼和一個黑丼，另外再嗌一個小食忌廉餅，每個丼都佩送一碗湯同沙律，湯裡面海帶怪怪的，滑嘟嘟，口感怪怪的，丼的份量其實好小，但女仔食的份量偏多，食了一半已經有點濟，由於黑丼的墨魚醬好多好濃，蒜🧄味亦好濃烈，食的時候已經食唔出自己食緊咩餸，忌廉餅唔特別，下次可以唔洗再嗌。原來呢間日本料理聞名的就係幾款顏色丼飯，價錢相宜，但很有特色，如果下次再有機會食，會嗌番嗌溫泉蛋雜錦海鮮丼，比黑丼好食…Read More

因著電視宣傳屯馬綫的落成介紹屯門美食，其中講到有紙火鍋同和牛燒，就一試呢個噱頭Order左店長推介的A2同人氣B4除左紙火鍋同和牛咁的噱頭之外，食物的質素真係沒什麼特別，所謂的和牛無入口即溶，亦沒有牛味 紙火鍋除左有張紙喺度，湯底同其喺配料都是沒特別的喺food court地方沒有餐廳獨有的格調，沒有裝潢，沒有服務，食呢個質素，呢個份量的一餐，價錢確實奢侈昂貴…Read More

大戶屋，連鎖式的日本餐廳，成日經過未食過，今次第一次食，兩個字好普通，普通在於餐廳的環境、菜式種類和味道質素作為連鎖式食店，餐廳裝修大眾化唔出奇的，但菜式種類選擇離不開刺身飯，味噌醬煮，吉列，鍋物和烤肉的款式，味道只是不過不失食物有單點和定食，定食好像比較抵食，因為多少少錢就有日式蒸蛋及湯，湯係足料的，味噌湯但有湯渣，有肉同豆卜，日式蒸蛋有鮮甜味，然而主食就…味噌吉列雞，醬汁係惹味的，雖然炸粉唔厚，但每粒炸雞一係無肉有肥膏，一係就肉係overcooked，肉質是粗糙的，升級的烤五花腩飯反而不錯，豬肉juicy的另一主食牛扒燒烤的手工唔豬，牛扒軟林林的不過成間餐廳最值得讚係上菜熱呼呼的，應該是即order即煮的，有別其他連鎖餐廳…Read More

在the one要搵到d平民價錢野食真係有啲難，但竟然喺openrice俾我search到間親民價又地道的茶餐廳🍴，咁啱又要食早餐，就嗌左個早餐先講環境，餐廳裝修係好唔錯，餐枱餐椅完全唔係茶餐廳，係西餐廳擺設，門口菱形枱就更有特色，有大熊仔陪食，一個人食嘢都唔會悶啦，餐廳仲有bar枱位睇住廚師仔沖野飲，不過整體的外觀係靚的（若唔嫌成個外觀唔襯冰室呢個名字的話）因為莫講話係冰室feel,連真係茶餐廳唔似茶餐廳，員工都係外藉人士，同你講英文落單，毫不見到一個香港人黎招呼你，唯一係冰室feel的就只有餐廳內的廣東懷舊歌曲，真係懷舊到聽都未聽過講番食物，食物的味道黎講唔意外，普通茶餐廳早餐，豬膶厚切係抵食的，不過味道真係好一般，最驚喜的只有杯飲品，classic orange,成杯雜果賓治咁，有橙汁汽水味而又唔係芬達，杯野飲就真係襯番間餐廳的主題「冰室」了…………Read More

九龍城出名泰國菜，但要搵一間泰國甜品很難，天氣熱想食d透心涼的甜品，就誤打誤撞入咗間小方糖呢間甜品店，原來呢間店有幾間分店，加埋望完餐牌，甜品跟出面大路的甜品店一式一樣，對於黎到九龍城的我感到毫無驚喜說實話，呢間甜品店的甜品單睇賣相已知抵食，半隻芒果上碟唔會切粒，紫米佔大半碗，肚餓黎食應該幾飽肚，略嫌糖水太少，紫米吸哂水份，變得似食芒果糯米飯如果店主可以加入泰國原素嘅甜品，咁應該都幾受歡迎，起碼想食甜品的人唔需要食泰國菜先食到甜品…Read More

美心最近推出優惠，食滿二百送二百現金券，如此類推⋯⋯ 在尖沙咀的翠園，賣點當然係海景啦，無論坐邊個位都可以睇到文化中心一帶的海景，而且員工盡量都會安排窗口位的由於疫情期間，美心安排左執枱專員，不過，今篇食評的主題係污糟，在尖沙咀旅遊地區，杯碟茶壺出現食物殘渣，級數等同於屋邨茶樓的質素，確實令人訝異而食物的色香味更可用差來形容，分分鐘其他區的翠園味道都勝一籌，蟹籽蟹肉伊麵淡而無味，所為蟹肉根本就無只見蛋白，香蝦脆鳳翼都只是普通炸雞翼，只有少少南乳味，脆皮五層肉原來係燒腩仔，但味道偏咸.....…Read More

在荃灣search梳夫厘甜品店第一間就見到呢間好有噱頭的平民價梳夫厘，好意外地間店的平日無咩人，可以坐耐d傾下計,更驚喜的係平日星期二同星期五3:00-6:30有下午茶優惠九折呢間小店裝潢都幾有屋企feel,配上暗黃的燈光，好和諧今次叫左朱古力香蕉多士配朱古力雪糕和岩鹽pancake配芝士醬加雲喱嗱雪糕，雖然個名來頭好勁，但係兩者質素不算是太特別，不過不失，首先多士係ok的，外脆內軟，朱古力同蜜糖的甜度適中，梳夫厘就有少少強差人意了，可能食評寫得太好，所以有點落差，在不同幸福pancake呢類店去比，呢間的梳夫厘都係唔夠蛋味同埋內裡做得太實，好似食緊蛋糕咁。…Read More

Lunch搵食都幾傷腦筋 仲要搵間性價比高的餐廳🍴 呢間餐廳唔係連鎖式經營 屬於樓上舖 地理位置唔係好覺眼 有種隱世美食的感覺 內部格局唔錯 全部都係卡位梳化坐 一大班人約食飯傾計係最好的選擇 今次嗌左Lunch set E $48已經有餐湯 蒜蓉包 main course 同甜品啫喱 仲要無加一的 物超所值 雖然餐湯比較淡 但都唔差的 蒜蓉包好香脆 如果一人有兩件就更加滿足 最最最好食的莫過於main course炭燒美國豬排 炭燒得唔錯 肉質鮮嫩夠厚 軟淋淋 仲好juicy 甜品加左十二蚊升級做法式焦糖燉蛋 不過要留意升級左就會無左原先的啫喱 燉蛋比較普通 同埋唔係即焗的 係焗完再雪果種 而心太軟係唔流心的 只係入面溶溶地 都幾好…Read More

做完運動跑完步 成個人都好熱 好想食d冰涼的野 但又要飽肚 朋友靈機一觸 就醒起食水冷麵 食過好多尖沙咀韓國人開的水冷麵都不及大埔首爾cafe好食 外間太多的水冷麵都係淡而無味 只是凍冰冰 麵還麵 水還水 清過白開水 但大埔呢間的水冷麵麵汁酸而甜 麵條滑得黎爽 好好味…Read More

有位距離好遠的朋友好喜歡食香辣肉碎蛋飯 喜歡到每天都要食一次 又不是泰國人🇹🇭 但就不吃不舒服似的 不知道是否受感染 見到品越有香辣肉碎伴太陽蛋飯 決定要試試品越的味道如何 中價集團式經營的品越 食物質素有一定的水準 裝潢頗有心思 加上雲石枱 提升上一層次 感覺舒適優雅 而食物味道不講求風味的話 都不錯的 香辣肉碎飯講求辣道跟香味 由於品越顧及大眾化的口味 故只提供微辣 所以我完全食不到肉碎的辣味 只感受到洋蔥帶出肉碎的甜味和羅勒葉的香味 魚露的香味就感受不到了 不知道是否午市 上菜時食物已經欠缺熱度但又不於冷冰冰的 故聞不到肉碎的香味 整體來說 品越的香辣肉碎蛋飯並不是正宗的那種 但又不失有質素的午餐來的…Read More

尖沙咀分店比銅鑼灣分店較為遜色 雖然尖沙咀的局格和氣氛都不錯 還有茶几梳化位 但食物的味道和質感就較為差一點 魚的質感比較粗糙感 只有海鹽的鹹味 牛扒完全沒有牛的味道 好普通的牛扒 味道最好反而是Ribs 醬汁配搭得不錯 而且肉汁Juicy 份量好多 肋骨砌起上黎如層層疊 賣相非常吸引…Read More

昂貴的小食店以港澳魚蛋和牛雜做噱頭的小店 藉著店舖開立於旅遊景點竟將小食的價錢由街邊十幾蚊提高到一百幾十蚊 沒有地道的風味 還要比一般的味道更一般 魚蛋的size是乒乓球的份量，不夠咖哩味和不夠彈牙，一碗有十粒，一百二十蚊一碗的魚蛋，真的太貴小店門口更沒有標明食物價錢…Read More