香港地而家好少有咁有人情味又超好食嘅串燒店。今個月我已經幫襯咗足足3次！話說我喺附近收工要買燒夜返屋企同honey食，經過望到招牌都已經吸引到我，再索到朕燒烤味就即刻俾佢吸咗埋去買😍 唔覺唔覺買咗超多嘢食🤤🤤燒到咁香真係咩都想試d嘛🙈第二次去買得仲誇張，encore返佢超正的🐷頸肉x2，👅牛舌x1，🍗雞脾x1，煎餃子x8， 韭菜x2 ，雞中翼x1。但可惜標叔叔可能太忙唔記得咗俾串雞中翼，我返到屋企（港島）開餐先發現就打去同佢講。標叔叔即刻講唔好意思叫我第日去攞返。我隔咗幾日再去攞返串串燒，佢話記得我仲問我係咪打過去😂😂今次我又忍唔住買多串🐷頸肉。臨走標叔叔仲勁講唔好意思要我咁遠水路嚟攞返串串燒🤣🤣標哥，我想同你講多謝你俾咗個藉口我再食多次🐷頸肉，真係超好食呀！
…Read More
…Read More
