打比's Profile

今次已是第二次經團購買這間餐廳的優惠劵，因為上比這裡的心太軟給引，所以見到有第二次團購即買。去到餐廳門口見好多人排隊取食物，應該係做緊推廣的半自助餐。由我進入餐廳至走的時候，排隊取食物的人從沒有停止。由於生蠔是即開，因此相信開生蠔的人開到手軟。我要的套餐包括：餐湯忌廉湯 - 味道太咸前菜 鵝肝多士 – 鵝肝是混合其他食材，但入口並不細膩，味道一般。多士太乾，好像隔夜一樣。主菜紐西蘭肉眼扒 –外脆內軟，五成熟煎得很好，肉味很濃，並且份量很大。意大利辣肉腸薄餅 – 餅底很薄很脆，辣肉腸並不會太辣，味道很好。甜品朱古力心太軟加雪糕 – 心太軟雖然較小，但弄開後不斷有朱古力漿流出來，好正。而雲尼拿雪糕不會太甜，唔錯。餐飲要咗凍檸茶，味道一般，沒有特別。…Read More

早前買咗團購卷，終於有機會去試吓。選了北海道拿鐵，已叫了少甜少冰，味道像榛子牛奶咖啡，但係超甜，好似糖水不用錢。飲了半杯就放棄了，甜得真的飲不下。燒餅選了抹茶紅豆及奶油，燒餅外形唔得，中間兩邊流哂出來，並不是一個原整的圓形。抹茶紅豆很甜，奶油並沒有醬爆感覺。原價$10一個真的不值。…Read More

這間餐廳環境不錯，柔和的燈光，加上播放舒情英文歌，很有情調，適合情侶共進晚餐。另牆上掛上一係列黑白照片，增添美意。聽說這些照片是由老闆親手拍攝。由於團購關係，經理很細心介紹如何選擇菜式，並不會因為價錢平宜而影響服務質素。點好菜後先奉上麵包，麵包的質感像方包，很鬆軟。但沾上橄欖油及黑醋後，會覺得很肥，因為感覺吸咗好多油。黑醋味道方面很好，味道不會太強、太酸。頭盤巴馬火煺凱撒沙律 – 巴馬火煺不會很肥，不會只是死實的咸，很鮮味，蔬菜也很新鮮。藍青口 – 藍青口很肥美，size也不細，很淋很滑，配上碎蕃茄汁令人很開胃。兩個頭盤的份量很多、不錯。聽到其他客人也點鵝肝，不知何故我倆也看不到有鵝肝，否則我們也會試一下。餐湯 龍蝦濃湯 – 個人感覺此湯很正，味道濃郁，還有少許龍蝦肉。主菜美國安格斯肉眼扒 – 要咗五成熟，很淋、沒有根，肉味很濃。但略嫌肉眼較薄，如厚點相信口感更佳。羊架 – 份量較少、只有兩條骨，略嫌較多肥膏。味道不錯，很多肉汁及軟滑，不會很羶。兩者的配菜一樣，也很味美。原先想要意大利飯，但另一半不喜歡半生熟的飯，只好放棄。因所有食物我倆會同時分享。甜品Tiramisu – 質感很軟滑，味道不錯。Ginger Cream Brulee – 面層是一層很薄的脆焦糖，並帶有薑味。但個人覺得此甜品熱食較凍食的好，因為凍食不夠滑及香。飲品Coffee – 味道很濃、很香醇。凍咗都不會變酸。經理還時不時過來詢問我們對食物是否滿意，態度很好。還帶趣說見到我們食清了所有食物很開心。下次再去試其他食物。…Read More

由於想去openrice舉辦的得奬熱店食，經一輪篩選後，決定去試吓譚魚頭。因之前聽好多人話蕃茄湯底好食。但最近的食評好像說差了很多 (包括食物及服務態度)，最初都有點猶豫，最後都係決定去試一下。8點去到唔多人，重可以由我地揀枱坐。由於我們選任食，一坐下個經理就問要咩湯底，佢提醒我地話任食只有兩個鍾，最好快d落單，就可以慢慢食。當然必選蕃茄湯底啦，另一邊就要麻辣。湯底很快上枱，每人有碗芫茜花生碎，我地唔知用來做咩，個侍應就好好人幫我地將湯放落隻碗到。點咗以下食物：蕃茄湯底 – 最初都有蕃茄味，但食食吓就冇味了麻辣湯底 – 唔夠麻同辣，花椒唔夠香肥牛 – 好好食，不太肥，又冇咩渣羊肉 – 有D鞋駝鳥肉 – 有D似鮮牛肉鮮牛肉 – 幾新鮮鵝腸 – 幾爽脆粉腸 – 有少少苦雲吞 – 很爽，好味重有枝竹、貢丸、芝士腸、娃娃菜、菠菜 & 墨魚滑等等還有很多食物想試，但只好等下次。總括來說，個人認為食物質素及服務都不錯。…Read More

見到這間食評唔錯，上星期去試吓。去到時只係餘返門口位，老公唔鍾意，因個日風大，出出入入開門時好大風。但我想試吓，就同個仕應如果有位可唔可以轉。佢話得冇問題，咁我地就坐底咗。這裡一個主菜包自助沙律、冷盤、湯、甜品、飲品。如果兩個人去食，其中一位要叫主菜、另一位可以只要外面自助餐個d食物。食緊頭盤個時真係有人埋單，個仕應又真係比我地換位 (有d餐廳因落咗單，會唔比轉枱架)，服務態度唔錯、低讚。凱薩沙律好新鮮，冷盤有蝦、青口、蟹。我最鍾意食青口，咸咸地，幾好味。個雜菜湯就麻麻地，比較稀。我地都食咗好多轉頭盤，因主菜等得比較耐。主菜我地要咗牛排同蝦扁意粉，全名唔記得係咩。牛排冇問幾多成熟，我地又唔記講。買相唔錯，但我覺得比較熟，所以有d嚡。個蝦扁意粉唔錯，好多蝦同埋幾大隻，幾彈牙，不過冇蝦味，當然好過外面自助個d啦。味道都幾好。甜品方面我就覺得麻麻地，幾款芝士餅都帶咸，好怪。佢地不時都同你加水，清碟，服務幾好，只是比較嘈。唔知係咪因為個日比較多小朋友呢？…Read More

昨晚去食飯前，上網睇過話這間的服務差咗好多，因我之前食過都唔係咁。以佢既裝修，價錢平，同唔需要加一，就比多一次機會佢。上到去，真係比以前少咗好多客。阿姐問我地兩個人不如坐卡位，我地當然沒意見因卡位舒服D麻。睇咗餐牌一陣，阿姐推介一個較平套餐，話幾底食，重有幾個前菜同小菜可選擇。最後叫咗︰蝦餅、海南雞、金沙骨、肉躁飯、兩杯飲品。- 海南雞先來，幾滑，但無咩雞味。不過而家想食有雞味d雞都幾難。- 跟住來咗過生菜包，我地同阿姐講話我地要金沙骨喎，佢話誤會咗，以為我地要生菜包，因落單時我們有考慮過，但因上次食過，所以今次想試金沙骨。阿姐話唔緊要，可以叫廚房換，因係佢搞錯。我地見而家經濟咁差，都唔想令到佢地蝕本，加上佢講咗好多句唔好意思，最後都沒叫佢換。今次個味道幾好，冇上次咁嚡，生菜都好新鮮。- 蝦餅，上枱時好熱，好彈牙，要快D食，凍咗冇咁好食。- 肉躁飯，味道唔錯，如果將飯抄底重正，因我鍾意食抄飯。- 飲品，凍咖啡我覺得幾好，同伴要凍檸茶，冇意見。…Read More

昨晚去朋友屋企，附近的食店選擇不多，最後決定這間。進入後發現有幾張吉枱，可能人手唔夠，等了一陣才有人清理。坐下後看餐牌，覺得價錢不貴，叫了以下幾款小菜︰蒜蓉抄莧菜 – 上枱時蒜蓉很香，不油，很大碟。欖角肉碎四季豆 – 從未食過四季豆咁爽，肉碎味道也夠濃，正。琵琶豆腐 – 豆腐外層炸得很乾身，份量也很多。大千雞 – 用韓式石頭飯的器皿裝上，上枱時還發出吱吱聲，香味噗鼻，有少許辣。總括來說，各款食物的質素不錯，價錢不貴，碟頭也很夠份量，服務態度尚可。下次會試其他食物。…Read More

裝修後都係第一次幫襯，環境比以前光猛，但個廁所係外面唔係咁方便。蒜蓉包依舊好味，不過另上牛油比以前少。餐湯叫咗酥皮湯和牛尾湯，同樣保持水準。主菜要了芝士焗千層麵配煙肉碎釀帶子和羊架配焗薯，老公很欣賞個千層麵。羊架點咗薄荷啫喱好好味，焗薯上的忌廉很少，之後要求比多d都冇問題。服務態度唔錯。…Read More

老豆喜歡食懷舊菜，見到這間的食評不錯，專登約埋成家人來試。原本想食鴨掌包同金錢雞，但由於禽流感關係，此兩味餸都沒有供應，很失望。部長話八寶鴨同冬瓜盅只剩一個，問我地要唔要，當然要啦。最後叫咗以下食物︰冬季盅 - 份量很大，足夠每人兩蜿八寶鴨 - 好大隻，不過好”林”，阿媽話似煲完湯d湯渣龍鳳球 - 好好味，每人一粒，不過細咗d咕嚕肉 - 炸得好乾身，好爽，冇咩肥肉焗魚腸 - 一定要趁熱食，很香，面層焗得好脆 魚頭煲 - 味道淡咗少少最後送糖水，蕃薯糖水和綠豆紗。蕃薯糖水很甜，個人比較喜歡綠豆紗。服務好好，唔錯。下次一定要試鴨掌包同金錢雞。…Read More

難得老公星期六放假，我們來這裡食下午茶。見很多人都叫海南雞，而且只是$30包飲品，幾抵。海南雞買相和味道不錯，但略為不夠熱。另外叫了個叻沙($18)，有冬陰公味道很辣，可能我唔食得辣，只食咗一半就放棄。另加了串燒，但覺得太甜。白咖啡幾好飲、不錯。以這個價錢、環境和食物質素，是一個不錯的選擇。下次會試吓其他食物。…Read More

睇到以下食評，到屯門搵朋友後順到一試。門面雖然不太起眼，走進店鋪內，整齊清潔，坐下不久己全埸爆滿，可能是星期日的關係。我們一行五人共點了以下食物︰酸辣鳳爪、雜錦併盤、馬拉盞炒通菜、咖哩炒大頭蝦、面包雞、蒜蓉包、芒果糯米飯。其實想叫咖哩蟹，因見鄰枱的買相不錯，但很快已沽清。以上食物質素真的很不錯，尤其是面包雞及雜錦併盤很美味、必食。面包雞的買相很吸引，已令胃口大增。另外老闆特別推介香茅冰，味道很特別，很清新，不防一試。…Read More

看過openrice好多人讚這間甜品好味，昨日入長州專誠搵這間店試下，甜品的質數不用多說，我想說的是他們的服務態度。可能是假期，人客較多，我們點了食物後不久已有人在外面等位，由於食物需要時間制作，我們唯有看電視等候，但突然間有位女侍應把電視關掉，老公對她的擧動很不滿意，本來想立即走人，但由於已落單有點不好意思，在百無了賴下也唯有繼續等候。當食完甜品後剛放下匙羮，那女侍應立即關掉我們枱頂上的燈，但當時外面並沒有任何客人在等候，真的令我有點一頭霧水，不明白那女侍應為何要這樣做。食物雖好，但還需要有良好的服務態度配合才值得顧客繼續幫襯。…Read More