chloeyuen1122的個人專頁

炎炎夏日，就會諗起泰國🇹🇭，同朋友揀咗K11阿閒泰食泰菜😋。餐廳環境一流，好有泰國風情，中間有個水吧好有feel添。香芒紅菜頭米紙卷$78 食材很新鮮，有青木瓜絲、芒果肉、紅菜頭。媽媽都愛紅菜頭，貪佢夠健康，米紙卷煙煙韌韌配上旁邊圍著的芒果肉汁很滋味。泰式生蝦刺身$98 ⭐️推介⭐️擺盤好精緻，生蝦放入玻璃杯裏，好靚好吸引😍。生蝦很鮮甜，配上泰式醬和蒜頭，辣得來很刺激很正！泰式鹹蛋黃金單骨雞翼$88 ⭐️推介⭐️我又鍾意食鹹蛋，又鍾意食雞翼，一見到呢個菜式就想點。鹹蛋好入味，單骨雞翼容易食，yummy！泰式海蝦卜卜蜆炒金邊粉$128兩隻大蝦新鮮好味，但唔知點解卜卜蜆變左青口😅。花生碎、辣椒碎另上自由配搭，撈埋金邊粉一齊食幾香口。椰子雪糕芒果凍$58食泰菜點可以唔食甜品，雪糕好香椰子味道，杯底原來有糯米，配上芒果凍好似食緊芒果糯米飯咁😆，好有泰國的味道。…查看更多

好耐冇出街食餐好，今日同幾個朋友去咗觀塘極尚大喜屋食放題😊店舖環境好大，自助區有冷盤、熟食、沙律🥗、甜品同飲品等。特別在飲品種類很多，連啤酒、清酒🍶都有。我就喜歡自家冷泡玫瑰花茶，濃郁茶味又帶點玫瑰清香，解膩又清爽。除咗自助拎嘢食，仲可以手機點餐，有刺身、壽司🍣、炸物同燒物等等。刺身我喜歡大大隻嘅赤蝦🦐，鮮甜彈牙，同北海道帶子夠鮮味。燒汁鮑魚仔軍艦，大大隻又入味👍🏻熟食方面風味淋燒魚乾燒得香口，蒜蓉粉絲蒸扇貝啖啖肉，配上炸香蒜很惹味。另外羊架、壽喜燒、天婦羅，都係必食。仲有極上花膠盛宴，有大大塊養顏花膠，食落軟淋入味都唔錯。最後甜品有北歐拉脫維亞雪糕🍦、咖啡雪糕棒，食落較甜但有濃郁咖啡味。真係超多款甜品選擇，食到超飽，超滿足😌！…查看更多

Put my friend to walk to Tung Chung, check out a restaurant called "The Upper Deck".The environment is good, looking at the panoramic sea view for lunch, it's really comfortableIt happens to be weekend brunch on Saturday/Sunday, the brunch is very attractive, only takes $248, included the front dish, the main course and the dessert, I decided to pick a meal for each of us.Unexpectedly large portion of appetizers , and it is above standard!Chef Salad (Daily Chef Selection Mix)The salad vegetables are fresh and sweet, with a little bit tart make me appetizing, the corn grain is cut down from the original branch of corn, super Fresh!Egg Benedicts (Poached Eggs Served with MuffinsAnd bacon) Must eat⭐️It's super good, the egg yolk is just right, it will not be too flow, nor too cooked, eat with Bacon and bread, it is super great!Fish and chips (Classic deep fried fish served with French Fries)Fish & chips, perfect match!I usually eat less fried, but this fish fillet is freshly frying out of the golden yellow Crispy, it makes me mouthwatering. There are also a lot of french fries, which are very satisfying.Strip loin(US Striploin 5oz with Eggs serve with French Fries)+HKD88We mostly eat well-done , so we chose Medium Rare. The beef is soft, and having a heavy taste of beef, it's awesome! The size is not so much, so it is just right for us.Dessert (Daily Chef selection)It's a chocolate lava cake with ice cream ball! The center of cake is slightly undercooked, resulting in a gooey, melty, and decadent treat that oozes out when i cut into it. It is also finger-licking good with a free-ball frozen ice cream, it's amazing! What a good day!…查看更多

芝士雞煲一定諗起「米走雞」 招牌芝士雞煲，食過返尋味，今次去銅鑼灣分店再次品嘗💕。黃金芝士雞煲（小）$208原來細size都好大份，我地兩個女人仔夠食有凸，芝士碎份量可自由選擇：我地選了普通份量，另外自由選配洋蔥、中芹、芫荽等配料，令雞煲更加惹味！ 真係每一件雞件都被香濃芝士包圍着，好juicy，雞肉亦很嫩滑，滲透着滿滿芝士香味，芝士控必食✌🏻。食完雞煲之後，就可以加湯再食打邊爐啦。 湯底有芝士湯和清雞湯選擇，我今次試下清湯，也不錯。小霜降PRIME牛板腱 $198🥩薄切牛板腱，脂肪分佈平均，肉味濃厚，肉身亦夠淋，正呀👍🏻手打五寶拼盤（半份）$63自家手打鮮制五寶丸有鮮蝦丸、先墨丸、鯪魚丸、豬肉丸、鮮牛丸，都十分新鮮，彈牙爽口。鵝腸 $53好大碟呀，顏色白雪雪的，洗得好乾淨，滾一陣好快就上碟食得。翡翠苗 (半份）$28估唔到半份翡翠苗都幾大份，青綠色清甜美味，好新鮮！…查看更多

晚市和playroom終於開番，Happy Friday一於帶孖寶食好D，去咗「炑八韓烤親子餐廳」玩餐飽。呢度除咗有我最鍾意食嘅燒肉，孖寶又可以喪玩playroom，好耐未試過咁爽YY😌。呢度仲有得著韓服打卡添，我貪得意都玩埋一份，青春下，似唔似韓仔韓女先🤭。加埋韓式佈景，打卡超正呀❤️!小童入場費$158 包咗兒童餐🥢和韓服體驗企鵝泡泡浴 🐧🍙企鵝造型的飯團好cute cute，加上雞肉粟米蕃茄汁，酸酸地甜甜地好開胃，細佬佬大讚好味😋。蝸牛紫菜包飯 🐌🍘造型已經夠吸引，似韓式壽司，材料有火腿、蛋、芝士和沙律菜，味道不會太濃，啱小朋友食👦🏻。無骨炸雞6件+薯條🍗🍟呢度連炸雞都有，而且質素仲要唔差，皮脆肉嫩、啖啖肉，哥哥不用數分鐘已清晒D炸雞😛。另外大人最低消費$150我地叫咗燒肉時光套餐$698🥩食燒肉一定要食牛😏，呢個套餐超多款牛，有澳洲和牛肩肉、蔥蔡蒜牛五花、牛舌、牛小排、彥腸牛肉，仲有大蝦添。孖寶非常鍾意彥陽牛肉，因為用了梨汁和洋蔥汁醃製，特別香口好味，而且肉身軟淋，好啱小朋友食👍🏻。孖寶爸就鍾意澳洲和牛肩肉，大大塊啖啖肉，肉汁肥美又有牛味。我就鍾意牛小排，脂肪比例平均，食落嫩口。我最鐘意食韓燒係前菜同埋爐邊的蛋和芝士粟米都可以無限refill😍。泡菜整得好好味，好有韓國地道風味。另外蛋加上泡菜底堅正，令人回味😌。皇牌士多啤梨乳酸梳打$48🍓🥤涼薄荷乳酸梳打$48🌱🥤韓式乳酸梳打真係超好飲，又唔會太甜，又有果肉，孖寶飲不停口。草莓乳酪$48🥤質地似沙冰，食燒肉解喝一流。呢度賣點唔單止可以體驗韓服同埋玩playroom，食物亦非常地道有質素。雖然晚餐只吃了兩個半小時，但係感覺好似好咗轉韓國咁，勁開心，大人細路都好滿足🥰。…查看更多

雖然而家開放番晚市，但間間火鍋店都迫爆人🙈。唔想同人迫，其實可以賣返屋企慢慢嘆😏。一鍋堂就有🎊二人火鍋外賣套餐🎊，只係$368(再有九折），就有70多樣豐富食材任你揀，仲可以自選15款湯底添，又幾抵食喎！🍲一鍋撚手小菜選了麻辣豬耳和麻辣滷豆腐，麻味十足，醬汁都很足夠，可以當麻辣醬汁點添✌🏻。🍲自家用心豬骨湯底選了養生藥膳湯，藥膳味很香濃，好味又健康D🙌🏻🍲新鮮手作海鮮類手串生猛海蝦（4隻）、帆立貝（4粒）、是日推介海鮮（花甲），海鮮類可以選三款好正啊！海蝦非常新鮮，花甲鮮味彈牙，好滿足😌。🍲自家手打魚滑選了蟹籽手打墨魚滑 ，墨魚滑好嫩滑，爽口彈牙🍲肉丸類（每款4粒）梗係揀細佬佬最愛炙燒芝心包，芝士好juicy又香口，真係好好味🍲一鍋手作餃丸類（每款4件）選了彈牙魚皮餃、手打潮汕牛丸，兩樣都咁正！🍲唔食唔得精選八吋長蟹棒，真係好長好大件，好抵食😋，還選了爽彈豬皮。🍲精選進口肉選左兩set美國安格斯牛板腱🥰，牛味重又嫩滑，大人細佬都啱食。🍲新鮮蔬菜有油麥菜、娃娃菜、唐生菜🥬🍲自家製有營花果茶滋潤冰糖燉檸檬，清熱下火提神薄荷烏龍茶，抗氧化🍲粉麵類選了稻庭烏冬、薯粉，吸收晒湯底精華，好好味👍🏻。食材都非常新鮮，連配料也很齊全，有醬油、蒜蓉、蔥花、椒絲，真係同出面食一樣咁滋味😋。…查看更多

不喜歡吃high tea嘅孖寶爸，竟然約我去食下午茶，我當然即刻say Yes😆！ 今次去遠啲，去到炮台山的新酒店《歷山餐廳》high tea！這裡的宮廷式佈置很美啊❤️！ 而且有多個超美的打卡位。店員亦很熱心幫我們影相，服務很好👍🏻。下午茶是每位計算孖寶爸唔食high tea，就可以另外單點食物，啱晒佢地🥰佢叫咗辣肉腸薄餅$118《夢幻至臻下午茶》雖然是1人份量，但食物也很豐富☺️。鹹點、甜點亦整得很出色，除了茗茶咖啡，酒店還贈送萄葡氣酒，真是很驚喜🎉！最後還有Häagen-Dazs雪糕添，這個下午茶CP值很高呢！𝕯𝖆𝖟𝖟𝖑𝖎𝖓𝖌 𝕭𝖑𝖔𝖔𝖒 Afternoon Tea🫖🫕鹹點 Savouries鵝肝慕絲脆多士配魚子醬日式蟹籽沙律鹽燒檸檬牛油帶子香煎花椒吞拿魚炆鮑魚酥皮盒帕馬火腿芝士牛角包🧁甜點 Sweets士多啤梨芝士蛋糕鮮忌廉朱古力撻白酒橘子奶凍栗子泡芙芒果拿破崙Häagen-Dazs雪糕🥧英式原味鬆餅 English Scone配果醬及牛油忌廉☕️自選Tea WG 茗茶 or 即磨咖啡🥂每份下午茶套餐贈送一杯店選紅萄葡酒/白萄葡酒/氣泡酒…查看更多

一直都想去美孚饒宗頤文化館參觀下，難得週末得閒就去逛一逛。這裡佈滿著紅磚、白牆小屋，感受到濃烈的文化氣息。原來紅磚屋內隱藏著餐廳，而且有孖寶最愛的pizza賣呀，一於買返屋企先😋。Margherita / $138瑪嘉麗塔皇后薄餅🍕(馬蘇里拉芝士,巴西菜,蕃茄醬)✨雖然簡單配料也非常惹味，厚批香脆又有咬口，芝士和蕃茄搭配恰到好處，很開胃🥰。French Fried Baked W/Cheddar Cheese. Black Truffle Aioli / $58車打芝士焗薯條配黑松露醬✨車打芝士味香濃，薯條香脆，配上黑松露醬好滋味😋French Garlie Bread 10 pcs / $48傳統法式蒜蓉包10片✨蒜蓉味濃厚的蒜蓉包，共有10片好抵食。…查看更多

不經不覺同孖寶爸一齊咗20年，人生有幾多個20年🙊，點都要慶祝下🎉。超級掛住日本燒肉，今次就帶孖寶爸嚟到尖沙咀《燒肉臻》食日式燒烤，早前已被它的梯級式擺盤吸引到，真是非常期待🙌🏻！平時食燒肉，都忙著燒食物給孖寶，燒到很累。但這裡我們可選吧枱位置，就是店員會幫忙料理🥢，咁我同孖寶爸就可以舒舒服服享受燒肉了😌。孖寶爸當然點啤酒 黑啤$68 啤啤佢🍻，我就點了富士山柚子梳打$48前菜先來溫泉蛋豆腐沙律$68、七味鰩魚干$88、鹽醬青瓜漬$38、豚肉卷(泡菜)$68，已很有睇頭，令我們胃口大開😛。明太子釀雞翼$116我好鍾意呢道菜，雞翼脫骨後釀入明太子，啖啖明太子很足料，雞翼亦燒得好香口，食得很滋味😋。炭火雞$98用日本爐燒真係唔同d，整得好惹味，而且雞肉來自日本德島縣肉，特別嫩滑有雞味😋～黑安格斯M4西冷(200g)$458 ⭐️必叫⭐️呢個係自己燒嘅，燒幾多成熟自己調校，肉肉油脂分佈亦均勻，又夠淋身，點少許海鹽和燒肉汁已經好好味❤️。伊比利亞梅頭$78呢個一樣係自己燒，估唔到呢個梅頭肉好好味，燒到外層香脆，肉肉依然嫩滑，CP價很高👍🏻！甲羅燒$98 ⭐️必叫⭐️滿滿蟹膏，蟹味濃郁配上梳打餅，好特別的配搭，好過癮😆，味道亦很讚。鹽燒油甘魚鮫$158孖寶爸非常欣賞呢道菜，魚鮫佈滿魚油香味，魚肉蠻多，又夠嫩滑鮮甜，燒得恰到好處。滿滿骨膠原，我也很喜歡☺️。牛肉盛合（廚師發板）$368 ⭐️必叫⭐️重頭戲出場，原來牛肉都有廚師發板，好特別，梯級式擺盤非常吸引😍。有日本和牛三角胸小排、日本和牛背峰、美國牛肋條、美國牛小排、美國翼板、牛舌、牛心，還有南瓜和青椒。兩種日本和牛同樣油脂分佈均勻，肉汁濃厚，入口即溶，令人回味🥰。估唔到美國牛肋條、牛小排也不俗，很有肉味，肉身偏肥，咬落有爆汁感。最後來個活帆立貝$196 (2隻），非常滿足的一餐☺️。…查看更多

最近日日係屋企閉關，唔好話孖寶食屋企飯食到悶，我都食到好頹😞。哥哥突然想食肉醬意粉，咦！我諗起意粉屋的經典肉醬系列喎，細佬佬話諗起都流晒口水，於是孖寶爸即去了意粉屋買外賣✌🏻。意粉屋的肉醬系列之所以咁吸引我😍，因為佢嘅肉醬用咗升級食材同優質牛肉整嘅，牛味濃郁，而且油脂飽滿，煮成肉醬口感味道平均☺️。所以我哋揀咗「巴馬臣芝士肉醬意大利粉」，絕對係肉醬系列嘅首選👍🏻！另外仲叫左個「芝士焗肉醬千層闊麵」味道跟肉醬意粉很相似，但肉醬連埋闊麵一起吃，每一啖都是滿滿的肉醬好滿足。配搭意大利蕃茄，帶出牛肉及蕃茄鮮味，孖寶食得很滋味😋。 「蒜蓉脆包」亦是必叫食物之一！蒜蓉跟牛油分量恰到好處，孖寶最愛吃❤️。當然唔少得特色飲品💕，哥哥選了「草莓鮮果夢幻賓治」，甜甜地又有新鮮雜果咬下，好過癮😆。細佬佬選了「紅豆椰子冰配Häagen-Dazs雲呢拿雪糕」，冰涷嘅雪糕加上紅豆，口感豐富🥰。你哋會唔會好似我哋咁，每次食意粉屋都好滿足😆。…查看更多

最近疫情嚴峻，都會減少咗出街食飯🙈。前幾日去開旺角，在油麻地站A2出口一出就見到間外賣壽司店”饍壽司刺身專門店”，實在太方便了，忍不住買了壽司和手卷返屋企食😋。赤貝壽司、馬刀貝壽司、油甘魚壽司、吞拿魚壽司都只需$10😲仲好新鮮甜美，非常抵食✌🏻！價錢雖然平民，但全部壽司手卷即叫即做，絕對唔馬虎有我最愛吃的大蔥拖羅壽司🍣$28 赤蝦壽司$12帶子壽司$16，既肥美又鮮甜又好味😋呢度連比目魚邊壽司$12 都有得賣，而且好好味呀。我仲試咗海膽壽司$48，濃濃的海膽鮮味，值得一試🥰。另外還點了粟米沙律$12和軟殻蟹手卷$35 非刺身類比孖寶，弟弟大讚好味👍🏻！原來呢度仲有生蠔賣，而且價錢唔貴，下次一於試下先😏。…查看更多

沒有晚市的情人節, 早兩日趁週末賣甩小情人同大情人去咗將軍澳海傍的 "Seoulmate" 拍下拖食個飯chill下😎。餐廳環境寬敞，裝潢簡約，感覺很悠閒自在☺️。 我第一眼就睇中咗韆鞦椅來坐, 如果帶孖寶來一定好興奮啊!這裡有很多特色fusion菜, 真是每一樣都想食😍~最後選定了幾道菜。炸雞,甜辣魚糕串和紫菜卷配薯條$108 (午市套餐)無骨炸雞啖啖肉又香口，魚糕串甜辣醬整得好好味，還有紫菜卷和薯條，好豐富好抵食👍🏻。泡菜煙三文魚他他配酥炸脆球 $88香脆外層酥皮包著微辣泡菜和煙三文魚原來幾match，又很特別，加上酸忌廉醬更滋味☺️雙重軟殼蟹蜜糖芥末漢堡配薯條🍔🍟 $128軟殼蟹整得香脆又不會太油膩，加上蜜糖芥末好開胃，因為實在太好味，很快更KO了整個burger。朱古力烤自家製棉花糖🧉 $52 (熱) (午市套餐可減$20)溶化的棉花糖好有動感，非常吸引，朱古力又不會太甜，啱啱好。芒果奶昔雪山🌋 $48呢度嘅signature飲品👉🏻奶蓋雪山系列，一定要叫滿滿的芝士奶蓋，打卡一流又好飲🥰。…查看更多

我哋又食酸菜魚，今次孖寶爸都話Ichiban😆。餐廳裝修時尚有格調，坐得舒服😌。今次揀咗滋味2人套餐 $338，套餐包括涼菜、主菜、小菜和兩碗白飯，很滿足。涼菜 - 椒麻皮蛋中間蛋黃金黃色，皮蛋皮晶凝通透，擺盤很吸引❤️。配合蒜蓉花椒粒一起吃，很有濃郁的味道。主菜 - 十三少招牌酸菜魚🍲估唔到超級大碗，好震撼。材料十足，有爐魚、酸菜、土豆片、萵筍，好豐富呀！爐魚似走過油，很香口，配上帶有花椒香味的湯底🔥，辣辣地好正呀！小菜 - 麻婆豆腐正宗川菜的味道，有別於平常食那種，帶有麻香味道，豆腐亦非常滑溜，送飯一流。甜品 - 紅糖糍粑 (套餐+$28)外皮香脆，內裏是煙煙韌韌的糯米，加上黃豆粉和紅糖漿，很特別，有點像日式甜點。下次想試吓水煮魚🥰…查看更多

話說朋友即將移民，離別在即，梗係一齊去嘆吓三層架high tea。得知Greyhound Café的Afternoon tea以鹹點為主，啱晒不太喜歡吃甜點又想嘆吓high tea嘅朋友仔😏。Greyhound不單食物整得好味, K11 Musea分店仲有無敵海景添, 打卡一流😆！餐廳主打食泰菜, 而這個正正是泰式Afternoon Tea Set🫖。Thai-inspired Afternoon Tea SetFirst Bites先食第一層，有鮮香煎牛柳粒配香蒜汁、泰式辣汁青木瓜沙律、薄切三文魚配泰式辣汁，很清新開胃。Savoury Treats招牌脆炸單骨雞翼⭐️必食⭐️脆炸粟米蟹肉餅配甜酸醬👈🏻點解可以咁好味泰式沙爹雞柳串、豬柳串燒👍🏻點醬冇得頂泰式炸蝦餅魚餅球😌回味無窮炸越式蟹肉春卷👈🏻脆卜卜新鮮蔬菜沙律🥗fresh!泰式炸蒜魷魚🤩正到暈Sweet Surprise是日特選千層蛋糕芒果糯米飯朱古力布朗尼椰子紅寶石甜點不過不失，椰子紅寶石像椰子冰很特別，只是糯米飯略為硬些少。DrinksRegular Coffee/ RegularTea/ Greyhound Style Iced Lemon Tea/ Thai Iced Milk Tea/ Thai Iced Coffee朋友試咗泰式奶茶略甜，我試了泰式檸茶就偏苦😅第一次食泰式下午茶，兩個字"好味"👍🏻，整體CP值高，有下次☺️…查看更多

孖寶爸非常鍾意食酸菜魚，朋友介紹灣仔有間出名食酸菜魚，當然要去試下啦！餐廳裝修企理，坐得舒適。午市套餐主食可配搭白飯/菜飯/上海麵/擔擔麵/紅薯粉，好抵食啊😍！智尊金湯酸菜魚🐟 $68即使是套餐，份量也不少，大大碗好足料，魚片嫩滑又唔醒，而且不太辣，好送飯。四川水煮牛肉🫕 $65呢個有驚喜！上枱已聞到陣陣麻香味，牛肉充滿著麻辣味道，辣辣地好惹味。水煮牛配上紅薯粉，真係好match好好味。四川回鍋肉 $65回鍋腩肉好邪惡，不過整得惹味，連蔬菜都炒得入味，送白飯或擔擔麵都正呀！擔擔麵…查看更多