Christy LY Lok's Profile

抵食既日式火鍋放題！可以自選套餐我地試既呢個套餐有蝦 廣島蠔 特上牛肉 豬肉肉類質素唔錯 唔會好韌好鞋加十蚊個湯底唔值 勁淡我地仲試左壽喜燒同香辣湯底全部都係勁淡仲要之後加湯剩係有得加個鰹魚昆布湯佢地呢個整到係同水無分別出面可以拎魚同雞 仲有各款菇類 菜熟食有日式牛肉咖喱同白飯另外都有d汽水 蘋果綠茶同茶包咖啡有得自己整雪糕杯 同埋加toppings 😜所有野食都正正常常咁.- 廣島蠔牛肉放題 ($239)> 海老豚骨濃湯 (+$10)…Read More

一間有live band 既餐廳 ~（圖七）成間餐廳好闊落 坐得好舒服野食係好食既 不過賣貴左d.酒精飲品（圖二）我地試左個draught beer 同cocktail個cocktail 叫Amplifier mojito應該係呢度既bartender 自創既裡面加左house infused 既cinnamon rum我本身係鍾意cinnamon 既但個人認為佢放係一個咁清爽既野飲就會變左藥味 所以應該好多人接受唔到.Starter 既水牛城雞翼（圖四）有五隻味道改良左去配合香港人既口味 少左d 香料味扒活藍龍蝦扁意大利麵配濃香龍蝦汁（圖一）呢個好食！隻龍蝦大約一隻手掌大龍蝦味好香 個意粉醬就蕃茄味比較出d炭燒美國特級安格斯牛肉眼（圖三）塊扒燒得唔係好平均 叫左五成熟有d 位就黎全熟 有d 位太生另外 我地叫左扒叫先上既但後來話可以上塊扒之後等左半個幾鐘先發現原來個侍應無叫廚房上結果就要再等 😛.- Grilled U.S. Prime Rib-Eye Steak ($368)- Grilled Blue Lobster Linguine with Rich Lobster Cream Sauce ($298)- Buffalo Chicken Wing ($98)- Amplifier Mojito ($88)- Sapporo Draught(full pint) ($78)…Read More

去黃埔食台灣野！價錢唔貴 d拼盤算ok 其他我覺得麻麻.路邊攤拼盤（圖四）主要係炸野有四片台灣腸 兩粒炸花枝丸 少量鹽酥雞外皮係夠脆既 雞肉比較乾身鹽酥雞（圖五）係同拼盤裡面既一樣比較乾身 味道唔錯滷味拼盤（圖四）面頭有少少雪菜一顆切半既滷蛋 一舊滷豆腐 一d 大腸唔係好入味.紅燒牛筋腩麵（圖三）唔錯轉蕃茄湯要加$8 係好味既無假蕃茄味 同埋都幾濃下有新鮮蕃茄塊 都幾多牛筋 煮得軟腍關廟麵煮得軟硬剛好肉燥三寶乾拌麵（圖一）真係唔係好掂明明湯麵味道ok唔知點解同一款麵無湯陣味可以咁怪肉燥唔多 無咩味三寶係貢丸花枝丸同台灣腸丸就食得出係超市買既四海牌滷肉香酥排骨飯（圖二）排骨既皮係脆既 唔厚粉不過就無咩味 比較乾 同肉好少滷肉有兩三小粒咁啦 陣味唔正宗旁邊有少許配菜 半顆滷蛋 一個琵琶豆腐.野飲（圖六）係叫左野食之後加$10 就有既都幾抵 味道不過不失百香果綠茶係好酸既 無咩茶味古早味冬瓜茶 正常味道…Read More

講到小食，長洲絕對唔係剩係得芒果糯米糍架！呢一間隱蔽既舖仔雖然要行少少路先會到但絕對係值既 👍🏻.😍 鋪面好靚 ✨🍴 即整班戟 😎.👉🏻 招牌火焰牛油果 鹹味班戟 - $42（圖五）牛油果迷們絕對唔可以錯過呀熟得剛好既牛油果 加上蛋黃醬 再用火炙令到裡面既材料味道更加出 同埋好香 😽好少地方有得食鹹既班戟 仲有其他款可以試架！.👉🏻 比利時73% 黑朱古力 流心系列班戟 - $38（圖二）食完非常有滿足感既一款 😆裡面有棉花糖 同埋暖暖地既黑朱古力流心 🍫堂食外面有朱古力餅乾條同埋更加多既棉花糖 🙈再淋上朱古力醬 加$10 仲有Mövenpick 雪糕食！我就加左雲呢拿味雪糕 🤤質素相當唔錯 而且抵過外面百幾蚊果d 好多.除左班戟之外，呢度既飲品都非常值得一試.👉🏻 巨橙大切 - $28（圖六）巨橙大切上面有半個剝左皮既橙 😯中間督左個窿就有埋做杯蓋既功能 😌 夠曬心思佢並唔係一杯普通既橙汁 裡面仲加左薑汁飲落會有清新既感覺 味道非常夾 😁重點黎啦！！為左唔好溝淡杯橙汁，飲品裡面既冰都係橙汁黎架 🤯咁就可以keep 住凍都唔會越飲越淡啦.👉🏻 田園特飲 - $28（圖六）田園特飲係彩虹色既 🤓 打卡一流主要會飲到橙味，非常清新.老闆同老闆娘都非常友善，仲同我講起佢地既奶昔全部係用新鮮同埋真材實料去做既當中Oreo 香蕉奶昔係人氣之選 🤩一杯剩係$25 咋, 下次再去一定要試！…Read More

(去呢間一定一定要叫乳豬真係超級無敵好食)今個星期我去左La Paloma 食西班牙式既brunch 🤤 逢星期日仲有flamenco 既表演睇！（圖八）.首先會有六款既appetisers你有幾多個人食 個廚師就會將相對份量既食物放埋一齊上比你地share!- Mix Spanish Cold Cuts（圖三）👉🏻 ham shoulder, cheese, chorizo, olives and tomato bread個法包表面係脆既 唔係硬而有番茄洋蔥既部分無變到好soggy- Tartar De Atun（圖三）👉🏻 tuna tartar with avocado and toast上碟好靚 有薄同脆既多士吞拿魚唔會好腥個塔下面有一層guacamole方便你每一啖都會食到- Padrones👉🏻 fried padron peppers（圖四）唔辣的！佢裡面既質感係好似秋葵 味道似燈籠椒不過唔係脆既 係兩者既混合體- Patatas Bravas👉🏻 traditional spicy potatoes（圖四）超級好食一口size 既炸薯仔 配bravas sauce薯仔係新薯 炸得好脆個醬會主要taste 到paprika- Albondigas（圖五）👉🏻 beef and pork meatballs mama style直徑大約5cm 既肉丸 唔易散開唔會好乾 配上底部既蕃茄肉碎好好食 - Gambas Al Ajillo👉🏻 garlic and chilli prawns好濃牛油同蒜蓉味 你會覺得個味似曾相識似蒜蓉蒸粉絲扇貝既味道醬汁係香而唔鹹 蝦肉本身亦有味.兩款既主菜同樣係for 你share 既可以任加!!!!!- Paella Mixta👉🏻 mixed seafood and chicken paella（圖二）西班牙燉飯最難掌握既地方係點樣煮到個飯都熟 唔會太多水或者唔熟而佢呢個即叫即整既飯係剛好 有少量飯焦係外圈 裡面既飯唔會太乾或者太腍味道亦都好足 仲有唔少配料- Cochinillo（圖一）👉🏻 crispy suckling pig with broccoli and pork sauce好食到叫多一碟 ~個皮超脆之餘 個肉係好腍既而個pork gravy 好香配菜既炒菇同菜好入味 好食!!（圖七）係我地既第一碟 賣相無咁好但同樣係好好食 💕.食到呢度你已經會係好飽 但一定食得落 因為甜品有另一個胃 🤣🤤- Churros（圖六）👉🏻 churros with chocolate sauce and vanilla ice cream外脆內軟既吉拿棒 配上溶左微熱既黑朱古力 同mövenpick 雲尼拿雪糕幾飽都食到 😂.- Spanish Weekend Brunch ($350)加一: no…Read More

呢間Nathan Left 係面積好大同埋好多人去既一間酒吧餐廳我去果日仲有live band show 😮 （圖五）氣氛就唔錯既，睇下d 野食點👇🏻.個西班牙海鮮飯（圖一）要等半個鐘，係二至三人份量既味道唔係正宗既 但改良到好適合香港人既口味而上面仲要係有好多海鮮架！個龍蝦超大隻影完相想食呢 就會有店員幫你另外放好d 海鮮（圖三）其實呢道菜既難度都幾高 因為所有野都喺同一個pan 度煮而佢既飯煮得剛好 外面有d 飯焦 好食 👍🏻.鵝肝多士（圖二）上面有無花果醬 無花果醬可以落少d, 多士個底既balsamic vinegar 都係因為會overpower 左主角鵝肝既味道鵝肝未算入口即溶 同有少少渣但味道唔錯的.我杯野飲等左超過九個字係mocktail 叫Summer Punch係橙汁加汽水杯酒好酸不過店員話法國酒係咁既經理就話因為未breathe 夠雖然支酒果時已經得返四分一應該係我孤陋寡聞先提出無理訴求 😔因為佢地強調所有員工都係經過training 既其中一位店員全程gup 實我地 一舉一動都好留意令我餐飯食得好有安全感 😊 .- Lobster Seafood Spanish Paella ($448)- Pan-fried Goose Liver with Figs Chutney on Toast(full) ($188)- Château Galau 2014(H.H) ($74)- Summer Punch ($70)…Read More

元朗呢間凡直友里店舖面積唔大但有戶外既座位 加上佢係地舖 不時會傳黎煙味同會有蚊.講下野飲先啦（圖六）Fun movie 係一杯cocktail, 飲落酒精味唔重 味道係jelly beans 既爆谷味 再加少少菠蘿Bloody berries 係汽水 我幾鍾意 味道濃得黎又唔過份地甜 係雜莓既味道.我地叫左個小食 係炭燒雞翼（圖二）呢個我非常推介 雞翼夠入味 調味到位 微辣 個皮喺薄既位係脆既 表面有蜜糖甜甜地 脂肪溶曬會飆汁 🤤🤤🤤🤤.佢地menu 除左散叫都有set din既會跟個湯（圖五）果日既餐湯係忌廉薯仔湯旁邊塊蒜蓉包係好好食 係熱同脆既我地叫左個烤黑松露菌醬海鱸魚柳貓兒粉（圖四）個魚係超級好食 唔乾 個皮又脆 成個都幾大塊 同埋好夠味個意粉就無咩味 可以互相配合另外 我地加左個煎鵝肝（圖一）佢係比我想像中好食好多 裡面無渣 入口即溶 連埋多士食超級正.牛扒 🥩 （圖三）Menu 標榜呢塊係美國極佳級既黑安格斯肉眼扒 賣相極佳 但食落肉質偏硬 同埋有少少鹹配菜反而係好好食 尤其係個茄子 如果佢單獨出呢個我應該會叫 ~薯條係皮硬instead of 脆 無咩薯仔味.- USDA 1855 Black Angus Prime Beef Rib-eye 10oz ($298)- Grilled Black Truffle Paste Sea Bass Fillet Orecchiette ($178) - Pan-fried Goose Liver ($48) - Soup of the day ($0)- Char-grilled Chicken Wings ($68)- Fun Movie(H.H) ($62)- Bloody Berries(H.H) ($54)…Read More

觀塘出名多樓上餐廳有好野食今次去既登堂主打高級西餐同埋茶同咖啡 ☕️.（圖三）Menu 度茶果版度最大杯show 出黎既係個自家製冷泡伯爵茶接骨木花竹炭奶蓋茶呢個超長既名入面既咁多款材料 味道非常之夾 茶本身係無落糖既 靠個奶蓋比d 甜味佢 如果唔夠甜可以再問店員拎糖漿首先試試個奶蓋 口感細膩 味道都幾濃杯茶唔會苦澀 淡淡柑香同接骨木花既味道 唯獨唔係好感受到竹炭係邊而杯香檳係會係你面前斟比你既.（圖一）主菜既兩款pasta 都好特別 唔係平常會接觸到既同羊架一起上既係薩丁尼亞珍珠麵佢有煙韌既口感 唔錯既掛汁能力所以食落唔會無味 我幾鍾意裡面夾雜左d 炒過既嫩生菜 好好食！羊架可以揀成熟度既 我地叫左七成上到黎我覺得佢係a little bit on the raw side 同埋可以再多d 調味但本身個羊肉味係喺度既 唔會特別騷旁邊有薄荷醬可以同個羊一齊食上面有d arugula salad 跟balsamic vinegar 但我覺得個vinegar 有少少影響到個pasta 既味 因為佢好overpowering.（圖二）呢個意粉幾掂 不過食既時候一定要連埋配料 如果唔係會無咩味.- Roasted Austrailian Lamb Rack with Young Spinach, Cherry Tomatoes & Fregola Sarda ($308)- Strozzapreti with Fresh Crab Meat, Crab Roe, Chorizo in Light Tomato Cream Sauce & Sea Urchin ($238)- Botter Villa Delle Camelie Prosecco DOC Spumante ($78)- Home-made Cold Brew Earl Grey Tea Elderflower Bamboo Charcoal Cheese ($35)…Read More

呢度比我印象最深刻既 係佢地無論係野食定野飲都會加入港式既元素就連牛扒上面都有一朵洋紫荊花 🌸.第一次試鹹蛋黃risotto！（圖一）一開始食既時候覺得偏淡 但會慢慢食到鹹蛋黃既味道 而食得多都唔會覺膩裡面既西班牙辣肉腸同花枝片都為呢個飯增添左口感 唔會啖啖軟癟癟咁而法邊豆同南瓜既甜味亦襯托到蛋黃既香上面有三粒帶子 煎到表面金黃.呢塊10oz 澳洲M5 和牛無令人失望（圖二）剛好5 成熟 脂肪入口即溶 咬落肉質軟腍薯條香脆 唔會太乾荷蘭豆無草青味 無咩渣Gravy 唔會太多麵粉 但唔夠umami 味.我地叫左一杯cocktail 一杯mocktailIslay Blossom（圖三）主要會taste 到whiskey 同橙酒既香而Flower Fizz（圖四）係桂花糖漿加椰青水好fresh, 唔會太甜兩杯野飲既賣相都好有心思.- Grilled Austrailian M5 Wagyu Rib-eye Steak ($398)- Risotto with Chroizo, Cuttlefish Fillet, Roasted Pumpkin, French Beans, Salted Egg Yolk and Pan-seared Hokkaido Scallops ($198)- Islay Blossom ($138)- Flower Fizz(H.H.) ($78)…Read More

係旺角既柒拾Noodle&Grill 裡面有得食車仔麵同埋燒烤，一大堆人去就個個都啱食👌🏻我地就無試到車仔麵啦 因為一個燒烤套餐就夠曬飽luu店員會幫你開爐, 同你run through 一次點樣烤, 然後你就可以自己試下啦首先要塗上燒烤醬，然後再按你喜好撒d 孜然粉或者辣粉我就怕辣既 覺得孜然粉本身已經有少少辣架啦另外仲有蜜糖比你自己落海鮮呢就可以落餐廳提供既經過調味既蒜泥 👍🏻 勁好食 似撈冷麵會落果d野飲我地就叫左一杯洛神花茶同埋蝶豆花茶賣相好靚 仲要好大杯gah!洛神花茶唔會太甜但又夠味而蝶豆花茶就本身比較淡 店員話可以自己加蜜糖黎調味我覺得春卷同和牛粒係最好食既因為春卷好快熱 燒出黎個皮係脆的 ❤️牛粒好香牛味 肉質唔硬海鮮黎講呢蝦就最快熟既 本來就已經會帶鮮鹹味 鍾意重口味d 既都可以加蒜泥或著孜然粉黎食其他海鮮會出現痴殼既情況 不過味道就無因此受影響 都係好食的**老闆娘提我地 話燒蠔既時候要放側邊否則可能會令蠔殼爆裂架另外我都幾鍾意佢地呢度每一張檯上面都有可伸縮既抽風機 件衫食完都少d 油煙味 👍🏻而供燒烤用既各種工具都多，好方便.燒烤set 有：一口鹿兒島和牛粒、冬菇、翠玉瓜、粟米牛丸、龍蝦丸、魚蛋、魚肉春卷、獅子狗扇貝、廣島蠔、鮑魚、虎蝦…Read More

一行入去以為得好細間 原來樓上仲有位坐低即刻有一d 烚熟既東風螺仔食唔知係唔啱食定點我唔係好鍾意個豉油等個雞煲出既時候就可以溝定個豉油醬料啦 基本配料都有齊 可以自己揀.佢地會係你面前整熱返個雞煲個雞煲係可以自己揀辣度既 我地揀左微辣雞件算幾多肉 個味底會甜d 有綠色燈籠椒同紫洋蔥 兩樣都係加重甜味既野雞煲好夠味 同埋裡面有好多蔥 所以食落好香食食下覺得想食飯 所以就問有無得加飯啦 點知原來無 不過都好 留返個肚食火鍋跟著唔知點解我地食食下就勁快出左個for 火鍋既海鮮拼盤可能要解凍？？.食完雞煲就到火鍋 呢度既套餐包埋個龍蝦湯底🦞龍蝦湯底裡面有原隻波士頓龍蝦！**注意d 海鮮唔好煮太耐 會變乾身唔好食架佢地有張紙教你每樣海鮮需要煮幾耐跟著佢煮應該就無錯的了我地個海鮮火鍋拼盤裡面有鮑魚 帶子 廣島蠔 蟶子 蜆 海蝦 魚片係不設指定海鮮款既 我覺得可以再洗得乾淨d個魚片同廣島蠔幾好食仲有其他肉類應該係牛肩胛 羊肉片同豬肉片 仲有幾粒好硬既唔知咩豬肉片無咩脂肪 肉質較鞋但健康好多羊肉同牛肉係超級好食！除左肉類當然唔少得菜啦我覺得佢地既蔬菜藍放得好美觀裡面有成四款菜 全部都唔老菇都有 仲要有好多款 試埋佢地自家製既水餃同手打丸牛丸、貢丸、墨丸、魚皮餃、雲吞、水餃、白菜豬肉餃、韓式泡菜餃咁多款裡面我最鍾意墨丸其他陣味幾好 但我唔鍾意個質地 好多粉不過同行既友人就覺得唔錯 可能純粹唔啱我口味炸野都有 響鈴佢地自己炸既 唔會好油膩 質地比平常既厚實另外仲有炸魚皮 都keep 到個脆食曬話埋單之後 仲有甜品食西瓜唔係基因改造既無核西瓜 🍉 好甜食埋粒迷你綠茶糯米糍夠曬飽！.- 醬介 ($10)- 海鮮餐 + 半個雞煲 ($338)…Read More

我地叫左個半任食火鍋海鮮套餐前菜有胡麻醬豆腐同涼拌木耳木耳勁好食！份量都唔細，剛好可以係上主菜前食完刺身拼盤無論係賣相定味道都幾唔錯然後再有兩道熱食，花膠鮑魚同蒜蓉粉絲蒸蟶子兩個都係好好食 花膠燉得夠腍 而鮑魚唔會太乾 夠入味 仲有西蘭花做伴碟蟶子都幾大隻 蒜蓉味道好夠！.主菜一係雞煲！係食緊前菜既期間，店員會幫你即時煮個雞煲，可以無限加雞既佢地有得揀辣度 我地先係叫左bb辣 試試水溫先到食得既時候 店員會落埋豬皮 麵筋 水魷索曬汁真係好。好。食。味底係有d 麻辣既 一開蓋已經聞到好香 裡面仲有好多洋蔥 蒜頭 花椒 辣油雞肉好入味 但都仲有雞味 食落唔覺太油膩 唔鞋口唔乾身我地食完決定試埋唔辣既雞煲佢地係裡面會落多左其她既香料同芫茜食落同有辣既雞煲一樣夠濃味.無論係雞煲定火鍋 店員都會幫你換新既鍋我地既火鍋叫左皮蛋芫茜湯底，飲落鹹淡濃度剛好 有一粒切半既皮蛋同芫茜菜呢個火鍋係可以任加配料既，不過唔洗即刻揀因為轉火鍋既時候已經會即刻比曬所有材料你試 唔夠可以再加！另外都有要加錢既各款海鮮配料款式好多，當中我最鍾意個牛肉同龍躉牛肉香口脂肪分佈平均 龍躉膠質重 魚肉嫩同新鮮！其實全部海鮮都好正，食得出係新鮮食到飽曬之後，仲有甜品食，係一碗黑蜜愛玉凍佢地仲好花心思咁加上幾粒青提乾做點綴.另帶一提所有店員都好nice!!!同埋用既碗碟都有好特別既圖案係上面 🤣🤣一定要再去！！.- 成人任食套餐 ($338)…Read More

呢度適合返完工返完學想好好relax 下既人 燈光昏暗 播住輕快既流行音樂 飲杯cocktail 真係幾舒服佢地總共有四杯cocktail 同mocktail each, 全部都係bartender 自創既，當晚剩係提供各兩款，於是我地就試左d cocktail 啦等左十五分鐘先黎到，兩杯都幾strong, 味道係非常之夾第一杯China Trap House 同中式茶杯上, 主要係bacardi gin 同綠茶, with a bit of orange liquer, 可以taste 到d apple juice, 唔會太甜Hotel California 賣相非常好, 主要係taste 到whisky 同pineapple, with hints of honey and mint我絕對推介佢地既cocktails 👍🏻.在十五分鐘後上左個干邑龍蝦湯唔鍾意酒既人可以放心裡面唔會好飲到酒味廚師專登整得淡d 比你自己落鹽 按自己喜好落table salt and pepper裡面有半粒蝦同埋龍蝦一人份量剛好再半個鐘之後上左個帶子意粉裡面有三粒好大既北海道帶子 同好多絲瓜Presentation wise 有d 亂 絲瓜切塊可以細d 意粉偏鹹乾濕度適中 夠入味半個鐘之後上埋最後既西班牙黑毛豬扒賣相唔錯 配菜既手指薯仔好好食 荷蘭豆同個gravy 陣味好夾 側邊既pineapple salsa 係食既時候點少少 可以提升到味道既層次豬扒都幾大塊 味道偏淡，我地用左table salt 再調味廚師建議七成熟，食落肉質唔硬 肥膏會出油 🤤 外皮有少少脆.想另外提一提佢地既staff 全部都好nice令到成個experience 感覺良好 ☺️.- Grilled Spanish Pork Loin Steak ($258)- Hokkaido Scallops Linguine ($168)- Congac Lobster Bisque ($89)- Hotel California ($118)- China Trap House ($118)…Read More

今次破例 講野食之前要講下佢地既座位先 🤣位於尖沙嘴既 #禾牛薈火煱館 係一間出名打邊爐食牛肉同埋多款式健康湯底既餐廳一坐低第一時間覺得正既位, 係有獨立電視！有得自己轉台 📺 坐卡位都好舒服 張櫈有d 污糟 不過抹一抹就無事啦之後 即刻會有店員黎比一個巨型既盤你入面就裝左成九款唔同既配料 比你加入去本身比左你既豉油度有蒜蓉、蔥、芫茜、辣椒粒、炸蒜粒、XO醬、沙嗲醬、腐乳、辣油點都有一款係啱既 😂 經過一番試驗，我地發覺加蒜蓉、蔥、XO醬同沙嗲醬係最好食既如果怕油既話就儘量唔好拎面果d 啦 好多油 🏊‍♀️ 份menu 有好多野揀, 除左平時既肉類海鮮菜既配料之外，仲有小炒同點心🧐刺身都有🧐贏曬 🌚落完order 等左大約十分鐘就上左個湯底裡面有好多椰子 粟米 紅蘿蔔 雞肉（帶骨的）飲落唔係味精湯底 好順喉 🤤之後既配菜都上得好快 份量係同個價錢成正比既罐裝類飲品就相對比較貴 大家可以選擇試下佢地自家製既飲品！特別想提一提佢地既牛肉 menu 上面係無寫明牛肉既部位既, 只有價錢同等級既分別我地今次試既係本地招牌手切肥牛，脂肪分佈相當濃密，入口亦好有牛既香味，值得一試呢度試過既野食都唔錯 唯一就係有d 貴.- 茶介醬料x2 ($50)- 健脾養顏椰子雞湯 ($188)- 本地招牌手切肥牛(例) ($258)- 西班牙橡果黑毛豬片 ($138)- 秀珍菇 ($48)- 蘿蔔 ($38)- 天津娃娃菜 ($38)- 白飯 ($12)- 無糖可樂 ($18)…Read More

一個有野玩有得食既地方我地就食完先去玩geh去既時候剛剛完左個新年套餐 所以就試左佢地時不時會轉既晚餐啦呢度係整好多粟米南瓜湯 有粟米粒粒 鹹淡濃度都好合適今次既湯 亦都食到南瓜味番茄大蝦意粉 份量剛好 醬汁甜左d 但茄膏同番茄既比例都唔錯，有三隻蝦 有挑蝦腸 肉質夠實佢地既特飲都唔錯 雖然甜但心情好當然就要飲甜d haha.- 西日式番茄大蝦意粉 ($76)- 跟餐)- 藍柑柚子星空梳打 ($19)- 檸檬黑加倫子梳打 ($18)加一: No…Read More